मैया जनता भवन आव आसामनि गिबि मन्थ्रि आ आसामनि
दैबाना नि थासारि नि सायाव मोनसे खौरांमेल खुङो, खौरांमेल नि गेजेरजों गोबां
बाथ्रा फोसावो, दैबाना याव बिजाब फोर खोमाना लानांनाय फरायसा फोरनो रायजो सोरखार आ
1 रोजा रां नि मदद होगोन, 1 लाख 1 रोजा 5 जौ 39 फरायसाफोरनो बिजाब बायदिफोर बायनो
थाखाय रां खौ होगोन, लोगोसे दैबाना जों खहा जाजानाय नखर फोरनो 3 रोजा 800 रां बो
होगोन होनना बुङो, 1 लाख 89 रोजा 752 नखर नो होगोन। मखजाथावदि बिथाङा बुंनाय
बादिब्ला 34 जिला नि 9 रोजा 980 गामि नि 89 लाख 29 रोजा सुबुंफोरा दैबाना नि जेंना
जों मोगा मोगि जानांदों, 25 रोजा नि बारा नखर नि नफोरा आबुङै खहा जाजादों, 195
सुबुंफोरनि बो जिउ गोमादों बे दैबाना याव, खननै गोलाव सम जानाय दैबाना याव 7 लाख
नि बारा सुबुंफोरा सोरखारि आरो सोरखारि नङि फसंथानफोरा केम्प महरै बानायना थादों.
बिथाङा बुंदों खहा जाजानायफोरखौ सोरखार आ आबुङै मदद खालामगोन होनना, बेनि थाखाय 20
जुलाई निफ्राय 10 सान नि थाखाय मन्थ्रि फोरा खहा जाजानाय ओनसोलफोराव दावबायहैगोन
होनना बो बुङो।
बितिआर ओनसोल आव हा माफिया या बारा जादोंनामा,
सोर पुलिस सो सोरखारि मावथि बेफोरखौ गोसो होआ नामा हा माफिया या। साधारन सुबुंफोरा
थ गोजान नि बाथ्रा, सोरखारि हा खौ बो दखल खालामदोंनामा. गोबां सुबुंफोरनि अजद नि
बादिब्ला सन्दन पाल एन्द कम्पानि आ सालायदों बे हा दखल खालामनायखौ, बेसेबां सैथो
बेखौ नायबिजिरनायनि उनाव सो मिथिगोन। BTR
नि गाहाय सदर सहर कक्राझार नोगोराव थानाय 5 बिघा नि बारा दै फुंखा (Water Resources) बिफाननि हा खौ
दखल खआलामना लानायनि अजद, बे हा याव बिफाना बाउन्डारि वाल लुफुंनो लानायखौ
फालांगियारी सन्दन पालनि फंबाय सन्जय पालआ गोख्रों बादा खालामना पुलिस आरो दै
फुंखा बिफाननि मावफारियाफोरनि थर्क बिथर्क थासारि सोमजियो। जाथाय थिलियाव खामानि
मावग्रा लेबारफोरखौ हा दालालि सन्दन पालनि फंबाय सन्जय पालआ बादा होफैनायाव
थासारिआ दुंहाव थासारि सोमजियो। जाथाय
जानाय जायगायाव कक्राझार सार्केलनि बिबानगिरि राहुल पुखन आरो दै फुंखा बिफाननि
इक्जिकुटिभ इन्जिनियार राजु ब्रह्म आरो दै फुंखा बिफाननि मावफारियाफोरजों थर्क
बिथर्क जानायनि उनाव हा दालाल सन्जन पालआ जाथाय थिलिनिफ्राय खारलाङो। मख’नो गोनांदि दै फुंखा बिफाना सोरखारनि हाखौ
माब्लाबाबो हगारनो हाया होन्ना हुमखि होयो ।
चिरां
नि भारत भुतान सिमना याव गुलि गावनाय जाथाय, हाग्रा बिफान नि सुबुंफोरखौ गाज्रि
सुबुं फोरा गागोलबनायनि थाखाय गुलि गावनाय जाथाय। सिमना नि सान्तिपुर नि हाग्रा
बिफान नि सुबुंफोरखौ गाग्लोबदोंमोन, थासारि खौ कनत्रल खआलामनो थाखाय नो गुलि खौ
गावनांगौ जायो, काथ लाबोनाय गंसे त्राक जब्द खालामनाय समाव नो जायो जाथाय आ, आखाय
आव गोबौ हाथियार जों हाग्रा बिफान नि सुबुंफोरखौ गाग्लोबनो नागिरदोंमोन, गावनि
रैखाथि नि थाखाय 11 ता गुलि गावदोंमोन हाग्रा बिफान नि सुबुंफोरा,
जाथायसालिनिफ्राय सिखा, रुवा, लावथि, हकि स्तिक बायदिफोर मोनदों। जाथायखौ लानानै
थासारि आ दुंहाव जादों।
भारत
उदांश्रि सोमावसारनाय आव बाहागो लानाय नेवलाराम बर बिथांनि जिउ आ गोमाबाय। बाक्सा
जिला नि बरमा नि नेवलाराम बर बिथाङा 1915 मायथाई आव जोनोम जादोंमोन, मैया बिथांखौ
जोबथा बिदाय होयो, 107 बोसोर बैसो आव जिउ गोमायो होनना मिथिना मोनदों। उन्दै
समनिफ्राय नो मोजां आखु नि मोन, बेफोरबायदि नि थाखाय नो मोजां मुं मोनदोंमोन होनना
बुंदों जायगा नि सासे बैसो गोरा सुबुंआ, जेबो बेराम फोर गैयामोन होनना बो बुङो,
बिथांनि जिउ गोमानाय आव ओनसोलनाङैनो दुखु मोननाय खौ फोरमायो।
गुबुनफारसे
गुवाहाति अल ईन्दिया रेदिअ आव मेथाय रोजाबगिरि रेदिअ आर्तिस रजिता बर बिथांनि बो
जिउ गोमाबाय होनना खौरां मोनदों। मैया बेलासि सम आव जिउ गोमानायनि खौरां मोनदों,
गोबाव सम निफ्राय किदनि नि बेराम जों जुजिगासिनोमोन। गुबुन गुबुन देहाफाहामसालि
फोराव बेरामि खौ लांनानै फाहामथाय होबोगासिनोमोन।
सनिबारखालि
भारतिय जनता पार्ति नि दैदेननाय एनदिए आ लेङाय हादरगिरि नि बिसायखथि नि थाखाय
बिजाथि महरै सोनाब बंग नि राज्यपाल जगदिप धनखर बिथांखौ फोसावनानै होबाय। दोलो नि
सावरायलायनाय नि उनाव नो 71 बोसोर बैसो नि धनखर बिथांखौ फोसावना होयो बिजेपि नि
आफादगिरि जेपि नद्दा बिथाङा।
दिनै
दिमाकुशि आव मिथिंगायारि खैफोद आव गोलैनाय सुबुंफोरखौ हेफाजाब होनायनि मुङाव फुतबस
गेलेनाय बादायलायनाय जागोन। आईएलएस आई लिग गेलेनाय गोबां मुंदांखा गेलेगिरिफोरा
बाहागो लागोन बे गेलेनाय आव, हलिचरन नार्जारि जों लोगोसे दुर्गा बर, बावरिंदाव बद
बिथांमोना बो बाहागो लागोन, बेखायनो फुतबस गेलेनाय नायनानै मोजां मोनग्रा गासैबो
सुबुंफोरखौ दिमाकुसि आव जानो गोनां गेलेनाय खौ नायनो थाखाय गोबां सुबुंफोरा नो
खावलायदों, तिकेत नि बेसेन खौ गुबुन गुबुन थाखो बादियै रानना होदों। बेनि मोननाय
रां खौ मिथिंगायारि खैफोद आव गोग्लैनाय सुबुंफोरनि थाखाय बाहायनाय जागोन एबा
बिसोरखौ मदद खालामगोन।
आसाम
आव द्राग्स जों सोमोन्दो थानाय 90 जौखोन्दो सुबुं आ नो मुस्लिम। बेखौ सासे मुस्लिम
एमएलए आ नो बुंदों, बारग मन्थ्रि सिददिक आहमेद आ बुंनाय बाथ्रा या सोमोनांहोदों
बयखौबो, लोगोसे बुंदों- बे बाथ्रा खौ बुंनायनि थाखाय मुश्लिम सुबुंफोरा गाज्रि
मोनगोन, मखजाथावदि आहमेद नि सासे गोजान नि सोमोन्दो नि जानाय फंबाय आ द्राग्स जों
सोमोन्दो थानायनि हमजादोंमोन, दायो बिखौ हमथानो हाया जालांबाय। गुबुनफारसे
करिमगन्ज आव प्रसासन नि होखारनाय सुबुंफोरनि जानानै बुंदों, होखारजानायपोरनि हा नि
पत्ता दंखायो, थेवब्लाबो मुश्लिमफोरखौ ल होखारदों होनना बो खौरांगिरिफोरनि सिगाङाव
बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon