नोंथांनि जायगा याव मोब्लिब खौ दानबाय थादोंनामा, एबा कारेन्त
थाया नामा गोबां सम सिम, दानि सम आव आसाम आव दुंथाय आ बारा जालांगासिनो, बेबायदि
सम आव कारेन्त गैया जायोब्ला थानो हायि जायो गोबां सुबंफोरा नो, बेनि थाखाय नो
मोब्लिब बिफान आ अजद होनो थाखाय मोननै हेल्पलाईन नम्बर दिहुनना होदों, 7575999666
आरो 1912 नम्बर आव फन खालामनानै अजद होनो हागोन, लोगोसे मेईल नि गेजेरजों बो हरनो
हागोन अजद खौ, cgm.cr.apdcl@gmail.com
आव बो हरनो हागोन अजद खौ। मखजाथावदि गोबां जायगा याव
नो गोबां सम मोब्लिब थाया, जायनि थाखाय गोबां सुबुंफोरा नो गिसिब सिबबाय थानो
गोनां जायो आरो लोगोसे न आव थानो हायि बो जायो। बेफोरबायदि मोब्लिब थायि नि
थाखायनो गोबां सुबुंफोरा नो अजद होदोंमोन आरो लोगोसे धर्ना हाबाफारि बो लानो
नागिरदोंमोन, बेफोरबायदिनि थाखाय नो अजद नि थाखाय बेखौ दिहुनना होदों एपिदिसिएल आ।
अजद मोननाय लोगो लोगो नो एक्सन लानाय जागोन होनना खौरां मोनदों।
गुबुन रायजो फोरनि बादि नो आसाम आव सान नि दुंथाय आ बारा
जालांगासिनो, बेनि गेजेराव मोनसे दुखुनांथाव खौरां मोनदों, हायार सेकन्दारि खौ पास
खालामखांनायनि उनाव गोबां फरायनो हानाय फरायसाफोरा तेजपुर नि दरं कलेज आव मुं
थिसननो फैयो, बेनि गेजेराव नो सासे फरायसा भार्गब ज्योति बरा मुंनि आ बो फैदोंमोन
मुं थिसननो। गिथावना सान्दुं ब्लाबो 2000 सो फरायसा फोरा ज जादोंमोन मुं थिसननो,
जिउ नि मोनसे गोदान लामा याव आगान होनो थियारि गोबाङानो, नाथाय बेनि गेजेराव नो
मोनसे जाथाय जायो हरखाब नो। बे भार्गब मुंनि फरायसा या मुं थिसननो थाखाय लाईन
जानाय आव हारसिंनो गोग्लैयो, लोगो लोगो देहाफाहामसालि आव लांदोंमोनब्लाबो जिउ
गोमायो होनना मिथिना मोनदों, गिथावना सानदुं नि थाखाय नो जिउ गोमानायनि सन्देह,
बिफा या आसाम पुलिस आव खामानि मावो, रायजो आव दुंथाय आ बारा जालांबाय थानाय आव
गोबां सुबुंफोरा नो गोबां जेंना जों मोगा मोगि जानो गोनां जादों।
सासे बर सुबुंनिफ्राय 1 लाख रां सेखना लाना थांदों। मनरन्जन
ब्रह्म मुंनि चिरां नि गंसे फरायसालि नि फोरोंगिरि निफ्राय नो लाना थाङो रां खौ,
मना याव लादोंमोन रां खौ, मना याव पास बुक, चेक बुक बायदिफोरखौ बो लाना थाङो, रां
खौ दिनैसो दिहुनदोंमोन, गारि नम्बर खौ सिनायासै होनना फोरमायो।
गारि मथर नि फितनेस चार्तिफिकेत नि लेत फिज खौ खम खालामदों
सोरखार आ, कभिद 19 नि थाखाय नो आसाम सोरखार आ खनसे आव नो फोजोबनायनि थाखाय मोनसे
बिथांखि बेखेवदों। बे बिथांखि नि गेजेरजों लकदाउन नि सम नि थाखाय फितनेश
चार्तिफिकेत रिनिउ खालामनो हायाखैमोन बिसोरनि थाखाय नो बेखौ लाबोदों, हान्थामेला
बिफान नि कमिशनार आदिल खान आ बुंदों मोनसे सम नि गेजेरजों बेखौ खालामनो नांगोन- 15
जुलाई निफ्राय 15 अक्तोबर नि गेजेराव खालामनो नांगोन। बेनि गेजेरजों गोबाव सान
निफ्राय थानाय नेम सानसे आव 50 रां नि लेत फिज नि सोलाय साखा खब 3 नि आव 10 रां,
कमारशियेल त्रेक्तर नि थाखाय 15 रां, साखा खब 4 नि थाखाय 20 रां आरो गिलिर गारि नि
थाखाय 25 रां थि खालामना होदों। बे सुबिदा खौ लानो थाखाय गासैबो नांगौ जानाय
फोरमानफोरखौ आपलद खालामनो नांगोन, मोनसे थि सम नि गेजेराव सुबिदा खौ लानो रोङाब्ला
सम बारनायनि उनाव 50 रां आ नो जाफिनगोन होनना बुंदों।
करिमगन्ज आव हिनजावसा गथ जोनोम होनायनि थाखाय नो बिहामजो खौ
बुथारदों, भैरब नगर आव जादों जाथाय आ, एसिद लोंहोनानै बिहामजो खौ बुथारनायनि अजद
फिसायनि नखर नि बेरेखा। दायो पुलिस फोरा हमबाय फिसाय शाकिल आहमेद खौ, हिनजावसा गथ
जोनोम होनाय नि थाखाय नो एसिद लोंहोदों, जाथाय जानाय लोगो लोगो फिसाय साकिल आहमेद
आ खाथि नि देहाफाहामसालि आव लांदोंमोनब्लाबो मोजां फाहामथाय नि थाखाय करिमगन्ज नि
सिभिल देहाफाहामसालि आव लाङो, उनाव देहा या गाज्रिथार जालांनाय आव शिलसर मेदिकेल
कलेज आव लांदोंमोनब्लाबो देहाफाहामसालि आव नो जिउ गोमायो आयजो नि, दायो आयजो नि
नखर नि सुबुंफोरा नायबिजिरनायनि बिथोन होदों।
मुं सोलायगोन गुवाहाति नि गोबां जायगा नि मुं फोरनि खौ,
कालापाहार, साबारभाति दानिफ्राय गोदान मुं जों मिथिजासिगोन, गिबि मन्थ्रि नि बिथोन
आव गुवाहाति मिउनिसिपाल बर्द आ थियारि जादों. गासै 8 ता जायगा आरो लामा नि मुं खौ
सोलायगोन, कालापाहार नि मुङा जागोन निलासल नगर, आरो साबारभाति नि आ आर्य नगर
जागोन, उलुबारि कछारिबस्ति दाजाबनाय लामा नि मुं खौबाथौ मन्दिर लामा मुं होनाय
जागोन, बेबायदि नो गोबां जायगा फोरनि खौ सोलायगोन होनना खौरां मोनदों।
मैया एनएलएफबि आ बिथांमोननि गिबि मुंख्लं सान फालिदोंमोन, गिबि
मुंख्लं एन जोंखोल उरफे जिफ्रुरुस नार्जारि नि सेथि थैनाय सान खौ फालिदों एनएलएफबि
नि कक्राझार आरो उदालगुरि नि देजिगनेतेद केम्प आव, थांनाय 2021 मायथाई नि 13 जुलाई
आव नो एन जोंखोल बिथांनि पुलिस नि गुलि याव जिउ गोमादोंमोन। उदालगुरि नि माजबात आव
जादोंमोन जाथाय आ, मैयानि बे हाबाफारि आव बिथांनि सावगारि आव गासैबो
सोद्रोमाफोरानो बिबार बावो। बे हाबाफारि आव एम बाथा बिथाङा बाहागो लानानै
खौरांगिरिफोरनि सिगाङाव बुंदों- रन्जन दैमारि बिथांजों लोगोसे गासैबो लिदार केदार
फोरा गआब्ला जों जोबथा थिरांथा नि आव जिराया होनना रोखा खालामना होदों। राजखान्थि
नि साल आव बर नि माखासे आ गोदोदों बेखौ गासैबो रायजोफोरा नुगासिनो दं, जोंनि
दिमान्द आ जाफुङागौमानि जोंनि नांनाय आ थांबाय थागोन होनना बो बुङो। एन जोंखोल
बिथाङा गावनि आगोमा जिउ खौ हारि नि थाखाय नागारनो हायोब्ला जों मानो हाया, जों
नांलांबाय थागोन होनना बो बुङो।
खन्थाय मोनसे नि थाखाय नो 2 दान जेल आव थानांदों सासे फरायसुलि
आ। बर्षाश्रि बरागहाई खौ जेल निफ्राय उदां खालामनो खावलायदों गोबां सुबुंफोरा नो,
खौरां मोननाय बादिब्ला 16 जुलाई आव ईउजि 2 थि सेमिस्तार नि आनजाद खौ होनो दं,
नाथाय आनजाद नि थाखाय साननै ल सम थानाय आव बो जेल आव नो थानांदों, मखजाथावदि
थांनाय 18 मे खालि दरहात पुलिस आ आलफा उदां खौ सापर्त खालामनायनि थाखाय नो
हमदोंमोन, जोरहात नि तियक थाना नि सिंनि एजारगुरि गामि नि थागिबि आरो दिसिबि कलेज
नि नैथि सेमिस्तार नि फरायसुलि बर्षाश्रि बुरागहाई आ, ससियेल मिदिया नि गेजेरजों
आलफा उदां खौ मदद खालामनाय खन्थाय लिरदोंमोन बियो, बेनि थाखाय नो हमो होनना
सानदों, नाथाय बेनि सायाव दिजिपि बिथाङा बुंदों बिखौ खन्थाय लिरनाय नि थाखाय
हमाखै, आलफा उदां आव हाबगोन बुंनायनि थाखाय सो हमदों होनना बुङो
दिल्लि
नि बिरखं गाथोन आव मोनदों गोबां पिस्तल थानाय बेग, बेनि दाय आव बिसि फिसाय खौ
हमदों, ईन्दिरा गान्धि ईन्तारनेशनेल बिरखं गाथोन आव सिखाव फालांगिरिफोरनिफ्राय
मोनो गासै 45 ता पिस्तल, सानै भारत नि नोगोरारिफोरखौ हमनानै सोंगासिनो दं, बे जब्द
खालामनाय पिस्तलफोरा आसलि ना नकलि बेनि सोमोन्दै गिबि आव मिथिनाय जायाखैमोन,
नायबिजिरनाय आ सोलिगासिनो दंमोन, नाथाय उनाव जेब्ला एएसजि आ नायबिजिरनाय खौ
फोजोबनानै रिपर्त खौ होयो अब्ला मिथियो दि बे पिस्तल फोरा गासैबो थार। हमजानाय
सानै नि मुं खौ जगजित सिंह आरो जशबिन्दर सिंह होनना मिथिना मोनदों, पिस्तलफोरनि
बेसेन खौ 22 लाख नि बारा जागोन होनना मिथिना मोनदों।
अदालगुरि
जिल्लानि खैराबारि थानानि सिङाव थानाय खैराबारि बालिसिथानि किशोर कुमार
भट्टाचार्यनि सिएसपि मिरुआव दिनै सानावनो सिनाय मोनै सुथुरआ पिस्तल दिन्थिना रां दाबि खालामना जाथाया ओनसोलाव सोमोनां होदों । मोन्नाय खौरां बादिब्ला दिनै साननि 2-40
रिंगासो समाव काॺ्टमारनि होंगो -दोंगो गैयैनि खाबु
लाना साथाम सिनायमोनै हिन्दी रावआरि सेंग्राफोरा गोसोम खसाब आरो हेलमेट गान्नानै
किशोर कुमार भट्टाचार्यनि एसबिआइ नि सिएसपि मिरुआव पिॺ्टल दिन्थिना रां दाबि खालामो ৷बिगोमा किशोरआ रां होनो अमान्ति
खालामनायाव खर’नि उनथिं पिॺ्टलजों बुनानै जखम खालामो । बिगोमा किशोरआ
हरखाबै बिबादि थासारिआव दकाइत दकाइत होन्ना सिख्राव नायाव बाजाज पालसार मटर
साइकेलजों फैनाय सुथुर साथामा हरखाबैनो खारलांनो हायो৷ उनाव भुगिनांनाय बिगोमा किशोर कुमार
भट्टाचार्यआ खैराबारि थानाआव खौरां दैथाय हरो आरो पुलिसफैनानै जाथायसालिखौ नायदिं
फैना नायबिजिरसंनाय हाबाफारिखौ आवगायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon