मैया जनता भवन
आव जायो आसामनि गिबि मन्थ्रि हिमन्त बिश्व शर्मा बिथांनि दैदेननाय आव केबिनेत नि
जथुम आ, बेयावनो मोननैसो गोनांथार थिरांथा फोरखौ लानाय जादों, आसाम आव गायखेर
दिहुननाय खौ बारा खालामनायनि थांखि जों मोननै मिल्क प्रसेसिं इउनित नो हा होनायनि
थांखि, जोरहात आरो दिब्रुगर आव होगोन, गोदानै गंनै बुहुम फरायसालि गायसनगोन,
गिरिजानन्द चौधुरि आरो प्रागज्योतिस बुहुमफरायसालि मुं जों गायसननाय जागोन, साधारन
गसर फोरखौ फोजोबगोन, 4 लाख 19 रोजा गसरफोर दं, फिसा फिसा गसरफोरखौ बोखारबा 1 लाख
सो थागोन, 3 लाख गसरफोरखौ फोजोबनायनि आसा, 34 पलितेकनिक आरो 43 आइतिआई आव फोरोंथाय
ताता नि गेजेरजों गासैखौबो मोजां बानायफिननायनि थाखाय 366 कौति रां नि गनायथि।
नलबारि मेदिकेल कलेज नि बानायनायनि थाखाय 397 कौति रां नि गनायथि, खैफोद होबथानाय
बिफान नि थाखाय आगु बेबस्था 3 जौखोन्दो धोन थागोन रिक्स दिदाकशन फान्द आव होनना बो
थिरांथा लानाय जायो।
आसाम सोरखार
नि साख्रि थिसननाय आव बेलेबेजे जानायनि अजद होना लानानै हमजाबाय भिक्तर दास आ,
बेनि उनाव नो ससियाल मिदिया याव बेनि सायाव गोबां सावरायलायनाय नुनो मोनदों,
पुलिसफोरा बुंदों भिक्तर आ जेबो थार फोरमान होनो हायाखै होनना, बेनि सायाव नो
आसामनि गिबि मन्थ्रि आ बो मैया बुंदों, मोननैसो खौरां बिजों आरो राजखान्थि हान्जा
या रायजो सोरखार नि 1 लाख साख्रि खौ होबथानो नाजागासिनो, बिथांनि बादिब्ला आनजाद आ
मोजांयैनो जादों, फिथाय नि उनाव नो दै आ दै, गायखेर आ गायखेर जागोन होनना बुंदों, लोगोसे
नो गोबाङआनो 8 लाख आनजाद होग्रा नि जिउ जों गेलेनानै साख्रि थिसननाय खौ होबथानो
नागिरदों, बे आनजाद आव आम्बानि नि फिसा या साख्रि मोना बेनि सोलाय गामि नि पकरि
फाननाय सेंग्रा सिख्ला फोरा सो साख्रि खौ मोनगोन होनना बो फोरमायो, गुबुनफारसे
बिथाङा आनजाद नि फिथाय खौ मोनसे नि खौ दुर्गा फुजा नि सिगाङाव आरो गुबुन मोनसे खौ
दुर्गा फुजा नि उनाव होगोन होनना बो बुङो।
नगांव नि
देउबालि काकतिगांव आव जादों मोनसे जाथाय, सोरखार आ बुंनाय बायदि आत्मनिर्भर जानो
थांनानै रायजोफोरजों हारसिं सो खालामजाबाय नखर से आ, मोजां जाथो नि अमा फिसिनायनि
थाखाय नो नखरसे खौ हारसिं खालामदों होनना खौरां मोनदों, नगांव नि देउबलि काकतिगांव
नि हिरेन चन्द्र नाथ नि फिसा धन कुमार नाथ आ गावनि न नि उनथिं आबुं बिगियानारि नेम
जों गोजौ थाखो नि अमा फिसिनानै आत्मनिर्भर जानायनि सिमां नुदोंमोन, बांगालुरु आव 4
बोसोर खामानि मावनानै धन कुमार नाथ आ रां जमा खालामनानै आसाम आव फैफिननानै बे रां
खौ बाहायनानै अमा फार्म खुलिदोंमोन, नाथाय बिनि बे खामानि नि बेरेखा जादोंमोन
रायजोफोरा, राहा गैयि आव हिरेन नाथ आ फिसा धन खौ न आव नो सिरियै थानो होयो। नाथाय
बरगआसै, गामि नि रायजोफोरा हारसिं खालामबाय दायो, साजा महरै नामघर आव हाबनो मोना,
गामि नि सुबुंफोरजों रायलायनो मोना, गामि नि लामा याव थानाय बो बन्ध, लोगोसे सोरबा
सुबुं आ बे नखर जों रायलायोब्ला गोथार दै लोंहोनानै गोथार खालामनायनि बो बिथोन
होदों, बेनि अनगायैबो फार्म खौ सिफायना होगोन होनना बो वार्निं होदों होनना अजद,
बेफोरबायदि नि थाखाय नो गोबां अशान्ति जों थानो गोनां जादों नखर आ, दायो जिला
प्रसासन आरो सोरखार निसिम मदद खालामनो खावलायहरदों, नखर आ बुंदों, साख्रि मोनि नि
थाखाय नो गाव हारसिं नो नखर खौ सालायनो नाजादों, बेंक नि लन लायालासै नो बेखौ
जागायदोंमोन, दैबाना याव गोबां खहा जाबाय नाथाय बेनि उनाव बो आरो जेंना होनना दुखु
जों फोरमायो।
जायखि धोरोम आ
नो जायामानो जोंनि थांखि आ मोनसेल जानो नांगौ, गावनि आत्मा खौ फोसाबनाय, समाज खौ
फोजाबनाय, गोग्गो समाज दानाय जानो नांगौ, अब्ला सो गोजोन थासारि फैगोन। मैया
उदालगुरि ब्रह्म धोरोम सिबिसालि नब्लां आव फास्तर बिनथ बसुमतारि नि हेंथायै
खौरांगिरि मेल नि गेजेर जों गोख्रों राव जों सोंखारिदों। ससियेल मिदिया नि
गेजेरजों हिन्दु धोरोमनि बेरेखा बुंनाय नि अजद, एरैबायदि गाज्रि गाज्रि बुंदों
बेफोर गनायजाथावना नङा होनना बुंदों, सासे फास्तर आ बेबायदि जाय़ा, जों फस्तार
फोरजों रायलायो गासैबो मोजां मोजां बाथ्रा बुङो, नाथाय बे सासे आ बुंनाय आ गाज्रि
जादों होनना बुंदों, बेबायदि बुंनाय, बानसावलाबायनायखौ गार होनना बो बिथांमोना
बुंदों, नङाब्ला ख्रिस्तियान ससायतिजों नो होसो जागोन होनना बो बुङो। धोरोमनि
बेरेखा गाज्रि बुंनायनि थाखाय नो निमाहा बिनो नांगोन होनना बुंदों, निमाहा
बियाब्ला मोनफ्रोमबो जिल्ला याव नो केस होनाय जागोन होनना बुङो।
दरमाहा नि रां
आ थोआ गोबां सोरखारि मावथिफोरनो। अन केमेरा घुस लानाय भिदिअ भाइरेल, सासे लात मन्दल
आ लादों घुस खौ, रायजो सोरखार आ घुस नि बेरेखा गोरा जानायनि उनाव बो नाथाय खम
जानायखौ नुनो मोनाखै, बे मोनसे आ कालगसिया नि जाथाय, खामानि नि मुङाव गिदिर धोन
लादों, सोरखार नि बसुन्धरा बिथांखि नि सुबिदा लानानै हा हु नि खामानि जों लोगोसे
गुबुन खामानि नि थाखाय गोबाव सम निफ्राय नो गोबां मन्दल फोरा लुथिगासिनो दं, दायो
बे रां लानाय आ भाइरेल जानायनि उनाव नो गोबां दोलो संगथनफोरा मोजांयै नायबिजिरनो
दाबि दैखांदों।
दुमदुमा याव
सासे आयजो नि जिउ गोमानाय आ सोमोनांहोदों बयखौबो, कुमारिपत्ति नि श्याम देका मुंनि
सुबुं आ गावनि बिसि खौ नो बुथारनानै गावनो बुथारना लानायनि महर होनो नाजानायनि अजद
नखर नि सुबुंफोरनि, बोसोर 1 सिगां नो समाजारि नेम खान्थि जों हाबा जानाय काकपथार
नि धारना देका मुंनि आयजो आ हाबा नि उनाव नो जोथोब नि मुङाव गोबां खष्त होजादोंमोन
फिसाय नि नखर नि फोरजों, गंसे बिसना बिनानै अत्यासार खालामबोगासिनोमोन आरो दायो
बेनि थाखाय नो बुथारनायनि अजद, दायो बे बुथारजानाय आयजो नि नखर आ थाना याव एजाहार
होबाय, बिनि बिफा या हाजिरा मावनानै सो जायो, बेनि मोननाय रां जों नो गोबां मदद
होबोदोंमोन फिसा नो, नाथाय थेवब्लाबो गाग्लोबबाय थायो फिसाय आ, दायो फिसायखौ हमबाय
पुलिसफोरा, नाथाय नखर नि सुबुंफोरा खारखुमादों होनना मिथिना मोनदों, पुलिसफोरा
नायबिजिरगासिनो दं, बुथारनाय नि अजद होदोंब्लाबो नाथाय गावनो गावखौनो बुथारदों ना
गुबुन बुथारदों रोखा जायाखै।
बाक्सा नि
मुशलपुर आव बिफा खौ गोबौ हाथियार जों गाग्लोबना बुथारनाय दायनिगिरि फिसा खौ हमबाय
पुलिसफोरा, मुङा दिलिप देका, खारखुमाना दंमोन बियो बुथारखांनानै, खौरां मोननाय
बादिब्ला पुलिसफोरा जाथाय जानायनि उननिफ्राय नागिरगासिनोमोन, हाग्रा गेजेराव
थादोंमोन बियो। पुलिसफोरा नायबिजिरनानै हमनो हायो। नखर आव गोरोबलायि नि थाखाय नो
बे जाथाय आ जादोंमोन होनना साननाय जादों।
सानै
उकिलफोरखौ हमदों पुलिस आ, अभयापुरि पुलिस आ पस्क एक्त 2012 नि सिङाव हमदों होनना
मिथिना मोनदों, सानै उकिल नि मुङा मुशा आलि आरो लुतफुर रहमान, जिनाहारि खालामजानाय
हिनजावसा नि हाबा नि सायाव बुजाबुजि सुक्ति खालामना होदोंमोन सानै उकिल आ, आयेन
सिफायनानै बेबायदि सुक्ति खालामनायनि दाय आव नो हमो सानैखौ, सानैनि मुशा आलि आ
नतारि अफिसार।
मैया 12 सेप्तेमबर, 2022 खालाराव
फुंनि 10 रिंगायाव
कामरुफ जिल्लानि सिङाव थानाय बनगावनि रङिया आनसलिक जनजाति उन्नयन संगआव 7थि मिरु
रोंगौसा सायख' आनजाद, खुंफुं आफादनि मेलखौ लानाय
जायो। सावरायमेलावनो
मिरु रोंगौसा सायख' आनजादनि
खुंफुंनाय आरो सोंथि बिलाइ खालामनांगौनि सायाव गोथौ आरो गुवारै सावरायलायनाय जायो।
मख'नो गोनांदि
दिनैनि सावरायमेलनि गेजेरजोंनो 27 नभेम्बर, 2022 खालारखौ मिरु
रोंगौसा आन्जादनि अक्ट'खौ थि खालामनानै लानाय जायो आरो आनजाद होगोरि साफ्रोम फरायसाफोरा 30 राङै Registration Fees होनांगोन
होन्नानै सावरायमेलनि गेजेरजों थांखि आजावनानै लानाय जायो। सावरायमेलावनो
मिरु रोंगौसा सायख' आनजाद खुंफुं
आफादनि मासिगिरि, मानगोनां
मुस्रि बि सोमखोर बसुमतारी, आनजाद सामलायगिरि, मानगोनां
मुस्रि रोमदोन बसुमतारी, एबसुनि लोगो गाहाइ नेहाथारि मुस्रि दिनेस ब्रह्म, सोलोंथाइ
नेहाथारि मुस्रि सोमावसार बसुमतारी, सुबुं फोनांजाब नेहाथारि मुस्रि बिरखां
नार्जारी आरो लोगो गेलेमु नेहाथारि मुस्रि मिनिसोरां ब्रह्म बिथांमोनजों लोगोसे
मोनफ्रोमबो जिल्लानिफ्राय सोलोंथाइ नेहाथारि, लोगो सोलोंथाइ नेहाथारि आरो मिरु रोंगौसा सायख'आनजादनि
सोद्रोमा बिथांमोना बाहागो लायो।
श्रिलंका या
देरहाबाय एसिया काप खौ, बे बोसोरनि एसिया काप नि फाइनेल आव पाकिस्तान खौ फेजेनो,
23 रान जों देरहानानै चेम्पियन जानो हायो, गिबि आव बेतिं खालामग्रोनानै श्रिलंका
या 20 अभार आव 170 रान बुयो, 171 रान नि तार्गेत जों नैथि ईनिंस गेलेनाय पाकिस्तान
आ 147 रान ल सो बुनो हायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon