6 July bodo news 2022 ~ Bodoinfo.com

मेत्रिक आव गिबि दिभिजन एबा सेथि मासि मोननाय फरायसाफोरनो सोरखार आ बान्था होदों। गिबि दिभिजन मोननाय फोरा 16 रोजा रां मोनगोन, बे थिरांथा खौ मैया केबिनेत नि जथुम आव लानाय जादों। गिबि दिभिजन माने खमावनो 60 जौखोन्दो मोननाय। गिबि मन्थ्रि नि दैदेननाय आव जानाय केबिनेत नि जथुम नि थिरांथाफोरखौ उनाव खौरां मेल नि गेजेरजों मन्थ्रि रनुज पेगु, जयन्त मल्ल बरुवा आऱो केशव महन्त बिथांमोना फोसावना होयो। आगोलाव मेत्रिक नि फोरनो लेपतप नङाब्ला देक्सतप होयोमोन। नाथाय बे बार आव 16 रोजा रां होगोन। रायजो नि 22565 फरायसाफोरा मोनगोन, गुबुनफारसे हायार सेकन्दारि नि फोरनि जेबो खौरां मोनाखै, उनाव सावरायलायनानै थिरांथा लानो हागौ। बेफोरनि अनगायैबो आरो गोबां थिरांथाफोर लादों, मिउनिसिपाल बर्द नि गाहाय आरो लेङाय गाहाय नि दरमाहा खौ बारायनायनि थिरांथा, गाहाय नि दरमाहा खौ 10 रोजा नि जायगा याव 15 रोजा आरो लेङाय गाहाय नि खौ 7 रोजा नि जायगा याव 12 रोजा खालामनाय जादों। एन्द अफ लाईफ गारि नि सालायनायखौ बन्ध खालामनायखौ आसाम गारि स्क्रेपेज खान्थि 2022 नि गनायथि. दायो फितनेश गैयि गारि स्क्रेप महरै सिनायनाय जागोन। सोरखार नि 15 बोसोर गोजाम गारि खौ स्क्रेप साननाय जागोन। गोजाम गारिफोरा बारहावा गुबुंले खालामनायनि थाखाय गारि खौ नष्ट, फिन बाहायजाथावना खालामनाय नि सायाव गोदान खान्थि बानायनायनि थिरांथा, गोजाम गारि नि बिगोमा या गोदान गारि खौ बायोब्ला 25 जौखोन्दो रेहाय होनाय जागोन। गरिया, मरिया, देशि, जलाह आरो शैयद जनगोस्थि खौ असमिया खिलन्जिया मुशलमान नि गनायथि होदों। बारग जवान नङाब्ला बिथांनि रान्दि बिसि फोरनि थाखाय सम्पति नि तेक्स रेहाय होनायनि थिरांथा लानायनि थिरांथा लादों।

कक्राझार सदर सोहोर नि खाथि नि गौरां देसा नि पाथरघात, जयपुर, नामापारा आऱो चान्दामारा याव गोबां बाला माफिया या आयेन बेरेखा यै बाला जावनाय आरो फाननाय खामानि जों सिन्दिकेत सालायबाय थानाय समाव नो गं 6 त्रेक्तर जब्द खालामो बितिसि हाग्रा बिफान आ। गोबाव सम निफ्राय नो पाथरघात आव आयेन बेरेखा यै बाला डावनाय आ सोलिबाय थानाय समाव नो बितिसि सोरखार नि ईएम रन्जित बसुमतारि बिथांनि बिथोन आव त्रेक्तरफोरखौ जब्द खालामो। दं 6 नि गं 3 आव आबुं बाला दंमोन आरो गं 3 आ बाला दैखांनो थियारि जाना दंमोन, गुबुनफारसे गं 6 त्रेक्तरफोरखौ जब्द खालामनायनि उनाव दिएफअ जे के ब्रह्म बिथाङा बुंदों बितिसि नि ईएम रन्जित बसुमतारि नि बिथोन बादियैनो बेखौ जब्द खालामदों आरो आयेन बादियै बेबस्था लानाय जागोन होनना फोरमायो। बेबायदि आयेन बेरेखा बाला जावनाय आ सोहोरनि सुबुंफोरनि थाखाय़ जोबोद गाज्रि जादोंमोन. मानोना आयेन बेरेखायै जावनाय आ गिथावना हा खुरखानाय खौ खालामदों होनना फोरमायो, बेफोरबायदि नि थाखाय नो हा खुरखानाया जागासिनो, बेखायनो जायगा नि थागिबिफोरा मोजां मोननाय खौ फोरमायदों।

ईउपिपिएल नि देदेनगिरि बिना गयारि आ दैबाना जों खहा जाजानाय रैखाथि बादा याव थानाय सुबुंफोरनि खौरां लाहैदों, मदद महरै गाननाय जोमनाय रानना होदों होनना खौरां मोनदों, बिथाङा आयजो ईउपिपिएल गांखं आफाद नि आफादगिरि। उदालगुरि नि माजबात आव थांनानै मदद हैयो। बेयावनो बिथाङा सासे बर ईउतिउबार नि बेरेखा बुंदों, ईउतिउब आव गेरेमसा बसुमतारि आरो फेसबुक आव गेरेमसा मसाहारि लिरनाय सुबुं खौ बिमा माहारि खौ गाज्रि गाज्रि बुंनानै ईउतिउब सालायगासिनो दं, बेबायदि रायनानै सो भिउस, साबस्क्राईबार बारायदों आरो बेजोंनो जागासिनो होननानै, ईउतिउब खौ सालायोब्ला मोजाङै सालाय, बिमा माहारि खौ महर खौ लानानै सोंखारिनाय, गाज्रि रावजों बुंनाय आ गाज्रि जादों। गुबुनफारसे हारि नि थाखाय खामानि मावनाय एबसु नि आफादगिरि खौ रायनायखौ गाज्रि मोनदों होनना फोरमायो, राजखान्थिगिरिखौ बुंनाय आव गाज्रि मोना, नाथाय फरायसा आफादनि खौ बुंनाय आव दुखु मोनदों होनना फोरमायो।

कंग्रेस नि दैदेनगिरि राहुल गान्धि नि नंखाय भिदिअ खौ खौरांबिजोंनि गेजेरजों होना लानानै हमजाबाय नेशनेल निउज सेनेल नि एंकर आ। जि निउज नि एंकर रोहित रन्जन खौ पुलिसफोरा हमो। मखजाथावदि केरला याव कंग्रेस नि दैदेनगिरि या मोनसे बाथ्रा बुंनाय उदयपुर आव दर्जि बुथारनायनि सायाव नंखायै बुंनायनि जाहोन आवनो हमो बिनि ननिफ्राय नो।

पुलिस नि मदद आव मुंम्बाई निफ्राय सिखाव जानाय गोबां मबाईल फन फोरखौ जब्द खालामदों होजाई पुलिस आ, हर आव नायबिजिरनानै जब्द खालामनो हायो। खौरां मोननाय बादिब्ला गासै 60 ता एनद्रईद मबाईल। होजाई पुलिस. तिनिआलि थाना नि असि नि दैदेननाय आव जानाय नायबिजिरनाय आव उदालि ओनसोल नि आतिकुर रहमान मुंनि न आव नागिरनाय आव मोननो हायो सेमसुं कम्पानि नि मबाईल फन, आतिकुर नि फिसा ईकबल हुसेईन आ बे मबाईल फोरखौ दिमापुर आव फाननायनि थांखि दंमोन, दायो बिफा फिसा सानैबो खारखुमाना दं। दायो आतिकुर नि बिसि आरो बिहामजो खौ हमनानै सोंगासिनो दं, मोनसे गसर थिसननाय जाबाय, मबाईल फन नि बेसेन खौ 12 लाख सो जागोन होनना साननाय जादों, गासैखौबो मुंम्बाई निफ्राय सिखाव खालामना लाबोदोंमोन।

बलिउद सावथुन बानायग्रा करन जौहर आरो धर्मा प्रदाक्शन आ आसामनि दैबाना जों खहा जाजानाय सुबुंफोरनि थाखाय मदद, 11 लाख रां नि मदद होदों होनना खौरां मोनदों, बे रां खौ बिथाङा सिएम रिलिफ फान्द आव हरदों, रायजो नि गोबां सुबुंफोरा नो न बां हा हु धोन सम्पति खोमाना लानांबाय, बे समाव बेबायदि मदद होनाय आ जोबोद मोजां जादों, गोबां बलिउद नि सुबुंफोरा बो आगोलनिफ्राय मदद होबोगासिनो दं, बे मदद होनायय खौ आसामनि गिबि मन्थ्रि बिथाङा गावनो ससियेल मिदिया नि गेजेरजों फोसावना होदों।

सानैसो पुलिस आ गावनि बोलो खौ गाज्रियै बाहायो नामा, सासे सुबुं खौ एनकाउन्तार खालामनाय आ नंखाय दाय नि सायाव सो मोन, बेनि फोरमान खौ सिआईदि आ होबाय। नगांव नि किर्तिकमल बरा एनकाउन्तार गसर नि सार्जसित खौ होयो सिआईदि आ। पुलिस अफिसार प्रदिप बनिया नि बेरेखा सिआईदि नि सार्जसित, एन्ति द्राग्स स्कुवेद नि एसआई मोन प्रदिप बनिया या, फरायसा आफाद नि दैदेनगिरि किर्तिकमल बरा नि एनकाउन्तार नि जाथाय आ रायजोनाङैनो दुंहाव थासारि सोमजिहोदोंमोन।

उत्तर प्रदेश नि सम्भल आव सासे मिसेलिम सुबुं आ हिन्दु देबि देवता नि सावगारि थानाय कागज आव बेदर बोननानै फाननाय नि गिदिर अजद, बे सुबुं आ आबहावा गुबुंले खालामनायनो नाजानाय नि अजद, बेनि उनाव नो हिन्दु संगथन आ बेनि सायाव धर्ना होनायखौ नुनो मोनो. थासारि आ गाज्रि जालांनाय आव पुलिसफोरा गसर थिसननानै दायनिगिर खौ हमो। जाथाय आ सदर कोतवालि ओनसोल नि शंकर सौहारा नि खाथि नि मेहक रेस्तुरेन्त आव, जेराव मालिक तालिब हुसेईन आ ननवेज जाग्रा फानो, देब देबि नि सावगारि थानाय स्क्रेप पेपार आव मेरायनानै गोबां ग्राहक फोरनो सिकेन आरो गोबां नन बेज जाग्रा फानदोंमोन, बेनि उनाव नो पुलिसफोरा थांनानै हमो आरो लोगोसे बे पेपार खौ जब्द खालामो