आधार पान, आधार रेशन बायदि लिंक खालामनायनि उनाव दायो आधार
कार्द आरो भातर कार्द नि लिंक खालामनाय बो जासिगोन नि खौरां मोनदों। फैगो 1 आगस्त
निफ्राय आधार आरो भतार लिंक खालामनाय आ जागोन, बेखौ आसामनि चिफ ईलेकतरेल अफिसार
नितिन खारे बिथाङा बुंदों, कामरुप मेत्र नि दिसि नि मावखुलि आव मोनसे खौरांमेल नि
गेजेरजों बेखौ फोसावना होदों, लोगोसे बिथाङा भतार फारिलाय आव गावनि मुं खौ सोनो
थाखाय दानिया 1 जानुवारि सिम नेनो गोनां गैलिया मानोना दानिया बोसोर आव खनब्रै
आपदेत जासिगोन, 1 जानुवारि, 1 एप्रिल, 1 जुलाई आरो 1 अक्तोबर आव जागोन, बे लिंक
खालामनायखौ फारिलाय आव नंखाय नाम सोनायखौ नायनो थाखाय सो खालामगोन होनना बुङो आरो
बेखौ खालामथारनांगौ होनना खालामा होनना बो रोखा खालामना होयो, आधार गैयिफोरा गुबुन
फोरमान बिलायजों खालामनो हागोन, बेनि थाखाय गुबुन 11 ता फोरमान बिलाय फोसावगोन
होनना बो बुङो बिथाङा।
2022 मायथाइ नि 29 जुन खालार आ दासिमनि बयनिख्रुय खम सान नि
रेकर्द, ईन्तारनेशनेल आर्थ रतेशन एन्द रेफारेन्स सिसतेम्स सारभिस नि खौरां नि
बादिब्ला बुहुमा बे रेकर्द खौ खालामनो हादों, मिथिना मोननाय बादिब्ला बुहुमनि
खारथाय आ बारा जादों, 1960 मायथाई निफ्राय 2020 मा.थआई आव बुहुम आ बेनि बयनिख्रुय
खम दान रेकर्द खालादोंमोन। दासिमनि समनि बयनिख्रुय खम सान खौ बै बोसोर नि 14 जुलाई
आव 24 घन्ता नि गेजेरान 1.47 मिलि सेकेन्द जों रेकर्द जादोंमोन।
एबसु एनदिएफबि नि सोमावसारनाय समाव दानि बदलेन्द दाबिनो
नागिरनायफोरा मा खालामना थायामोन, गुबुन राजखान्थि हान्जा जों दाजानाय फरायसा आफाद
नि दैदेनगिरिमोन बिसोर, गावबा गावनि लाभालाभ नि थाखाय सोमावसारनायनि बार बारहोदों,
बेयो जाफुंसारनाय जानाय नङा, बेखौ बुंदों एबसु नि देदेनगिरि खोरोमदाव औवारि
बिथाङा। बिथांमोननि जोनोम, थांखि आरो दैदेनगिरिफोरनि लोब्बा थानाय गोबाङानो समाजनि
नोजोराव बिथांमोनहा सुफुंखनो हायि जेंनाफोर दं, गोरोबथा नि उनाव लोगो लोगो गोरोबथा
खौ नेवसिनानै बेबायदि थासारि सोरजिनाय आ गनायथाव नङा होनना बो बुङो, आगोलनि
गोरोबथा नि आव बो बेबायदि नो जादोंमोन, 2003 नि गोरोबथा नि उनाव 2010 निफ्राय सो
सोमावसारनाय आ जादोंमोन, दानि सोमावसारनाय आ राजखान्थियारि लाभालाभ नि थाखाय सो,
भारत सोरखार आ गोदान रायजो सोरजिनायनि जेबो पलिसि गैया होनना बो बुङो।
साननैसो सिगाङाव गुजरात नि नखरसे नि सायाव जादोंमोन मोनसे
गिथावना जाथाय, फिसा या जिम आव थांनाय समाव नखर नि पितबुल जाथो नि फिसिनाय सैमा या
ननि मालिक नि देहा नि अंगफोरखौ जादोंमोन जायनि थाखाय मालिक नि जिउ गोमादोंमोन, बे
बार आव जाथाय आ पान्जाब नि, पान्जाब नि गुरदासपुर मुंनि जायगा याव जादों जाथाय,
फिसिनाय सैमा नि गाग्लोबनाय आव गाज्रियै जोखोम 13 बोसोर बैसो नि सुबुं, जाथायनि
सोमोन्दै मिथिनाय बादिब्ला 13 बोसोर बैसो नि गुरपित सिंह आ बिफा जों स्कुतार आव
थांबाय थानाय समाव नो लामा याव सैमा या सानैखौबो गाग्लोबदोंमोन, जायनि थाखाय हा
याव गोग्लैदोंमोन सानैबो, बेनि उनाव सैमा या गथ नि खोमा आरो मोखां आव गाज्रियै
गाग्लोबो, बेबायदि गोबां जाथाय जानायनि उनाव पितबुल जाथो नि सैमा फिसिनाय नि सायाव
होबथानाय लाबोनायनि सायाव सावरायलायनायबो जादों होनना मिथिना मोनदों।
रायजो आव दैबाना नि उनाव जापानिस एनकेफेलाईतिस बेराम नि
गोसारनाय आ बारानिफ्राय बारा जालांनो हमदों, सानसे सिगाङाव बरपेता चिरां आरो दरं
नि सासे सासे सुबुंनि जिउ गोमानाय आव दासिम रायजो आव थैनायनि अनजिमा या गासै 47
जाहौबाय बे बेराम नि थाखाय, बेबायदिनो गोदानै सा 7 नि देहा याव बे बेराम खौ
मोनदों, दासिम 294 सुबुंफोरनि देहा याव मोनदों केस खौ।
ईंलेन्द नि बार्हिंगाम आव कमनवेल्थ गेम्स आ सोलिगासिनो दं, मैया
नैथि सान आ भारत नि थाखाय मोजां सान होनना बुंजायोमोन, मानोना भारत आ गासै मोन 4
मेदेल मोननो हादों, बेनिनो मोन 1 सना, मोननै रुफा एबा सिलभार आरो मोनसे ब्रन्ज
मेदेल। सना नि मेदेल खौ सा सानजा भारत नि मिराबाई सानु आ 49 केजि नि वैथलिफ्तिं आव
मोननो हादों, खौरां मोननाय बादिब्ला गासैबो मेदेलखौ वैथलिफ्तिं आव नो मोनजोबदों
भारत आ दासिम, रुफा नि मेदेल मोननायफोरा संक्त महादेब सार्गार आ 55 केजि आरो सा
सानजा भारत नि बिद्यारानि सरखाईबाम आ 55 केजि नि आव मोनदों। ब्रन्ज नि आ 61 केजि
नि आव गुरुराजा पुजारि आ मोनदों। आसामनि लभलिना या बाक्सिं आव कुवार्तार फाईनेल
सिम मोनहैनो हानायनि खौरां मोनदों, बेरेखा दोलो नि खौ 5-0 जों फेजेननो हायो।
दानि समाव ससियेल मिदिया याव भाईरेल जादों मोनसे
ईउतुब चेनेल, Assamese GK मुंनि
ईउतिउब चेनेल आ, बे चेनेल आ गावनि गाज्रि खामानि नि थाखाय ससियेल मिदिया याव
सावरायजादों। सासे त्वितार बाहायग्रा या बेनि सायाव बुंनायनि उनाव नो आसाम पुलिस
नि नायबिजिरनाय दोलो खौ बेनि सायाव नायबिजिरनो बिथोन होनायनि खौरां मोनदों। चन्द्र
कमल मुंनि सुबुं आ लिरदोंमोन- आं बेबायदि पस्त त्वित खालामनो लाजिनाय मोनो सार,
अननानै बे ईउतिउब चेनेलफोरनि बेरेखा एक्सन ला, नोंथाङा ईउतिउब आव Assamese GK होनना
सार्स खालामनो हाया, बेखौ खालामब्ला जिते नि सोलाय गाज्रि भिदिअ फोरा सो फैयो,
गोबां सुबुंफोरा नो ईउतिउब आव नायनानै गुबुन गुबुन आनजादफोरनि थाखाय गावखौ थियारि
खालामो, बिथाङा बेखौ लिरनाय समाव आसामनि गिबि मन्थ्रि, दिजिपि आरो स्पेसियेल
दिजिपि बिथांमोनखौ तेग खालामदोंमोन, लोगो लोगो बेनि सायाव नायबिजिरनो बिथोन होयो
जिपि सिंह बिथाङा।
सोनाब
बंग नि मदेल अर्पिता मुकार्जि नि न आव कौति कौति रां मोननाय नि उनाव दायो झारखान्द
आव रां मोननायनि खौरां, मैया कंग्रेस नि एमएलए नि गारि आव गोबां बिबां नि रां
मोनदों, सा 3 कंग्रेस नि एमएलए नि गारि आव मोनदों, जामतारा बियाब नि एमएलए ईरफान
आन्सारि, खिजरि बियाब नि एमएलए राजेश काश्साप आरो कोलेबिरा नि नमन बिशाल नि गारि
निफ्राय मोनदों। खौरां मोननाय बादिब्ला रां खौ साननो मेसिन खौ नेबाय थादोंमोन
पुलिसफोरा, गुबुनफारसे झारखान्द बिजेपि आ बुंदोः राज्यो आव जाख्लनाय बारा जानायनि
फोरमान आ बेनो होनना
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon