बिटिसि आव ईउपिपिएल, बिजेपि आरो जिएसपि नि सोरखार दं, नाथाय मैया ईउपिपिएल
नि सासे गोख्रों दैदेनगिरि, दानि बितिसि सोरखार नि सासे ईएम आ बिजेपि आव गोदान
गोदान हाबनायफोरखौ माफा माफा गोथां सियाल सो, बिजेपि आव थानानै माबा मोनसे आदाय
खालामनो हागोन नामा, ईउपिपिएल आव थ फैनो लाजियो, 17 बोसोर नासयबोनायनि थाखाय
ईउपिपिएल आव फैनो लाजियो, संख्रि सोलाग्रा या संख्रि सोलानो लुबैखायो। बेफोरबायदि
खालामनाय आव ईउपिपिएल नि जेबो खहा जाया, बिजेपि आ नो फै, कंग्रेस आ नो फै, जिएसपि
आप आ नो फै रावबो जेबो खहा खालामनो हाया होनना बुंदों, नाथाय बिथाङा गोजाम बिजेपि
नि दैदेनगिरिफोरखौ जेबो बुङाखै, गोजाम बिजेपि नि दैदेनगिरिफोरा हारि नि जेबो
बेरेखा नङा, नाथाय गोदान गोदान हाबनायफोरा सो बेबायदि खालामदों। मखजाथावदि सोरखारा
मोन 40 बियाबनि
गंफ्रोमबो बियाबाव गोरिब दुखुथिया नखरनि फरायसाफोरनो सोलोंथाइ बिथिङाव रांआरि मदत
खालामनो थाखाय गियाननि सोरां बिथांखिनि गेजेरजों फरायसाफोरनो 5 रोजा रांनि सेक राननानै होदों । मैया चिरां
जिल्लानि 14 नं चिरां
दुवार ब्लक इउपिपि एल दोलोनि गाहाय मावखुलि सान्तिपुरआव हाग्रा बिफाननि मावफुं
सोद्रोमा रन्जित बसुमतारीआ सा 200 फरायसा फरायसुलिफोरनो 5 रोजा रांनि सेक राननानै होयो।
उदालगुरि आव 25 मेगावात नि सलार पावार प्लान्त
खौ बेखेवना होयो आसामनि गिबि मन्थ्रि आ। 400 बिघा हा याव 2019 मायथाइ आव जागायनाय
बे बिथांखि आव गिबि मन्थ्रि खौ मदद होयो मन्थ्रि नन्दिता गार्लोसा आरो बितिसि नि
गाहाय प्रमद बर बिथांमोना, 55 रोजा ग्राहकफोरनो बेनि पावार खौ होनाय जागोन, रौता
पावार ग्रिद नो त्रान्स्फार खालामना होगोन लालपुर मोब्लिब बिफान नि बोलो खौ। बे
हाबाफारि आव नो बाहागो लानानै गिबि मन्थ्रि आ बुंदों 1 आगस्त निफ्राय मिशन
भुमिपुत्र बिथांखि नि खामानि खौ जागायगोन होनना बुंदों, मिशन भुमिपुत्र नि
गेजेरजों एससि, एसति, अबिसि फोरनो हारि नि फोरमान बिलाय होनाय जागोन, एससि, एसति
आरो अबिसि फोरखौ भारतारि नंगौ ना नङा सोंनो नाङा होनना बो बुंदों, लोगोसे
रौता-उदालगुरि नि लामा खौ 18 कौति रां जों बानायनाय जागोन, बे हाबाफारि आव नो
बाहागो लानानै गावनि बिबुंथि नि गेजेरजों हायार सेकन्दारि आव 1st div मोननाय फरायसुलिफोरा बे बार आव स्कुति मोनगोन, आसामनि गिबि मन्थ्रि बिथाङा 1st
div मोनोब्ला नो जागोन होनना बुंदों,
गुबुनफारसे हौवासा फोर एबा फरायसुलाफोरनो बो स्कुति होगोन नाथाय हौवासा फोरना
नाम्बार खौ बारा नांगोन होनना बुंदों, हौवासा फोरना लेतार नम्बर मोनोब्ला एबा 80 जौखोन्दो मोनोब्ला सो स्कुति मोनगोन होनना बुंदों- बे बोसोर नि दुर्गा फुजा
नि गेजेरावनो स्कुति खौ होगोन होनना बुंदों। गुबुनफारसे 6 आगस्त आव मेत्रिक आव
स्तार आरो लेतार नम्बर मोननाय फोरनो 16 रोजा रां होगोन होनना बुंदों, मखजाथावदि बे
बोसोर आव आनन्दराम बरुवा बान्था नि सोलाय 16 रोजा रां होगोन सोरखार आ। जायफोरा
खमावनो 75 जौखोन्दो नम्बर मोनदों नोंथांमोना सेबा नि वेबसाईत नि गेजेरजों बेंक
एकाउन्त खौ होयोब्ला नो जाबाय एबा रेजिस्तार खालामोब्ला नो जाबाय थाबैनो। लोगोसे
नो मैया नि हाबाफारि नि गेजेरजों थांनाय 10 जुलाइ खालि जिउ गोमानाय आसाम गौरब कल्पना
बर बिथांनि न आव बो थांनानै दुखु मोननाय फोरमायो आरो लोगोसे बिथांनि मुङाव जायगा
याव मुसुखा बानायनाय जागोन होनना फोसावो। अरुनुदय बिथांखि नि सोमोन्दै बो बुङो
बिथाङा, 10 अक्तोबर निफ्राय अरुनुदय नि रां खौ बारायगोन होनना बुङो- 1250 रां
मोनगोन, धोनि मानसि फोरखौ अरुनुदय बिथांखि निफ्राय गावनि मुं खौ दाननो बिथोन होदों,
साफ्रोमबो रुनुदय नि रां मोनग्राफोरनि ननि मोखां आव अरुनुदय परियास एबा अरुनुदय
नखर लिरनाय साईनबर्द लागायनाय जागोन, बे खामानिफोरखौ दिसेम्बर दान नि गेजेराव
फोजोबनाय जागोन। बिथाङा लोगोसे फैगो 13 निफ्राय 15 आगस्त सिम गासैबो नखरखौ नो
माहारियारि फिरफिला खौ न आव बिरहोनो खावलायदों, आसामनि थागिबिफोरखौ आजादि कि अमृत
महोस्तब फालिनो खावलायदों, दखान आव बायना मोननाय फिरफिला खौ नो बाहायनो खावलायो।
बाक्सा जिला नि सावस्रि बिफान नि सासे मावथि खौ जाख्लनाय होबखाग्रा बिफान
नि मोनसे दोलो आ घुस लानायनि दाय आव हमदों, हमजानाय सुबुं नि मुं खौ बिपिन कलिता
होनना मिथिना मोनदों, निलिमा भुया मुंनि सासे आजिरा मोननाय नार्श नि पेन्सन नि
खामानि नि मुङाव 5 रोजा रां दाबि खालामदोंमोन, नाथाय आजिरा मोननाय नार्श आ बेनि
सायाव सिरियै एन्ति करापशन बिफान नो अजद होनाय आव बिफान आ नायबिजिरो आरो रां लानाय
समावनो हमो, हमनाय आव मावखुलि आव नो बिपिन कलिता खौ 4 घन्ता सोंदोंमोन, उनाव बिनि
न आव बो नायबिजिरो, दायो आये बादियै गसर थिसननानै खाबाय बिखौ।
रायजो नि मोन 5 जिला याव कामान्दो बेतेलियान
दानाय जागोन, बेनि थाखाय सोरखार नि 839.95 कौति रां नि गनायथि, रायजो नि केबिनेत
नि थिरांथा नि उनाव फोसावना होयो मन्त्रि जयन्त मल्ल बरुवा बिथाङा। हायलाकान्दि,
कार्बिआंलं, शिबसागर, बिस्वनाथ आरो तिनसुकिया याव दानाय जागोन, कामान्दो बेतेलियान
फोरा गाज्रि खामानि नि बेरेखा जानाय आव आसाम पुलिस नि बोलो खौ बारायगोन होनना
बुंदों
एबसुनि
आफादगिरि मानाव गेदेद मुस्रि दिपेन बर'नि खावलायनाय बादियै आसामनि गिबि मन्त्रि
मानगोनां ड० हिमन्त बिश्व शर्माया दिनै रौता चारिआलियाव थानाय एबसुनि बारग' आफादगिरि, जांख्रिथाइयारि
दैदेनगिरि, बारग' एम.एल.ए.
मुस्रि करेन्द्र बसुमतारीनि नख'राव थांनानै खौरां लाहैदों ।मख'जायोदि, करेन्द्र
बसुमतारी बिथांङा थांनाय गोलाव समनिफ्राइनो केनसार बेरामाव गोग्लैनानै नआवनो
फाहामथाय लागासिनो । गिबि मन्त्रि
ड० हिमन्त बिश्व शर्माया करेन्द्र बसुमतारीनि देहाखौ खौरां लानानै अनसुंथाइनि सेक
होनायजों लोगोसे आबुंङै फाहामथाइ होनो थाखाय खोथा होयो । खावलायनाय
लेखायै खौरां लाफैनायनि थाखाय मिरु एबसुनि आफादगिरि मानाव गेदेद मुस्रि दिपेन बर'आ आसामनि गिबि
मन्त्रि मानगोनां ड० हिमन्त बिश्व शर्मानिसिम साबायखर बाउओ ।
कक्राझारआव लोर्गि थियातार ग्रुपनि बान्जायनायाव थुन फावथाय माव बादा। 2009
मायथाई निप्राय जागायनानै बोसोरफ्रोमबो बे बन्ध नि सान आव बेबायदि खालामबोगासिनो
दं, थांनाय बोसोर नि बादि नो बे बोसोर आव बो खालामो, थांनाय 26 जुन निफ्राय
जागायनाय हाबाफारि आ 35 सान थागोन, थुन फावथाय माव बादा हाबाफारिआव दुलाराय आसामनि
सा 30 सोलोंसाफोरा दुंब्रुयै
बाहागो लादों । फैगौ 31 जुलाइआव
थुंगेगोन थुनफावथाय माव बादा हाबाफारिआ। मिथिना मोननाय बादिब्ला जोबथा साननि हाबाफारियाव दिनथि फुंगोन एमबुआ मानो लानजाइ गैया थुनफावथाय।
मैया नि हाबाफारि आव गोबां मुंदांखआ सुबुंफोरा बाहागो लादोंमोन,जेरै सडल मन्दल,
द्रामा फरायसालि निफ्राय पास जाना फैनाय, जयन्त नार्जारि लोगोसे बसन्त राभा, आरो
मनिपुर निफ्राय जदुमनि सिंह बिथांमोना।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon