11 July bodo evening news. ~ Bodoinfo.com

HSLC एबा मेत्रिक नि कम्पारमेन्तेल आनजाद नि रुतिन खौ दिहुनना होबाय। 25 जुलाई निफ्राय जागोन आनजाद आ, 30 जुलाई खालि जोबगोन आनजाद आ, फुंबिलि सम नि 9 बाजि निफ्राय सानजौफु नि 12 बाजि सिम आरो बेलासि नि आ 1.30 निफ्राय 4.30 सिम जागोन आनजाद आ। बेखौ सेबा या नो फोसावबाय। आनजाद नि फारिलायखौ स्क्रिन आव होदों नायना ला।

जेईई मेईन 2022 आनजाद नि फिथायखौ फोसावबाय। हर गेजेराव एनतिए एबा नेशनेल तेस्तिं एजेन्सि आ वेबसाईत JEEMAIN.NTA.NIC.IN आव जेईई मेईन सेशन 1 नि फिथायखौ फोसावो। थांनाय 24 जुन निफ्राय 29 जुन सिम जादोंमोन आनजाद आ। गुबुनफारसे जेईई मेईन सेशन 2 नि रेजिस्त्रेसन आ सोलिगासिनो, सनिबार सिम थागोन, फैगो 21 जुलाई निफ्राय 30 जुलाई नि गेजेराव जागोन आनजाद आ।

गावनि बिबान खौ मोजाङै मावि नि थाखाय सा 9 हेल्थ वर्कारफोरखौ सासपेन्द खालामदों, माईबं महकुमा नि सिङाव थानाय खेपरे गुदि सावस्रि मिरु आव नुजाथियिनि थाखाय बेखौ खालामो। जायगा नि सुबुंफोरनि अजद नि बादिब्ला मोनसेल सावस्रि मिरु आव गोबां सम थाला मारिनायानो थायो, नांगौ समाव सासेबो हेल्थ वर्कार आ जायगा याव थाया, फिसा बेराम जायोब्लाबो बेखौ फोथायनो हाया, सा 9 सावस्रि बिबानगिरि फोरनि गेजेराव सासे आ देहाफाहामगिरि आ।

मोजां खौरां, कक्राझार आरएनबि देहाफाहामसालि आव गोबाव सम नि उनाव जागायबाय जिबौ अरनाय नि फाहामथाय आ। कक्राझार जिला नि गाहाय देहाफाहामसालि आव जिबौ अरनाय एबा सौनाय नि फाहामथाय गैयि नि थाखाय गोबां सुबुंफोरा जेंना जों मोगा मोगि जानो गोनां जायोमोन आरो सोरनिबा जिउ बो गोमायोमोन। जिबौ जों अरजानाय सुबुं नि थाखाय सम आ जोबोर बेसेनगोसा सम्पद बेखायनो आगोलनि सम आव देहाफाहामसालि आव सोनायनिफ्राय लानानै रेफार खालामनायसिम गोबां सम थाङो, आरो जायनि थाखाय जिउ बो गोमायो सोरनाबा। बेबायदि थासारि नि गेजेरावनो देहाफाहामसालि आव गिबि खेब एन्तिभेनम फाहामथायखौ मोजाङै खालामनो हायो, सावरायलायनानै फाहामथाय नि बेबस्था लागोन नि थिरांथा लानायनि सानसे उनाव नो सासे सुबुंखौ जिबौ अरो, लोगो लोगो देहाफाहामसालि आव लाना थाङो आरो फाहामथाय होयो, फेति जिबौ आ अरनाय बेरामि खौ फाहामथायनि गेजेरजों मोजां खालामफिननो हायो, जिबौ जों अरजानाय सुबुं आ मोजां जाखांनायनि उनाव देहाफाहामगिरिफोरखौ गोदान जिउ होनायनि थाखाय साबायखर होयो।

खारखुमाना थानाय बिजय मालिया खौ जेल नि साजा, 9 रोजा कौति रां नि केलेंकारि जों खारखुमाना दं, लोन लादोंमोन, खौरां मोननाय बादिब्ला 4 दान नि जेल नि साजा होदों आरो लोगोसे 2000 रां नि जरिमाना बो खालामनायनि खौरां मोनदों, मिथिना मोननाय बादिब्ला बिजिरसालि नि बिथोन खौ मानियालासै गावनि ननि सोद्रोमाफोरनो 40 निजुत दलार त्रेन्सफार खालामदोंमोन, दायो बे रांखौ होफिननोबो बिथोन होदों।

मन्थ्रि बिमल बरा नि मुङाव धोन दाबि गाज्रि सुबुंफोरनि, दिसपुर थाना याव एजाहार होबाय दायो। मन्थ्रि नि मुङाव नंखाय एकाउन्त खुलिनानै धोन दाबि खालामदोंमोन, गोबां सुबुंफोरनो नो मेसेज हरदोंमोन। 7780915086 नम्बर खौ बाहायनानै आरो बिथांनि सावगारि बाहायनानै गुबुन गुबुन फालांगिरि, एसिएस अफिसारनो मेसेज हरदोंमोन, फन खालामनो नाङा होनना मेसेज आव नो रायलायनो होनना बुंदोंमोन आरो अनलाईननि गेजेरजों धोन नागिरदोंमोन. दासिम गोबां सुबुंफोरनिफ्राय धोन लुथिबायबो, बेनि सायाव मन्थ्रि बिमल बरा बिथाङा बुंदों सोरबा गाज्रि सुबुंफोरा गोरलैयैनो धोन मोननो लुबैना बे खामानि खौ मावदों, बे जाथायनि थाखाय दिसपुर थाना याव एजाहार होबाय होनना मिथिना मोनदों।

साननैसो सिगाङाव आसाम आव अखा हाबाय थानाय आ गिथावना थासारि सोमजिहोदोंमोन, दायो आसाम आव थासारि आ मोजां जाबोगासिनो दं, आसाम आव जोबनायनि उनाव दायो कर्नातका याव गिथावना अखा या हागासिनो, गोबां जायगा याव नो रेद एलार्त फोसावदों, दैबाना आरो हा गिसिखानाय जादों गोबां जायगा याव नो, बोथोर बिगियान आ 12 जुलाई सिम रेद एलार्त फोसावदों, बेफोरनि अनगायैबो 13 आरो 14 जुलाई सिम अरेन्ज एलार्त फोसावदों