25 July bodo evening news 2022 ~ Bodoinfo.com

चिरां नि धालिगांव नि भारत नि वईल कर्परेश नि सिंनि बङायगांव रिफाईनारि नि मुं खौ सोलायनानै बदलेन्द रिफायनारि मुं सिम सोलायनो खावलायनायजों लोगोसे बेयाव खामानि मावनाय साख्रि आव जायगा नि सुबुंफोरखौ थिसननो बो खावलायदों दुलाराय बर फरायसा आफाद आ, आफादगिरि दिपेन बर नि दैदेननाय मोनसे थान्दै हानजा या बङायगांव रिफायनारि नि बिबानगिरिजों सावरायलायो, गाहाय मावखुलि आव बाहागो लायो गाहाय मेनाजार नयन कुमार बरुवा बिथांजों लोगोसे गोजौ थाखो नि अफिसार फोरा, सावरायलायनायनि उनाव आफादगिरि दिपेन बर बिथाङा खौरांगिरिफोरनि सिगाङाव बुंदों- दायो बङायगांव रिफायनारि आ सिरां नि सिङाव गोग्लैयो एबा बदलेन्द नि सिङाव गोग्लैयो, जायनि थाखाय बडलेन्द फारसे सन्मान होनानै बेखौ सोलायनानै बडलेन्द रिफायनारि सिम सोलायनो दाबि खालामो, लोगोसे साख्रि थिसननाय आ माहारियारि थाखो नि अनलाईननि गेजेरजों जायो जायनि थाखाय जायगा नि सुबुंफोरा साख्रि खौ मोना, बेनि थाखाय नो दायो साख्रि आव जायगा नि थागिबिफोरखौ थिसननो बो दाबि दैखांदों।

दिनै 15 थि हादरगिरि महरै समायखिरा लाबाय द्रौपदि मुर्मु बिथाङा, भारत नि हादरगिरि महरै गिबिसिन त्राईबेल आयजो आरो नैथि आयजो महरै समायखिरा लाहोयो भारत नि गाहाय बिजिरगिरि एबा चिफ जास्तिस NV Ramana बिथाङा, बेरेखा दोलो नि बिजाथि यशवन्त सिन्हा बिथांखौ फेजेननानै देरहानो हादोंमोन बिथाङा, उदांश्रि नि उनाव जोनोम मोननाय बिथाङा नो गिबि हादरगिरि। जायखिजाया आनजाद फोराव बेनि सोंनाय फैनायनि सम्भावना बारा दं, बेखायनो आबुं खौरां ला, ग्रेद 3 4 नि आनजाद फैगासिनो ना।

बलिउद सुपारस्तार अक्षय कुमार आ भारत नि ईन्तारतेईनमेन्त ईन्दास्त्रि नि बयनिख्रुय बांसिन तेक्स होनाय सुबुं जानो हादों, अक्षय कुमार बिथाङा बेनि थाखाय गांसे फोरमान बिलाय बो मोनदों, बिथाङा थांनाय 5 बोसोर बयनिख्रुय बांसिन तेक्स होनाय सुबुं नि सन्मान खौ मोनदों।

गोरबो आव थानाय आयजो निफ्राय धोन लानायनि दाय आव सासे नार्श खौ हमदों, गोलकन्ज नि तामारहात गुदि देहाफाहामसालि नि जिएनएम क्षमारानि दे खौ हमदों, मिथिना मोननाय बादिब्ला तामारहात नि तामासा बागान नि थागिबि आसमत नि बिसि खौ 13 जुलाई खालि देहाफाहामसालि आव सोनाय जादोंमोन आरो उनाव उन्दै हिन्जावसा गथ जोनोम होदोंमोन, गथ जानायनि उनाव नो बे जिएनएम क्षमारानि दे आ 500 रां बिदोंमोन, नाथाय गोरिब नखर आ नार्श नो 280 रां ल सो होनो हायो, बेनि उनाव नो धुबुरि जिला नि जिला बेंगिरि नो अजद होनायनि उनाव नो पुलिसफोरा हमो, गोरिब नखर आ देहाफाहामसालि आव बिबानगिरिफोरा गोसो होआ होनना बो गिदिर अजद होदों।

उत्तर प्रदेश आव मोनसे गिथावना जाब्रबथायः पुर्बान्सल एक्सप्रेसवे आव दाबल देकार बास नि सौग्रावलायनाय आव सा 8 सुबुंफोरनि जिउ गोमादों आरो 20 सो सुबुंफोरा जोखोम जादों, दासिमबो सा 3 नि हालोद आ गाज्रिथार होनना मिथिना मोनदों, दबल देकार बास आ लोनिकोत्रा पुलिस थाना नि जायगा नि नरेन्द्रपुर माद्राहा गामि नि खाथि नि गुबुन गंसे गारि आव सौग्रावनाय आव नो बे जाथाय आ जायो, गंनैबो बास आ बिहार निफ्राय दिल्लि सिम थांदोंमोन, उत्तरप्रदेश नि गिबि मन्थ्रि योगि आदित्यनाथ बिथाङा त्वितार नि गेजेरजों दुखु मोननाय फोरमायदों।

सलमान आरो बिथांनि बिफा खौ सासे सुबुं आ बुथारगोन होनना सिगिनायनि उनाव दायो बलिउद नि नो मुंदांखा फावखुंग्रि केतरिना काईफ आरो बिनि फिसाय फावखुंगुर बिकि कौशल खौ बो बुथारगोन होनना बुंदों, ससियेल मिदिया नि गेजेरजों बुथारगोन होनना बुंदों, मिथिना मोननाय बादिब्ला मुम्बाई नि सान्ताक्रुज पुलिस थाना याव मोनसे गसर थिसनबाय। ईन्स्ताग्राम नि गेजेरजों बेबायदि सिगिनायनि अजद, पुलिसफोरा नायबिजिरनायखौ जागायबाय नाथाय दासिम रावखौबो हमनायनि खौरां मोनाखै, मखजाथावदि फावखुंग्रि स्वारा भास्कर खौ बो आगोलाव सिगिदोंमोन बुथारगोन होनना।