Bodo evening news 29 July 2022 ~ Bodoinfo.com

सानसे आव नो सानै अफिसारफोरखौ हमदों घुस लानायनि दाय आव, बेनिनो सासे आ आयजो, आयजो आ एक्साईज एबा अबकारि बिफान नि सुपारिनतेन्देन्त मोन, मरिगांव जिला नि, मुङा बरषा बरा बरदलै, सासे सुबुं निफ्राय रां लानाय समावनो हमजायो, खौरां मोननाय बादिब्ला बियो 1 लाख रां दाबिदोंमोन सिनमय तामुलि मुंनि सुबुं निफ्राय जौ नि दखान सिम बार लाईसेन्स खौ सोलायनायनि मुङाव, सिनमय आ 20 रोजा रां होनाय समाव नो हमजायो आयजो अफिसार आ. जाय समाव सोरखार आ जाख्लनाय गैयि आसाम बानायनायनि सायाव बाथ्रा बुंगासिनो बे समाव नो बेबायदि जाथाय आ जागासिनो. बे आयजो खौ गिबि मन्थ्रि नि जाख्लनाय होबथाग्रा बिफान नि दोलो आ नो हमदों, बिखौ हमनो थाखाय आगोलावनो थियारि जानानै दंखायोमोन, फालांगिरि सिन्मय आ नो जाख्लनाय होबथाग्रा बिफान नो खौरां हरग्रोदोंमोन, दायो फोरमान जों हमनो हाबाय। गुबुन मोनसे हमनाय जाथाय आ दिब्रुगर जिला नि, खोवां आव घोस लानाय समाव हमो अफिसार नबज्योति शर्मा खौ, बियो खुवां खोन्दो गुदि सोलोंथाय अफिसार मोन, रां लाबाय थानाय समाव नो हमो, खोन्दो गुदि सोलोंथाय अफिसार मावखुलि आव दिलिं अफिसार महरै खामानि मावोमोन, गोबां खौरां नि थाखाय बिखौ अफिस आव नो हमनानै सोंगासिनो होनना खौरां मोनदों, बेफोरबायदि गाज्रि खामानि मावनायफोरनि बेरेखा गोरा बेबस्था लानायनि बाथ्रा बुंदों आसामनि स्पेशियेल दिजिपि बिथाङा।

जौसिन बिजिरसालि आ गावनि फिसाय थैनायनि उनाव नैथि हाबा जानाय आयजो फोरनि थाखाय गिदिर मोनथाय होदों। जौसिन बिजिरसालि आ मोनसे जारिमिनारि राय होदों जेराव बुंदों जुदि सासे आयजो आ गावनि फिसाय थैनाय नि उनाव गुबुन सासे हौवा जों हाबा जायो, अब्ला गिबि फिसाय नि फिसा खौ बिनि नैथि फिसाय नि मुं होनो हागोन, बे जाथाय आ अन्ध्रप्रदेश नि, सासे आयजो नि फिसाय आ थैयो, बै समाव बिनि गथ नि बैसो आ 2.5 दान मोन, उनाव आयजो आ सासे एयार फर्स नि अफिसार जों हाबा जायो, दायो मोनसे सोंलु गिबि फिसाय नि गथ आ मा जागोन, आयजो नि गिबि फिसाय नि नखर आ गथ खौ लाखिनो नागिरदोंमोन, एखे समाव नो गथ नो बिनि रुंसारि बिफा नि उपाधि एबा बिमुं खौ होनो नागिरदोंमोन, नाथाय जौसिन बिजिरसारि आ राय होदों दि गथ खौ गावनि बिमा या सो बिबै बिबौ निख्रुय मोजाङै जोतोन लाखिनो हायो, बेखायनो गथ आ बिमा आरो बिमा नि नैथि फिसायजों थागोन।

लाजिनांथाव, गाज्रि जाथाय। फरायसालि नि फरायसुलि जों देहायारि सोमोन्दो आरो गाग्लोबनाय नि अजद आ हमजाबाय फरायसालि नि गाहाय फोरोंगिरि आ, जाथाय आ करिमगन्ज नि बाजारिसरा पुलिस थाना नि सिंनि कालासरा 62 नं एलपि स्कुल नि, खौरां मोननाय बादिब्ला फरायसालि नि गाहाय फोरोंगिरि कमलाकान्त सिनहा या बिनि फरायसालि नि गिबि थाखो नि फरायसुलि खौ गावनि खथा याव लिंना लांना देहायारि गाग्लोबदों, जायनि थाखाय जोखोम जायो फरायसुलि आ, बेल नङा, गिनानै फरायसालि आव थांनायखौबो बन्ध खालामो फरायसुलि आ, बेनि उनाव जोखोम जानाय आव गासैबो जाथायखौ नखर नि सुबुंफोरनो बुंनाय आव उनाव थाना याव गसर हैयो, गसर थिसननाय लोगो लोगो नो बे गाज्रि गाहाय फोरोंगिरि खौ पुलिसफोरा हमो, दायो पुलिसफोरा सोंगासिनो होनना मिथिना मोनदों।

गुबुन रायजो आव आसामनि आरोबाव सासे सुबुं नि जिउ गोमानाय जाथाय, साननैसो सिगाङाव सासे बर हिनजावसा नि जिउ गोमादोंमोन, बे खनसे नि आ असमिया हिनजावसा सासे नि जिउ गोमादों, हिनजावसा नि मुं खौ श्रद्धा बरुवा होनना सिनायनाय जादों, दिब्रुगर नि दुलियाजान ताउन नि थागिबि, बियो दिल्लि नि रहिनि सेकन्त 17 आव थायोमोन, थांनाय 5 दान निफ्राय गंसे सोरखारि नङि कम्पानि आव खामानि मावोमोन, बिनि लोगो आ बुंनाय बादिब्ला बियो दैमा याव दुगैनो थांनाय समाव नो लोगो आ थैना थादोंमोन, नाथाय नखर नि सुंबुंफोरा बुथारजानायनि सन्देह खालामदों, दायो नखर नि सुबुंफोरा गोथै देहा खौ लाबोनो हाया रां नि आंखाल नि थाखाय, बेखायनो सोरखार खौ बेनि थाखाय मदद खालामनो खावलायदों।