मोब्लिब बिल
बारा जानाय आ साधारन रायजोफोरनि गेजेराव गोबां सावरायलायजादों, गावनि गोरोन्थि खौ
मानिना लादों नामा एपिदिसिएल आ, रायजो नि जेंना खौ सुस्रांनो थाखाय हेल्पलाइन
नम्बर बेखेवना होदों, बेखौ एपिदिसिएल आ नो फोसावना होदों, खौरां मोननाय बादिब्ला
मोननै नम्बर होदों बिथांमोना, मोनसे आ फन खालामनायनि आरो मोनसे आ ह्वात्सएप
खालामनायनि। कल खालामनायनि नम्बर आ 1912, आरो ह्वात्सएप खालामनायनि नम्बर आ
7575999666, बेखौ खालामनो गोसो गैयाब्ला साब दिभिजन, दिभिजन, सार्कल नङाब्ला
एपिदिसिएल नि हेदकुवार्तार आव बो थांनो हागोन होनना बुंदों, बिसोर नायनायनि उनाव
गासैबो जेंना खौ सुस्रांगोन, स्मार्त मितार आव माबाफोर गोरोन्थि जादोंब्ला लोगो
लोगो सोलायनाय जागोन होनना बो फोरमायो।
जिउ आव
गासैखौबो मिनि होयै होयै सिरियै थांबाय मुंदांखा फेस्ला फावखुंगुर राजि श्रिबास्तब
बिथाङा, थैनाय जों जुजि जुजि दिनै फुङाव जोबथा हां बोबाय, थैनाय समाव बिथांनि बैसो
आ 58 मोन, दिल्लि नि एइम्स आव फाहामथाय लाबाय थानाय समाव नो जोबथा हां बोयो, खौरां
मोननाय बादिब्ला बिथाङा त्रेदमिल आव थाबायबाय थानाय समाव नो हर्खाब देहा नि हालोद
आ गाज्रि जादोंमोन, लोगो लोगो दिल्लि नि एइम्स आव सोनाय जादोंमोन, गिबि आव बिखा नि
जेंना, बेनि उनाव बेनो खर नि बो खहा खहा खालामो, गोबाव सान आईसिईउ आव दंमोन,
मखजाथावदि दा ग्रेत ईन्दियान लाफतार चेलेन्ज नि गेजेरजों मुंदांखा जानाय राजु
श्रिबास्तब बिथाङा दा किं अफ कमेदि बान्था खौ मोननो हादोंमोन, बिथाङा गोबां बलिउद
नि साउथुन आव फाव खालामदोंमोन, बेनिनो मोननैसो आ, मैने प्यार किया, बाजिगर, बम्बे
तु गोवा बायदि बायदि, बिथांनि थार मुङा सत्यप्रकाश श्रिबास्तब मोन। बिथांनि जिउ
गोमानाय आव भारत नि गाहाय मन्थ्रि, उत्तर प्रदेश नि गिबि मन्थ्रि जों लोगोसे गोबां
सुबुंफोरा नो दुखु मोननाय फोरमायदों।
नंखाय आइदि
बानायनानै साख्रि नि आनजाद होफैना लानानै हमजाबाय सानै गुबुन रायजो नि सुबुंफोरा,
कामरुप मेत्र नि जराबात आव पुलिसफोरा हमदों होनना मिथिना मोनदों, खौरां मोननाय
बादिब्ला बिसोर गुवाहाति 9 माइल नि सिआरपिएफ नि केम्प आव देहायारि आनजाद होनो
फैदोंमोन, सानैबो उत्तर प्रदेश नि एलाहाबाद नि, बिसोरखौ सोंनाय आव दालाल आ 3 लाख
रां लानानै बे नंखाय आइ दि खौ बानायना होदोंमोन होनना बुंना लायो।
मबाइल आ मा
खालामनो हाया, मोजां बाहायोब्ला मोजां जायो, गाज्रिब्ला गाज्रि, सासे मानसि नि जिउ
खौ बो फोजोबनो हायो। मंगलबारखालि मोनाबिलि नि समाव गंसे गोसा फैनाय रेल आ सासे
उन्दै गथ नि जिउ फोजोबो, जाथाय आ तिनसुकिया नि, गथ नि मुङा तन्मय शर्मा, तिनसुकिया
ईंलिस एकादेमि नि थाखो 11 आव फरायोमोन, जाथाय खौ नुनाय सुबुंफोरा बुंनाय बादिब्ला
मंगलबार नि मोनिबिलि नि 5 बाजि सो आव गथ आ माकुम रोद आव रेल लामा खौ बारनाय समाव
नो इन्तारसिति एक्सप्रेस आ बिखौ सौख्राङो, रेल लाइन आव देहा या थुख्रा थुख्रि
जाजोबना गोग्लैना दं, गथ आ आ रेल लामा बारनाय समाव मबाइल दांबाय थादोंमोन, उनाव
जाथायसालि निफ्राय गथ नि नखर नो जाथाय नि खौरां हरो, रेलवे पुलिस नि सासे अफिसार आ
बुंनाय बादिब्ला गोथै देहा खौ पस्तमर्तेम नि थाखाय दैथायहरबाय, जाथायनि सायाव
नायबिजिरनाय आ सोलिगासिनो होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon