मैया आसामनि
गिबि मन्थ्रि हिमन्त बिश्व शर्मा नि दैदेननाय आव केबिनेत आ दिसपुर नि बाहेराव 5 थि
खेब केबिनेत नि जथुम बितिसि नि सदर सोहोर कक्राझार आव खुंनाय जायो, बे जथुम आव नो
मोननैसो गोनांथार थिरांथा फोरखौ लानाय जायो, जथुम नि उनाव बिथाङा गावनो खौरांमेल खुंनानै
बितिसि नि गाहाय प्रमद बर आरो ईएम फोरनिसिम साबायखर बावहरो। केबिनेत आ बर राव जों
थाखो 12 सिम फोरोंथाय होनायनि थिरांथा लादों, बर बिजों नि फोरोंगिरि फोरोंगिरिजो
थिसननाय नि थाखाय आगोलनि नेम खौ मोजां खालामनाय आरो बर राव आव पिजि जायोब्ला सो
साख्रि मोनगोन। बितिसि ओनसोल नि गासै 10 ता कलेज फोरखौ सोरखारि खालामनायनि गनायथि
आरो बर सान्ति शुक्ति बादियै दरमाहा खौ बितिसि प्रसासन आ होनो बो थिरांथआ लायो।
लामा मोजां खालामफिननाय नि थाखाय बितिसि नो गुदविल मिसन जागायनाय जागोन, खमावनो 10 ता लामा बानायगोन,
लामाफोरा खमावनो 10 किमि जागोन, सोलिनाय बोसोर आव 250 कौति रां आरो फैगो रांखान्थि
बोसोर आव 250 कौति रां होगोन होनना फोसावदों। गिबि मन्थ्रि आ केबिनेत आव आरो बुङो
दि 22 सेप्तेम्बर आव 12 रोजा सोरखारि साख्रि होगोन, 23 सेप्तेम्बर आव 4500 मासि नि
जलमित्र नि थिसननाय, 10 रोजा मासि नि साख्रि फिन थिसननाय जागोन नि सोमोन्दै
मिथिहोयो जेराव एपिदिसिएल नि 5000 साख्रि थिसननाय आ जागायगोन होनना बुंदों। गिबि मन्थ्रि
आ बे बोसोर आव नो 1 लाख साख्रि थिसननाय नि सोमोन्दै फोसावो, बिथाङा मैया अरुनुदय
नि सोमोन्दै बो बुंदों, 62 रोजा सुबुंफोरा अरुनुदय नि थाखाय जग्य नङा आरो लोगोसे
10 अक्तोबर निफ्राय अरुनुदय नि रा आ बारायगोन होनना बो बुङो, आधार कार्द जों रेशन
कार्द लिंक जागोन आरो 50 लाख सुबुंफोरा फ्रि आवनो मायरं मोनगोन। बेफोरनि अनगायैबो खम
सम नि गेजेराव नो आदिबासि हाथियार लानाय संगथन जों बो सावरायलायगोन होनना बुंदों
गिबि मन्थ्रि आ। गोजाम सम नि आयेन खौ बोखारगोन होनना बो बुंदों, गासै 48 आयेन
फोरखौ दानगोन, आउनिआति बुहुमफरायसालि गायसननाय नि सायाव बो सावरायलायो। मथजाथावदि
मैया कक्राझार नि सान्दामारि आव बानायनाय बदलेन्द एदमिनिसत्रेतिभ स्ताफ कलेज खौ
बेखेवो गिबि मन्थ्रि आ, केबिनेत नि जथुम आ जागायनायनि सिगां दतमा नि थलुंगाफुरि आव
थानाय बडफा नि मांखारसालि आव थांनानै बिबार बावो आरो लोगोसे उनाव बडफा नि नखर आव
थांनानै बो खौरां लाहैयो। गिबि मन्त्रि मानगोनां मुस्रि हिमन्त बिश्व शर्माया
एबसुनि गोलाउ समनिफ्राइनो बड'फा
उपेन्द्रनाथ ब्रह्मनि जोनोम सानखौ आसाम सोरकारा फरायसा सान महरै फालिनांगौ होननानै
दाबिबोनायखौ मैया फैगौ बोसोरनिफ्राइ आसाम नाङै फालिनाय जासिगोन होननानै खोथा होयो। बेजों लोगोसेनो
बर' हारिनिनो गोबाव समनि दाबि थाखो 11 आरो 12 याव बर' रावखौ बिजों महरै गाइसननाय, एसटि (पि)नि
थाखाय रस्टार पलिसिखौ बोखारनाय आरो बिटिआर गोरोबथानि 6'3 दफानि
गेजेरजों बिटिआरनि गं 5 जिल्लायाव गं 10 भेन्चार फरायसालिमाखौ सोरकारि खालामनो केबिनेटनि गेजेरजों थांखि आजावनायखौ
एबसुआ आसाम सोरकारखौ खौरां बिबुंसारनि गेजेरजों साबायखर बाउदों । नाथाय गुबुनफारसे मैया केबिनेत नि जथुम आ जागायनायनि सिगाङाव नो सिरां आव
साउताल फरायसा आफाद आ सुन्दरि आव मुसुखा सावनानै बेरेखा जानायखौ दिन्थियो, गिबि
मन्थ्रि हिमन्त बिश्व शर्मा आऱो मन्थ्रि अजन्ता नेउग नि मुसुखा बानायना सावो, आसाम
आव थानाय साउताल फोरखौ जनजाति बानायनाय आरो साउताल फोरखौ साहा जनगोस्ति आव सोसननायखौ
बेरेखा खालामो होनना मिथिना मोनदों।
गुवाहाति आव
जादों मोनसे सोमोनांथाव जाथाय, सायबार दायनिगिरि नङा, बे बार आव आयजो बेंक अफिसार
आ नो ग्राहक निफ्राय एतिएम नि गेजेरजों लुथिबाय लाख लाख रां। ग्राहक नि एतिएम
बाहायनानै रां दिहुनना लांनायनि अजद एक्सिस बेंक नि देपुति मेनेजार ईफतिकन हक
चौधुरि नि बेरेखा। दायो बे दायनिगिरि खौ पुलिस फोरा हमबाय। ग्राहक नि अजद नि उनाव
नो गितानगर पुलिस आ नायबिजिरनायखौ जागायदोंमोन. सोलो बाहायनानै एतिएम पिन खौ
दिहुनना रां दिहुननाय नि अजद, 2 खावसे बोसोर बियो HDFC बेंक आव खामानि मावदोंमोन, बेनि उनाव एक्सिस
बेंक आव 5 दान जादोंमोन खामानि मावनाय आ, ज्योतिकृष्णा दास मुंनि आयजो आ गसर
थिसनदोंमोन, पुलिसफोरा गुबुन गुबुन जायगा याव एतिएम बाहायनानै रां दिहुननाय नि
खौरां मोनदोंमोन पुलिस फोरा, सिसितिभि आव गासैबो रेकर्द जाजोबखादों, बेखौ नुयो आरो गितानगर पुलिस नि जे आव दायो।
गारि बायनो
थांनाय सुबुं निफ्राय लुथिना लाना थांबाय 3 लाख रां, रां लानाय बेग खौ नो लाना
थाङो, नाथाय दकाइत नि सान आ गाज्रि मोन, बसिस्त चारियालि नि रायजोफोरा हमबाय दकाइत
खौ, मैया आसाम इनपुत एजेन्सि निफ्राय सासे सुबुं आ गारि बायनो थांदोंमोन, बेयावनो
सानै नि दोलो आ लाना थाङो, बिसोर सानै खौ गुबुन रायजो नि होनना सन्देह खालामनाय
जादों, बिसोर गंसे पालसार बाइक बाहायदोंमोन, नाथाय बेबो सिखाव नि सो मोन, सानै नि
मुङा गोबिन्द सिं आरो राजु। दायो पुलिसफोरा हमनानै लाना थाङो।
नगांव नि भोगेश्वरि
फुकनि सिभिल देहाफाहामसालि नि उन्दै गथ नि बिफान निफ्राय गोमाना 10 बोसोर बैसो नि
गथ खौ बासायनो हाबाय नगांव पुलिस आ, पुलिसफोरनि गोख्रों नाजानाय आव नगांव जिला नि
सालना साहा बागान निफ्राय बासायनो हायो, सालना नि गनेस तांति मुंनि सुबुं नि न आव
मोनदों, बिमा या थैनायनि सिगां गनेस तांति नो गथायना होदोंमोन, गुबुनफारसे पुलिस आ
देहाफाहामसालि आव 8 रोजा रां आव फाननाय 3 बोसोर बैसो नि गथ नि जेबो खौरां मोनाखै
होनना मिथिना मोनदों, आगष्त दान आव नो फाननाय गथ खौ पुलिसफोरा नागिरगासिनो, ईता
भाता याव खामानि मावोमोन गथ सानै नि बिमा या, ईता भाता याव नो अर खामनाय आव
देहाफाहामसालि आव जिउ गोमादोंमोन, बेनि उनाव नो बिनि फिसा फोरनि जेबो खौरां
मोनाखैमोन।
गारि नि
उनथिंनि सित आव बो जिरायोब्लाबो लागायनो नांगोन सितबेल्त. बे नेम खौ मानियाब्ला
जरिमाना लाजागोन, बेखौ बुंदों मिरु नि मन्थ्रि नितिन गादकारि बिथाङा। सोरखार आ
गारि बानायग्रा फोरनि थाखाय उनथिं शितबेल्त एलार्म नेम खौ बाहायनो थाखाय थांखि लादों,
जुदि बेबायदि जायो अब्ला उनाव सितबेल्त लायाब्ला एलार्म गाबगोन, दायो सिगाङाव
जिरायनायफोरनि थाखाय ल सो बेयो गोनांथार मोन। उनथिं नि सित आव जिरायनाय आ सितबेल्त
लायाब्ला 1 रोजा रां सिम जरिमाना लानो हायो, नाथाय बेखौ गोबाङानो मिथिया, त्रेफिक
पुलिस आ बो जरिमाना लानायखौ नुनो मोना, ताता सन्स नि बारग गाहाय साइबार मिस्त्रि नि
जिउ गोमानायनि उनाव नो मैया मोनसे हाबाफारि आव बाहागो लानानै बिथाङा बुङो, सोरखार
आ सानथाम नि गेजेरावनो बेनि फोसावलायखौ दिहुनना होगोन होनना बुंदों।
नोंथाङा
उन्दुनानै थ मोजां मोनखायो जानो हागौ, फुङाव थाबनो सिखारनो बायो, नाथाय खामानि नि
थाखाय उन्दुना थानो बो हाया जायो, मोनसे बाथ्रा बुंनाय दं ना, उन्दुना थानाय सियाल
आ हांसो हमनो हाया होनना, नाथाय उन्दु उन्दुबो रां आर्जिनो हायो मिथियो ना,
सोमोनांथाव नाथाय सैथो, हादर आव जादों उन्दुनाय बादायलायनाय। जेराव सोनाब बंग नि
हुगलि नि सासे हिनजावसा या देरहानो हादों। त्रिपर्ना चक्रबर्ति आ हादोरनानै नो
जानाय उन्दुनाय बादायलायनाय आव देरहानो हायो, बेयाव देरहानानै 5 लाख रां मोनदों
हिनजावसा या, उन्दैनिफ्राय नो गोथौ उन्दुनाय त्रिपर्ना या सोरखारि नङि गंसे फसंथान
नि खुंनाय बाहायलायनाय आव बेस्त स्लिपार बान्था मोननो हादों, कमपानि नि नेम
बादिब्ला 100 सान सानफ्रोमबो 9 घन्ता यै उन्दुनो नांगौ, बे बादायलायनाय आव बाहागो
लादोंमोन 5 लाख सो सुबुंफोरा, ससियेल मिदिया नि गेजेरजों बेखौ मिथिहोदों,
त्रिपर्ना नि मोननाय नम्बर आ 100 नि गेजेराव 95 मोन, फाइनेल नि समाव उन्दुनाय आ
नंमारगौ ना नंमारा बेखौ नायनो थाखाय मोनसे दोलो बो दैथायहरदोंमोन। त्रिपर्ना या
दायो आमेरिका याव खामानि मावो, हर आव खामानि मावनानै सान आव उन्दुयोमोन, दायो बे
बान्था खौ मोननानै जोबोद गोजोननाय मोनदों होनना फोरमायो।
त्रिपुरा याव
हमदों साथाम नायजेरिया नि सेंग्राफोरखौ, आयेन बेरेखा यै इन्तारनेशनेल सिमना खौ
बारनानै थानाय नि दाय आव नो हमजायो, बांलादेस आव थांनाय लामा याव हमो बिसोरखौ,
गिबि नायबिजिरनाय आव बांलादेस आव थांनो थाखाय नो आयेन बेरेखा यै त्रिपुरा याव
हाबग्रोदोंमोन, नाथाय नाइजेरिया नि बे सेंग्राफोरखौ मदद खालामनाय अत सालायग्रा सासे
आ खारखुमायो होनना मिथिना मोनदों, नाथाय अत नि मालिक खौ हमना दोनदों। नायबिजिरनाय
आ सोलिगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon