आसाम निफ्राय
थांबाय आइपिएस अफिसार आनन्द मिश्रा बिथाङा, आसाम मेघालय केदार खौ गारनानै बिहार
केदार आव थांबाय आनन्द मिश्रा बिथाङा, गावारि जेंना नि थाखाय नो देपुतेशन नि थाखाय
एप्लाई खालामदोंमोन बिथाङा, बेनि उनाव नो एनअसि होयो आसाम सोरखार आ। मखजाथावदि
बिथाङा दायो आसामनि गेलेनाय बिफान नि ए आइजिपि महरै बिबान आव दंमोन, बिथांखौ गोबां
सुबुंफोरा नो मोजां मोनो, आसामनि गोबां सुबुंफोरा नो सिनायो, 2018 मायथाइ निफ्राय
नो आसाम जों सोमोन्दो दंमोन, बिथाङा गावनो आसाम खौ मोजां मोनो होनना बो बुङो, आसाम
आव खामानि मावनो मोननाय आ जिउ नि गिदिर बुजिनाय, आसाम नि सुबुंफोरा गोबां अननाय
होबाय होनना बो बुङो।
चिरां नि
बासुगांव आव दिनैनि हर फुं नि समाव गिथावना दाखाथि नि जाथाय, गोबौ हाथियार
दिन्थिनानै ननि बिगोमा खौ खानानै लुथिना लांबाय गोबां रां नि सना आरो लोगोसे नोगोद
धोन। दाखाथि नि जाथाय खौ होबथानो थांनाय आयजो खौ बो जोखोम खालामदों होनना मिथिना
मोनदों, बासुगांव सोहोर नि राजासारां ओनसोल नि थागिबि, फोरोंगिरि गिरिधर शर्मा नि
न आव जादोंमोन, गासै सा 4 मोन, गिबि आव गिरिधर शर्मा खौ लिंहरनानै गोबौ हाथियार
दिन्थिनानै खाना दोनग्रोदोंमोन, नाथाय बिथांनि बिसि दालिमि देबि आ बेखौ होबथानो
थांनाय आव नो गाग्लोबो, जाथाय आ जानायनि उनाव होख्राव होसि जानाय आव खोनानानै खाथि
नि सुबुंफोरा थांनानै जोखोम जानाय खौ देहाफाहामसालि आव लाना थाङो, बिसि नि हालोद आ
गाज्रिथार होनना मिथिना मोनदों। खौरां मोननानै लोगो लोगो बासुगांव थाना नि पुलिस
नि दोलो आ गिरिधर शर्मा नि न आव गिबि नायबिजिरनाय खौ खालामो, दिनै फुङाव एसपि बिथाङा
बो थांनानै खौरां लाहैदों होनना मिथिना मोनदों। बिथाङा बेनि सायाव गोख्रों
नायबिजिरनाय जागोन आरो दायनिगिरिफोरखौ गोरा साजा होगोन होनना बो बुङो।
सिखाव
खालामनायनि दाय आव खामानि निफ्राय होखारनायनि थाखाय नो मालिक नि बिसि खौ गाज्रियै
बुथारबाय बेनि बारग मावथि आ। बे जाथाय आ जादों नगांव नि हरिजन कलनि आव। पुलिसफोरा दायो
बुथारग्रा दायनिगिरि सुब्रत मझुमदार खौ हमनानै नायबिजिरगासिनो दं, बे जाथाय आ
ओनसोलनाङैनो सोमोनांहोदों गासैखौबो। मिथिना मोननाय बादिब्ला नगांव नि हरिजन कलनि
नि राजु दत्त मुंनि सासे सुबुं नि राज मेदिकेल मुंनि फार्मासि आव खामानि मावदोंमोन
लंका नि थागिबि सुब्रत मझुमदार मुंनि सुबुं आ, बिखौ रां सिखाव खालामनायनि दाय आव
खामानि निफ्राय होखारदोंमोन बिखौ, बेनि उनाव नो राजु दत्त आरो बिनि फंबाय खौ
बुथारनानै फिन साजा होनो न आव थांनाय सुब्रत मझुमदार आ गोबौ हाथियार जों गोदना याव
जोखोम खालामनानै गाज्रियै बुथारो राजु दत्त नि बिसि रुमि दत्त खौ। दायो पुलिस फोरा
हमनानै सोंगासिनो, बिनिफ्राय गंथाम थै नांना थानाय मबाइल फन जब्द खालामदों,
नायबिजिरनाय आव मिथियो दि बिनि थांखि आ राजु दत्त आरो बिनि फंबाय सो मोन, नाथाय बै
समाव बिसोर गैयामोन आरो रुमि दत्त जों नांलायनाय जानाय आव नो बेखौ खालामो होनना
मिथिना मोनदों। 3 बोसोर खामानि मावदोंमोन बियो।
बारग कंग्रेस
नि दैदेनगिरि गुलाम नबि आजाद आ गोदान दोलो दाबाय, फोसावबाय गोदान दोलो नि मुं खौ,
बिथाङा जम्मु काश्मिर नि गिबि मन्थ्रि बो जादोंमोन, नाथाय साननै सो सिगां आव दोलो
खौ गारदोंमोन, दायो गोदान दानाय दोलो नि मुं खौ देमोक्रेतिक आजाद पार्ति दोनदों,
खौरां बिजोंनि गेजेरजों बिथांमोननि दोलो आ सेकुलार, गनतान्त्रिक आरो जायखिजाया
गोहोम निफ्राय उदां जागोन होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon