फैगो 5 बोसोर आव हादर आव पेत्रल आ बेन जागोन, बे बेरफ्रुसार बाथ्रा खौ बुंदों मिरु सोरखार नि मन्थ्रि नितिन गादकारि आ। पेत्रल खौ हादर आव गैया खालामगोन फैगो 5 बोसोर आव। महारास्त्र नि बिदर्भ आव बानायनाय बायो ईथानल खौ दायो गारिफोराव बाहायनाय जादों, दैखर नि दै निफ्राय गोथां हायद्रजेन बानायनो हायो आरो बेखौ 1 केजि आव 70 रां आव फाननो हायो होनना बुंदों बिथाङा। महारास्त्र नि गंसे एग्रिकालसार ईउनिभारसिति आव मोनसे हाबाफारि आव बाहागो लानानै बुंदों बिथाङा, लोगोसे आबादारिफोरखौ आदार बानायग्रा ल जानो नाङा, बोलो होग्रा बो जानो नांगौ होनना बुङो, ईथानल नि सायाव लानाय थिरांथा या हादरनि 20 रोजा कौति रां बासायदों, ईयुन आव साखा खब2 खब 4 गारि आव गोथां हायद्रजेन, ईथानल आरो सिएनजि बाहायजानाय जागोन होनना बो रोखा खालामना होदों।
थांनाय 5 जुलाई खालि सत्यरन्जन बरा या खौरांगिरिफोरनि सिगाङाव बुंनाय बाथ्रा नि सायाव जानाय बाथ्रा दान्थे बिदान्थे जालायनायनि सायाव दिनै दुलाराय बाथौ महासभा या खौरां बिबुंसार फोसावदों। दिनै 9 जुलाई खालि दुलाराय बाथौ गौथुम, लाईमोन आरो माईनाव आफाद जों खुंनाय जथाय बिबानगिरि मेल आव 1 नं थांखि आजावनाय लेखा बेखौ फोसावो। दुलाराय बाथौ गौथुम आ रोखायै फोरमायो दि बिथां सत्यरन्जन बरा या बुंनाय बाथ्रा फोरा बिथांनि गावनि गोसोबायदियैसो बुंनाय आरो बे कुतुम्ब सुरक्सा परिषद नि सो, बिथांनि बाथ्रा बुंनाय फोरा दुलाराय बाथौ गौथुम जों जेबो लोब्बा गैया होनना बुंदों, बेनि थाखायनो दुलाराय बर माहारि नि मोजांनि थाखाय गासै बर सुबुंफोरा बाथौ गौथुम नि फारसे जेबो गोरोन्थि साननाय लाबोआ बिनि थाखाय गासैबोनिसिम गुरैयै फोरमायनाय जाबाय होनना बो बुंदों।
रायजो आव दैबाना नि थासारि आ मोजां जालांगासिनोब्लाबो गोबां जायगा यानो दै नि सिङाव दं। फारसेथिं दैबाना आरो गुबुनफारसे जापानिस एनकेफेलाईतिस आरो देंगु नि गाज्रि महर, आमगुरि नि थाखो 6 नि सासे फरायसुलि नि जिउ गोमादों। हातिमरिया नि आकाशि नेउग आ गोबाव सम निफ्राय नो लोमजानाय जादोंमोन होनना नखर नि सुबुंफोरा बुंदों, देहाफाहामसालि आव लांदोंमोनब्लाबो दिनै जिउ गोमायो फरायसुलि नि, दासिम रायजो आव सा 7 नि जिउ गोमादों होनना मिथिना मोनदों, दासिम गोबां सुबुंफोरा बे बेराम जों गाग्लोबजानानै दं।
नगांव नि राजालामा याव हरखाब ओंखारदों शिव एबा महादेब आरो पार्बति। महादेब आरो पार्बति आ रयेल एनफिल्द जों सो फैदों। नगांव नि राजालामा याव शिब पार्बति नि नांलायनाय, फुंनि समाव राजालामा याव नांलायनाय आ लामा नि सुबुंफोरखौ मिनिहोदों। बे दावहा या बेसेन बारा जानायनि। हरखाब बाईक नि पेत्रल आ जोबना होनाय आव राजालामा याव महादेब नि रागा जोंनाय महर, नांलायो बो। महादेब आ बुंदों- दानि गाहाय मन्थ्रि मोदि खौ दैथायहरदोंमोन बेसेन बारा जानायखौ होबथानो, नाथाय बेसेन खम खालामनायनि मुङाव थगायगासिनो, बेखायनो गोरिब मानसि नि बाथ्रा साननानै सोरगो निफ्राय गाहाय फैदों महादेब आरो पार्बति या। खौरां मोननाय बादिब्ला बेयो मोनसे नातक सो मोन, साधारन सुबुंफोरखौ बेसेन बारा जानाय आरो बेकार नि जेंना नि सायाव सांग्रां खालामनो थाखाय सो बेबायदि गाननानै फाव खालामदोंमोन होनना बुंदों।
गौरां दैसा याव दुगैनो थांनानै आरोबाव सानै फरायसा या गोमानाय मोनसे दुखुनांथाव जाथाय। लोगोफोरजों दैसा याव दुगैनो थांनाय आव नो एखे गामि नि नो सानै फरायसा फोरा गोमाना दं। बिलासिपारा नि उदमारि आव जादों बे जाथाय आ, मिथिना मोननाय बादिब्ला उदमारि कामाख्या मन्दिर नि खाथि जों बोहैलांनाय गौरां दैसा याव दिनै सा 10 लोगो फोरा लोगो जानानै दुगैनो थांदोंमोन, बेनिनो गोपेश नाथ 20 खौ दै जों बुखारलांजानाय नुनानै बिनि लोगो जगदिश नाथ 20 आ बासायनो थांनाय आव गावबो बुखारलांजायो, गुबुन सा 8 आ बारगयो। थैनायनि सन्देह खालामनाय जगदिश आ ईउजि 2थि सेमिस्तार नि फरायसा बिगियान नि आरो गोपेश आ बो नैथि सेमिस्तारनि नो आर्त्श नि, बिलासिपारा कलेज आव फरायो सानैबो। जाथाय जानाय जायगा याव लक्षिगन्ज पुलिस नि दोलो आ थांदों आरो लोगोसे एसदिआरएफ नि दोलो आ बो थांदों नाथाय दासिमबो नागिरना मोनाखै।
श्रिलंका नि दानि रांखान्थियारि थासारि आ गाज्रिथार। गोबां सुबुंफोरा दिनै धर्ना होदों, हादरगिरि न आव बो हाबो गोबां बेरेखा सुबुंफोरा। खौरां मोननाय बादिब्ला राजधानि आव थानाय हादरगिरि न निफ्राय खारखुमानो गोनां जादों, हादरनि रागा जोंनाय सुबुंफोरा सोरखारि न आव हाबनानै बायदिसिना दुंहाव थासारि सोमजिहोनायनि थाखाय नो खारखुमानो गोनां जादों, हादरगिरि गोताबाया राजापक्षे खौ बिबान एंगारनो बो बिथोन होदों। बेरेखा जानायफोरा दाबिफोरखौ मानियोनि थाखायनो कलम्बो पुलिस नि बेरिकेद सिफायनानै हाबो न आव, आखाय आखाय श्रिलंका नि फिरफिला लानानै हादरगिरि नि स्लगान होनायजों लोगोसे गारिफोरखौ दै आव गारनायजों लोगोसे गोबां सम्पतिफोरनि खहा खालामो, मखजाथावदि बे बोसोर नि मार्च दान निफ्राय नो गाज्रियै रांकान्थियारि गाज्रि हालोद आव गोग्लैदों, गोरोन्थि सोरखारि नेम आरो कभिद नि थाखाय नो बेबायदि जादों होनना बुंदों गोबां साननो गोरों सुबुंफोरा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon