मोनसे गोजोनथाव खौरां। आसाम हायार सेकन्दारि ईदुकेशन काउन्सिल आ
बर नि माहारियारि संगथन फोर आरो साननो गोरों सुबुंफोरनि प्रस्ताब खौ लाबाय। बे
प्रस्ताब बादियै एहसेक नि बिथोन बादियै फैगो सोलोंथाय बोसोर एबा 2023 मायथाइ
निफ्राय बर राव खौ हायार सेकन्दारि नि बिजों महरै बानायनायनि प्रस्ताब लानाय जायो,
मखजाथावदि दायो आसाम हायार सेकन्दारि आव ईंराजि, असमिया आरो बांगालि मोन 3 राव जों
फरायनो मोनो, फैगो 2023 निफ्राय बर राव एबा बिजों जों बो फरायनो मोनसिगोन, बेनि
गेजेरजों रायजो आव मोन 4 रावनि हायार सेकन्दारि आव फरायनायनि खाबु मोनसिगोन, खौरां
मोननाय बादिब्ला सावरायलायनाय आव हायार सेकन्दारि निफ्राय पुलक पातगिरि, रुकमा
गहाई बरुवा, एबसु निफ्राय दिपेन बर खनिन्द्र बलुमतारि, बिएसएस निफ्राय तरेन बर,
प्रसान्त बर, कामेस्वर बर, आसाम बर्द अफ सेकन्दारि नि बिनय कुमार नार्जारि, गौहाति
मुलुगसोलोंसालि नि डाँ सर्न प्रभा सैनारि बिथांमोनजों लोगोसे गोबां मेलेमजिबि बर
सुबुंफोरा बाहागो लादोंमोन होनना खौरां मोनदों।
आलादा रायजो बडलेन्द नांगौ, दाबि बनसु नि, चिरां नि काजलगांव आव
फिन आलादा बडलेन्द रायजो दाबिनानायनि धर्ना, चिरां जिला बेंगिरि नि मावखुलि नि
मोखाङाव बनसु आ बे हाबाफारि खौ लादोंमोन, बिथांमोननि गाहाय दाबिफोरा- सदियासिम
लानानै आलादा रायजो बडलेन्द दानाय, कार्बिआलं आरो दिमा हासाव आव थानाय बरफोरनो
एसति नि मोनथाय होनाय, भारत नि आरमि आव बर रेजिमेन्त जागायनाय, रास्त्रसंघ नि
फोसावनाय बादियै बे हा नि थागिबि फोरनि मोनथाय मोननाय बायदि बायदि, बनसु आ बे
जायगा निफ्राय नो चिरां नि जिला बेंगिरि नि गेजेरजों भारत नि हादरगिरि आरो गाहाय
मन्थ्रि नि सिम लाईजाम हरदों, बिथांमोननि दाबि खौ मावफुङाब्ला 8 आगस्त आव बजलेन्द
रायजो नि दाबि याव दिल्लि नि जन्तर मन्तर आव धर्ना हाबाफारि लागोन होनना बो बुङो।
मथर साईखेल सिखाव खालामनायनि दाय आव सा 7 सुबुंफोरखौ हमदों
पुलिसफोरा, सनितपुर जिला याव हमनो हादों, सा7 नि सासे खौ एनदिएफबि संबिजिर नि
होनना पुलिसफोरा बुंदों, बिसोरखौ हमनायजों लोगोसे गुबुन गुबुन जायगा निफ्राय
एरसोना दोननाय 10 ता बाईक फोरखौ बोखांनो बो हादों, हमनो हानाय सा 7 नि मुंफोरा-
उदालगुरि नि जितु दास, धेकियाजुलि नि लुकास नार्जारि, नगांव नि राजु साईकिया,
तेजपुर नि भास्कर कलिता, राङापारा नि निजराम बसुमतारि, थेलामारा नि महम्मद खलिलुत
उददिन आरो खोला सिक्किम नि प्रदिप तामां होनना मिथिना मोनदों, पुलिसफोरा बुंनाय बादिब्ला
हमजानाय लुकास आ बारग एनदिएफ बि संबिजिर नि केदार मोन, संगथन निफ्राय गावखौनो
गथायनायनि उनाव बाईक सिखाव जों सोमोन्दो थादोंमोन, बेनि खौरां मोननानै नो
पुलिसफोरा नायबिजिरनानै हमो आरो उनाव बिसोरनि दोलो नि सुबुंफोरखौ बो हमनो हायो होनना
मिथिना मोनदों, नायबिजिरनाय आ सोलिगासिनो दं।
रायजो नि गिबि मन्थ्रि आ एबा रायजो सोरखार आ रायजो आव अन्याय,
नेम बेरेखा, जाख्लनाय आरो बायदिसिना दाय मावनायनि सायाव गोरा जानो बिथोन
होबोगासिनो दं, नाथाय बेनि गेजेरावनो रायजो नि गुबुन गुबुन थाखो नि पुलिस अफिसार
एबा कन्सतेबल फोरा गुबुन गुबुन दाय जों सोमोन्दो थानाय नि खौरां मोनबोगासिनो दं।
मोनसे बाथ्रा बुंनो हायो रक्षक आ नो भक्षक जादों होनना, नाथाय गासैबो आ नो नङा,
सानैसो आ सो, पुलिस नि द्रेस आव गोसोम दागो नांलायबाय, ब्लेक मेईलार महरनि जादों
सासे पुलिस अफिसार आ। जायनि थाखाय दायो जेल नि आलासि जानो गोनां जादों, पुलिस नि
आखाय आव नो हमजाबाय पुलिस आ। खारुपेतिया थाना नि असि उत्पल बरा या हमजाबाय नंखाय
गसर नि अजद आव, उत्पल बरा या नंखाय गसर जाबसिनना होनानै साधारन सुबुंफोरखौ गोबां
असुबिदा याव खोख्लैनाय आरो लोगोसे गोबाव सम निफ्राय धोन दाबि खालामनायनि अजद,
उत्पल बरा या दरं नि धुला थाना नि असि जाना थानाय समाव सासे देहाफाहामगिरि आरो
फोरोंगिरिखौ jjm बिथांखि नि पाईप
सिखाव खालामनायनि नंखाय गसर आव हमनायजों लोगोसे 5 लाख रां दाबि खालामदोंमोन, 1 दान
सो सिगाङाव नो बे जाथाय खौ खालामदोंमोन, उनाव देहाफाहामगिरि आरो फोरोंगिरि आ गोजौ
थाखो नि पुलिस अफिसारनो बेखौ खोन्थानायाव नायबिजिरनानै थार फोरमान मोननाय आव उत्पल
बरा खौ हमो। बिनि बेरेखा गोबां दाय मावनायखौ नुनो मोनदों होनना मिथिना मोनदों नायबिजिरनायनि
गेजेरजों।
मोनसे दुखुनांथाव खौरां, आंखाल आ नो बिसि फिसाय सानै खौ मोनसे
गिदिर गिथावना थिरांथा लाहोबाय। उदालगुरि जिला नि कलाईगांव नि मोनसे दुखुनांथाव
जाथाय। जरासे बोराय बुरै आ गोरिब नि थाखाय नो गावखौनो बुथारना लाबाय। बरझार
थियापुखुरि गामि आव सम्बारखालि हर आव बे जाथाय आ जादों होनना सन्देह खालामनाय
जादों, गामि नि 60 बोसोर बैसो नि बलराम बर आरो बिनि बिसि साउना बर नि गोथै देहा खौ
मैया फुङाव नुनो मोनो, जायगा नि सुबुंफोरा बिसि साउना नि गोथै देहा खौ ननि उनथिं
नुयो आरो बलोराम नि खौ फांसे दंफां आव फासि लानाय हालोद आव ननो मोनो, मिथिना
मोननाय बादिब्ला फिसाजो सानै खौ हाबा हरनायनि उनाव बिबायनानै जायोमोन, लोगोसे बिसि
साउना या गोबाव सम निफ्राय नो बेराम आव गोग्लैना दंमोन, नाथाय बलोराम आ बिनि मोजां
फाहामथाय होनो हायाखैमोन, थैनाय बिसि फिसाय नि फिसा या बुंनाय बादिब्ला गोरिब नि
एबा आंखाल नि थाखाय नो बे थिरांथा खौ लाबाय, गोबां खावलायनाय नि उनाव बो जेबो
रोखोमनि सोरखारि सुबिदा मोनाखैमोन होनना अजद होदों, जाथायसालि आव दायो पुलिसफोरा
थांबाय आरो नायबिजिरनायखौ जागायबाय, दासिमबो मा जाहोननि थाखाय बे थिरांथा खौ लाखो
मिथिनाय जायाखै, नायबिजिरनायनि उनाव सो मिथिगोन, आंखाल एबा गोरिब नि या सानना
लानाय सो।
जोंनोबो नांगौ स्कुतिः 2021 मायथाइ आव मोजां नम्बर जों उथ्रिसारनो
हानाय फरायसुलिफोरनि दाबि, मंगलबारखालि निफ्राय नो धर्ना होबोनायखौ नुनो
मोनदोंमोन, दायो फिन खनसेबान ओंखारबाय राजालामा याव फरायसाफोरा, नलबारि आव गोबां
फरायसुलिफोरा ओंखारदों, 2021 नि फरायसाफोरनो स्कुति होयि नि थाखाय मैया धमधमा
आन्सलिक कलेज नि मोखां निफ्राय धमधमा पुलिस सकि सिम गोबां फरायसुलिफोरा मोनसे धर्ना
हाबाफारि लायो, आखाय आखाय प्लेकार्द, फेस्तुन लानानै धर्ना होयो, जोंनो स्कुति
नागोन, जोंनो न्याय नांगौ, नासयनाय नेम खौ बन्ध खालाम, जों स्कुति मोनाब्ला जिराया
बायदि बायदि स्लगान होयो। मखजाथावदि 2021 नि फोरनो स्कुति होगोन होनना बुंनायनि उनाव
नो फरायसुलिफोरखौ बिमा बाथुल बादि नायनायनि अजद होदों। 2021 मायथाइ आव आनजाद
होआलासैनो फरायसाफोरा पास जादोंमोन कभिद नि थाखाय। बेनि थाखाय नो सोरखार आ स्कुति
खौ होआखैमोन।
कक्राझार मेदिकेल कलेज नि बानायनायनि खौरां लानायनि थांखि जों
बुधबारखालि आसामनि सावस्रि बिफान नि मन्थ्रि केशब महन्त बिथाङा कक्राझार आव
फैदोंमोन, बेसरगामि आव थांनानै बानायनायखौ नायहैयो, गासैबो बिफान नि खौ नो मोजाङै
नायनानै खौरांगिरिफोरनि सिगाङाव बेनि 80 जौखोन्दो
सो खामानि आ जाफुंबाय होनना फोरमायो। नाथाय मोब्लिब जगायनाय आव आरो ईसे सम
नांबावनो हागौ, 2023 मायथाइ नि गेजेराव बेखौ बेखेवगोन होनना बुंदों बिथाङा,
मखजाथावदि कक्राझार, नलबारि आरो नगांव नि मेदिकेल कलेज आ एके थाखो आव नो दं,
बेखायनो जाय गिबि आव जाफुङो बेखौनो बेखेवग्रोगोन होनना बुङो, मैया नि नायनाय समाव
मन्थ्रि बिथांजों लोगोसे बितिआर नि ईएम अरुप कुमार दे, रन्जित बसुमतारि, कक्राझार
जिला बेंगिरि बर्नालि देका आरो जिला नि एसपि प्रतिक बिजय थुबे बिथांमोना दंमोन।
बङायगांव जिला नि कोकिला पुलिस आउपस्त नि सिंनि नाम्बारपारा 3
थि खोन्दो गामि नि थागिबि मुतालेब मिया नि फख्रि आव थांनाय साननै निफ्राय ना फोरा
गोजावना थानाय आ ओनसोलनाङैनो सोमोनांहोदों, गाज्रि सुबुं थायोब्लाबो एसेबां
गाज्रिद्राय थायो ना, सोरबा गाज्रि सुबुं आ फख्रि आव बिष सारना होनानै रोजा रोजा
ना फोरखौ बुथारजोबो, ना फिसिनानै गावनि जिउ खौ खुंनायनि सिमा नुनाय सुबुं आ दायो
10 लाख रां नि खहा जाबाय। गुबुन गुबुन मुलि होनानै ना खौ फोथांफिननो
नाजादोंमोनब्लाबो नाथाय हायासै, बे सुबुं आ गासै मोन 5 फख्रि खौ भारा लादोंमोन आरो
बेयावनो ना फिसिदोंमोन, थांनाय समाव मोन 4 फक्रि नि ना या दैबाना जों
लांजाजोबबायमोन, नाथाय दायो आरो मोनसे फख्रि नि आ बो बेबायदि सो खालामजाबाय।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon