वर्ल्द
चेम्पियनशिप आव मेदेल मोननाय जमुना बर आरो सनिया लाथार आ देरहानानै सेमिफाईनेल सिम
मोनहैबाय एलर्दा काप आव, काजाखास्तान आव सोलिगासिनो गेलेनाय बादायलायनाय आ। जमुना
बर आ काजाखास्तान नि आईशागुल येलुबायेभा खौ 5-0 जों फेजेननानै सेमिफाईनेल मोननो
हादों, खौरां मोननाय बादिब्ला बिथाङा 54 केजि नि आव गेलेदोंमोन, गोबां गोरा
गेलेगिरिफोरा बे बादायलायनाय आव बाहागो लादों, उजबेकिस्तान, किउबा, चिन, मंगलिया
बायदि हादरफोरनि, दासिम खौरां मोननाय बादिब्ला सा 13 भारत नि गेलेगिरिफोरा मेदेल
मोनगोन आ रोखा जाबाय। फाईनेल आ 4 जुलाई खालि जागोन, देरहानाय आ 700 दलार, सिलभार
आरो ब्रन्ज मोननाय आ फारियै 400 आरो 200 दलार मोनगोन होनना मिथिना मोनदों।
बाक्सा
नि सालबारि आव सासे मुस्लिम सेंग्रा या हिन्दु हिनजावसा खौ नंखाय मोजां मोननानै
पुलिस जों हमजादों, सालबारि नि गोबर्धना नि सेंग्रा नुरुल हक आ मोजां मोननायनि
सोलो जों हिनजावसा खौ लांखुमानो नागिरदोंमोन, बे समाव नो रायजोफोरा हमो आरो पुलिस
नो गथायना होयो। मिथिना मोननाय बादिब्ला बे नरुल हक आ हाबा जाखानायसोमोन, सासे
फिसा बो दं। हिनजावसा नि नखर आ मोनसे एजाहार होनाय आव पुलिसफोरा हमनानै लाङो।
गोबां गोदै गोदै राव जों मोजां मोनफ्लानायखौ दिन्थियो, बेबायदिनो थगायनानै लाना
थाङो। खौरां मोननाय बादिब्ला बे हाबा जाखानाय नुरुल नि थाखानाय बिसि आ प्रेगनेन्त
जानानै दं, थेवब्लाबो माबायदि मा खालामो नाय, जोंनिफोरा सांग्रा जा।
साननैसो
सिगाङाव फोसावनाय हायार सेकन्दारि आनजाद नि रिजाल्त आव गोबां गोरोन्थि जानायखौ
नुनो मोनदों। गोबां गोरोन्थि जानाय आ सोराङाव फैनायनि खौरां मोनदों। सानसे सिगाङाव
सासे फरायसा नि गांनै मार्कशित फैनाय जों लोगोसे फास्त दिभिजन जानायखौ 2थि दिभिजन
नि सो मार्कशित होनाय नि खौरां फोसावदोंमोन, नाथाय बेनि उनावबो गोबां फरायसाफोरनि
सायाव गोरोन्थि जानायखौ नुनो मोननाय नि खौरां मोनदों. सासे फरायसा या ईंराजि आव
38, असमिया याव 47, बिजनेज स्तादिज आव 45, फाईनेन्स आव 41 आरो आई ति ई एस आव 80
जों लोगोसे एकाउन्तेन्सि आव 19 नम्बर मोनदोंमोन, नेम बादियै खम सिन मोननाय नम्बर
खौ गारोब्ला 251 जायो, नाथाय बे फरायसा नो 190 सो होयो, खमसिन मोननाय एकाउन्तेन्सि
नि खौ दानालासै आईतिईएस नि खौ सो दाननानै होयो नम्बर खौ, हायार सेकन्दारि आव नेम
बादियै 4थि आयदा थायो, 2थि दिभिजन मोननांगौ आ 3थि सो मोनो होनना लिरो। गुबुनफारसे
तिमुं उपाधि नि सासे फरायसुलि नि सायावबो मोनसे गोरोन्थि जानायनि अजद, बियो ईंराजि
आव 64, अलति आव 71, एकाउन्तेन्सि आव 25, बिजनेस आव 65, फाईनेन्स आव 47 आरो सिएससिए
आव 74 मोनदोंमोन, नेम बादियै एकाउन्तेन्सि आव मोननाय 25 खौ गारोब्ला 321 जायो
नाथाय सोमोनांथावै फरायसुलि नि नम्बर आ 272 मोननाय सो दिन्थियो। बेफोरनि अनगायैबो
सोरबा 173, 174 मोननायफोरा नो पास, 189 मोननाय आ सो फैईल जादों होनना अजद।
काउन्सिल खौ बेनि सायाव फिननाय होनो खावलायदों गोबां सुबुंफोरा नो।
रिलिफ
केम्प आव 200 नखर आ दासिमबो दं, दैबाना नि थासारि नि खौरां लाहैदों आसाम सोरखार नि
मन्थ्रि ईउजि ब्रह्म बिथाङा। माजबात नि आसाम अरुनाशल सिमना नि 13 ता गामि नि
सुबुंफोरा गावनि न बां खोमाना लानानै दायो केम्प आव नो थानो गोनां जादों, मैया
सुक्रबारखालि बेनि नो खौरां लाहैयो बिथाङा। रायजो सोरखार नि थिरांथा बादियै न बां
खोमाना लानाय नखर नो खहा सुफुंना होगोन नि खोथा होदों मन्थ्रि आ। जाहाथे रावबो
थालाङा बेनि थाखाय गिबि मन्थ्रि आ बिथोन होदों होनना बो फोरमायो, खौरां मोननाय
बादिब्ला दाहालपारा, 2 नं बाथागुरि , सोरांजुलि नि रिलिफ केम्प आव 200 नि बारा नखर
आ दासिमबो दं, थाबैनो सोरखार आ मदद होगोन होनना फोरमायो, 10 जुलाई नि गेजेराव जिला
प्रसासन आ खहा जाजानायनि फारिलाय दिहुनगोन आरो 15 आरो 20 जुलाई नि गेजेराव सोरखार
आ खहा जाजानायफोरनो तेक रानना होगोन होनना फोरमायो।
बिटिसिनि
बेंखनाव थानाय 12 रोजानिबो
बांसिन फरायसालिआव सानजौफुनि जाग्रा आदार (Mid
day meal) स्कीमनि ओंखाम संग्रा आइजो मावथिफोरा सोरखारनिफ्राय मोन्नांगौ
दान बान्था मोनैनि गोख्रों खुद्रिसारनाय दिन्थिफुंङो । कक्राझार सहराव थानाय
बिटिसिनि सोलोंथाइ बिफाननि गाहाइ मावखुलि डाइरेक्टर मावख’आव दुलाराय आसाम
सान्जौफुनि जाग्रा आदार संग्रा आफादनि बान्जायनायाव गोख्रों आखायाव प्ले कार्ड
बेनार पेस्तुन लानानै गोख्रों खुद्रिसारनाय दिन्थिफुंङो। ओंखाम संग्रा मावथि आइजो
फोरा ओंखाम संनायनि टिखाखौ सोरखारि नङै फसंथान NGO
नो होनायखौ बन्द खालाम,
बनास 500 रां
होनांगौ, CPF नि खाबु
होनांगौ, सिनायथि बिलाइ गानग्रा इउनिफर्म
होनांगौ, 10 दाननि सोलाय 12 दाननि माव बान्था होनांगौ, दिउथि मावफुंनाय समाव हरखाबै
थैयोब्ला 5 लाक, जोखोम जानायफोरनो 3 लाक रांआरि उनसुंथाय होनांगौनि
दाबिजों खुद्रिसारनाय दिन्थिफुंङो
। फरायसालियाव
mid day meal जाग्रा आदार
संग्रा आफादआ थांनाय माखासे समनिफ्रायनो सोरखारनिफ्राय मोन्नांगौ मोन्थायखौ मोनाखै
होनना गोख्रों अजद दैखांदों जायनि थाखाय दिनै Mid
day meal जाग्रा आदार संग्रा आफादनि मावथि फोरा कक्राझारआव थानाय
बिटिसिनि सोलोंथाइ बिफाननि डाइरेक्टर मावखुलियाव गोख्रों खुद्रिसारनाय
दिन्थिफुंङो। दुलाराय आसाम सान्जौफुनि जाग्रा आदार संग्रा आफादनि आफादगिरि
सन्द्राबति बसुमतारीआ खौरांगिरिनि गेजेरजों बिटिसिनि गाहाय खुंगिरि प्रमद बर’निसिम
गांसे गोसोखांलाइ दैथाय हरो।
महारास्त्र
नि गिबि मन्थ्रि महरै समायखिरा लानायनि उनावबो एकनाथ सिन्द नि सोरखार नि थाखाय
फ्लर तेस्त जाबावगोन। बिजेपि नि मदद आव सोरखार दानाय एकनाथ सिन्दे सोरखार खौ फ्लर
तेस्त आव देरहाना दिन्थिनो बिथोन राज्यपाल नि। गुबुनफारसे गिबि मन्थ्रि महरै
समायखिरा लानायनि उनाव नो सिन्दे आ आगोलनि गिबि मन्थ्रि उद्धब थाकरे नि गोबां लानाय
थिरांथाफोरखौ सोलायदों होनना मिथिना मोनदों।
कक्राझारआव आसाम बिधान सभानि PAC कमिटिनि सा 6 एमएलए फोरा
जौगालु बिथांखिफोरखौ सुलाद लाफैदों । बिटिआर
ओन्सोलाव सोरखारि बिथांखि फोरा मावफुं जादोंना जायाखै बेखौ सुलात लाफैदों आसाम
बिधान सभा पाब्लिक एकाउन्ट कमिटि सुंदयै PAC नि सा 6 एमएलएनि मोनसे थान्दै हान्जाया। पाब्लिक
एकाउन्ट कमिटि एमसिएलएनि सियारमेन वाजिद आलि चौधुरीनि दैदेन्नायाव सा 5 एमएलए फोरा
कक्राझार जिल्लानि दाब दाब जायगायाव गुबुन गुबुन सोरखारनि बिथांखि जेरै जल जिबन
मिसन, दै फुंखा, पि डब्लिउ डि
लामा, देहा
फाहामसालि मिरु बायदि बायदि थावनियाव दावबायनानै सुलाद लाफैदों आरो मोनाबिलि 7:30 आव कक्राझार
जिल्लानि जिल्ला बेंगिरिजों गुवारै सावराय ज्लायो। बे हाबाफारियावनो कक्राझार
सान्जा जनजाति बिधान सभा बियाबनि एम एल ए लरेन्स इसलारी आरो चिदली बिधान सभा
बियाबनि एम एल ए जयेन्त बसुमतारी 28 नं गसाइगाव बियाबनि एम एल ए जिरन बसुमतारी
उदालगुरी बियाबनि एम एल ए गबिन्द चन्द्र बसुमतारीआ बाहागो लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon