23 July bodo evening news 2022 ~ Bodoinfo.com

बदलेन्द आईदल सिजन 2 आ फैगासिनो, सानसे सिगाङाव बेनि खौरां होदोंमोन नोंथांमोननो, मेथाय खननानै मोजां मोनग्राफोरनि थाखाय मोनसे मोजां चान्स, बदलेन्द आईदल नि अदिशन नि जायगा फोरखौ फोसावनानै होबाय. गिबि अदिशन लानाय नि जिला नि मुङा धेमाजि, फैगो 5 आगष्त खालि जागोन, जायगा या धेमाजि जिला एबसु, सिमेनसापरि आव। नैथि आ बिश्वनाथ आरो लक्षिमपुर नि, 6 आगष्त खालि, बरपुखुरि नि बद नेशनेल एकादेमि आव जागोन, बेबायदिनो सनितपुर, उदालगुरि, तामुलपुर, कामरुप, बाक्सा, नलबारि, चिरां, कक्राधार, कार्बिआंलं आरो गलाघात जिला नि बो जागोन, नोंथांमोना स्क्रिन आव नायना लायोब्ला नो जाबाय। गिबि बान्था देरहानाय आ 50 रोजा रां जों लोगोसे त्रफि आरो चार्तिफिकेत मोनगोन, नैथि आ 30 रोजा आरो चार्तिफिकेत आरो 3 थि बान्था नि आ 20 रोजा आरो चार्तिफिकेत मोनगोन। नोंथांमोना माबाफोर सोंनो गोसोब्ला ह्वात्स एप नि गेजेरजों बे नम्बर 9101944269 आव सोंहरनो हागोन।

जौसिन बिजिरसालि नि जारिमिनारि राय। सासे हाबा जायि 24 सप्ता नि गोरबो आव थानाय आयजो खौ एबरशन एबा उदै सिङाव थानाय गथ खौ बुथारनो गनायथि होदों, बेनि थाखाय मेदिकेल तार्मिनेशन अफ प्रेगनेन्सि आयेन खौ मोजां खालामो, मखजाथावदि हाबा जायि आयजो आ प्रेगनेन्त जानायनि 24 सप्ता याव एबरशन खालामनो हागोन, बिजिरगिरि बिथांमोना मेदिकेल तेस्त खालामनो बिथोन होदों, सप्तासे नि गेजेराव बेनि रिपर्त खौ होनो नांगोन। मिथिना मोननाय बादिब्ला बिजिरसालि आ रान्दि हिनजाव, हौवा गारनाय एबा फाथैलाय बिसिनाय फोरनो बो बेबायदि राय खौ होयो, दानि मेदिकेल तार्मिनेशन आयेन-2021 नि सिङाव 24 सप्ता सिम एबरशन खालामनो हानाय थाखो नि आयजोफोरा बेबायदि- जिनाहारि खालामजानाय, उन्दै गथ. एबा 18 बोसोर बैसो नि खम, रान्दि हिनजाव, दिभर्श जानाय, देहायारि जेंना थानाय आयजो, खर गाज्रि जानाय फोर।

कृकेत नायना मोजां मोनग्राफोरनि थाखाय मोजां खौरां, आसाम आव ईन्तारनेशल मोनसे गेलेनाय जागोन, गुवाहाति नि बर्षापारा स्तेदियाम आव गेलेनाय आ जागोन, बे बोसोरनि 16 अक्तोबर निफ्राय जानो गोनां ति 20 वर्ल्द काप नि सिगां भारत आ खोला आफ्रिका आरो अष्त्रेलिया नि बेरेखा गेलेगोन, बेनिनो मोनसे गेलेनाय आ जागोन गुवाहाति आव, खोला आफ्रिका नि बेरेखा, ति-20 गेलेनाय जागोन, थांनाय 2020 नि जानुवारि आव मोनसे गेलेनाय जादोंमोन बे स्तेदियाम आव, जेराव अखा हानायनि थाखाय गोबां जेंना जों मोगा मोगि जानो गोनां जादोंमोन, ग्राउन्द खौ फोराननो थाखाय बायदिसिना लामा दिहुननायनि थाखाय गोबां बुंजानो गोनां जादोंमोन।

अरुनाशल आव आसामनि गोमाना थानाय सा 18 सुबुंफोरनि सा 7 खौ नागिरना मोनबाय होनना खौरां मोनदों, गासै सा 19 आ गोमादोंमोनब्लाबो सासे नि गोथै देहा खौ आगोलावनो मोनखाबायमोन, नाथाय दासिमबो सा 12 नि जेबो खौरां गैया, सा 7 खौ अरुनाशल नि कुरुं कुमे निफ्राय नागिरना मोनदों। नागिरना मोननाय फोरनि देहा नि हालोद आ गाज्रिथार जाना दं, थांनाय 3 सप्ता निफ्रायनो नागिरगासिनोमोन बिसोरखौ, गोमाना थानाय सा 18 नि सा 7 आ कक्राझार जिला नि, बेनिनो सानै खौ नागिरना मोनबाय, थांनाय 30 मे आव खामानि नागिरनानै अरुनाशल आव थांनायनि उनाव ईद नि थाखाय न आव फैनो सुति बिदोंमोन नाथाय सुति होयि आव केम्प निफ्राय थाबायनानै फैदोंमोन।