सासे मुंदांखा बर युतुबार आरो सानै फेसबुक पेज नि बिगोमा फोरनि बेरेखा
एजाहार, युतुबार एनिथिं एमजे, फेसबुक पेज फोर जावलिया सो आं आरो मैथाजों ना गोरान
नि बेरेखा एजाहार। बर आयजो लिरगिरि गौथुम आ थांनाय 13 जुलाइ खालि मानगोनां बडलेन्द
मुलुगसोलोंसालि नि बिबुंगोरा ड. लाईश्रि महिलारि आरो प्रफेसार ईन्दिरा बर आरो बर
आयजो लिरगिरि गौथुम नि लेङाय आफादगिरि बिथांमोननि सावगारि खौ लानानै मान हानि
खालामनायनि अजद आव नो होयो. बर आइजो लिरगिरि गौथुम बे जाथाय खालामनायखौ लानानै
गोख्रों राव जों सोंखारिनायजों लोगोसे आईति एक्त 2000 नि सिङाव एजाहार होबाय होनना
फोसावो।
सानसे सम नि एबसु नि दैदेनगिरि, दानि एजेपि नि दैदेनगिरि कास्तम बसुमतारी
बिथाङा कक्राझार आव थांनानै बेरफ्रुसार बिबुंथि होदों, बिथाङा AJP दोलोनि जयेन्त सेकरिटारि। कक्राझार सहरनि
राजमेला फोथाराव थानाय आसाम साहित्य सभा भबनआव खुंफुंनाय, आसाम जाथिय परिसद आरो जाथिय जुब शक्ति दालायनि बान्जायनायाव लाइमोन फोरनि
जुथुमाव बाहागो लानानै आसाम जाथिय परिसदनि जयेन्त सेकरिटारि कास्तम बसुमतारीआ
दुलाराय बर फरायसा आफादनिफ्राय राजखान्थि हान्जायाव थांनायनि गुबै जाहोन फोरखौ
रोखायै फोरमायदों बेफोरनि अनगायैबो बिजेपि दोलो आ मा खालामनो नाजागासिनो बेफोरखौ
खौरांगिरिफोरनि सिगाङाव बुंदों। आसामाव जेब्लासिम BJP सोरखार थागोन अब्लासिम फिसा फिसा हारि हारिसा फोरनि मोन्थायफोरा
जोबस्रांलांगोन। बिजेपि दोलोआ फिसा फिसा पलिटिखेल पारथीफोरखौ फोजोबस्रांनायनि खैसार खालामो।
बितिआर आव ईउपिपिएल आरो बिपिएफ आ सोरखार दानो हायो, एमसिएलए फोरबो दंखायो, दिनै
आसामाव बिजेपि दोलोआ जौगानायनि फारसे साना, धोरोमारि नांलायनायसो लाबोयो होनना
बुंदों, जोंनि जायगायारि दोलो फोरा साउथ ईन्दिया नि बादि जानो नांगौ, साउथ नि
सुबुंफोरा साननो गोरों, बेखायनो बिसोरखौ हाबनो होआ होनना बुंदों। बिजेपि आ शार्क
ना बायदि सो, खार्क , जायगायारि दोलो, दैदेनगिरिफोरखौ धंश खालामगासिनो होनना बुङो,
गुबुनफारसे बिथाङा एबसु खौ माब्लाबाबो बावगारा, एबसु आव थानानै नो गोबां सोलोंनो
मोनदों, एबसु आ नो आंनि रोदा, ससियेल मिदिया याव एबसु खौ सोरबा गाज्रि बुङोब्ला
आंबो गाज्रि मोनो।
लेङाय हादरगिरि नि बिसायखथि नि थाखाय बेरेखा दोलो नि बिजाथि नि मुं खौ
फोसावना होबाय, बिसायखथि आ 6 आगस्त आव जागोन, गोदान दिल्लि आव जानाय बेरेखा दोलो
नि सावराय मेल नि उनाव नो एनसिपि नि गाहाय शरद पावार बिथाङा बेखौ फोसावना होयो,
कंग्रेस नि दैदेनगिरि, बारग मिरु नि मन्थ्रि मार्गारेत आलभा खौ बिजाथि महरै
सायखयो। 6 आगस्तखालि नो बिसायखथि आ जागोन आरो 6 आगस्त खालि नो रिजाल्त खौ बो
मोनखागोन होनना खौरां मोनदों।
नोंथाङा जुदि जौ लोंनानै गारि सालायो एबा सिमा नि बारा गोसा गारि सालायो,
नोंथाङा जरिमाना ल होयोब्ला बारगनाय नङा, थै बो दान होनो नांगोन। बे नेम आ पान्जाब
नि, जुदि थैदान होनो हाया अब्ला खाथि नि फरायसालि एबा देहाफाहामसालि आव सारभिस
होनो नांगोन, पान्जाब पुलिस आ मैया बे नेम खौ फोसावदों। आरो जुदि सोरबा सुबुं आ
गारि मथर नि आयेन खौ गोबांबार सिफायो अब्ला बिनि जरिमाना या बारा निफ्राय बारा
जालांबाय थागोन, लाईसेन्स खौ बो दानना होगोन होनना मिथिना मोनदों, रायजो आव गिबि
खेब जौ लोंनानै गारि सालायब्ला 5 रोजा रां नि जरिमाना आरो 3 दान नि थाखाय गनायथि
बिलाय खौ दानना होगोन।
मैया दिमाकुसि आव आईएसएल-आई लिग हिरोस आरो बदलेन्द 11 नि गेजेराव सेरिति
फुतबल मेस गेलेनाय आ मोजाङै जोबनानै थाङो, हलिसरन, दुर्गा बर, बावरिंदाव बद बिथांमोना
बे गेलेनाय आव बाहागो लादोंमोन, बे गेलेनाय खौ मिथिंगायारि खैफोद आव गोलैनाय सुबुंफोरखौ हेफाजाब होनायनि मुङाव लानाय
जादोंमोन। उदालगुरि जिला नि दिमाकुसि आव जानाय गेलेनाय आ 2-2 गल जों जोबनानै थाङो।
बितिआर नि गाहाय प्रमद बर बिथाङा बेखौ बेखेवना होयो, गोबां सुबुंफोरा नो बे
गेलेनायखौ नायनो थांदोंमोन, तिकेत नि बेसेन आ थाखो लानानै थाखो गुबुन गुबुन मोन,
बे गेलेनाय आव बितिआर नि गाहायजों लोगोसे ईएम दावबायसा बर, निलुत श्वर्गियारि,
धनन्जय बसुमतारि, मन्तु बर, सन्जय स्वर्गियारि बिथांमोना बाहागो लादोंमोन।
नगांव आव मोनसे सोमोनांथाव जाथाय जादों, पुलिस न निफ्राय नो सासे कन्सतेबल
नि एके 47 रायफल नि 90 राउन्द गोथां गुलि फोरजों लोगोसे सना नि गहना सिखाव खालामना
लांबाय, अरुनज्योति शईकिया मुंनि कन्सतेबल नि कुवार्तार आव जादों जाथाय आ। बे
जाथायनि उनाव नो बे कन्सतेबल खौ सासपेन्द खालामनाय जाबाय, जाथाय आ सान 5 सिगाङाव
नो जादोंमोन, नाथाय मैया सो सोराङाव फैदों, बेनि नायबिजिरनाय आ सोलिगासिनो दं, बेनि
दाय आव सासे खौ हमदों, सिसितिभि फुतेज नि खौ नायनानै हमदों, नाथाय बे सुबुंखौ कभिद
जानायनि थाखाय सोंनो मोनाखै होनना मिथिना मोनदों। आगोलाव बे कन्सतेबल आ अफिसार
ध्रुब बरा बिथांनि पिएसअ महरै बिबान आव दंमोन। नायबिजिरनाय आ सोलिगासिनो दं।
राबां दख'रा दुलाराय बर' फरायसा आफादनि बानजायनायाव दिनै बर' बिजोंजों फरायनानै मेट्रिक आनजादाव सेथि थाखोआव उथ्रिसार जानो हानाय आरो
हायार सेख'ण्डारीयाव सेथि थाखोआव उथ्रिसार जानो हानाय
फरायसाफोरनि गेजेराव 10थि मासि आवग्रिनो हानाय फरायसाफोरखौ बाक्सानि राबां बर' बाजाराव सानसेनि मेहेरगोनां हाबाफारिजों बरायो । बे बरायनाय हाबाफारिखौ बेखेवनानै होयो बाक्सा जिल्ला एबसुनि आफादगिरि
मुस्रि उमेश दैमारीया आरो हाबाफारियाव गाहाइ आलासि महरै बाहागो लायो मिरु एबसुनि
लोगो आफादगिरि मानगोनां मुस्रि खोरोमदाव वारीया । गाहाइ आलासि महरै बाहागो लानानै मिरु एबसुनि लोगो आफादगिरि मानगोनां मुस्रि
खोरोमदाव वारीया माहारिनि सार्थआव बर' बिजोंङावनो गावनि गथ'फोरखौ फोरोंनानै नाजाबथानायनि गेजेरजों गथ'फोरखौ सेथि थाखोआव उथ्रिसार होनो हानायनि साफ्रोमबो बिमा बिफानिसिम रोजा रोजा साबायखर बाउओ । फरायसा समावनो सासे फरायसाया गावनि थांखिखौ रोखा खालामनानै लाखानायजों
लोगोसे सासे फरायसानाव सोलोंथाइनि गुन थानायजों लोगोसे समाजनि गुनबो थाफानांगोन
होननानै गावनि बेसेनगोनां बिबुंथिजों फोरमायो । बे बरायनाय हाबाफारियाव फुंखा सुबुं महरै मुस्रि मानास सेफां एकाडेमिनि
गोरायुं जोंस्रां ब्रह्म(पैला.जे. बरगयारी)या बाहागो लायो ।
ईंग्लेन्द नि बेरेखा वान दे सिरिज खौ देरहाबाय
भारत आ, 5 विकेत जों फेजेनो भारत आ जोबथा गेलेनायखौ, बेनि सिगां 1-1 द्र जाना
दंमोन, मानसेस्तार आव जादोंमोन गेलेनाय आ, 260 रान नि तार्गेत खौ भारत आ 42.1 अभार
आव नो बुनानै देरहायो, रिषभ पन्त आ 125 आरो हार्दिक पान्द्याया 71 रान बुयो,
लोगोसे हार्दिक आ सा 4 विकेत बो लादोंमोन। बेखौ देरहानाय लोगो लोगो नो सिरिज खौ
2-1 जों देरहायो, बेनि सिगां बो भारत आ ति-20 नि सिरिज खौ बो देरहादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon