भारत नि 15 थि
हादरगिरि जाबाय द्रौपदि मुर्मु बिथाङा, मैया बिसायखथि नि भत साननाय आ जादोंमोन,
बिथाङा 2161 भत मोननानै देरहानो हायो, आयजो महरै नायोब्ला बिथाङा नैथि भारत नि
आयजो हादरगिरि, बेनि सिगां प्रतिभा देबि सिंह पातिल बिथाङा हादरगिरि जादोंमोन।
द्रौपदि मुर्मु बिथाङा एनदिए नि बिजाथि मोन, गुबुनफारसे बेरेखा दोलो नि बिजाथि
यशवन्त सिनहा बिथाङा 1058 भत मोनदों, भेलु नि खौ नायोब्ला द्रौपदि मुर्मु बिथाङा
5,77,777 आरो बेरेखा दोलो नि आ 2,61,062 मोनदों, खौरां मोननाय बादिब्ला 4रोजा नि
बारा भतारफोर दंब्लाबो नाथाय 3219 आ सो थार भत एबा भेलिद, गोरोन्थि गैयि भत जादों,
आयजो हिसाबै बिथाङा नैथि ब्लाबो त्राईबेल हिसाबै नायोब्ला गिबिसिन आयजो हादरगिरि
जादों। बिथांनि देरहानाय आव हादरनि गोबां दैदेनगिरि फोरा नो गोजोननाय बावहरदों,
भारत नि गाहाय मन्थ्रि निफ्राय लानानै आसामनि गिबि मन्थ्रि, आगो गुबुन मन्थ्रि
बिथांमोना बो गोजोननाय मोननायखौ फोरमायदों, साबायखर बावहरदों, बेरेखा दोलो नि
जेननाय बिजाथि यशवन्त सिनहा बिथाङा बो देरहानाय नि सिम साबायखर बावहरदों।
फैगासिनो दं
बदलेन्द आयदल सिजन 2 सिंगिं कम्पितिशन आ, जाय सुबुंफोरा मेथाय खननानै एबा
रोजाबनानै मोजां मोनो नोंथांमोननि थाखाय फैगासिनो, 5 आगष्त निफ्राय जागायगोन अदिशन
लानाय खौ, बेनि अदिशन खौ जिला जिला थांनानै लानाय जागोन, बेनि थाखायनो थियारि जाना
थादो, बैसो आ 10 निफ्राय 25 बोसोर बैसो नि गेजेरनि जानो नांगोन, जईन फिस महरै सासे
या 650 रां यै होनो नांगोन। बे सिंगिं कम्पितिशन आव देरहायोब्ला गिबि बान्था महरै
50 रोजा रां जों लोगोसे त्रफि आरो फोरमान बिलाय मोनगोन, नैथि बान्था या 30 रोजा
जों लोगोसे फोरमान बिलाय आरो 3 थि बान्था महरै 20 रोजा जों लोगोसे फोरमान बिलाय
मोनगोन। जाय मेथाय खनगिरि आ गिबि बान्था खौ देरहागोन बिथांनि थाखाय आरो मोनसे अफार
बो होदों, देरहानाय आ हिनजावसा जायोब्ला बर नि सासे मुंदांखा हौवासा मेथाय खनगिरि
जों मेथाय खनफानो मोनगोन आरो जुदि देरहानाय आ हौवासा जायो अब्ला बर नि मुंदांखा
हिनजावसा मेथाय खनगिरि जों मेथाय खननो खाबु मोनगोन। बेखायनो मेथाय खननो मोजां
मोनग्राफोरा थियारि जाना थादो, नोंथांनि जिला याव नो अदिशन लानो थांगासिनो,
जागायनाय आ 5 आगस्त निफ्राय जागोन, बेनि जायगा खालार गासैखौबो सानसे साननै नि
गेजेराव मोनगोन, नोंथांमोनहा माबाफोर सोंनो दंब्ला 9101944269 नम्बर आव ह्वात्सएप
नि गेजेरजों सोंनो हागोन।
सोमोनांथाव
जाथाय, मासे गोथां खुसिया ना या नो सासे सुबुं खौ बुथारबाय, जाथाय आ आसामनि नो,
बजालि जिला नि सदर पाथसाला नि ज्योतिनगर नि थागिबि 40 बोसोर बैसो नि सुबुं पंकज
राय नि आदार नाला जों गोथां खुसिया या हाबो उदै आव, नखरनि सुबुंफोरा मिथिहोनाय
बादिब्ला बुधबारखालि पंकज राय आ न आव खुसिया जानो होनना लाबोदोंमोन मासे, उनाव बे
खुसियाखौनो आखायाव लानानै गोथांयैनो जानो हागोन ना हाया होनना गावनि नखरनि नो सासे
उन्दै गथ नि सिगाङाव एरैनो गेलेदोंमोन, बे समावनो हरखाब जाथाय आ जायो, खुगाजों उदै
सिम हाबलाङो गोथां गोथां नो, बिगुर आ बिसोरना फिस्लाथार जानाय आव गोबां दिहुननो
नाजादोंमोनब्लाबो नाथाय दिहुननो हायासै, उदै आव हाबनाय लोगोलोगो उदै सानाय जायो,
लोगो लोगो देहाफाहामसालि आव लांदोंमोनब्लाबो हर नि गेजेरावनो जिउ गोमायो, बियो
मोनले हतेल आव संग्रा महरै खामानि मावोमोन।
अरुनाशल आव
सानै बर सुबुंफोरजों लोगोसे गासै सा 4 गोमाना दं। थांनाय 19 जुलाई निफ्राय नो
गोमाना दं होनना मिथिना मोनदों, सानै आ नगांव नि, गोमाना थानाय सा 4 सेंग्राफोरनि
मुङा नगांव नि कन्दलि नि नयन बसुमतारि, नगांव नि नो लाउखुवा लामा नि बेदान्त
बरमेहला, सोनापुर नि हिरक बर आरो रङापारा नि सन्जिब दास। सा 4 नि दोलो आ गंसे गारि
जों अरुनाशल आव थांदोंमोन, थांनाय लामा य़ाव नो गोमायो, दासिमबो जेबो खौरां मोनाखै
बिसोरनि।
गुवाहाति आव
गिबिखेब दुरान्द काप फुतबल गेलेनाय बादायलायनाय आ जानो थांगासिनो दं। आसामनि गिबि
मन्थ्रि आ मैया गुवाहाति नि गंसे हतेल आव मोन 3 दुरान्द काप नि त्रफि खौ बेखेवना
होयो। मखजाथावदि 131 बोसोर गोजाम जारिमिनारि गेलेनाय बादायलायनाय दुरान्द काप आ।
खौरां मोननाय बादिब्ला गासै 20 ता दोलो आ गेलेनाय आव बाहागो लागोन, थांनाय बोसोर
आव 16 ता दोलो मोन, बे बोसोर आव फोसावनायाबो थांनाय बोसोरनिख्रुय गोबां मोजां
जादों होनना खौरां मोनदों, फैगो 17 आगस्त निफ्राय 4 सेप्तेम्बर सिम जागोन गेलेनाय
आ, ईन्दिरा गान्धि एथेलेतिक स्तेदियाम आव जागोन
ईउरोप हादरमा
याव दुंथाय एबा गरम आ बारा जालांगासिनो दं, ब्रितेइन जों लोगोसे पर्तुगाल, स्पेईन,
फ्रान्स, ग्रिस क्रवेसिया बायदि हादरफोराव थासारि आ गाज्रिथार, जेन अख्रां निफ्राय
अर आ गोग्लैनाय बायदि सो, बे सावगारि खौ नाय, बेयो रेल नि सिगनेल, मम नि बादि
गलिलांजोबबाय। लन्दन नि थागिबिफोरा जिउ आव माब्लाबाबो नुफेरै मोनफेरै जाथायखौ
नुदों, 40 दिग्रि सेलसियास सिम मोनहैबाय दुंथाय आ, भाईरेल जानाय सावगारि आ नो
दिन्थियो माबायदि जानो हागौ थासारि आ, रेल सालायनाय आव गोबां हेंथा सोमजिदों, रेल
बिफान आ बुंनाय बादिब्ला सिगनेल आ ल गलियाखै, रेल लामा याव अर जोंनायबो जाथाय
जोदों, गासैबो सुबुंफोरखौ सांग्रां जानो खावलायदों, दासिम गोबां सुबुंफोरनि जिउ
गोमाबाय गरम नि थाखाय, फैगो 48 घन्ता याव बिसोरनि जायगा याव दुंथाय आ आरो बारा
जानो हागौ होनना साननाय जादों, ईउरोप नि बादि नो भारत आव बो दुंथाय आ बारा जानायखौ
नुनो मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon