28 July bodo evening news 2022 ~ Bodoinfo.com

बरपेता रोद नि सिमलागुरि आव मोनसे गिथावना बाईक नि जाब्रबथाय जादों, सानै सिखाव आ सासे आयजो निफ्राय रां नि बेग खौ लानानै बाईक जों गोसायै खारनो नागिरनाय आव नो मोब्लिब खुन्था याव सौग्रावो, जायनि थाखाय जायगा यावनो सासे सिखाव नि जिउ गोमायो। थैनाय नि मुङा आमिर गोवाला। बिनि न आ बिहार नि किषानगन्ज आव होनना मिथिना मोनदों, बाईक आव थानाय गुबुन सासे नि मुङा रोहित सिंह, गाज्रियै जोखोम जायो बियो, गाज्रिथार हालोद आव बरपेतारोद नि देहाफाहामसालि आव लांनाय जादोंमोनब्लाबो उनाव मोजां फाहामथायनि थाखाय बरपेता मेदिकेल कलेज आव दैथायहरो। मखजाथावदि शिमलागुरि पुलिस नि सिंनि धुपगुरि कलबारि गामि नि सानै आयजो आ बरपेतारोद नि बेंक अफ ईन्दिया नि सेल्फ हेल्प ग्रुप नि 50 रोजा रां दिहुननानै ई रिक्सा जों धुपगुरि कलबारि नि गावनि न आव थांबाय थानाय समाव नो लामा गेजेराव ई रिक्सा खौ लाखिनानै बेग खौ सेनानै लाना थाङोब्लाबो ससे थांनायावनो सौग्रावनानै जिउ गोमायो।

जुदि नोंथांनि मोब्लिब बिल आ रोजा, लाख आव नङा कौति रां आव फैयो, सानना नाय नोंथांनि अबस्था या मा जागोन। मध्यप्रदेश नि ग्वालियर नखरसे आ मोब्लिब बिल फैनाय खौ नुनानै सोमोनांदों। मोब्लिब बिल आ फैदों 3419 कौति रां, बिल होनाय समाव न आव दंमोन बिहाव आरो बिहामजो आ। बिल नि अनजिमा खौ नुनानै बोराय बिहाव आ देहाफाहामसालि आव थांनांगौ जादों। ग्वालियर नि आरम्बरपुर्न ओनसोल शिव बिहार कलनि नि, न आव राजेन्द्र प्रसाद गुप्ता आरो बिनि फिसा आरो बिहामजो थायो, फिसा सन्जिब आ सासे उकिल, सन्जिब आ बुंदों बिनि नआव बिल 3419 कौति फैदोंमोन, बेखौ नुनानै बिसि प्रियंका नि ब्लाद प्रेसार बारा जादों, बिफा राजेन्द्र प्रसाद गुप्ता हार्त नि बेरामि, बिनि प्रेसार आ बारा जानाय आव देहा गाज्रि जायो आरो देहाफाहामसालि आव लाना थाङो, नाथाय उनाव मोब्लिब बिफान जों जगाजग खालामनाय आव सो मिथियो जाथाय आ मा, मोब्लिब कम्पानि आ आनजाद नायनाय आव सो मिथियो दि बिल आ 1300 रां सो मोन, बिबानगिरि आ मानसि नि गोरोन्थि होनना बुङो आरो बेनि सायाव बेबस्था लागोन होनना बुंदों।

मोनसे सिरिन्ज जों नो होबाय फरायसाफोरनो कभिद भेकसिन, सासपेन्द खालामजाबाय हेल्थ वर्कार आ। मध्यप्रदेश नि सागर जिला याव मोनसे सोमोनांथाव जाथाय आ सोराङाव फैदों, भेकसिनेशन नि मुङाव एके सिरिन्ज जों नो होबाय बिजि। मिथिना मोननाय बादिब्ला बुधबारखालि फुङाव सागर सोहोर नि जैन पाब्लिक हायार सेकन्दारि स्कुल नि फरायसाफोरनो कभिद भेकसिनेशन नि केम्प नि बेबस्था खालामना होदोंमोन। बे केम्प आव जितेन्द्र मुंनि सासे सुबुं आ गासैनोबो होदोंमोन बिजि खौ, नाथाय एखे समावनो जोथोनलागिरि फोरा नुयो दि जितेन्द्र आ सा 30 फरायसाफोरनो एके सिरिन्ज जों नो बिजि होदों, जितेन्द्र खौ बेनि सायाव सोंनाय आव मोनसेल सिरिन्ज हरदोंमोन होनना बुंदों, जाथायनि सायाव नायबिजिरनाय जायो, दायो सासपेन्द खालामजाबाय होनना मिथिना मोनदों, लोगोसे फुङाव भेकसिन आरो गुबुन गोनांथार मुवा बेसादफोर हरनायनि बिबान आव थानाय जिला भेकसिनेशन अफिसार डाँ राकेश रोसन नि बेरेखा बो बिफान नि नायबिजिरनाय जागोन।

ईराक आ बो श्रिलंका नि बादि जासिगोन नामा, श्रिलंका नि उनाव दायो ईराक आव दुंहाव थासारि, बुधबार खालि रोजा रोजा बेरेखा जानाय सुबुंफोरा राजधानि बाघदाद नि संसद भवन आव गाग्लोबो आरो हादोरनि गाहाय मन्थ्रि जानो गोनां गिबि थाखो नि बिजाथि खौ निन्दा खालामो। बेरेखा सुबुंफोरा ईराकि सिया दैदेनगिरि मुक्तादा अल सादर नि फारसे मदद होनानै कंक्रित नि वलफोरखौ सिङाव बोना लाबोनानै ग्रिन जोन आव गारना होयो, ग्रिन जोन आ मोनसे रैखाथि गोनां ओनसोल जेराव सोरखारि बिबानगिरि आरो आमेरिका नि राजथान्दै आ थायो, जेब्ला बे जायगा याव बेरेखा सुबुंफोरा हाबो बै समाव रावबो बिबानगिरिफोरा गैयामोन।