आसामनि मोन 6
हारि फोरा एसति मोनासै, मैया मिरु केबिनेत आ जनजाति खालामनायनि सायाव गोनांथार
थिरांथा लायो। शत्तिशगर, तामिलनादु, कर्नातक, हिमाशल प्रदेश आरो उत्तर प्रदेश नि
गोबां जनजाति फोरखौ एसति नि फारिलाय आव सोनायनि सायाव गनायथि। मोन 5 रायजो नि
बिसायखथि नि सिगां मिरु नि थिरांथा, गोबां हारि फोरा बेयाव हाबगोन, भारत नि गाहाय
मन्थ्रि नि दैदेननाय आव जानाय मिरु केबिनेत नि जथुम आव बे थिरांथा खौ लायो, जथुम
आव जनजाति परिक्रमा मन्थ्रि अर्जुन मुन्दा बिथाङा शत्तिशगर नि 12 ता हारि खौ सोदों
होनना फोरमायो, बे दाबि आ थांनाय 15 बोसोर नि मोन होनना बुंदों, मखजाथावदि आसामनि
मोन 6 हारि नि दाबि खौ मानिना लायासै, आन्दोलन नि उनाव बो लाजायासै।
का आन्दोलनि
नि उनाव गोबां सेंग्रा सिख्ला फोरा नो आलफा उदां आव जइन जाहैदों, थांनाय 6 बोसोर
आव रायजो नि सेंग्रा सिख्ला फोरा बेन खालामजानाय हाथियार लानाय आफाद नि फारसे गोसो
जानाय आ बारा जानाय नि अजद आ ओंखारो, आसामनि गिबि मन्थ्रि आ सदन आव बेनि सोमोन्दै
नो बुंदों, थांनाय 6 बोसोर आव 1561 सेंग्रा सिख्ला फोरा हाथियार लानाय संगथन आव
हाबदों होनना फोरमायो, बिधानसभा याव बेरेखा दोलो कंग्रेस नि सोंनाय मोनसे नि
फिननाय महरै गिबि मन्थ्रि आ बुंदों 2016 निफ्राय रायजो नि गासै 1561 आ मोन 5 गुबुन
गुबुन आफाद आव हाबदों, 2016 निफ्राय 2022 सिम 811 आ एनदिएफबि आव हाबदों, 203 आ
आलफा उदां आव, बेबायदि नो 164 आ एनएलएफबि आव, 351 आ पिदिसि आरो 32 सेंग्रा सिख्ला
फोरा ईउपिआरएफ आव हाबदों होनना फोरमायो।
गुवाहाति
रेलवे पुलिस नि गिदिर देरहानाय। पल्तन बाजार रेलवे स्तेशन आव जब्द खालामदों 45 ता
सिखाव बाइक, स्तेशन नि 2 नं प्लेतफर्म निफ्राय जब्द खालामनाय जादों, दिल्लि
निफ्राय लाबोनाय जादोंमोन बे सिखाव बाइक फोरखौ, मिथिना मोननाय बादिब्ला दिमापुर फारसे
लांनायनि थांखि दंमोन, ईन्जिन आरो शेसिस नम्बर आव गाब फुनदोंमोन, जिआरपि आ
नायबिजिरनायनि उनाव नो जब्द खालामो।
कलियाबर आव बे
बार आव बानायनाय जागोन तानेल रोद एबा हा सिंनि लामा। भारत आरो गुबुन हादर नि
गेजेराव दावहा जायोब्ला आरो कलियाभोमोरा दालां आव जुदि बमा होनानै दालां खौ
बेरफ्रुहोयो, अब्ला मा जागोन, कलियाबर आव बेखौ गिनानै नो मोनसे लामा दिहुनबाय
आसामनि गिबि मन्थ्रि आ, कलियाबर निफ्राय जामुगुरिसिम गंसे हा सिंनि लामा
बानायनायनि सिमां नि सायाव बुङो, नाथाय बिथाङा दानो बेखौ बानायगोन होनना फोसावना
होआखै, बेखौ मावनो थाखाय 6000 कौति रां खरसा जागोन, बिथांनि सोरखार नि समाव नो
कलियाबर साहा बागान नि सिं जों बानायगोन, बे तानेल नि सिं जों रेल बो सालायनो
हागोन होनना बो बुङो बिथाङा।
आरो सासे
खामानि नि मुङाव घुस लानाय सोरखारि मावथि आ हमजालायबाय। बे बार आव दरं जिल्ला नि धुला
गामि पन्सायत आव सोलिबाय आसाम नि जाख्लनाय होबथाग्रा ब्रान्स नि नायबिजिरनाय आ, बे
नायबिजिरनाय आव सासे थिकादार निफ्राय घुस लाना लानानै हमजायो पन्सायत नि
सेक्रेतारि, लेङाय बिदिअ सुजित थाकुरिया या, मिथिना मोननाय बादिब्ला थिकादार
निफ्राय बिल नि धोन दिहुनना होनायनि मुङाव आयेन बेरेखा यै दाबि खालामनाय धोन खौ
लानो नागिरनाय आव नो हमो बिखौ, आसामनि एसदिजिपि जिपि सिंह बिथाङा बेखौ मिथिहोदों।
मैया गौहाटि मुलुगसोलोंसालि दुलाराय बर'फरायसा आफादा गौहाटि मुलुगसोलोंसालिनि Boy's common room आव गोजाम
मावफुं आफादखौ सिमफायनानै गोदान मावफुं आफाद दानाय हाबाफारि लायो।बड'फानि सावगारियाव बिबार बावजेनो दुलाराय बर'फरायसा आफादनि मावख' नेहाथारि- बुघ्दीराम बसुमतारी आ। बे हाबाफारियावनो
दुलाराय बर'फरायसा आफादनि
लोगो आफादगिरि - खोरोमदाव वारीआ गाहाइ आलासि महरै बाहागो लायो आरो गोदान मावफुं
आफादखौबो दाफुङो। आफादनि आफादगिरि - सुदेम बसुमतारी,गाहाइ नेहाथारि - गोमसार बर' बिथांमोनखौ सायखनाय जायो। बे हाबाफारियावनो दुलाराय बर'फरायसा आफादनि थुनलाइ नेहाथारि - समित नार्जारी, लोगो थुनलायारि नेहाथारि-मनिराम बरगयारी, लोगो गेलेमु नेहाथारि- मिनिसोरां ब्रह्म आरो गौहाटि IIT, tecnical superintendent -थेनिसन
बसुमतारी, गौहाटि
मुलुगसोलोंसालिनि PhD scholar फरायसारजों
लोगोसे बारग' फरायसाफोर आरो
मुलुगसोलोंसालिनि फरायसाफोरा बाहागो लानानै हाबाफारिखौ जाफुंसार होयो।
सिखाव नि
सिखाव खालामनायनि गोदान सोलो, गुवाहाति पुलिस नि जे आव मैया सोमोनांथाव सिखाव, कनक
कलिता आरो रिकि कलिता मुंनि सानै खौ हमनो हादों पुलिस फोरा। बेनि उनाव नो गोदान
सोलो बाहायनाय आ सोराङाव फैदों, फ्लिपकार्त नि द्राइभार महरै खामानि मावनाय रिकि
आरो कनक आ सानैबो फ्लिपकार्त नि लाशबारि नि गुदाम निफ्राय सिखाव खालामदोंमोन,
मालिगांव आउतपस्त आरो जालुकबारि थाना नि मोनसे दोलो आ श्वातलगेत आव सिखाव कनक
कलिता आरो रिकि कलिता खौ हमो, बिसोरनिफ्राय पुलिसफोरा गं 8 मबाइल फन, 10 ता ति
शार्त, गं 3 त्राउजार, गां 2 जेकेत मोननाय जों लोगोसे गंसे पालसार बाइक बो जब्द
खालामदों।
गोवा याव
कंग्रेस दोलो नि गिदिर खहा, सा 8 एमएलए फोरा कंग्रेस दोलो खौ गारनानै बिजेपि दोलो
आव हाबबाय होनना मिथिना मोनदों, गासै सा 11 एमएलए फोर दंमोन गवा याव, सा 8 जइन
जानायनि फारिलाय आव बारग गिबि मन्थ्रि दिगम्बर कामात आ बो दं, गवा नि गिबि मन्थ्रि
प्रमद सावान्त आरो रायजो बिजेपि नि गाहाय शादानन्द नि नुजाथिनाय आव नो जइन जायो
होनना मिथिना मोनदों।
मैया लांहिन दख'रा आरो कारबि
आंलं जिल्ला दुलाराय बर'फरायसा आफादनि बानजायनायाव लांहिननि मानिखपुर बद' गोजौ फरायसालियाव सोलोंथाइ सांग्रांथि मेलनि हाबाफारि
लानाय जायो। बे हाबाफारियावनो दुलाराय बर'फरायसा आफादनि गाहाइ नेहाथारि खनिनद्र बसुमतारी बिथांआ गाहाइ आलासि महरै
बाहागो लानानै ओनसोलनि मेलेमजिबि, फोरोंगिरि आरो फरायसाफोरजों आदब आरो गुनगोनां सोलोंथाइनि सायाव गुवारै
सावरायलायनाय जायो। बे हाबाफारियावनो दुलाराय बर'फरायसा आफादनि गेलेमु नेहाथारि - गनेस बसुमतारी,सुबुं फोनांजाब नेहाथारि - बिरखां नार्जारी, लोगो सोलोंथाइ नेहाथारि- रमिअ' कु. बसुमतारीजों लोगोसे कार्बि आंलं जिल्लानि
आफादगिरि आरो बिबानगिरि बिथांमोनहाबो बाहागो लानानै हाबाफारिखौ गाजा गोमजायै
जाफुंसारहोयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon