22 बोसोर नि उनाव न्याय मोनबाय 1999 मायथाई आव
साख्रि मोननाय 302 फोरोंगिरिफोरा। 1999 मायथाई आव जिला सोलोंथाय अफिसार आरो
फरायसालि ईन्सपेक्तर आ साख्रि खौ नलबारि जिला याव होदोंमोन, बै सम नि नलबारि नि
गुदि आरो गेजेर ईंराजि फरायसालि आव साख्रि खौ होदोंमोन, बै सम नि फोरोंगिरिफोरा 2003
मायथाई नि बितिसि आव हाबो आरो गोबां जेंना जों मोगा मोगि जानाङो, बेबायदि नो 2008
आव सोरखार आ बोखारो आरो बेनि थाखाय 2015 मायथाइ आव बिजिरसालि नि बिथोन आव फिन
साख्रि आव थसनफिननाय जादोंमोन, गोबां जेंना जों मोगा मोगि जानायनि उनाव बिथांमोननि
साख्रि खौ रेगुलार खआलामना होयो। BTC सोलोंथाइ बिफाननि
बान्जायनायाव कक्राझार कमार्च कलेजनि जथुमसालियाव BTC नि गाहाय प्रमद बर'आ बाक्सा जिल्लानि तामुलपुर, बाक्सा आरो बर्मा ब्लकनि सिङाव थानाय सा 103 बड' आरो सा 199 असमिया बिजोंनि गासै सा 302 LP &
UP फोरोंगिरिफोरनो साख्रिआव अरायथा थिसनलाइ रान्नानै
होयो। बे हाबाफारि
आव नो बाहागो लानानै बितिआर नि गाहाय प्रमद बर बिथाङा बितिआर आव थाबैनो स्पेशियेल
तेत आ जागोन, बेखौ खुंनो थाखाय खामानि खौ मावगासिनो आरो थाबैनो बेनि खामानि आ
जागोन होनना फोरमायो। बिथाङा बितिआर नि गोबां गुदि फरायसालि फोराव फोरोंगिरि नि
आंखाल जानायनि सोमोन्दै बो बुङो, तेत नि गेजेरजों बेखौ फोजोबस्रांनो हागोन खौ आसा
खालामदों आरो लोगोसे गुबुन बिफाननि
थिसन्थाय बिलाइखौ दान्थामनि गेजेराव होजोबगोन होनना बो बुंदों बिथाङा।
बे बोसोर आव मेत्रिक आव गिबि थाखो एबा 1ST DIV मोनोब्ला नो आनन्दराम बरुवा बान्था खौ
मोननाय नङा, बान्था खौ मोननो थाखाय खमावनो स्तार मोननो नांगोन, स्तार माने 75
जौखोन्दो, बेनि खम मोनोब्ला बे बान्था खौ मोननाय नङा। बेखौ सेबा या मैया फोसावनानै
होबाय। मखजाथावदि आगोलनि समाव 60 जौखोन्दो नि फोरा बो मोनोमोन, नाथाय थांनाय 2-3
बोसोर सो निफ्राय 75 जौखोन्दो मोननाय फोरनो सो होबोगासिनो सोरखार आ बे बान्था खौ,
जायफोरा बे बान्था खौ मोननायनि जग्य बिथांमोना सेबा नि वेबसाईत SEBAONLINE.ORG आव थांनानै
आनन्दराम बरुवा बान्था याव थुनानै लग ईन खालामनो नांगोन आरो बेनि उनाव बेंक नि
दितेईल्स होनो नांगोन, बेंक नि होनाय आ गासैबो गावनि मुं नि नो जानो नांगोन, गुबुन
नि खौ होयोब्ला जानाय नङा होनना रोखा खालामना होखादों, आनन्द राम बरुवा बान्था नि
गेजेरजों सोरखार आ फरायसाफोरनो 16 रोजा रां होगोन।
मैया मेत्रिक आनजाद नि बहि नायफिनहोनायनि रिजाल्त खौ फोसावना
होबाय। सानै फरायसा या सेबा नि गोरोन्थि नि थाखाय तप 10 आव जायगा मोनाखैमोन थांनाय
रिजाल्त फोसावनाय आव, बे खनसे आव रिचेक खालामफिननाय आव सासे आ 6 थि आरो सासे आ 10
थि नम्बर आव थानो हादों। गोबाव जाबायब्लाबो जायगा खौ मोननो हाबाय। बहि नायफिननाय
आव जायगा मोननाय फरायसाफोरनि मुङा 6 थि आव प्रार्थना दत्त आरो 10 थि आव अबिनाश
शहरिया या जायगा मोनदों, प्रार्थना या शिबसागर नि आरो अबिनाश आ दरं नि सिपाझार नि,
अबिनास आ नायफिननाय आव सानखान्थि आव 100 नि गेजेराव 100 मोननो हादों, आगोलाव बिनो
53 ल सो होदोंमोन, गुबुनफारसे प्रार्थना या बिगियान आव 100 नि गेजेराव 99 नम्बर
मोननो हादों, आगोलाव 67 ल सो होदोंमोन, सानैबो नम्बर खौ नुनानै गोजोनै नि थाखाय
नायफिनहोयो,
बाक्सा निफ्राय नारें लेबु दैथायहरदों लन्दन आव, मैया
सुक्रबारखालि बाक्सा नि मुशलपुर निफ्राय हरनायखौ बेखेवो। जिला नि जिला बेंगिरि
आयुश गार्ग आ बेखौ बेखेवना होयो, निलासल एग्रो प्रदिउसार कम्पानि लिमितेद नि
बान्जायनाय आव बानायनाय 4 रोजा सो नारें खौ दैथायहरो. जिला बेंगिरि आ फ्लेग अफ
खालामनानै बाक्सा नि आबादारिफोरा दानिया आबाद खालामनाय आरो फाननाय आव जेबो साननो
गोनां गैया होनना बुङो, गासैबो आबादारिफोरा गावनि दिहुननाय गासैबो खौ जिला आबाद
बिफान नि गेजेरजों जगाजग खालामनानै फाननो हागोन। आबादारिफोरा सानफ्रोमबो 1 रोजा केजि
नारें लेबु दिहुननानै हरनो खावलायो। गुबुनफारसे निलासल एग्रो नि गाहाय मानस प्रतिम
कलिता या बाक्सा नि जिला बेंगिरि नि मदद आव सो गुबुन हादर आव दैथायहरनो हादों
होनना फोरमायो।
नेशनेल लेबेल नि बुहुमफरायसालि नि फारिलाय आव गौहाति
मुलुगसोलोंसालि आ मोजां नम्बर आव जायगा मोनदों। NIRF रेंकिं आव 36 नम्बर आव दं गौहाति मुलुगसोलोंसालि आ, भारत सोरखार
नि सोलोंथाय बिफान आ बोसोरफ्रोमबो बेखौ फोसावो। बे बोसोर आव बुहुमफरायसालि, कलेज,
आईआईति फोरखौ लाफानानै गासै 7254 सोलोंथआय फसंथानफोरा बाहागो लादोंमोन, मोन 5
गाहाय आयदा नि सायाव गोसो होनानै बेखौ फोसावो। बेयावनो गौहाति आ 36 नम्बर आव दं,
मखजाथावदि थांनाय बोसोर आव 45 नम्बर आव दंमोन बेयो, आसामनि नि तेजपुर
बुहुमफरायसालि आ 59 थि नम्बर आव दं, गिबि नम्बर आव बांगालुरुनि ईन्दियान
ईन्सतितिउत अफ सायेन्स आ दं। गासैबोनिफ्रायनो जुदि तप 10 खौ नायो अब्ला बे तप 10
आव जायगा मोनदों आईआईति गुवाहाति आ, 8 थि नम्बर आव दं, गिबि नम्बर आव आईआईति
माद्रास आ दं। ईन्जिनियारिं नि ल आव 9 थि आव दं होनना मिथिना मोनदों।
साननै सिगाङाव
बितिआर आव बो सानै सुबुंफोरनि देहा याव जापानिस एकेफेलाईतिस बेराम खौ मोननायनि
खौरां खौ होदोंमोन बेनिनो सासे आ बर, सिरां आव सासे बर आयजो नि देहा याव गिख्रंथाव
Japanese's
Encephalitis बेराम। 55 बोसोर बैसोनि
सासे आयजोनि देहायाव गिख्रंथाव Japanese's Encephalitis बेराम। सिरां जिल्ला सिंआव थानाय दालिगावन, हाथिफुथा
गामिनि थागिबि दमनथि औवारिया 22 सान सिगांनिफ्रायनो गोब्राबयै Japanese's Encephaliti बेरामजों
बुगिनांनानै दं। दमनथि औवारि
खौ BONGAIGAON
LOWAR ASSAM, फाहामसालि ICU आव दा सानदि
फाहामथाय होगासिनो दं। आसाम सोरखार आ बेजों जुजिनो थाखाय गिदिर फोसावना होदों, उफ्रा यै 10 ता
जिला देहाफाहामसालि थियारि खालामदों रायजो सोरखार आ, बेखौ मन्थ्रि केशब महन्त आ
फोसावना होदों। 10 ता देहाफाहामसालिफोराव गोनां जानाय फाहामथाय, मुलि आईसिईउ जों
लोगोसे गासैबो सुबिदा थागोन होनना फोरमायो बिथाङा।
खैराबारि दख'रा दुलाराय बर' फरायसा आफादनि
बानजायनायाव दिनै बर' बिजोंजों फरायनानै मेट्रिक आनजादाव सेथि थाखोआव उथ्रिसार जानो हानाय आरो
हायार सेख'ण्डारीयाव
सेथि थाखोआव उथ्रिसार जानो हानाय फरायसाफोरखौ खैराबारिनि महिरंग फावथिनासालियाव
सानसेनि मेहेरगोनां हाबाफारिजों बरायो । बे बरायनाय
हाबाफारिखौ बेखेवनानै होयो अदालगुरि जिल्ला एबसुनि लोगो आफादगिरि मुस्रि रबिन्द्र
बसुमतारीया आरो हाबाफारियाव गाहाइ आलासि महरै बाहागो लायो मिरु एबसुनि लोगो
आफादगिरि मानगोनां मुस्रि खोरोमदाव वारीया । गाहाइ आलासि
महरै बाहागो लानानै मिरु एबसुनि लोगो आफादगिरि मानगोनां मुस्रि खोरोमदाव वारीया
थांनाय गोलाउ समाव बर' हारियाव बर' बिजोंनि
फार्से एबसुनि खामानि मावबोनायनि सायाव गुवारै बिबुंथि लाखियो । बर' बिजों आरो फोरोंगिरिफोरनि
जेंनाफोरखौ आबुंङै सुस्रांनो थाखायनो बिटिआर गोरोबथायाव 6.3 दफा लाबोफानाय
जादों जायजों बर' बिजोंनि
जेंनाफोरा आबुंङैनो सुस्रांजागोन । फरायसाफोरखौ जेसे हायो गावखौ बाउसोमनानै गुन
गोनां सोलोंथाइ लानो खावलायनानै इयुन जोलैखौ थुलुंगा होनायानो एबसुनि गुबै थांखि
होनना फरायसाफोरखौ
लानानैनो गेरेमसा बर' माहारि दानो थाखाय एबसुआ दिनैनिफ्राइ 35 बोसोरनि
सिगांनो थांखि लाखादों होननानै गावनि बेसेनगोनां बिबुंथियाव दाजाबदेरनानै बुंबावो
। बे बरायनाय
हाबाफारियाव फुंखा सुबुं महरै मुस्रि बोहैथि बर'( BEEO, खैराबारि
ब्लक) आरो भुमिधर बर' (DIS, भेरगाव)या बाहागो लायो । बे
हाबाफारियावने मिरु एबसुनिफ्राइ सुबुं फोनांजाब नेहाथारि बड'सा ब्रह्म, लोगो गेलेमु
नेहाथारि मिनिसोरां ब्रह्मजों लोगोसे अदालगुरि जिल्ला एबसुनि दैदेनगिरिफोर, ओनसोलनि
फोरोंगिरि, मेलेमजिबिफोर, दिथागिरिफोर
आरो फरायसाफोरनि बाहागो लानायजों हाबाफारिया मोजांङैनो जाफुंसार जायो । लोगोसे इउ.एन.
एकाडेमि बर्डजों बानजाइजानायाव बिटिआर आरो आसामाव थानाय गासै इउ.एन.एकाडेमिनि
थाखो 9 आरो 10 नि
फरायसाफोरखौ लानानै फरायसा जथुम खुंनाय हाबाफारियाव मिरु एबसुनि सोलोंथाइ नेहाथारि
मुस्रि सोमावसार बसुमतारीनि दैदेननायाव मिरुनिफ्राइ बाहागो लायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon