मुंदांखा मेथाय खनगिरि दलेर मेहेन्दि खौ जेल नि साजा, 2003 मायथाइ नि हिउमेन
त्रेफिकिं जों सोमोन्दो थानाय नि केस आव नो बे साजा खौ होयो, रिपर्त नि बादिब्ला 2
बोसोर जेल नि साजा होदों 19 बोसोर नि गोजाम केस नि थाखाय। मैया पातियाला कोर्त आ
बे राय खौ होदों। 2018 मायथाइ आव बो बे एखे गसर नि थाखाय साजा होदोंमोन 2 बोसोर नि
थाखाय, नाथाय लोगो लोगो बेईल मोनदोंमोन। दालेर नि त्रप दों गुबुन हादर आव थांगोन
होनना थगायनायनि अजद बिदा सामसेर मेहेन्दि नि बेरेखा, जाथाय आव दालेर नि मुं आ
हाबो, 2003 आव नो बिथांनि बेरेखा गसर थिसनो। नाथाय दालेर नि बिदा या 2017 मायथाइ
आव जिउ गोमायो।
मिरु बनसु आरो कक्राझार जिला बनसु आ मैया जथायै खौरांमेल नि गेजेरजों बदलेन्द सोमावसारनायखौ जागायफिनगोन होनना बुंदों, फैगो आगस्त दान निफ्राय नो जागायगोन। बनसु आ बर रायजोफोर खौ बदलेन्द सोमावसारनायखौ जाफुंहोनो थाखाय मदद खालामनो खावलायदों। जोंनाव मोन 3 सुक्ति जालांबाय, जोंनि दाबिनाय एबा मोननो लुबैनाय आ गोदोनिफ्रायनो बदलेन्द सो, बिएसि, बितिसि, बितिआर नङा, जेब्लासिम बदलेन्द मोना, जों बनसु आ माब्लाबाबो कमप्रमाज एबा माबा मोनसे फिसा सुक्ति लानानै फैनाय नङा, जोंनि साफ्रोमबो बर फोरा बेनि थाखाय हेफाजाब होनो नांगोन होनना बो बुंबावो। गुबुनफारसे बे दान आ नो बितिसि नि मोन 5 जिला नि सिङाव बदलेन्द सोमावसारनाय धर्ना लागोन होनना बो बुंबावो।
आसाम पुलिस नि एसआई नि साक्रि नि भाईभा या 21 जुलाई खालि जागोन काहिलिपारा नि 4थ आसाम पुलिस बेतेलियान आव, जायफोरा पिएसति आरो पिईति खौ पास खालामबाय बिसोर एदमित खौ 17 जुलाई निफ्राय दाउनलद खालामनो हागोन, बेयो एसआई(ईउबि) नि थाखाय.
भारत आव गिबि मांकिपक्स बेरामि मोनदों। सान 4 सिगां आव UAE निफ्राय फैदोंमोन केराला नि सुबुं आ, देहा याव लैखोन खौ नुनानै बे बेराम जानो हागौ होनना सन्देहजों नमुना खौ लांदोंमोन पुने नि लेबरेतरि आव। बेयावनो मांकिपक्स जादों होनना मिथिना मोनदों। रिपर्त पजितिभ मोननायनि उनाव नो मिरु आ मोनसे स्पेसियेल दोलो खौ केरला सिम दैथायहरदों होनना खौरां मोनदों। मांकिपक्स आ सासेनिफ्राय गुबुन सासेनि आव बारदेरो एबा सन्देरो, भारत नि बाहेर आव गोबां जायगा यावनो बे केस खौ गोबां मोनदों।
बर'नि सासे सुबुं फुंखा, सांग्रां आंगनबाडी मावथि, 2021 माइथायनि "आसाम गौरव बान्था" मोनगिरि कलपना बर' बिथाङा गोब्राब बेरामजों नाख्रेब जानानै थांनाय 10 जुलाइ, 2022 अक्ट'आव फुंबिलि 3.53 रिंगायाव 45 बोसोर बैसोआवनो रुंसारि जायो। बिथांनि अबथिरा रुंसारि जानाय खौरांखौ मोननानै एबसुआ गोथौ दुखु मोन्नाय फोरमायनायजों लोगोसे रुंसारिनि न'खर अदालगुरि जिलानि रौता दख'रानि बालिसिहा गामियाव थांनानै बाय बाहागिफोरखौ लोगो हमहैनाय जायो। आरोबाव दुलाराय बर' फरायसा आफादनि आलादा राज्यो बड'लेण्ड सोमावसारनायनि बायदिसिना माखासे गणतानत्रिक हाबाफारिफोराव गोसो गुदुंयै बाहागो लानानै बर'फोरनि मोन्थायनि थाखाय बाथ्रा बुंग्रा अदालगुरि जिलानि हरिसिंगा दख'रानि पति गामिनि समाज सिबियारि हिरण्य पाटवारी बिथाङा थांनाय 4 जुलाइ, 2022 अक्ट'आव हरखाबै रुंसारि जानाय खौरांखौ मिथिनानै दुलाराय बर' फरायसा आफादनिफ्राय गोथौ दुखु मोन्नाय फोरमायनायजों लोगोसे रुंसारिनि न'खराव थांनानै खौरां लाहैनाय जायो ।
दिब्रुगर नि साउलखुवा याव नंखाय देहाफाहामगिरि मोनदों, दिब्रुगर पुलिस आ एरेस्त खालामो। सफिकुल हक मुंनि सुबुं खौ हमो, बिनि बेरेखा सोरखारि गावबुरा जों लोगोसे सा 4 सो सुबुंफोरा एजाहार होदोंमोन, मखजाथावदि 6 दान सो सिगांनिफ्राय बे मुन्नाभाई महर नि देहाफाहामगिरि आ साउलखुवा याव सेम्बार खुलिनानै नंखाय फाहामथाय खौ होबोगासिनोमोन। गावखौनो देहाफाहामगिरि होननानै बेखौ खालामबोगासिनोमोन, गिबि सम आव गासैबो नंगौ सानदोंमोन, नाथाय उनाव सासे गोरबो आव थानाय आयजो आ देहा नि तेस्त खालामनो थाङो, बेयावनो सन्देह जायो, बियो होनाय प्रेस्क्रिपशन खौ जेब्ला गुबुन देहाफाहामगिरि नो दिन्थियो बेयावनो मिथियो नंखाय होननानै, दायो हमबाय।
मोनसे सोमोनांथाव जाथाय, रक्षक आ नो भक्षक बायदि सो जादों, गुवाहाति नि बसिस्थ आव सासे आरमि जवान आ सासे उन्दै गथ खौ जिनाहारि खालामदों, जवान नि मुं खौ प्रिन्स पान्दे होनना सिनायनाय जादों, सासे हाबिलदार नि फिसाजो खौ नो बेबायदि खालामनायनि गिदिर अजद, दायो खौरां मोननाय बादिब्ला बिनि बेरेखा केस रेजिस्तार खालामनानै हमबाय। न आव हारसिं थानायनि सुबिदा लानानै नो बेखौ खालामना लादोंमोन।
पाटगाव दख'रा दुलाराय बर' फरायसा आफादनि बानजायनायाव दिनै बर' बिजोंजों फरायनानै मेट्रिक आनजादाव सेथि थाखोआव उथ्रिसार जानो हानाय फरायसाफोरखौ क'क्राझारनि पाटगाव गोजौ फरायसालियाव सानसेनि मेहेरगोनां हाबाफारिजों बरायो ।बे बरायनाय हाबाफारिखौ बेखेवनानै होयो क'क्राझार जिल्ला एबसुनि गाहाइ नेहाथारि मुस्रि काम्फा बसुमतारीआ आरो हाबाफारियाव गाहाइ आलासि महरै बाहागो लायो मिरु एबसुनि लोगो आफादगिरि मानगोनां मुस्रि खोरोमदाव वारीया ।गाहाइ आलासि महरै बाहागो लानानै मिरु एबसुनि लोगो आफादगिरि मानगोनां मुस्रि खोरोमदाव वारीया थांनाय गोलाउ समाव बर' हारियाव बर' बिजोंनि फार्से एबसुनि खामानि मावबोनायनि सायाव गुवारै बिबुंथि लाखियो ।बर' हारिनि गेजेराव मोनसे ओरैबाइदि सम थांबाय जि समाव बर' बिजोंङाव गथ'फोरखौ फोरोंनाय आरो बर' बिजोंखौ फोथांनानै लाखिनांगौआ हारि हिसाबैनो जोबोद गेदेद सोंलु जादोंमोन होनना बुंनानै, नाथाइ आथिखालाव बर' बिजोंनिफ्राइसो बर' फरायसाफोरा साबसिन रिजाल्ट खालामो होननानै गावनि बिबुंथियाव दाजाबदेरनानै बुंबावो ।बे बरायनाय हाबाफारियाव क'क्राझार जिल्ला बर' थुनलाइ आफादनि आफादगिरि मुस्रि बानेसर बसुमतारीयाबो बुंथिगिरि महरै बाहागो लायो ।
उदालगुरि, दरं नि उनाव दायो तिनसुकिया याव बो स्वाईन फिभार नि गोसारनाय। जिला नि गोबां जायगा फोराव बे बेराम खौ मोननाय नि थाखाय प्रसासन आ मोनसे गिदिर थिरांथा लादों, तिनसुकिया जिला प्रसासन आ स्वाईन फिभार मोननाय मिरु निफ्राय 10 कि मि गोजान सिम गोथां अमा, अमा बेदर फाननाय खौ आबुंयै बन्ध खालामदों, जिला नि गोसारनाय मिरु महरै सितोलपुर, गौरिपुर आरो फिलोबारि ओनसोल सिनायनाय जादों, बेफोरनि अनगायैबो ईन्तार स्तेत, दिसत्रिक, आरो गोथां अमा आरो अमा बेदर बायदि नि थांलाय फैलायखौबो 1 दान नि थाखाय खम खालामदों। लोगोसे अमा नि बेदर जों बानायनाय जाग्राफोरखौ बो फाननो होआखै, बिथोन फोरखौ जायफोरा मानिया एबा बेफोरखौ खालामना लानानै सोरनिबा माबाफोर खहा जायोब्ला आयेन सिफायनायनि साजा मोनगोन होनना ऱोखा खालामना होखादों प्रसासन आ।
सरायघात दालांनिफ्राय फिन खनसेबाव सासे सुबुं आ दैमा याव बारनानै गानि जिउ खौ फोजोबनो नागिरनाय जाथाय जाफिनलायबाय। दालां नि गेजेर बाहागो निफ्राय सासे सुबुं आ बारो, दिनै फुङाव जादोंमोन जाथाय आ, बारख्लायनाय सुबुं नि मुं खौ मिथिनाय जायाखै, एएस 01 ई दाब्लिउ 6046 नम्बर नि स्कुति लाना थांदोंमोन, स्कुति खौ दोननानै दैमा याव बारो। दासिम बे सुबुं नि जेबो खौरां मोनथआखै।
महारास्त्र नि गोदान सोरखार नि रायजोफोरनो बान्था, सोरखार आ पेत्रल आरो दिजेल नि बेसेन खौ खम खालामना होदों होनना खौरां मोनदों। पेत्रल नि बेसेन खौ 5 रां आरो दिजेल नि खौ 3 रां खम खालामदों, गाबोन निफ्राय पेत्रल नि बेसेन आ 106 आरो दिजेल नि आ 94 रां जागोन होनना मिथिना मोनदों। गिबि मन्थ्रि एकनाथ शिन्दे आ आगोलनि सोरखार आ खम खालामनो हागौमोनब्ला खालामाखैमोन होनना बुङो, मिरु सोरखार आ मे दान आव नो खम खालामदोंमोन एक्साईज दिउति खौ, नाथाय महारास्त्र सोरखार आ सो खम खालामाखैमोन।
सासे फरायसुलि जाय आलफा खौ मदद खालामनाय एबा मोजां मोननाय खौ खन्थाय नि गेजेरजों फोसावनानै हमजादोंमोन, बिनि 16 जुलाई खालि निफ्राय आनजाद दं ईउ जि नि 2थि सेमिस्तार नि, बिखौ जेल आव थानाय जों नो आनजाद खौ लिरनो गनायथि होदों होनना खौरां मोनदों, बिजिरसालि आ रैखाथि बिफान नि सुबुंफोरनि नोजोर आव आनजाद खौ लिरनो होदों होनना फोसावदों। हिनजावसा नि मुङा बर्षाश्रि, थांनाय 2 दान जेल आव नो थानांदोंमोन। दाबो जेल आव नो थानांगोन, आनजाद नि सम आव ल सो आनजाद नि मिरु आव थांनो मोनगोन। खन्थाय नि गेजेरजों आलफा उदां आव थांगोन होनना बुंना लादोंमोन ससियेल मिदिया याव। दिनै आसामनि गिबि मन्थ्रि आ बेनि सायाव बुङो- बिखौ खन्थाइ लिरनायनि थाखाय जेल आव सोआखै, गोबाङानो गुबुन गुबुन रोखोमनि बाथ्रा बुंदों, नाथाय खन्थाय लिरनायनि थाखाय नङा, आलफा याव हाबगोन बुंनायनि थाखाय सो जेल आव सोदों होनना फोरमायो।
मिरु सोरखार नि अग्निबिर बिथांखि नि बेरेखा दासिमबो हादर नि गुबुन गुबुन जायगा याव बेरेखा जानायखौ नुनो मोनदों। बेनि सायावनो मोनसे जाथायनि थाखआय सासे खौ हमदों, बिहार नि सासे सुबुं आ ह्वात्सएप ग्रुप बानायनानै गाहाय मन्थ्रि नरेन्द्र मोदि खौ गुबुन गुबुन रोखोमनि वार्निं फोर होनायनि अजद मोनदोंमोन, 23 बोसोर बैसो नि मोहन यादब मुंनि सेंग्रा या बेखौ खालामदोंमोन, बियो बिहार नि दरबंगा जिला नि बहोरवा गामि नि थागिबि, जाथायनि सोमोन्दै मिथिनाय बादिब्ला गाहाय मन्थ्रि मोदि आ पातना याव दंमोन। बेनि उनाव नो मोदि नि सायाव गाज्रि गाज्रि बाथ्रा बुंदोंमोन, अग्निबिर नि थाखाय रागा जोंना दंमोन, बेनि थाखाय नो पुलिस फोरा हमो बिखौ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon