13 July bodo evening news ~ Bodoinfo.com

दिनै एनएलएफबि आ बिथांमोननि गिबि मुंख्लं सान फालिदों, गिबि मुंख्लं एन जोंखोल उरफे जिफ्रुउस नार्जारि नि सेथि थैनाय सान खौ फालिदों एनएलएफबि नि कक्राझार आरो उदालगुरि नि देजिगनेतेद केम्प आव, थांनाय 2021 मायथाई नि दिनैनि सान आव नो एन जोंखोल बिथांनि पुलिस नि गुलि याव जिउ गोमादोंमोन। उदालगुरि नि माजबात आव जादोंमोन जाथाय आ, दिनैनि बे हाबाफारि आव बिथांनि सावगारि आव गासैबो सोद्रोमाफोरानो बिबार बावो। बे हाबाफारि आव एम बाथा बिथाङा बाहागो लानानै खौरांगिरिफोरनि सिगाङाव बुंदों- राजखान्थि नि साल आव बर नि माखासे आ गोदोदों बेखौ गासैबो रायजोफोरा नुगासिनो दं, जोंनि दिमान्द आ जाफुङागौमानि जोंनि नांनाय आ थांबाय थागोन होनना बो बुङो।

गोबाव सान नि उनाव कभिद नि थाखाय फरायसालि बन्ध खालामनायनि खौरां मोनदों, भारत नि नो मोनसे रायजो आ बन्ध खालामदों फरायसालिफोरखौ, सा सानजा भारत नि मनिपुर आव मनिपुर सोरखार आ कभिद नि गिथावना गोसारनायनि थाखाय गासैबो फरायसालिफोरखौ 24 जुलाई सिम बन्ध लाखिनो बिथोन होदों, मोनसे फोसावलाय नि गेजेरजों बेखौ खालामदों, रायजो आव पजितिभ मोननाय आ 15 जौखोन्दो सिम बारायदों, दासिम 66135 केस मोनदों, 57264 आ बारगबाय, 2120 सुबुंफोरनि जिउ गोमाबाय। भारत नि खौ नायोब्ला मैया 13 रोजा नि बारा केस मोनदों।

सुसान्त सिंह राजपुत नि गावखौनो बुथारना लानाय जाथाय लोगोसे द्राग्स बाहायनाय जाथायनि सायाव एनसिबि नि चार्जसित आव फोसावनाय जादों गोनांथार खौरां। रिया चक्रबर्ति आ नो द्राग्स नि फारसे बोना लांदोंमोन शुसान्त खौ। रिया चक्रबर्ति आ नो द्राग्स खौ बो बायना होबावदोंमोनसो होनना फोसावदों चार्जशित आव। जायनि थाखाय रिया नि आव जेंना या बारा जालांनायनि सम्भावना दं होनना खौरां मोनदों। दाखिल खालामनाय शार्जसित आव 35 दायनिगिरिफोरनि बेरेखा 38 अजद नि सायाव लिरनाय दं, रिया नि बेरेखा सुसान्त खौ द्राग्स नि फारसे लांनायनि अजद नि उनाव रिया नि फंबाय आ बो बेनिफ्राय बारगआखै, एनसिबि आ होनाय शार्जसित आव रिया या शेमुवेल मिरान्दा, शौभिक चक्रबर्ति, दिपेश शावन्त बायदि सुबुंफोरनिफ्राय द्राग्स बायदोंमोन। बेफोरखौनो होदोंमोन शुसान्त नो, दायो बेनि थाखाय गिदिर जेंना याव गोग्लैनो हागौ।

सैमा फिसियो नामा नोंथाङा, लक्ष्नौ नि कैजारबाग नि बांला तोला याव मोनसे दुखुनांथाव जाथाय जानानै थाङो, सासे बुरै सुबुं खौ गावनि नो फिसिनाय सैमा या गाग्लोबनाय आव जिउ गोमायो। आयजो नि मुङा शुसिला त्रिपाथि, गाग्लोबजानायनि उनाव लोगो लोगो देहाफाहामसालि आव लांदोंमोनब्लाबो जिउ गोमायो होनना मिथिना मोनदों। देहाफाहामसालि नि बिबानगिरि फोरा उनाव पस्त मर्तेम नि थाखाय पुलिस फोरनो गथायना होयो गोथै देहा खौ। मखजाथावदि बे बुरै जों लोगोसे बिनि फिसा आरो नखर नि गुबुन सोद्रोमा फोर आरो मानै सैमा जों थायोमोन। सैमा मानै नि मासे आ लाब्रादर आऱो मासे आ पितबुल, मंगलबारखालि मानै सैमा जों बुरै आ तेरेज आव थाबायबाय थादोंमोन, बे समाव नो हरखाब नो पितबुल आ आयजो खौ गाग्लोबनानै अरो, गोबां हस्रिखावदोंमोनब्लाबो तेरेस आव रावबो गैयि आव मदद खालामनो हायासै, उदै खोमा, मोखां, आखाय आयथें गासैबो आव नो सिन जानायखौ नुनो मोनदों होनना फोरमायदों।