30 July bodo news 2022 ~ Bodoinfo.com

सोरबाफोर सोरखारि मावथि आ नोंनिफ्राय खामानि नि मुङाव रां दाबि खालामदोंनामा, बेबायदि गाज्रि सोरखारि मावथि खौ हमनो थाखाय खौरां हरनो हागोन। आसाम सोरखार आ करापशन एबा घुस लानाय एबा जाख्लनाय नि बेरेखा गोख्रों एक्सन, आसाम पुलिस आ मोननै नम्बर होदों जेराव नोंथाङा फन आरो मेसेज हरनो हागोन, जुदि सोरबाफोर घुस लायोब्ला एबा बियोब्ला 03612462295 आरो 18003453767 नम्बर आव मेसेज आरो कल खालामनो हागोन, आगोलनिफ्राय नो आसाम सोरखार आ जाख्लनाय गैयि आसाम दानायनि बाथ्रा बुंगासिनो, सानसे सिगाङआवसो सानै अफिसार खौ मरिगांव आरो दिब्रुगर निफ्राय हमदोंमोन घुस लानायनि दाय आव, बेनिनो सासे आ आयजोमोन जाय 1 लाख रां घुस बिदोंमोन। दायो सोरखार आ बे बेनि गेजेरजोंबो खम खालामनो नाजादों, बेखायनो सोरबाफोर बियोब्ला बे नम्बर फोराव फन खालामना खौरां हरोब्ला नो जाबाय।

सिगारेत नि पेकेत नि गोदान महर, दानिया सिगारेत नि पेकेत नि सायाव लिरनाय थागोन TOBACCO CAUSES PAINFUL DEATH. खौरां मोननाय बादिब्ला दिसेम्बर दान नि 1 खालारनिफ्राय बे लिरनाय जों दिहुननाय जागोन, बेखौ ईउनियन हेल्थ मिनिस्त्रि आ फोसावना होदों, रिपर्त नि बादिब्ला तबाको बानायनाय, लाबोनाय लांनाय गासैबोआवनो लिरनाय थासिगोन, बेनि अनगायैबो देहा नि वार्निं बो लिरनाय थागोन, Tobacco Users die younger होनना बो लिरनाय थागोन, जाय लांलाय लाबोलाय, बानायनाय बायदिफोरखौ खालामो बेफोर गासैबो मोजाङै लिरनाय थानो नांथारगोन, गासैबो बे नेम खौ मानिनो नांगोन जायफोरा बानायो आरो लाबोयो. नेम खौ मानियाब्ला जेल नि साजा आरो लोगोसे जरिमाना बो जानो हागौ नि खौरां मोनदों।

बितिआर गोरोबथानि 6.3 नं दफा या दासिमबो दं, आसाम सोरखार नि पलिसि नि बाथ्रा सोलिनाय फरायसालिफोरखौ सोरखारि खालामि आ बेयाव बाहायनाय जाया, बितिआर सुक्ति खौ भारत सोरखार आरो आसाम सोरखार, एबसु एनदिएफबि ईउबिपिअ आ बे ओनसोलनि शांति, आरो जौगानायनि थाखाय खालामदों, बेखायनो सोलोंथाय बिफान आव जाखिनि जेंनाफोर दं बेफोरखौ फोजोबस्रांगोन होनना बुङो, सोरखारि नङि फरायसालिफोरखौ सोरखारि खालामनाय जागोन होनना बितिआर नि गाहाय प्रमद बर बिथाङा बुंदों। सोरखारि फरायसालि आव ईंराजि राव जों मोननै आयदा खौ फरायनायनि सायाव बर बिजोंनि थाखाय एबसु आरो बर थुनलाय आफाद जों थाबैनो सावरायलायगोन होनना बो बुंदों बिथाङा।

सासे गुरु आ बेबायदि बो खालामनो हायो ना, मोनसे भिदिअ भाईरेल जागासिनो दायो, जाथाय आ मथुरा नि, अखा नि थाखाय फरायसालि आव दै जाजोबदोंमोन, गावनि फोरोंगिरिजो नि थाखाय फरायसाफोरा दै आव सेयार एबा मासि नि दालां बानायना होदों, फरायसाफोरा फोरोंगिरि जो नि थाखाय गावखौनो गतायनायनि गोबाङानो सन्मान बो होदों, गुबुनफारसे गोबाङानो बेबायदि खालामहोनाय आ मोजां जायाखै होनना बो बुंदों, बलदेब ओनसोल नि गामि पन्सायत नि दघेता गुदि फरायसालि नि जाथाय, लोगो फोरोंगिरिजों पल्लबि आ फरायसालि आव दै जमा जानाय आव फरायसाफोरखौ बेबायदि खालामनो होयो, बे फरायसालि आव गासै सा 7 फोरोंगिरि फोर दं, सा 4 आयजो आरो सा 3 हौवासा फोर, बेनिनो पल्लबि मुंनि फोरोंगिरिजो आ ल सो बेबायदि खालामदों जायनि थाखाय गोबां सुबोंफोरजोंनो बुंजादों।

गुवाहाति पुलिस आ सुक्रबारखालि सासे हिनजावसा खौ भारत नि नंखाय रां जों लोगोसे हमदों, हिनजावसा नि मुङा उषा बर्मन, बिनिफ्राय गासै 43 ता 500 रां नि बिलाय मोनदों, आरो लोगोसे प्रिन्तिं मेसिन बो मोनदों होनना खौरां मोनदों, खौरां मोननाय बादिब्ला बे आयजो आजो रोद नि ओनसोल आव बिउति पार्लार आव बो खामानि मावोमोन, आरो आरिफ हुसेईन मुंनि सुबुं नि न आव थायोमोन, पुलिसफोरा बेजों गोबां सोमोन्दो थानायनि सन्देह खालामदों, दायो हिनजावसा खौ हमनानै सोंगासिनो दं।

कमनवेल्थ गेम्स आ जागायबाय, मैयानिफ्राय बार्हिंगाम आव, पाकिस्तान नि गेलेगिरि खौ फेजेननानै नैथि राउन्द आव मोनहैबाय आसामनि बक्सार शिब थापा या, हौवा फोरनि 63 केजि नि गेलेनाय आव शिब आ पाकिस्तान नि बि सुलेमान खौ फेजेनो. 5-0 जों फेजेननो हायो, कमनवेल्थ गेम्स आ 8 आगस्त सिम जागोन, 72 ता हादर नि 5000 नि बारा गेलेगिरिफोरा बेयाव बाहागो लादों. भारत नि आ 111 हौवा आऱो 104 आयजो फोरा गेलेनो थांदों, गासै 15 ता गुबुन गुबुन गेलेनाय आव बाहागो लादों।

आफगानिस्तानि नि मोजां मोनजानाय क्रिकेत लिग श्वापेदेजा ति 20 क्रिकेत लिग नि गेलेनाय आ सोलिबाय थानाय समाव नो मोनसे बम बेरनाय जाथाय जायो, बे जाथाय आ जानायनि उनाव न गासैबो गेलेगिरिफोरखौ रैखाथि नि थाखाय बांकार आव लांनाय जायो, मखजाथावदि बे बेरफ्रुनाय समाव रास्त्रसंघ नि सानैसो बिबानगिरिफोरा बो दंमोन स्तेदियाम आव। आफगानिस्तान क्रिकेत बर्द नि बिबानगिरि आ बे जाथायखौ थार होनना बुंनानै बेयाव सा 4 सुबुंफोर जोखोम जादों होनना बुङो, तालिबान जों सालायजानाय बे हादर आव बे साननैसो बम बेरनाय जाथाय खौ खोनागासिनो दं।