हायार सेकन्दारि
जोबथा बोसोर नि आनजाद नि रिजाल्त आव सासे फरायसा नि रिजाल्त आ बेलेबेजे जानायखौ
नुनो मोनदों, तिताबर आव जादों, तिताबर नि शान्तिपुर नि थागिबि मेहेक प्रसाद आ प्रागज्योतिका
ईंलिस स्कुल निफ्राय हायार सेकन्दारि नि आनजाद खौ बिगियान बिफाननिफ्राय होदोंमोन,
27 जुलाई आव आनजाद नि फिथाय खौ मोननै लेतार जों गिबि दिभिजन आव पास जानायनि
मार्कशित खौ मोनो, नाथाय मैया सोमोनांथावै फरायसालि निफ्राय जाय मार्कशित खौ
मोनबाय बेयो सोमोनांहोदों बयखौबो, फरायसालि निफ्राय मोननाय मार्कशित आव 2थि दिभिजन
सो मोनो, दायो मोनसे गिदिर सोंलु, ईयुन आव मा मोनसे मार्कशित खौ बाहायगोन, बे
फिथाय नि थाखाय दायनिगिरि या सोर, बेबायदि जाथायनि थाखाय मोजाङै नायबिजिरनो थाखाय
गिबि मन्थ्रि आरो सोलोंथाय मन्थ्रि खौ खावलायदों। अनलाईन आव मोननाय रिजाल्त आव
ईंराजि आव 80, अलति आव 83, केमिस्त्रि आव 57, बायलजि आव 56, मेथ्स आव 53 आरो
फिजिक्स आव 72 नम्बर मोनदोंमोन, नाथाय मार्कशित नि आव ईंराजि आव 49, अलति आव 49,
केमिस्त्रि आव 54, बायलजि आव 47, मेथ्स आव 12 आरो फिजिक्स आव 66 नम्बर।
मोनसे गोजोन्थाव
खौरां, आरोबाव सासे बर गेलेगिरि आ सायखजादों, 23 निफ्राय 27 जुलाई सिम जानो गोनां
युथ अलिम्पिक गेम 2022 नि थाखाय बर फिसा रैशुमै बसुमतारि आ सायखजादों, चिरां जिला
नि बेंतल नि थागिबि बिथाङा, 59 केजि नि आयजोफोरनि काराते आव सायखजादों होनना
मिथिना मोनदों
मनिपुर आव गिथावना
हा गुगानाय जाथाय। आसामनि सानै सुबुं नि जिउ गोमादों, सासे आ श्रमिक आरो सासे आ
भारत नि आरमि जवान, श्रमिक नि मुङा गोपाल फुकन आरो आरमि नि मुङा जियारुल हक,
दासिमबो सा 17 आसामनि सुबुंफोरा गोमाना दं हा गुगानाय आव, सा 5 श्रमिकफोरा
फाहामथाय लागासिनो दायो, फाहामथाय लाबाय थानाय फोरनि गेजेराव सा 2 खौ बर होनना मिथिना
मोनदों प्रहलाद बसुमतारि आरो जन बसुमतारि, 20 सान नि सिगाङाव सो खामानि मावनो
मनिपुर आव थांदोंमोन गोमानाय सुबुंफोरा, बे गोमानायनि खौरां खौ मोननाय लोगो लोगो
नो नखरनि सुबुंफोरा गोबां दुखु आव दं दायो, नखरनि सुबुंफोरा आसामनि गिबि मन्थ्रि
खौ बासायनायाव मदद खालामनो गुरैयै खावलायो। खौरां मोननाय बादिब्ला गासै सा 8 नि
गोथै देहा खौ बोखांनो हादों आरो गोबां सुबुंफोरा गोमाना दं, मनिपुर नि गासै जिउ
गोमानायखौ नायोब्ला दासिम 62 जाबाय होनना मिथिना मोनदों
मोनसे गोजोनथाव
खौरां, एनदिएफबि नि गायसनगिबि आफादगिरि रन्जन दैमारि सार खौ मोनसे गसर निफ्राय
उदां खालामबाय. मोनसे बुथारनायनि गसर निफ्राय उदां जाबाय सार आ। 1992 मायथाई नि
मोनसे बुथारनायनि गसर निफ्राय बिजिरसालि आ उदां खालामना होबाय। साखि फोरमान नि
आंखाल आव गुवाहाति तादा बिजिरसालि आ उदां खालामना होबाय। 22 बोसोर बेनि सायाव बिजिरनायजों
मोगा मोगि जानांनाय धर्मकान्त बर खौ बो उदां खालामदों होनना मिथिना मोनदों, नाथाय
रन्जन दैमारि सार आ दासिमबो जेल आव नो थानांगोन, बिथांखौ 30 अक्तोबर नि गसर आव जेल
आव लाखिनाय जादों, बे गसर नि थाखाय सो जेल जानांदों, आसा खालामो बिथाङा बे गसर
निफ्राय बो थाबैनो उदां जागोन।
कक्राझारआव 30 नं कक्राझार सान्जा जनजाति बिधान सभा
बियाबनि एम एल ए लरेन्स इसलारी बिथाङा मैया खौरां मेल नि गेजेरजों मोननैसो बाथ्रा
खौ रोखा खालामनानै होदों। बातारबारिआव सोमजिनाय हा हुनि जेंनानि सायाव जायगानि MLA लरेन्स इसलारीया बुंदों। कक्राझार जिल्ला
इउपिपिएलनि दोलोनि मावखुलियाव खुंफुंनाय जादोंमोन खौरांमेल खौ, बिथाङा रोखा
खालामनानै होदों हा खौ होआ होननानै, जेब्लासिम आं थागोन अब्लासिम रायजो राजानि हा
हु सम्फथिखौ सोरखारा सेनो हाया। थांनाय नबेम्बराव बिटिसिनि सेकरिटारि नरेन चन्द्र
बसुमतारीआ लेन्ड एलतमेन्तनि थाखाय सार्केल अपिसारनो लाइजाम हरनायखौ लानानै
बातारमारि गामिनि थागिबि रायजो राजाफोरा गिनांगौ जेबो गैया होन्नानै रोखा बुंथियो।
कक्राझार जिल्ला इन्थिग्रेतेत सार्किट हाउस लुफुंनो थाखाय सोरखारा नाजादोंब्लाबो
नाथाय दासिमबो बबेहाय लुनाय जागोन बिनि जेबो थिरांथा रोखा जायाखै होन्ना बिटिसिआ
बातारमारि गामिनि काच लेन्ड हाखौ लाना सार्केल अपिसारनो लाइजाम हरनायखौ लेन्ड
एडभाइजरि बर्डआ गनायथि होवाखै होन्ना रोखा बुंथियो । राजखान्थि
मुलाम्फानि थाखाय सानैसो बेरेखा दोलोनि सुबुंफोरा बे खामानिखौ मावदों आरो आंनि मुं
आरो प्रमद बर’खौ सोंखारिदों। बातारमारि गामिनि हा हुनि जेंनाखौ आं गासैखौबो मिथिगौ
नाथाय जेबो गिनाङा आं जेब्लाबो बातारमारि गामिनि थागिबि रायजो राजाफोरजों दं।
थांनाय गोजाम सोरखारनि समाव 100 बिघानिबो
बांसिन हाखौ कालसारेल कमफ्लेक्स लुफुंनायाव हगारबाय नाथाय हा बिगोमा फोरा जेबो
सोरखारि खाबु मोनासै होनना बुङो बिथाङा।
आसाम आव गोदानै 20
ता स्तेदियाम बानायनाय जागोन, आसाम क्रिकेत एशसियेशननि फितनेश चेन्तार बेखेवनानै
गिबि मन्थ्रि आ गिदिर फोसावना होयो। गुबुन गुबन जायगा याव 20 ता ग्राउन्द नि
खामानि आखाय आव लादों, एशसियेशन निफ्राय़ 35 गेलेगिरिफोरनि जानाय लोंनाय फरायनायनि
बेबस्था दं, गासैबो बेबस्था खौ आसाम क्रिकेत एशसियेशन आ खालामदों। दायो खौरां
मोननाय बादिब्ला 20 ता गेलेनाय फोथार आव कसिं चेन्तार बानायनाय जागोन, 50 कौति रां
यै गंसे स्तेदियाम नो होगोन, जोरहात स्तेदियाम खौ गोदानै लुफुंनाय जागोन बेबायदिनो
आरो गोबां फोसानानै होदों आसामनि गिबि मन्थ्रि आ।
रायजो दैबाना नि
गिथावना थासारि आव गोबां सुबुंफोरनि जिउ गोमाबाय। दैबाना नि थाखाय जिउ गोमानाय
नखरफोरनो 4 लाख रां यै होगोन होनना खौरां मोनदों, लोगोसे सोरखारि रिलिफ केम्प आव
थानाय एबा रिलिफ केम्प बायदि थासारि आव थानाय गासैबो सुबुंफोरनि मुं खौ थिसननो
बिथोन होदों गिबि मन्थ्रि आ, दिनै गासैबो जिला नि जिला बेंगिरि बिथांमोननो बे
बिथोन खौ होदों। दिनै जिला बेंगिरिफोरजों भिदिअ कन्फारेन्स नि गेजेरजों दैबाना नि
खौरां लानायजों लोगोसे बे बिथोन खौ होयो। गिबि मन्थ्रि आ बेनि सायाव मास्तार
रेजिस्तार बानायनो बिथोन होदों आरो जिला नि बिबान आव थानाय मन्थ्रि बिथांमोननो बे
मास्तार रेजिस्तार खौ होनो बिथोन होदों, रिलिफ केम्प निफ्राय न आव थांफिनाय
सुबुंफोरनो 3800 रां होनो बिथोन होदों, बे मदद खौ बेंक एकाउन्त नि गेजेरजों मोनगोन
रायजोफोरा, बेनि थाखाय गासैबो नखर नि बिगोमा नि बेंक एकाउन्त नम्बर, आधार नङाब्ला
भतार खौ लानो नांगोन बिबानगिरिफोरा आरो बेनि उनाव सोरखार नि मदद खौ मोनदोंना
मोनाखै सेक्रेतारि आरो जिला नि बिबान आव थानाय मन्थ्रिफोरा बेखौ आनजाद नायनो
नांगोन होनना बो बुंदों, गिबि मन्थ्रि आ लोगोसे दैबाना जों खहा जाजानाय न नि
फारिलाय खौ 15 जुलाई नि गेजेरावनो होनो जिला बेंगिरि नो बिथोन होदों, 15 जुलाई नि
गेजेराव थियारि खालामनानै 15 आगस्त नि गेजेराव खहा सुफुंनो बिथोन होदों।
पल्तन बाजार पुलिस
नि जे आव सासे मेकआप आर्तिस। सासे हिनजावसा नि गसर आव नो हमदों, खौरां मोननाय
बादिब्ला दासिम गासै सा 2 खौ हमबाय। जाकिकुल मुंनि सुबुंजों सासे आयजो नि मोजां
सोमोन्दो दंमोन, सानैबो लोगो जानानै आसामनि सासे हिनजावसा खौ फाव खालामनो सुबिदा
होगोन होनना बुंनानै मुम्बाई आव लांनानै देहा फालांगि आव सो सोना होदोंमोन, दायो
पल्तनबाजार पुलिस नि जे आव सानैबो, एसिपि पृथ्विराज राजखुवा बिथाङा बुंनाय
बादिब्ला जाकिरुल आ गोबां लोब दिन्थिनानै आसामनि हिनजावसा खौ आगोलनिफ्रायनो लांनो
नागिरदोंमोन, ईन्सताग्राम आरो युतुब आव गोबां फलवार्स थानायफोरखौ तार्गेत खालामो
बिसोर, जोंनि बर फोरा सांग्रां जा।
गिबि मन्थ्रि महरै
समायखिरा लाबाय एकनाथ शिन्दे आ, महारास्त्र आव राजखान्थियारि द्रामा सोलिनायनि
उनाव दायो मोजां जानायनि लामा याव, गोजाम सोरखार आ बायबाय, गिबि मन्थ्रि आ बो
सोलायबाय। मैया मोनाबिलि नि समाव शिबसेना नि बेरेखा जानाय एमएलए एकनाथ आ गिबि
मन्थ्रि आरो बिजेपि नि देबेन्द्र फारनाबिस आ लेङाय गिबि मन्थ्रि जायो। आगोलाव
महारास्त्र नि गिबि मन्थ्रि आ उद्धब थाकरे मोन।
कक्राझार
जिल्ला बेंगिरि बर्नाली डेकाआ मोनसे फोसावथायनि गेजेरजों फोरमायदोंदि जिल्लानि
सिङाव थानाय पीएम-किषान बिथांखि मोन्नो हाथाव गासै मुलामफाआरिफोरा बे बिथांखिनि
मुलामफा मोन्नो थाखाय पीएम-किषानजों सोमोनदो थानाय गाव गावनि बेंक एकाउन्टखौ गावनि
आधारजों सरजाबनांगौ आरो KYC नि गेजेरजों
थार होन्ना फोरमान होनांगौ। कक्राझार जिल्लानि फ्राय 3,900 मुलामफाआरिफोरा दासिमबो गाव गावनि बेंक
एकाउन्टखौ गावनि आधारजों सरजाबफायाखै। बेनिखायनो बिसोर नंगुबै मुलामफाआरिफोरखौ
आधार कार्ड आरो बेंक एकाउन्टनि गासै थार गुमुरथिखौ जायगानि लेङाय आबाद फुवारथाय
एबा आबाद जौगाखां मावख’गिरि नङाब्ला कक्राझार जिल्ला आबाद मावख’गिरिनि
मावख’सालियाव थानाय पीएम-किषान सेलाव (PM- KISAN Cell) हाथायखुनसेनि गेजेराव जमा होनो बिथाङा
खावलायदों। नङाब्ला बिसोरनि मुंखौ पीएम-किषान बिथांखिनिफ्राय अरायथानि थाखाय
दान्नाय जासिगोन होन्नानै फोरमायदों। बिब्दिनो जायफोर मुलामफाआरिफोरा दासिमाव गाव
गावनि बेंक एकाउन्टखौ गावनि आधार कार्डजों सरजाबदेरखांबाय, बिसोरखौ 31 जुलाईनि गेजेराव गाव गावनि खाथियाव थानाय
रायजोयारि सिबिथाय मिरु (Community
Service Centre)याव eKYC खालामनो थाखाय बे फोसावथायनि गेजेरजों
जिल्ला बेंगिरि डेकाआ खावलायबावदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon