16 July bodo evening news 2022 ~ Bodoinfo.com

आसामनि गुबुन गुबुन जायगा याव आफ्रिकान स्वाईन फिभारनि गोसारनायखौ नुनो मोनदों, जिला नि खङगिया गामि, दिहिं कलघर आरो जालुकनिबिल आव गिथावना गोसारदों, स्वाईन फिभार नि थाखाय दासिम 280 अमा फोर थैबाय, जिला नि जुनार फिसिनाय बिफान नि अफिसार आ बे खौरां खौ होदों, ओनसोल आव आरो थानाय अमा फोरखौ बुथारनो बिथोन होदों जाहाथे गुबुन गुबुन जायगा याव बेफोर गोसारा, ओनसोलनाङैनो बेन खालामबाय दायो अमा फोरखौ, लांलाय लाबोलाय, फाननाय गासैखौबो बेन खालामदों।

दिनै आसामनि सोलोंथाइ मन्त्रि ड० रनुज पेगुआ CCTOAनि दैदेनगिरिफोरखौ दिसपुरनि जनता भबनाव थानाय आसामनि फाइनान्स डिपार्टमेन्टआव हांख्रायहरनानै सावरायलायो । मख'जायोदि, थांनाय माखासे समनि सिगांङाव आसामनि गिबि मन्त्रि मानगोनां ड० हिमन्त बिश्व शर्माया आसामनि राजथावनिखौ सानजाहा जागिर'द, सोनाबहा फलासबारि आरो साहा तामुलपुरसिम लांनाय जासिगोन होननानै खौरां बिजोंङाव बुंदोंमोन आरो बै बाथ्राखौ लानानैनो CCTOA निफ्राइ सावरायनांगौनि थाखाय सरकारखौ नारसिनबोबाय थादोंमोन । बेखौनो दिनै CCTOAया ट्राइबेल हारिया जौगानायनि बेरेखा नंङा नाथाइ ट्राइबेल बेल्ट एण्ड ब्लकखौ खहा खालामनानै राजथावनि गाइसननायखौ गनायनो हाया आरो आसामाव राइजो जानाय ट्राइबेलफोरा जेरावखि थायामानो बै ओनसोलफोरखौनो हानि पाट्टा होनांगौ थांखिफोरखौ लानानै गुवारै सावरायलायो । बे सावरायनायाव एबसुनिफ्राइ लोगो गाहाइ नेहाथारि मुस्रि दिनेश ब्रह्म, सुबुं फोनांजाब नेहाथारि अबित नार्जारी आरो क'क्राझार जिल्ला एबसुनि गाहाइ नेहाथारि काम्फा बसुमतारीजों लोगोसे CCTOA नि लोगो आफादफोरा बाहागो लायो।

रायजो आव दुंथाय आ बारा जालांगासिनो दं, गरम आ बारा जालांनाय आव रोजा रोजा ना फोर थैदों आसामनि नो घिलामरा पुलिस थाना नि सिंनि अमुद बरबारि ओनसोल आव। ओनसोल नि नो उजानतलि नि खाथि निसरला फोथार आव। बे जायगा नि रायजोफोरा बुंनाय बादिब्ला सरला फोथार आव बेलासि नि समाव हर्खाब नो गोजावना थानायफोरखौ नुनो मोनदोंमोन, लोगोसे बेबायदि नो गोबां ना फोरा बेयाव सेवलांनो बो हमदों आरो मोनामनाय आ बो बारा जालांदों, बेबायदि जायगा नि ना फोरा थैनाय खौ दुंथाय आ बारा जालांनायनि थाखाय नो जादों होनना साननाय जादों। ना बिफान नि मोजां नायबिजिरनाय नि उनाव सो मिथिगोन गुबै जाथाय आ मा।

गोबां सम निफ्राय माहारियारि हाग्रामा फोराव सुरां सिकारि फोरखौ गान्दा बुथारनानै गान्दा गं नि फालांगि खालामनायखौ खोनाबोगासिनोमोन आगोलनिफ्रायनो, नाथाय बे खनसे आव सुरां सिकारिफोरा मोनसे जाथो नि ना नि सिकार खालामनाय नि खौरां सो मोनदों, अरां माहारियारि हाग्रामायाव बोरका सें एबा पिपलि सें मुंनि ना नि सिखाव फालांगि, बेनि दाय आव सानै खौ हमबाय। खौरां मोननाय बादिब्ला बाजार आव बे ना नि बेसेन आ 25 रोजा रां। मंगलदै सदर थाना नि नाजानाय आव हमनो हायो सानै खौ, मुङा रफिकुल ईश्लाम आरो आब्दुल रशिद। नायबिजिरनाय आव मोन 3 गुबुन जाथो नि ना मोनदों बिसोरनिफ्राय, ना फोरखौ हाग्रा बिफान नो होयो।

जेल आव थानानै नो आनजाद खौ होबाय सासे फरायसुलि आ. फेसबुक पस्त नि गेजेरजों आलफा खौ मदद खालामनाय नि दाय आव जेल जादों तियक नि 19 बोसोर बैसो नि फरायसुलि बर्षाश्रि बुरागहाय आ। रायजोनाङैनो गोबां सावरायलायनाय जादों बे जाथाय आ। बिजिरसालि नि बिथोन नि उनाव नो आनजाद खौ होनो गनायथि होदोंमोन, थि जायगा महरै दिसिबि कलेज नि गाहाय आ जेल खौ नो थि खालामदोंमोन जायगा महरै, दिनै फुंनि 9 बाजि निफ्राय आनजाद खौ होयो, मखजाथावदि फरायसुलि आ सानखान्थि आयदा याव अनार्श लानानै दिग्रि खौ फरायगासिनोमोन, हायार सेकन्दारि आव मोन 5 आयदा याव नो लेतार मोनदोंमोन फरायसुलि आ। फेसबुक पस्त नि थाखाय नो जेल जानांदों।