रायजो आव तिर
गेलेनाय, जौ जुवा नि बेरेखा नायबिजिरनाय आ सोलिगासिनो दं, तामुलपुर जिल्ला नि
गोरेश्वर आव जौ आरो तिर गेलेनाय जों सोमोन्दो थानाय सा 5 खौ हमदों होनना खौरां
मोनदों, गोरेश्वर थाना नि पुलिस फोरा हमनो हायो, हमजानाय फोरनि सानै आ दुवारि,
सानै आ तिर नि एजेन्त आरो सासे आ आयेन बेरेखा जौ नि फालांगिरि, पुलिसफोरा अरुनाशलि
जौ बो जब्द खालामदों होनना मिथिना मोनदों, पुलिसफोरा बुंनाय बादिब्ला सानै तिर नि
एजेन्त नि मुङा धिरेन माझि आरो श्यामन्त दास उरफे बापन दास, आयेन बेरेखा जौ नि
फालांगिरि नि मुङा दिगन्त सरनिया। लागोसे सानै जुवारि नि मुं खौ कमलेश्वर बर आरो
महादेब बर होनना मिथिना मोनदों, तामुलपुर जिल्ला नि गरेश्वर आव गोबाव समनिफ्राय नो
तिर, जुवा, जौ आ आयेन बेरेखा यै सोलिबोगासिनोमोन, बेनि बेरेखा गोरा जादों गोरेश्वर
पुलिस आ, फैगो सम फोराव बो बेबायदि नो नायबिजिरनाय आ जाबाय थागोन होनना बो फोरमायो।
नोंथांनि गारि
नि खिरखि आव ब्लेक नेत बाहायो नामा, जुदि बाहायो सांग्रां जा, नङाब्ला जरिमाना
होनो नांगोन, मंगलारखालि बेनि सायाव आसाम पुलिस आ साधारन सुबुंफोरनि थाखाय मोनसे
त्वित खालामदों, तुइत आव आसाम पुलिस गारि आव ब्लेक ग्लास नङाब्ला ब्लेक नेत
बाहायनो नाङा होनना खावलायदों, बिथांमोना लिरदोंः गोसोम आ गोसोम आ नो खा, नुनो
मोनदों दि सानैसो सुबुं आ गारि नि खिरखि आव ब्लेक तिन्तिं नि सोलाय ब्लेक नेत
बाहायो, जों फिन बुंफिननो लुबैयो दि गारि आव ब्लेक ग्लास एबा ब्लेक नेत नि
बाहायनाय आ नोंथांखौ जरिमाना होहोनो हागौ, सोरां हाबनो हायि ब्लेक नेत आ
सानस्क्रिन जों समान नङा होनना लिरदों।
बितिआर
निफ्राय अबर बारा थानाय गामि खौ दानखनाय, बितिएदि आन थानाय सुबुंफोरनो हा नि
मोनथाय आरो गुबुन गुबुन दाबिफोरनि मदद आव मैया बाक्सा जिल्ला नि मुशलपुर आव अबर
सुरक्सा किमिति नि धर्ना हाबाफारि। अबर सुरक्सा कमिति नि सोद्रोमाफोरा अबर बारा
थानाय गामिफोरखौ दानखनो दाबि दैखांदों। मखजाथावदि बितिआर सुक्ति नि उनाव सोरखार आ
पि पि बर्मा बिथांनि दैदेननाय आव मोनसे आयोग दानानै अबर बारा थानाय गामि खौ दानखनो
जा बिबान होदोंमोन बेयो दासिमबो जायासै होनना बुंदों, जायनि थाखाय नो 2 घन्ता नि
धर्ना हाबाफारि खौ लानो गोनां जादों होनना फोरमायो, धर्ना होग्रा फोरा गुबुन गुबुन
श्लगानफोर होयो जेरै अबर गामि खौ दानख, बितिआर आव अबर नि राजखान्थियारि मोनथायखौ
रैखा खालाम, बितिआर आव राव नि मोनथायखौ रैखा खालाम बायदि बायदि, सोरखार आ बेफोरनि
सायाव गोसो होआब्ला 2023 नि 1 जानुवारि निफ्राय थादनाय गैयि आन्दोलन खालामगोन
होनना बो फोरमायो।
20 सेप्तेम्बर
निफ्राय मोनगोन सोरखार नि 25 रोजा रां खौ, 12135 फिसाय गैजायि आयजोफोरा बे रां खौ
मोनगोन होनना मिथिना मोनदों, 18 निफ्राय 45 बोसोर बैसो नि रान्दि आयजो आ मोनगोन
सोरखार निफ्राय रां। रायजो सोरखार निफ्राय मोनसे गिदिर फोसावनाय, बेखौ गिबि
मन्थ्रि आ तेजपुर आव बेखेवना होगोन। रान्दि आयजोफोरनि मदद नि थाखाय नो बेखौ
फोसावो। आसामनि मन्थ्रि रन्जित कुमार दास बिथाङा बेखौ फोसावना होदों। दासिम 1 लाख
50 रोजा सो आयजोफोरनो पेन्सन होदों होनना बो फोरमायो।
चिरां जिल्ला
नि बिजनि नि कावातिका याव पुलिस नि नायबिजिरनाय आव हमबाय सासे गाज्रि खामानि जों
सोमोन्दो थानाय सुबुं खौ हमदों, फुलकुमारि नि थागिबि तापश मन्दल मुंनि थगायग्रा या
गुबुन गुबुन गोजौ थाखो नि अफिसार नि स्ताम्प, साइन नि बेलेबेजे खालामनानै
आगोलनिफ्राय नो आयेन बेरेखा खामानि मावबोगासिनोमोन, पुलिस आ खौरां मोननानै
नायबिजिरनाय आव दायनिगिरि तापश मन्दल निफ्राय 13 ता गुबुन गुबुन गोजौ थाखो नि
अफिसारफोरनि स्ताम्प, गंसे एल्तो गारि आरो गुबुन गुबुन सन्देह गोनां मुवा बेसादफोर
मोनदों। उनाव पुलिसफोरा हमनानै जेल आव लाना थाङो, गुबुनफारसे मैया चिरां आव नो
बिजनि नि पानबारि थाना नि सिंनि पालेंबारि पानबारि लामा याव सा 4 सुबुंफोरखौ नंखाय
सना जों लोगोसे हमदों, गासै 680 ग्राम सना मोनदोंमोन, बेयो नंखाय सोमोन, थगायनानै
खम बेसेन आव नो फानोमोनो।
बरपेतारोद नि
खाथि नि लुवासोर आव नंखाय बान्था कुपन गेलेनाय एबा लतारि गेलेनाय नि मुङाव गिदिर
थगायग्रा फोरखौ हमदों, नंखाय लतारि गेलेहोनानै लाख लाख रां रायजोफोरनिफ्राय
लादोंमोन। खौरां मोननाय बादिब्ला 11 सेप्तेम्बरखालि हर आव बिसोर गेलेनायखौ खुंनो खोथा
दंमोन, 1 लाख 29 रोजा 500 ता 100 राङारि लतारि तिकेत खौ फाननानै कौति कौति रां
लादोंमोनब्लाबो गेलेनायखौ खुंखालि जेबो रोखोमनि बान्था खौ दिन्थियाखैमोन, जायनि
थाखाय रायजोफोरनि गेजेराव सन्देह सोमजिखाङो, बेनि थाखाय नो बाक्सा जिल्ला नि
शिमलागुरि पुलिस नो खौरां हरो, पुलिसफोरा थांनानै बे लतारि जों सोमोन्दो थानाय सा
6 खौ हमदों, खौरांमेल नि गेजेरजों बेनि सायाव गासैखौबो फोरमायो सालबारि महकुमा
पुलिस अफिसार समिरन बैश्य बिथाङा, आगोलनिफ्राय नो बिसोर बेबायदि गुबुन गुबुन जायगा
याव नंखायै लतारि खुंनानै लाख लाख रां लुथिबोगासिनोमोन, हमजानाय सा 6 नि मुङा
निरन्जन सुत्रधर, प्रदिप बर्मन, मन्जित कर्माकर, प्रान्जल दास, शिबु दास आरो
बिष्णु अधिकारि। बेनिनो बिष्णु आ मोनसे खौरां पर्तेल नि एजमिन, बिनो खौरां बिजोंनि
गेजेरजों बेफोरखौ फोसावदोंमोन।
मोजां मोननाय
नि थाखाय नो सायखना लाबाय गाज्रि मोनसे लामा खौ नलबारि नि सासे फरायसुलि आ। सासे
फरायसुलि नि गावनो बुथारना लानाय जाथाय आ ओनसोलनाङैनो सोमोनांहोदों, मोजां मोननाय
नि थाखाय नो बिष लोंनानै थैयो, फरायसुलिनि गोथै देहा नि खाथि आव मोनदों गांसे
सुइसाइद नोत, जेराव लिरदों, आय आंखो नों गाज्रि मोननो नाङा, आं थिरांथा लानो गोनां
जाबाय, आय आं जयन्त नि थाखाय नो थैनो गोनां जाबाय। जयन्त आरो आंनि गेजेराव
सानफ्रोमबो नांलायनाय जाबाय थायो, आं बिखौ गाज्रि मुवा जानो नाङा बुंब्लाबो
सानफ्रोमबो जायो आरो होबथाब्ला नांलायो, आं बिष लोंनायनि थाखाय दायनिगिरि आ जयन्त,
बियो आं नंखायै सन्देह खालामनानै आंनि सिम खौ लाना थांदों होनना बो लिरदों, मिथिना
मोननाय बादिब्ला हिनजावसा नि मुङा पल्लबि कलिता, बियो हायार सेकन्दारि नैथि बोसोर
नि फरायसुलि मोन, खाथि नि नो गामि नि जयन्त कलिता मुंनि सेंग्रा जों मोजां मोननाय
नि सोमोन्दो दंमोन, सम बारनायजों लोगोसे बेखौ नखर नि सुबुंफोरा बो मिथियो, हौवासा
या गाज्रि मुवा जायोमोन, बेफोरखौ हिनजावसा या होबथायोमोन, बेफोरनि थाखाय बो
नांलायनाय जायोमोन होनना मिथिना मोनदों, जाथाय जानाय सानखालि पल्लबि आ गोबाव सम हर
आव नांलायनाय आव बिमा या रायनानै उन्दुनो होदोंमोन, बेनि दसे उनाव नो पल्लबि आ
गोबानो हमो, देहा गाज्रि जानाय आव नलबारि देहाफाहामसालि आव लांदोंमोनब्लाबो उनाव
मोजां जायि आव गुवाहाति आव लाना थाङो। नाथाय बासायनो हायासै बिखौ, दायो बे सुइसाइद
नोत खौ मोननाय नि उनाव नो पुलिसफोरा नायबिजिरनायखौ जागायबाय।
गुवाहाति आव
भारत आरो खोला आफ्रिका नि गेजेराव ति-20 क्रिकेत गेलेनाय आ जागोन, थि खालामबाय
तिकेत नि बेसेन खौ, गुवाहाति नि बर्षापारा स्तेदियाम आव जानो गोनां गेलेनाय आव 29
रोजा सो नायगिरिफोरा बेयाव थांनानै नायनो हागोन। खौरां मोननाय बादिब्ला खमसिन
तिकेत नि बेसेन आ 475 रां, बेखौ फरायसाफोरनि थाखाय सो लाखिनाय जादों, साधारन
सुबुंनि थाखाय खमसिन तिकेत नि बेसेन आ 1500 रां, गुबुन फारसे साउथ स्तेन्द नि गिबि
महल नि बेसेनखौ बांसिन 6000 रां थि खालामदों, सोनाब फारसे नि गिबि महल नि खौ 2000
रां, सोनाब फारसे नि ग्राउन्द फ्लर नि खौ 3000 रां, सानजा नि नैथि महल नि खौ 1500,
गिबि नि खौ 2000, ग्राउन्द फ्लर नि खौ 3000, साहाफारसे नि तप फ्लर नि आ 2000, नैथि
फ्लर नि आ 4000 आरो ग्राउन्द फ्लर नि आ 3500 रां, खोला फारसे नि तप फ्लर नि आ
2000, नैथि नि आ 4000 आरो गिबि नि आ 6000 जों लोगोसे ग्राउन्द
फ्लर नि आ 3500 रां होनना मिथिना मोनदों, तिकेत फाननाय खौ 19 सेप्तेम्बरखालि
अनलाइन नि गेजेरजों फाननो हागौ होनना मिथिना मोनदों।
दै जगायनाय
बिफान नि साख्रि नि मुङाव दालालि खालामनाय आरो सासे खौ हमदों, कुहिराम देका मुंनि
दालाल खौ हमनायनि खौरां मोनदों, दिसपुर पुलिस आ हमदों, गुवाहाति गेस्त हाउस आव
साख्रि नि मुङाव उदांयै थगाययबोगासिनोमोन, बिजों लोगोसे पिंकु बरुवा मुंनि सासे
खौरांगिरिखौ बो हमदों होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon