नेशनेल
हेल्थ मिशन आसाम नि बादिब्ला दासिम आसाम आव सा 67 आ जापानिश एनकेफेलाईतिस बेराम
जों गाग्लोबजादों, रिपर्त नि बादिब्ला सा 6 सुबुंफोरनि जिउ गोमायो। जिला महरै
नायोब्ला जोरहात आव नो बांसिन गासै 15 ता मोनदों दासिम, गलाघात आव 12 आरो नगांव आव
9 ता केस मोनदों। रायजो आव दासिम 86 ता केस मोनदों, जिला हिसाबै नायोब्ला बितिसि
नि कक्राझार आव बांसिन मोनदों, दासिम 14 आरो नैथि आव बो बितिसि नि नो उदालगुरि आव
12 ता, करिमगन्ज आव 7 आरो कामरुप मेत्र आव 6 ता केस मोनदों। गुबुन गुबुन जायगा याव
दैबाना नि थासारि नि थाखायनो बेफोरबायदि आ बारा जालांनो हमदों, बेखायनो जायगा
फोरखौ मोजाङै लाखिनो खावलायदों।
मोनसे
गिथावना जाथाय जानानै थाङो जापान आव, हादर नि बारग गाहाय मन्थ्रि शिनजो आबे खौ
सोनाब जापान नि नारा सोहोर आव मोनसे मेल आव बिबुंथि लाखिनाय समावनो सासे गाज्रि
सुबुं आ खाथि निफ्राय नो गुलि गावो, बेयावनो जिउ गोमायो। दा जापान ताईम्स आव
फोसावनाय खौरां नि बादिब्ला मोनसे बिसायखथि फोसावदिंनायनि समावनो आबे नि सायाव
गाग्लोबो। बिखा याव गुलि नांनाय आव गोबां थै गदोंमोन, लोगो लोगो देहाफाहामसालि आव
लाना थांदोंमोनब्लाबो जिउ गोमायो होनना खौरां मोनदों। पुलिसफोरा दासिम सासे
सन्देहगोनां सुबुं खौ हमबाय होनना मिथिना मोनदों, शिनजो आबे बिथाङा 2006 निफ्राय
2007 आरो फिन 2012 निफ्राय 2020 सिम गाहाय मन्थ्रि जादोंमोन जापान नि।लिबारेल
देमक्रेतिक पार्ति नि आफादगिरि बो जादोंमोन। बिथाङा नो गोलावसिन सम गाहाय मन्थ्रि
जानाय सुबुं।
मैया
हर नि 9 बाजि आव सिमेन सापरि आव मुर्कंसेलेक निफ्राय मालिगांव फारसे थांनाय
ईन्तारसिति रेल आ दानसयो सासे बर सुबुंखौ, बे सुबुं खौ सिमेन सापरि पुलिस थाना नि
समकं लकलुं गामि नि तंकेश्वर बर होनना सिनायनाय जादों, पुलिसफोरा बेखौ गावखौनो
बुथारना लानायनि सन्देह खालामदों, सिमेन सापरि रेल स्तेशन निफ्राय 25 मितार सो
गोजान आव रेल नि सिरि आव उन्दुना थानाय हालोद आव रेल आ थुख्रानै खालामो, दिनै
फुङाव रायजोपोरा नुनानै पुलिस नो खौरां हरो।
रायजो
आव मोनसे नि उनाव मोनसे मिथिंगायारि खैफोद, खनसे देबाना आरो दायो बारहुंखा नि
गिथावना महर, जेंना या लोगो गारनो नो नागिराखै मानसि नि । मैया हर आव फैनाय
गिथावना बारहुंखा या जोनाई नि देकापाम, ललाद, आरिमरा तेलाम, गालि बायदि गोबां
ओनसोलफोराव गोबां खहा खालामदों, गोबां सुबुंफोरनि न बां बायदों, दंफां लायफां
गोबां बायदों, लोगोसे मोब्लिब नि खुन्था बायनायनि थाखाय बो मोब्लिब सारभिस आ बन्ध
जादों होनना मिथिना मोनदों। गुबुनफारसे उदालगुरि नि माजबात आव सारअन्थाय गावनाय आव
सासे बर हिनजावसा नि जिउ गोमादों, किषानपुर नि जिउ गोमानाय आयजो नि मुं खौ निमाय
ब्रह्म होनना मिथिना मोनदों।
बिहार
नि नितिश्वार कलेज नि हिन्दि नि एसिसतेन्त प्रफेसार डाँ ललन कुमार बिथाङा गावनि
दरमाहा खौ बुहुमफरायसालि नि बिबानगिरिफोरनि नो होफिनदों, 2 बोसोर 9 दान 23 लाख रां
होफिनदों. बिथाङा बे रां खौ होनानै बुंदों- थांनाय 2 बोसोर आरो 9 दान आव सासेबो
फरायसा खौ फोरोंनो मोनाखै, प्रफेसार नि बे थांखि लानाय आ सोमोनांहोदों, खौरां
मोननाय बादिब्ला फरायसाफोरा नुजाथियि नि थाखाय नो बे रां खौ होफिनदों, कलेज आव
1100 फरायसाफोरा हिन्दि आव मुं थिसनदोंब्लाबो नुजाथिनाय आ लाथिख फ्राम, आं बिबान
खौ मोजाङै मावनो हायाखै, बेबायदि थासारि आव दरमाहा लानाय आव नेम बादि जानाय नङा,
मखजाथावदि 2019 नि 24 सेप्तेम्बर आव बे मासि नि साख्रि आव सोदोंमोन, बिथाङा बेयाव
फरायनायनि आबहावा नुवाखैमोन, बेनि थाखाय नो बुहुमफरायसालि खौ गुबुन कलेज आव
सोलायनो खावलायदोंमोन नाथाय बेखौ मानिना लायाखैमोन, बेनि थाखाय नो बेबायदि खालामो
बिथाङा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon