सनितपुर
जिल्ला नि धेकियाजुलि नि आलिसिङा याव मोनदों हा सिङाव फबना दोननाय गोबां बिबां नि
रां, न नि सिथला याव फबना दोनदोंमोन, आब्दुल करिम मुंनि सुं नि न आव हर आव पुलिस
फोरा नायबिजिरनाय आव नो मोनो, न नि बारान्दा नि सिरि नि सिङाव हा जावनानै गंसे त्रांक
नि सिङाव दोनदोंमोन, रां खौ 15 लाख सो दं होनना मिथिना मोनदों, मखजाथावदि सनितपुर
पुलिस नि एएसपि आरो बरघात पुलिस अफिसार नि दैदेननाय आव नो नायबिजिरनाय आ जादोंमोन,
पुलिस फोर थांनायनि खौरां मोननानै खारखुमायो बियो, गारि सिखाव खालामनायनि दाय आव आगोलाव
हमजादोंमोनबो बियो, गिदिर गारि सिखाव नि गें जों सोमोन्दो थानाय नि सन्देह
खालामनाय जादों, लोगोसे बिखौ त्नत्रिक होनना बो मिथियो।
गोबाव सान बेथन
गैयालासै खामानि मावबोबाय थानाय बितिआर नि फोरोंगिरि आरो फरायसालि नि मावखगिरिफोरनि
थाखाय दुर्गा फुजा नि बोथोर आ गोजोननाय लाबोदों, बितिआर नि सोलोंथाय बिफान निफ्राय
समबारखालि 124 ईउपि फरायसालि नि ग्रेद 4 नि मावखगिरि आरो हायार सेकन्दारि नि सा 23
पिजि फोरोंगिरिफोरनो साख्रि नि प्रभिनसियेलाइज खालामनायनि बिथोनलायखौ गथायना होयो,
बितिआर नि गाहाय प्रमद बर बिथाङा नो बेखौ रानना होदों, थिसनलायखौ होखांनायनि उनाव
प्रमद बर बिथाङा गासैबो फोरोंगिरि आरो मावखगिरिफोरखौ फरायसालि आव थांनाय फैनाय नि
सम खौ मानिनो सोलिनो खावलायदों, लोगोसे बितिआर आव मोजां सोलोंथायनि फारसे नोजोर
होनानै सासेल फोरोंगिरि आरो नांगौ नि बारा थानाय फोरोंगिरि नि आयदा खौ नोजोर
होगासिनो आऱो बेखौ मोजां खालामगोन होनना बो बुङो, बितिआर नि पिजि फोरोंगिरि आरो
1999 बोसोर नि थालांनाय साख्रि थिसनलाय खौ थाबैनो होगोन होनना बुंदों, गुबुनफारसे
बितिआर नि हारिमुवारि फिल्द खौ जौगाहोनायनि थांखि जों 200 मासि थानाय 10 ता गोदान
सिनेमा हल बानायनाय जागोन होनना बुंदों, बेनिनो बे सोलिनाय बोसोर आव मोन 5 आरो
फैगो बोसोर आव मोन 5 बानायगोन, गुबुनफारसे पर्बतझोरा बियाब नि एमसिएलए मुनमुन
ब्रह्म आ बितिआर सोरखार आरो ईउपिपिएल नि बेरेखा होनाय अजद नि जेबो बिथा गैया होनना
प्रमद बर बिथाङा मुनमुन ब्रह्म खौ गोख्रों राव जों सोंखारिदों, 17 बोसोर सासन
खालामनानै 1900 कौति रां नि लोन गारना गालांनाय हाग्रामा महिलारि नि सान आव
पर्बतझोरा बियाब आव जेबो जौगानाय जायाखै होनना बुंदों।
मार्स दान नि
सिगाङाव नो बितिआर आव साख्रि लांदां जाना थानायखौ थिसननाय जागोन, बितिआर आव साख्रि
होनाय गोहो नि खामानि खौ मार्च दान नि सिगाङाव मावफुंगोन, थिसनलाय होगोन होनना ईएम
राकेश ब्रह्म बिथाङा बुंदों, बिथांनि बिफान आव बो 140 मासि लांदां जाना दं होनना
फोरमायो, शनितपुर आ 100 जौखोन्दो जिल्ला या नो हाबजोबगोन, बेखौ बारनानै बो
सानगासिनो होनना बो बुघङो बिथाङा, लोगोसे नो माखासे गामिफोर जाय एरैनो अजन
बायदिफोरसो खालामनाय माखासे गामिफोरखौ दानखगोन होनना बुंदों, मैया बाक्सा नि भारत
भुतान सिमा नि सिब्रुबारि, भाग्रिशुसि, दारागाव, सिमलाबस्ति, एफआरसि कमिति नि
बान्जायनाय आव सिब्रुबारि गेलेग्रा फोथार आव हा मोनथाइ आयेन 2006 नि सायाव सावरायमेल
जादोंमोन, थाबैनो हा नि पात्ता होगोन होनना बुंदों बिथाङा, बितिआर आव सोलोंथाय नि
सायाव गोबां खामानि मावगासिनो, फैगो 2 दान आव बितिआर खौ गोदान महरै नुगोन होनना
बुंदों, लोगोसे नो बिथाङा एमसिएलए मुनमुन ब्रह्म बिथाङा बुंनाय बाथ्रा नि सायाव बो
बुङो, 3थि थाखो नि, पाप्पि मानसि होनना सो बुङो, पर्बतझोरा य़ाव बेबायदि सुबुं नो
खामानि मावनो होनाय आ सोमोनांथाव, बिखौ होखारनो नांगौ, तेजपुर आव सो थिनहरनो नांगौ
होनना बुंदों, लोगोसे नो साख्रि होगोन होनना बुंनाय आ बो नंखाय होनना बो बुङो
बिथाङा, नखर नखर गाव गसंथानो हानाय सो खालामगोन होनना बुंदों होनना फोरमायो, साख्रि
होगोन होनना बुङाखै होनना सो बुङो, गोबां सुबुंफोरा नो नखर नखर साख्रि होगोन होनना
बुंदोंमोन नाथाय दासिमबो होआखै होनना अजद होबोगासिनोमोन।
सरायदेउ
जिल्ला नि सिङाव थानाय सोनारि आव जादों मोनसे सोमोनांथाव जाथाय, सम्बारखालि सासे
फरायसालि नि फरायसा या नो बिनि फोरोंगिरि खौ सिखा जों गाग्लोबो, सोनारि नि
तिंगालिबाम गुदि फरायसालि आव जादों, जोखोम जानाय फोरोंगिरि नि मुं खौ तुलसि
हान्दिक होनना सिनायनाय जादों, लोगो लोगो देहाफाहामसालि आव लाना थाङो, नाथाय मा
जाहोन नि थाखाय बेबायदि खालामखो बेनि सोमोन्दै जेबो मिथिनाय जायाखै, बेनि दाय आव
मोनसे गसर थिसननानै मुनुन प्रजा मुंनि सुबुं खौ हमदों होनना मिथिना मोनदों।
थाना नि असि
नो भइस मेसेज आव गावखौनो बुथारगोन होनना हरनानै प्रनब बरुवा मुंनि सुबुं आ गावखौनो
बुथारमारबाय। मोनसे सोमोनांथाव जाथाय, साननैसो सिगाङाव गुबुन हौवासा जों प्रनब
बरुवा या गावनि बिसि नि सावगारि नुदोंमोन, ससियेल मिदिया याव गाज्रि सावगारि
भाइरेल जादोंमोन, बेनि उनाव नो पुलिस नि मदद बिदोंमोन होनना मिथिना मोनदों, जाथाय
आ गुवाहाति नि लासितनगरनि नाथ लामा नि 9नं न आव जादों, गोबाव सान निफ्राय नो बिसि
हा आयेन बेरेखा सोमोन्दो दंमोन, आमिनगांव नि सेंग्रा जों, उनाव ससियेल मिदिया याव
भाइरेल जायो, पुलिस निफ्राय मदद बिदोंमोन, नाथाय नांगौ समाव मदद मोनि नि नो
बेबायदि खालामनायनि अजद, दायो गासै जाथाय नि सायाव पल्तनबजार थाना याव एजाहार
होबाय होनना मिथिना मोनदों।
दुखुनांथाव, फोरोंगिरि
नि बुनाय आव जिउ गोमाबाय सासे थाखो 10 नि फरायसा नि। उत्तर प्रदेश नि आउरिया
निफ्राय मोनसे दुखुनांथाव जाथाय आ सोराङाव फैदों, आसलदार आदर्श ईन्तार कलेज नि
थाखो 10 नि फरायसा निखिल आ समाज बिगियान नि आनजाद आव माबा मोनसे गोरोन्थि
लिरदोंमोन, बे खोथा खौ लानानै नो फोरोंगिरि अश्विनि सिंह आ एरैबायदि रागा जोंदोंमोन
दि निखिल खौ गाज्रियै बुयो, जाथाय आ 7 सेप्तेम्बरखालि नो जादोंमोन, बुनायनि उनाव
नो देहा नि हालोद आ गाज्रि जादोंमोन आरो बेनि थाखाय नो देहाफाहामसालि आव लांनो गोनां
जायो, नाथाय थांनाय 24 खालि जिउ गोमायो होनना मिथिना मोनदों, दायो फरायसा नि बिफा
या थाना याव फोरोंगिरि नि बेरेखा एजाहार होबाय।
गुवाहाटी
जिल्ला दुलाराय बर' फरायसा आफादनि
गोजाम मावफुं आफादखौ सिफायनानै गोदान मावफुं आफाद दानाय हाबाफारिखौ दिनै
गुवाहाटीनि उजान बाजाराव थानाय विवेकानंद केन्द्रयाव सानसेनि हाबाफारिजों
खुंफुंनाय जायो । हाबाफारि
बादियै गोथार आलारि बाथिखौ फोजोंजेनो एबसुनि लोगो आफादगिरि मानगोनां मुस्रि
खोरोमदाव वारीया आरो बड'फानि मुसुखायाव बिबार बाउजेनो गाहाइ नेहाथारि मुस्रि खनिन्द्र बसुमतारीया । गुवाहाटी
जिल्ला एबसुनि आफादगिरि अनजालु मोसाहारीया मासि लानानै दैदेननाय थान्दै मेलाव
गाहाइ आलासि महरै बाहागो लायो मिरु एबसुनि लोगो आफादगिरि मानगोनां मुस्रि खोरोमदाव
वारीया । गाहाइ आलासि महरै बाहागो लानानै बिथाङा गोदानै बिबान मोननाय साफ्रोमबो
मावथिफोरनिसिम गाहाम हामलाइथि बाउहरनानै एबसुनि खामानि मावनायफ्रा हारियाव
जेरैबादि गोनांथिथार जायो बेबादिनो आसामनि खना खनलानिफ्राइ फरायनो थाफैनाय बर' फरायसाफोरनि
थाखाय गुवाहाटी मेत्रआव एबसुनि खामानि मावनाया जोबोद गोनांथि जायो होननानै गावनि
बिबुंथियाव बुंङो । हाबाफारियाव
बुंथिगिरि महरै बाहागो लाबावो मिरु एबसुनि गाहाइ नेहाथारि मानगोनां मुस्रि
खनिन्द्र बसुमतारीया । बुंथिगिरि महरै बाहागो लानानै बिथाङा जि समाव बर' हारिया
फारफ्रोमबो बिथिङावनो नाख्रेबजादोंमोन, सुसिजादोंमोन, नासयजादोंमोन
बै सामवनो एबसुखौ दानाय जादोंमोन होननानै एबसुखौ फोजोबस्रांनो नागिरनाय आफाद आरो
दैदेनगिरिफोरा गोदोनिफ्राइनो जोबस्रांलांगासिनो दङ होननानै गावनि बिबुंथियाव बुंङो
। दिनैनि थान्दै
मेलनि गेजेरजों गोजाम आफादखौ सिफायनानै मुस्रि अबिनास नार्जारीखौ आफादगिरि आरो
मुस्रि मुनमुन बर'खौ गाहाइ
नेहाथारिनि बिबान होनानै गुवाहाटी जिल्ला दुलाराय बर' फरायसा आफादखौ
आबुंङै दाफुंनाय जायो।
चिरां नि
बासुगांव आव मैयानि हर फुं नि समाव गिथावना दाखाथि नि जाथाय, गोबौ हाथियार दिन्थिनानै ननि बिगोमा खौ
खानानै लुथिना लांबाय गोबां रां नि सना आरो लोगोसे नोगोद धोन। दाखाथि नि जाथाय खौ
होबथानो थांनाय आयजो खौ बो जोखोम खालामदों होनना मिथिना मोनदों, बासुगांव सोहोर नि राजासारां ओनसोल नि
थागिबि, फोरोंगिरि गिरिधर शर्मा नि न आव जादोंमोन, गासै सा 4 मोन, गिबि आव गिरिधर शर्मा खौ लिंहरनानै गोबौ
हाथियार दिन्थिनानै खाना दोनग्रोदोंमोन, नाथाय बिथांनि बिसि दालिमि देबि आ बेखौ
होबथानो थांनाय आव नो गाग्लोबो, जाथाय आ
जानायनि उनाव होख्राव होसि जानाय आव खोनानानै खाथि नि सुबुंफोरा थांनानै जोखोम
जानाय खौ देहाफाहामसालि आव लाना थाङो, बिसि नि हालोद आ गाज्रिथार होनना मिथिना
मोनदों। खौरां मोननानै लोगो लोगो बासुगांव थाना नि पुलिस नि दोलो आ गिरिधर शर्मा
नि न आव गिबि नायबिजिरनाय खौ खालामो, दिनै फुङाव एसपि बिथाङा बो थांनानै खौरां
लाहैदों होनना मिथिना मोनदों। बिथाङा बेनि सायाव गोख्रों नायबिजिरनाय जागोन आरो
दायनिगिरिफोरखौ गोरा साजा होगोन होनना बो बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon