ससियेल
मिदिया याव नंखाय भिदिअ सेयार खालामना लानानै हमजाबाय सानै सेंग्रा फोरा, बे जाथाय
आ होजाइ नि लंका नि, सानै हमजानायनि मुङा आयुबुर रहमान आरो आशादुल हक होनना मिथिना
मोनदों, सानैनिबो न आ लंका नि पुलिस थाना नि सिंनि कपिलापार आरो लस्करपथार आव, जाथायनि
सोमोन्दै मिथिना मोननाय बादिब्ला सानै सेंग्रा फोरा फेसबुक आव लंका पुलिस थाना नि
सिङाव थानाय आमतला मुंनि जायगा याव साखनद्रा नि मुङाव सासे आयजो खौ हमदों होनना
मोनसे भिदिअ पस्त खालामदोंमोन, बेनि उनाव नो ओनसोलनाङैनो गोबां सावरायलायनाय आरो
गिखांनाय सोमजिदोंमोन, उनाव होजाइ नि एसपि नि बिथोन आव लंका थाना नि बिबानगिरि फोरा
नायबिजिरनानै सानैखौबो हमो, दायो सानैखौबो मोनसे गसर थिसननानै हमनायनि उनाव रायजोफोरखौ
नंखाय फोसावनायखौ फोथायनो नाङा होनना बुंदों।
जोंनि गथ'साफ्रा जोंनि
इयुन आरो बिसोरनि मोन्थाया जेब्लायबो आरो मोनफ्रोम समावनो बिसोरनि गोनांथार
मोन्थाय। "बि.टि.आर. आव
गथ'साफोरनि
मोनथायनि सायाव सानसेनि जथुम्मा" हाबाफारि लानाय जादोंमोन, हादरारि गथ'सा रैखाथि
जथुम्मा आफादजों लोगोसेनो ए.एस.सि.पि.सि.आर जों लोगो नांनानै बड'लेण्ड
हायुंआरि गावखुंथाय बिधान सभा नब्लांआव दिनै बे हाबाफारिखौ खुंनाय जादोंमोन। बेयाव
नो बितिआर नि गाहाय प्रमद बर बिथाङा बाहागो लाहैदोंमोन, बिथाङा बुंनाय बादिब्ला बेयो बिटिआर खुंथायनि मोनसे थांखि, जायनि गेजेरजों गथ'साफोरनि गोगो
आरो फारफ्रोमथिंनि जौगाथायखौ मोनहोनो हायो।मोनफ्रोम गिदिर सहर, थाउनाव थानाय मोनफ्रोम आफादफोरजों लोगोसे
खामानि होग्रा बिबानगिरिफोर सरासनस्रायै गोदान दिल्ली बायदिफोराबो गथ'सा मोन्थाय
नेमखान्थिफोरखौ मानिनाय आरो गथ'साफोरखौ खामानियाव सोनो एबा मावहोनो नाङा। बे
हाबाफारियाव बड'लेण्ड
हायुंआरि गावखुंथाय बिधान सभानि मानिनां बुंथिगिरि श्री कातिराम बर', लेङाइ
बुंथिगिरि श्री अभिराम महानायक बिथांमोनजों लोगोसे गोबां सुबुंफोरा बाहागो लादोंमोन।
गुवाहाति
नि पल्तनबाजार आव रिक्सा सालायग्रा निफ्राय मोनदों पिस्तल, पिस्तल जों लोगोसे गरबा
गोथां गुलि बो मोनदों होनना खौरां मोनदों, गुबुन रायजो निफ्राय फैनानै धोन दाबि
खालामनायनि सन्देह खालामदों पुलिस फोरा, बे रिक्सा सालायग्रा नि मुङा बिहार नि अजय
कुमार प्रसाद, बिनि बेरेखा नायबिजिरनाय आ सोलिगासिनो।
दिनै
निउ बङायगांव रेलवे स्तेशन आव सानै बांलादेशिफोरखौ हमदों, बिसोरखौ हमनायनि उनाव नो
गोबां खौरां आ सोराङाव फैदों, बजरं दल आ हमनाय सानै बांलादेशि नि मुङा सुमन सेख
आरो आजिजुल सेख, सानैबो बांलादेश नि खुलना जिल्ला नि, पुलिसफोरा उनाव बिसोरखौ हमना
लाना थाङो, मिथिना मोननाय बादिब्ला बिसोर ऱां होनानै भारत आव हाबदोंमोन, माबोरै
सोरनो रां होनानै हाबदों बेखौ नायबिजिरनायनि उनाव सो मिथिगोन।
16
अक्तोबर निफ्राय अष्ट्रेलिया याव जानो गोनां ति-20 वर्ल्द काप आव गेलेग्रा फोरा गेलेनो
गोनां तिम ईन्दिया नि गोदान ति 20 आइ कित खौ रबिबारखालि बिसिसिआइ आ बेखेवना होबाय,
मुम्बाई आव एमपिएल स्पर्त्स नि बान्जायनाय मोनसे हाबाफारि नि गेजेरजों बेखौ
बेखेवना होयो। ति 20 वर्ल्द काप आ जागायनायनि सिगां भारत आ अष्त्रेलिया आरो खोला
आफ्रिका नि बेरेखा भारत आव नो सिरिज गेलेगोन, बेनिनो मोनसे आ गुवाहाति आव बो
जागोन।
रबिबारखालि
कलकाता नि शल्त लेक स्तेदियाम आव बांगालुरु एफसि आ मुम्बाई सिति एफ सि खौ 2-1 गल
जों फेजेननानै गिबि खेब नि थाखाय दुरान्द काप फुतबल नि चेम्पियन जानो हायो, 2014
आरो 2016 आव आइ लिग, 2015 आरो 2017 आव फेदारेशन काप, 2018 आव सुपार काप आरो 2019
आव आईएसएल देरहानायनि उनाव कश साइमन ग्रेसन नि सिङाव आरो केप्तेइन सुनिल चेत्रि नि
दैदेननाय आव बांगालुरु एफसि आ दुरान्द काप खौ देरहानो हायो, गुबुनफारसे देरहानायनि
त्रफि खौ लायनाय समाव सोनाब बंग नि राज्यपाल आ सुनिल चेत्रि खौ फत दिखांनाय समाव
नारनाय नि मोनसे भिदिअ भाइरेल जादों, भिदिअ खौ सेयार खालामनानै गोबाङानो भारत नि गेलेगिरि
खौ असन्मान खालामनाय जादों होनना गोबाङानो लिरदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon