दुर्गा फुजा फैगासिनो, 2 अक्तोबर निफ्राय जागायगोन, मैया आसामनि गिबि
मन्थ्रि बिथाङा ससियेल मिदिया नि गेजेरजों आसाम आव सोरखारि साख्रि मावनायफोरनि
थाखाय मोजां खौरां फोसावनानै होदों, फैगो 29 सेप्तेम्बर निफ्राय नो मोनगोन सोरखारि
साख्रि मावनायफोरा दरमाहा खौ, बिथाङा लिरदोः फैगो दुर्गा फुजा नि समाव सोरखारि
बन्ध नि फारसे नोजोर होनानै जों रायजो सोरखार आ मावथि फोरनो आगु दरमाहा होनायनि
थिरांथा, बेनि थाखाय रायजो नि गुबुन गुबुन बिफान नि मावथि फोरनो फैगो 29
सेप्तेम्बर निफ्राय दरमाहा होनायनि बेबस्था खालामनाय जादों।
दिनै आसाम सोरखार नि साख्रि थिसनलाय होनाय मोनसे गिदिर हाबाफारि, गुवाहाति
आव लानाय जादों, गुबुन गुबुन बिफान नि 11 रोजा नि बारा मासि नि थाखाय साख्रि थिसननाय
लायजाम होनाय जागोन, खानापारा नि भेतेरिनारि ग्राउन्द आव जानो गोनां हाबाफारि आव
गोबां सुबुंफोरा नो बाहागो लागोन, मिथिना मोननाय बादिब्ला बयनिख्रुय बांसिन आसाम
पुलिस नि नो साख्रि होगोन, बेनि उनाव सोलोंथाय बिफान नि, बेबायदिनो 20 नि बारा गुबुन
गुबुन बिफान नि साख्रि थिसनलाय होनाय जागोन, लोगोसे नो दिनै आसामनि गिबि मन्थ्रि
बिथाङा गोनां बाथ्रा फोसावनायनि सम्भावना बो दं होनना मिथिना मोनदों, बिथाङा गावनि
बिबुंथि नि गेजेरजों फोसावनो हागौ, साननै सिगाङाव बेनि सोमोन्दै बुंनायखौ नुनो
मोनदोंमोन।
आसाम पुलिस नि मुं लानानै गोबां सुबुंफोरा नो ससियेल मिदिया याव
सिख्लाफोरखौ लानानै मोनसे नंखाय खौरां फोसावगासिनो, मैया मोनसे त्वित खालामनानै
आसाम पुलिस आ बेखौ फोसावना होदों, बिथांमोना बुंदों बेखौ फोसावनो नाङा होनना,
गोबां गाज्रि सुबुंफोरा सुबुंफोरनि गेजेराव जाहाथे गिनाय, दावराव बायदिफोर जानायनि
थाखाय नो बेफोरबायदिफोरखौ फोसावगासिनो, बेनिथाखायनो बेफोर खौरां खौ फोसावनो नाङा
होनना बुंदों, जुदि सोरबाफोर बे खौरां फोसावनाय आ पुलिस नि मेगन आव गोग्लैयो,
बिसोरनि बेरेखा गोरा बेबस्था लानाय जागोन होनना बुंदों। मखजाथावदि आसाम पुलिस नि
मुं लानानै बे साननैसो गोबां भाइरेल जानाय आव बेबायदि लिरनाय दं—कलेज एबा अफिस आव
हारसिं थांनाय साफ्रोमबो हिनजावसा फोरनि थाखाय खौरां, जुदि नोंथाङा लामा याव सोरबा
गथ आ जायगा दिन्थिनानै गाबबाय थानाय नुदों आरो नोंथांखौ बे जायगा याव लाना थांनो
होयो अब्ला बे गथ खौ थोंजोङै थाना याव लाना थां, आरो अननानै बिसोरखौ बे जायगा याव
लाना थांनो नाङा, हिनजावसा खौ सिखाव, जिनाहारि आरो किदनेप खालामनायनि थाखाय मोनसे
गं नि गोदान लामा, अननानै बेखौ गासैनोबो सेयार खालाम होनना लिरनाय दं, नाथाय आसाम
पुलिस आ बेखौ नंखाय होनना रोखा खालामना होखादों, बेखायनो रावनोबो सेयार खालामना
लानो नाङा, नङाब्ला नोंथाङा सो जेल जानो हागौ।
सिरां जिल्ला नि 27 नं राजालामा नि सामथाइबारि आव थानाय बाथौ खेराय फेमिलि
रिजर्त नि मोनसे भिदिअ भाइरेल जानाय आ गोबां सुबुंफोरजों नो सावरायलायजादों,
बितिसि नि बारग गाहाय हाग्रामा महिलारि बिथांनि बिसि नि रिजर्त होनना मिथिना
मोनदों, हर आव मोसानाय बायदि नि पार्ति आरो जौ नि आददा नि जायगा जानायनि अजद, खौरां
मोननाय बादिब्ला थांनाय 17 सेप्तेम्बरखालि बिश्वकर्मा फुजा नि सान आव हर आव
हारिमुवारि हाबाफारि आव हिनजावसाफोरनि मोसानाय आरो बेयावनो हिनजावसा खौ गाज्रि आखु
दिन्थिनायनि मोनसे भिदिअ आ भाइरेल जादों, मिथिना मोननाय बादिब्ला एबसु जों लोगोसे
गुबुन दोलो संगथन फोरा रिजर्त आव जानाय जाथाय खौ गोख्रों राव जों सोंखारिदों, एबसु
नि अजद, रिजर्त आव गोसा दामनानै मोसानायजों लोगोसे जौ बायदिफोर सोलिनाय आ गासै
ओनसोल आव नो समाजारि आबहावा खौ गाज्रि खालामदों, मैया सिरां जिल्ला एबसु आ जिल्ला
बेंगिरिनिसिम गांसे गोसोखांलाय नि गेजेरजों रिजर्त आव जानाय समाज बेरेखा खामानि
फोरखौ बन्ध खालामनो खावलायो, प्रसासन आ थाबैनो बेबस्था लायाब्ला आन्दोलन नि हाबाफारि
लागोन होनना बो बुङो।
2 खावसे बोसोर नि उनाव भारत भुतान सिमना नि बर्दार खौ बेखेवफिनसिगोन दिनै
23 सेप्तेम्बर आव, कभिद नि थाखाय गोबाव सान बन्ध लाखिनाय जादोंमोन, दिनै बेखेवगोन
नि खौरां मोनदों, भुतान सोरखार आ बेखौ फोसावना होदों, दावबायारिफोरा दिनैनिफ्राय
थांनो हासिगोन। मोननैबो हादोरनि सोरखार नि गेजेराव सावरायलायनायनि उनाव नो
खुलिफिननायनि थिरांथा खौ लायो।
जौ फेनानै पुलिस नि गारि नि सालायग्रा खौ गाग्लोबना लानानै रिजार्भ क्लज
खालामजाबाय घिलाधारि थाना नि असि राजेश्वर गगै आ, जौ फेनानै गावनि नो गारि
सालायग्रा खौ गाग्लोबदोंमोन, गोलाघात नि घिलाधारि पुलिस थाना नि, गारि सालायग्रा
नि मुङा पापु सोनोवाल, मंगलबारखालि नो जादोंमोन, जारिमिनारि श्रि श्रि आथखेलिया नामघर
नि खाथि आव बिबान आव थानाय समाव गारि सालायग्रा खौ बुदोंमोन, बेल नङा बिखौ थाना याव
लांनानै लकआप आव सोनानै गाज्रियै गाग्लोबबावदोंमोन नि अजद, उनाव बे गारि सालायग्रा
खौ देहाफाहामसालि आव लांनो गोनां बो जादोंमोन होनना मिथिना मोनदों।
रायजो नि दैबाना आरो हा खुऱखानाय खौ होबथानो थाखाय गुवाहाति गोजौ बिजिरसालि
नि गोनांथार बिथोन। गोजौ बिजिरसालि आ दैबाना आरो हा खुरखानाय खौ होबथानो थाखाय
बेबस्था लानो होदों बिजिरसालि आ, बेनि सायाव मैया बिथोन होदों होनना खौरां मोनदों।
रासिया आरो ईउक्रेइन नि दावहा या बन्ध जाया दासिमबो, थांनाय 7 दान रासिया
या ईउक्रेइन खौ गाग्लोबगासिनो, बेनि गेजेरावनो रासिया नि हादरगिरि व्लादिमिर पुतिन
नि गिदिर बाथ्रा बुंनाय आ सोराङाव फैदों, बिथाङा बुंदों सोनाब नि हादरफोरनि थांखि
आ रासिया खौ लोरबां खालामनाय, गावस्राहोनाय एबा फोजोबस्रांनाय, बिथाङा बुधबारखालि
फोसावना होदों दि ईउक्रेइन जों दावहा सोलिबाय थानायनि गेजेराव नो रासिया याव 3 लाख
रिजार्भ फौज खौ थियारि खालामनायनि बिथोन होदों होनना, गावनि हा आरो सुबुंफोरनि रैखाथि
नि थाखाय नो बेखौ खालामनायनि सायाव थिरांथा लानायनि सोमोन्दै फोसावो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon