मोन6 हारि आ एसति
मोनसिगोन नामा, गाबोन 25 जुलाई खालि मोन 6 हारिफोरनो एसति होगोन होयि नि सायाव सावरायलायनाय
जागोन, आसाम सोरखार नि जईन्त सेक्रेतारि एसिएस बि सि दास बिथाङा मोन 6 हारि फोरनि
खामानि मावनाय फसंथान नि आफादगिरि नेहाथारि फोरनि सिम लाईजाम नि गेजेरजों फोसावदों।
ताई आहम, मतक, मरान, सुतिया, कश राजबांशि, आदिबासि एबा ति गार्देन आरो बारग ति
गार्देन नि फोरजों सावरायलायनाय जागोन। 25 जुलाई खालि फुंनि 11 बाजि आव दिसपुर नि
जनता भवन नि ग्राउन्द फ्लर नि सिएम ब्लक नि गिबि मन्थ्रि नि कन्फारेन्स हल आव नो
जागोन, बे हाबाफारि आव त्राईबेल एफायार्स(प्लेन) आरो ससियेल जास्तिस एन्द
एमपावारमनेन्त नि मन्थ्रि बिथांमोना बो बाहागो लागोन। थारैनो मा जामारगोन, मोन 6
हारि नो एसति नि मोनथाय होमारगोन नामा, ना बिसोरनो एसति नि मोनथाय होनाय नङा,
गोलाव सम नि दाबि खौ सोरखार आ मानिना लामारबाय नामा, बेनि सायाव एमपि भुवनेश्वर
कलिता बिथाङा साननैसो सिगाङाव मोनसे गिदिर बाथ्रा बुंदोंमोन, मा जामारो मिथिगोन
साननैसोनि गेजेरावनो।
आसामनि गिबि मन्थ्रि नि बिथोन— दैबाना जों खहा जाजानायफोरनो 7
आगस्त नि गेजेराव मदद खौ होनो नांगौ। मैया सनिबारखालि बे बिथोनखौ गासैबो मन्थ्रि
बिथांमोननो होयो गिबि मन्थ्रि आ, जिला महरै साफ्रोमनो बो बिबान होनानै खहा जाजानाय
सुबुंफोरनो मदद होनायजों लोगोसे बिबानगिरिफोरनि दोलो लांनो बिथोन होदों, दायो
रायजोफोरनो जि जोम, मुवा बेसाद फोर रानना होदों, खोलोब बादियै खहा जाजानाय नखरनो
3800 रां होगोन, आरो फैगो 7 आगस्त नि गेजेराव सोरखारि मदद खौ होनो बिथोन। उदालगुरि
नि बिबान खौ ईउजि ब्रह्म बिथांनो, तामुलपुर नि खौ सन्जय किषान, नलबारि नि खौ
नन्दिता गार्लोसा, बाक्सा नि खौ जोगेन मोहन बिथांमोननो होदों होनना खौरां मोनदों।
बर थुनलाइ आफादनि आफादगिरि तरेन बर बिथाङा बर बिजोंनि
फरायसालिफोरखौ थाबैनो सोरखारि खालामनांगौ होनना बुंदों, आसाम सोरखार आ जाय
फरायसालिफोरखौ सोरखारि खालामनो हायाखै बेखौ बितिआर सोरखार आ सोरखारि खालामनो
नांगौ, बेबयदिनो तेत पास जानायफोरखौ बो सोरखार आ साख्रि होनो नांगौ आरो धेमाजि नि
खौ कक्राझार आरो कक्राझार नि खौ धेमाजि आव हरनाय़ गुबुन बिजोंनि खौ बर बिजोंनि
फोरोंगिरि थिसननायय फोरखौ बो मोजां जायाखै होनना फोरमायो, थाखो 6 निफ्राय
सानखान्थि आरो बिगियान खौ ईंराजि रावनि लानो नांगोन खौ बर बिजोंनि थाखाय साननो
गोनां, लोगोसे बिथाङा बितिआर निफ्राय गामि दानखनायखौ जोंनो नाङा, गुबुन जौगानाय
हारि नो एसति होनो थांगासिनो खौ गाज्रि जादों होनना बो फोरमायो।
गान्जा फालांगि जों सोमोन्दो थानायनि दाय आव सा 7 कामाख्या नि
जिआरपि नि पुलिस खौ रिजार्भ क्लज खालामना होदों, मखजाथावदि गान्जा फाननो थांनाय
समाव नो पुर्न दास मुंनि सासे जवान खौ हमदोंमोन, 2 जुलाई खालि कामाख्या याव गंसे
रेल निफ्राय जब्द खालामदोंमोन गान्जा खौ, 2 जुलाई आव बिबान आव थानाय सा 7 पुलिस
फोरनि बेरेखा साजा नि बेबस्था खालामनाय जादों, रिजार्भ क्लज खालामजानायफोरनि मुङा—बलेन
बर्मन, अमल कलिता, प्रनब बसुमतारि, सत्य दास, शैलेन काकति, कुलदिप देका आरो ईशमाईल
आलि।
आसाम फिसारि देभलपमेन्त कर्परेशन नि साख्रि थिसननायनि केलेंकारि
नि बेरेखा गोख्रों एक्सन मन्थ्रि परिमल सुक्लबैध, फैगो 28 जुलाई नि गेजेराव नतिस
होनायनि उनाव फिननाय होनो हायाब्ला AFDC नि सा 217 मावथि फोरखौ सासपेन्द खालामनाय जागोन, हायलाकान्दि नि
जिला बेंगिरि नि मावखुलि आव थांनानै बेखौ बुङो, रायजो नि सिफ सेक्रेतारि आ
नायबिजिरनो थाखाय मोनसे कमिति दाना होदोंमोन सा 4 सुबुंफोरनि, कमिति नि रिपर्त नि
बादिब्ला 220 नि गेजेरनि 207 आ नो नंखाय मोन एबा आयेन बेरेखा यै साख्रि लानायमोन।
फैगो 28 जुलाई नि गेजेराव फिननाय होनो हायाब्ला साख्रि आ दानजागोन।
गंसे नखर
निफ्राय नो गंनै स्कुति लाना थांदों- जाथाय आ उदालगुरिनि बाताबारि गामि आव जादों। थांनाय
22 जुलाइ खालि हरनि
समाव गोबारै अखा हानायनि सुबिदा लानानै अदालगुरि जिल्लानि दिमाकुसि थानानि
बाताबारि गामिनि बिबुंसार दैमारि नि AS-27 D9979 नंनि आरो पुब
नावकाता गामिनि गोमसार बर' नि AS-28 D1509 नंनि गंनै Scooty खौ सिखावफोरा
गंसे नखरनिफ्राय नो खावनानै लाङो। गोबां खस्त खालामनानै बायनायमोन स्कुति खौ,
बेखायनो लांजानाय नखरा गोबां दुखु मोननाय फोरमायदों, दायो पुलिस थाना याव एजाहार
होनाय जाबाय। गोमाजानाय
दुखुथिया नखरा फोरमायहरदोंदि सोरबाफोर बहाबा नुसनोब्ला नैबे गाहायाव होनाय 6900382029/6000348361 जानबुं नं आव फोरमाय
हरनो थाखाय खावलायहरदों।
अरानाशल आव थांनाय आव जिरो आव गिथावना जाब्रबथाय आव जिउ गोमानाय
बर फिसा नगांव नि कन्दलि बरकछारि गामि नि नयन बसुमतारि नि गोथै देहा खौ न आव
लाबोबाय, मोनसे दुखुनांथाव थासारि, जोबथा बारनि थाखाय नायबाय बिमा या गावनि फिसा
खौ, थांनाय 18 जुलाईखालि बेरायनो होनना गावनि सा 3 लोगो फोरजों थांफादोंमोन नयन,
थांबाय थानाय समाव नो जाब्रबथाय आ जायो, जेराव सा 4 बो सुबुंफोरनि जिउ गोमायो,
नगांव नि कथियातलि नि गंसे सोरखारि नङि फरायसालि आव खामानि मावोमोन, लोगोसे बाईक
रायदिं बो मोजां मोनोमोन, ओनसोलनाङैनो दुखुनांथाव थासारि सोमजिदों बिथांनि जिउ
गोमानाय आव।
चिरां नि बिजनि नि अक्सिगुरि आव मैया बेलासि सम आव मोनसे
दुखुनांथाव जाथाय जायो, सारअन्थाय गावनाय आव सासे आयजो आ जायगा यावनो जिउ खोमायो
आरो सानै हिनजावसा फोर आ जोखोम जादों, थैनाय आयजो नि मुं खौ पिंकि काशुवा आरो
जोखोम जानायफोरखौ मिना उराउ आरो सन्जिता काशुवा होनना मिथिना मोनदों। सा 3 नि बो न
आ चिरां नि अक्सिगुरि नि उरांबस्ति आव, फोथार आव खामानि मावनानै न आव फैफिननाय
समाव नो जायो जाथाय आ, जोखोम जानायफोरखौ लोगो लोगो देहफाहामसालि आव लांनाय जायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon