मोनसे
गोजोनथाव खौरां। बर' हारिनि
गेजेराव जोनोम मोनबावबाय मोनसे गोदान थियेतार, थियेतार नि मुङा "आइराखि"
थियेटार। मैया बेखौ
बेखेवो, खौरां मोननाय बादिब्ला बेखौ बर' सावथुन मुलुगनि मुंदांखा फावख्रुंग्रि पामपुलि
गयारिनि गोख्रों नाजानायावनो बानायनो हादों, "आइराखि"
मुंनि गोदान थियेटार खौ मैया बाक्सा जिल्ला नि सिङाव थानाय रुपही घरामारायाव
बेखेवो। बिथाङा बेखौ बेखेवनानै खौरांगिरिफोरनि सिगाङाव बुंदों- बर हारि आ जौगानो
नांगौ, बरफोरनि गेजेराव गोबां थियेतार नांगौ, दासिम गंनै ल थियेतार दं, कालसार नि
सुबुंफोरा गोबां आलाय सिलाय जाना दं, मोननैल थियेतार जों सोलिनो हाया, आरो गोबां
थियेतार ओंखारनो नांगौ होनना फोरमायो, देग्लाय बोसोर नि नायजाब नि मुंफोरा फाखन,
दाहा आऱो मोनसे खौ थियारि खालामगासिनो। बेखेवनाय
हाबाफारियाव गाहाय आलासि महरै बाहागो लानानै बेखेवनानै होयो सालबारि टि.सि.एल.सि.सि.
सियारमेन बिनद मसाहारि बिथांआ। थियेटार
बेखेवनाय हाबाफारियाव बाहागो लाबावनो हादों BKWAC नि EM महिपाल बर, इउ. पि.पि.एल.
आयजो गांखंनि गाहाय नेहाथारि बिवति बसुमटारि लोगोसे ओनसोलनि हारिमु मोजांमोनग्रा
रायजो राजा बिथांमोना।
आसामनि गिबि
मन्थ्रि हिमन्त बिश्व शर्मा बिथाङा सानसे सिगाङाव 2003 मायथाय नि बितिसि गोरोबथा
नि सिगाङाव जायफोरा बे जायगा याव दंमोन एबा त्राईबेल बेल्त एन्द ब्लक नि हा याव
दंमोन बिसोरनो हा नि मोनथाय एबा हा मोननांगौ होनना सानो होनना बिथाङा बुंदोंमोन,
बेनि सायाव बितिआर बिबानगिरिफोरा खामानि मावगासिनो होनना बुंदों। गोरोबथा नि उनाव
एबा 6 थि सिदिउल दानायनि उनाव फैनाय फोरनो रावनोबो हा होनायनि मोन्थाय गैया खौ
मिथिखायो। बेनि सायावनो दावराव देख्रेब नार्जारि बिथाङा बुंदों- बेबायदि फोसावना
होनाया गोरोन्थि जादों, गुबुनफोरनो हा होयोब्ला जों बरफोरा हा नि गोरिब जानो
नांगोन, त्राईबेल बेल्त एन्द ब्लक नि उनाव गुबुन हारि नि सुबुंफोरा हा मोननो नाङा,
बर फोरनि गिदिर खहा जागोन होनना बुंदों। 2003 नि सिगांनिफ्राय थानायफोरा बिसोरजों
बिसोरसो हा बायलाय फानलाय खालामनो हागोन नाथाय त्राईबेल बेल्त एन्द ब्लक नि हा खौ
बायनो मोना फाननो बो मोना होनना बुंदों। बेफोरबायदि नि थाखाय नो बे हा नि मोनथाय
होनायनि बाथ्रा खौ गोख्रों राव जों निन्दा खालामदों होनना फोरमायो।
बितिआर
निफ्राय आईएएस आईपिएस आईएफएस अफिसार खम थार दं, गोबां सुबुंफोरा नो ईउपिएससि आनजाद
खौ होयो, नाथाय पास खालामनो हाया। बेफोरबायदि खौ नोजोर होनानैनो बितिसि सोरखार आ
मोनसे थिरांथा लादों, मैया बितिसि नि गाहाय प्रमद बर बिथांनि दैदेननाय आव CEM’s Super 50 खौ बेखेवनानै होयो, धालिगांव आव बे ईउपिएससि कचिं प्रग्राम खौ बेखेवो,
सोरखार आ गोदान दिल्लि नि सानक्य आईएएस एकादेमि जों लोगो जानानै बेखौ खालामदों,
बिथाङा हाबाफारि आव बाहागो लानानै बितिआर आव आनजाद पास खालामनाय आ खम थानायनि
थाखाय आरो फरायसाफोरनि गेजेराव फरायनायनि आबहावा दानो थाखाय जाहाथे गोजौ थाखो नि
आनजादखौ पास खालामनो हायो बेनि थाखायनो बेखौ लाबोदों, बेयो गासैबो फ्रि जागोन, 5
आगस्त आव जानो गोनां कम्मन एदमिशन तेस्त आव जायफोरा पास जायो बे फरायसाफोरखौ फ्रि
आव नो फोरोंनाय जागोन, 28 जुलाई नि गेजेराव एप्लाई खालामनो नांगोन।
एमएलए न नि
गासैबो आसाम ताईप न खौ सिफायनाय जागोन, 20 जुलाई नि गेजेरावनो गासैबो एमएलए फोरखौ
न खौ खालि खालामनो बिथोन होदोंमोनब्लाबो आरो सप्तासे नेनो नांबावगोन बिधानसभा
सेक्रेतारियेत आ। बे जायगा याव 10 ताला बिल्दिं लुगोन. एमएलए फोरनि थाखाय मोननै
बिल्दिम, आरो एमएलए स्ताफ नि थाखाय मोनसे बिल्दिं बानायनाय जागोन, फैगो सेप्तेम्बर
दान निफ्राय बानायनाय जागोन, 3 बोसोर नि गेजेराव बेखौ आबुङै मावफुंगोन, दायो
गासैबो एमएलए फोरनो बे समखिनियाव थानाय भारा नि मुङाव 50 रोजा रां यै होगोन होनना
बिधानसभा नि बुंथिगिरि बिश्वजित दैमारि बिथाङा बुंदों।
मन्दलफोरखौ
गुबुन गुबुन जायगा याव त्रेन्सफार खालामनाय जासिगोन, थाबैनो गोदान एसअपि दिहुनना
होगोन, गिबि मन्थ्रि आ अमृत महोत्सब जों लोब्बा लाखिनानै 86 रोजा मावखुलि आव दंफां
गायनो बिथोन होनाय नि उनाव नो बिफान फोरा थियारि, बिथोन मोननाय लोगो लोगो नो
मन्थ्रि एमएलए फोरा बो थियारि जादों, फैगो 15 आगष्त सिम थागोन, मन्थ्रि योगेन मोहन
बिथाङा बो बाहागो लानानै जायफोरा गावनि बिबान खौ मोजाङै मावाखै बिसोरखौ साजा होनाय
जागोन होनना बुंदों, मिशन बसुन्धरा 2 नि गेजेरजों लात मन्दल नि जायगा सोलायनानै
गासैबो जेंना खौ सुस्रांगोन होनना बुंदों। धोन नि लोब आव गोबां मन्दल आ नो रां
लानानैसो हा हु नि खामानि खौ मावो, बेबायदि नो साधारन सुबुंफोरखौ गोबां जेंना याव
खोख्लैदों, बेफोरबायदि नि थाखाय नो रायजोनि दाबसे जायगा निफ्राय गुबुन दाबसे जायगा
सिम सोलायगोन।
सोनाब बंग नि
हाउरा जिला याव मैया फुङाव नंखाय जौ लोंना लानानै सा 7 सुबुंफोरनि जिउ गोमादों,
खौरां मोननाय बादिब्ला सा 6 सुबुंफोरखौ खाथि नि देहाफाहामसालि आव सोनाय जादों,
बेनिनो गोबां नि देहा नि हालोद आ गाज्रिथार जाना दं, हाउरा नि एसपि बिथाङा बुंनाय
बादिब्ला फुङावनो सा 7 नि जिउ गोमादों आरो गोबांनि देहा या गाज्रि जादों, गिबि
नायबिजिरनाय आव आयेन बरेखा जौ लोंनाय आव नो जादों, पस्त मर्तेम नि उनाव गुबै
जाहोनखौ मिथिगोन होनना बो बुंदों बिथाङा, पुलिसफोरा नायबिजिरगासिनो दं।
मुसलपुर दख'रा दुलाराय बर' फरायसा आफादनि
बानजायनायाव 2022 इं मायथाइनि HSLC आरो HS आन्जादाव सेथि
थाखोआव उथ्रिसारनो हानाय फरायसाफोरखौ बरायनाय आरो मान बाउनाय हाबाफारिखौ दिनै
मुसलपुरनि मुसलपुर जौसिन फरायसालिनि रुंसारि धर'निधर बसुमतारि
गोसोखांथि नब्लांयाव सानसेनि मेहेरगोनां हाबाफारिजों खुंफुंनाय जायो।हाबाफारि
बादियै बड'फानि
साउगारियाव बिबार बाउनाय आरो आलारि बाथि फोजोंनाय हाबाफारिखौ मावफुंनानै होयो
मुसलपुर गुदि बर' थुनलाइ आफादनि
आफादगिरि गपाल चन्द्र बर'आ आरो मेलखौ बेखेवनानै होयो बागसा जिल्ला एबसुनि गाहाइ नेहाथारि मुस्रि
नन्देस्वर बर'या । बरायनाय आरो
मान बाउनाय हाबाफारियाव गाहाइ आलासि महरै बाहागो लायो मिरु एबसुनि लोगो आफादगिरि
मानगोनां मुस्रि खोरोमदाव वारीया । गाहाइ आलासि महरै बाहागो लानानै बिथाङा
साफ्रोमनिबो जिउआवनो जेंनाया फैखायो होननानै फरायसा समाव साफ्रोमबो फरायसाफोरानो
नखरनि जेंनाफोरखौ गेदेरथार जेंना होननानै सानालाबानो फरायनायावल' गोसो होथारनो
साफ्रोमबो फरायसाखौनो खावलायो । लोगोसे बर'खौ गेरेमसा
हारि महरै सिनायथि होनो गासै फरायसाफोरानो गुणगोनां सोलोंथाइ लानानै माहारिखौ
बिबान लानांगौ होननानै गावनि बिबुंथियाव दाजाबदेरनानै बुंबावो । बे हाबाफारियावनो
मिरु एबसुनि लोगो गेलेमु नेहाथारि मुस्रि मिनिसोरां ब्रह्म'जों लोगोसे
बाक्सा जिल्ला एबसुनि दैदैनगिरिफोर, ओनसोलनि मेलेमजिबि, फोरोंगिरि, फरायसाफोरनि
दिथागिरिफोर, राइजो राजा
आरो फरायसाफोरनि बाहागो लानायजों हाबाफारिया मोजांङैनो जाफुंसार जायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon