Bodo evening news 2022 September 24 ~ Bodoinfo.com

गुजरात आव जानो गोनां फैगो नेशनेल गेम्स आव मेदेल मोननो हायोब्ला सोरखारि साख्रि होगोन, बेखौ बुंदों आसामनि गिबि मन्थ्रि डाँ हिमन्त बिश्व शर्मा बिथाङा, गेलेनाय बादायलायनाय आव गासै 21 ता ईभेन्त आव आसामनि 121 गेलेगिरिफोरा बाहागो लागोन होनना खौरां मोनदों, मैया आसाम नि जार्शि, तुपि बायदिफोरखौ बेखेवनायनि उनाव नो बुङो, मैया जार्शि त्रेक सुइत, बेग, मेदिकेल कित, तुपि बायदिफोरखौ रानना होयो गेलेगिरिफोरनो, फैगो 25 सेप्तेम्बर आव आसामनि गिबि दोलो आ गुजरात आव रावना होगोन, आसामनि बारग गिबि मन्थ्रि आरो दानि मिरु सोरखार नि मन्थ्रि सर्बानन्द सोनोवाल बिथाङा आसामखौ गोजौ नि मोन 5 नम्बर नि गेजेराव थाहोनो थाखाय नाजानो खावलायदों गेलेगिरिफोरखौ, गेलेनाय आव ल नङा, आसामनि रांखान्थि आरो सोलोंथाय बायदिफोराव बो हादोर नि गेजेराव नो 5 थि नम्बर नि गेजेराव थानो नांगौ होनना बुंदों।

हिनजावसा गथ जोनोम होनाय आ नो दाय जाबाय, सोमोनांथाव जाथाय। सासे सुबुं आ गंसे सोरखारि नङि देहाफामसालि सासे हिनजावसा गथ जोनोम होनाय नि थाखाय नो बिसि खौ बिष गोनां बिजि होनानै बुथारदोंमोन, दायो सोराङाव फैनाय जाथाय आ 30 आगश्त नि नो मोन, पुलिसफोरा बुंनाय बादिब्ला 42 बोसोर बैसो नि तेजावत बिक्षम आ तेलेंगाना नि थागिबि, गंसे सोरखारि नङि देहाफाहामसालि नि अपारेशन थियेतार नि मदद होगिरि, बिनि गिबि बिसि आ गथ जोनोम होनो हायि नि थाखाय सासे 21 बोसोर बैसो नि हिनजावसा जों हाबा जादोंमोन, सानैबो बिसि जों लोगोसे थायोमोन बियो, जायनि थाखाय नांलायनाय बो जाबाय थायोमोन, नैथि बिसि नि मुङा नबिना, ननि बेबायदि नांलायनायनि दाय खौ नैथि बिसि नो नो होबाय थायोमोन, बेनि गेजेराव नो नबिना या 30 आगश्त खालि नैथि गथ जोनोम होदोंमोन, रावबो गैयि नि सुबिदा लानानै बियो गंनै बिजि लांनानै बिसि मोदोम आव सोना होयो, बेनि उनाव सिरिन्ज खौ गारनो थाङो, दसे उनाव फैफिननानै बिसि थैनाय खौ देहाफाहामसालि नि गोसो होयि नि थाखाय नो जादों होनना फाव खालामनानै अजद होयो, गासैबो सिसितिभि आव बेफोर रेकर्द जाजोबना दंमोन, उनाव देहाफाहामसालि नि बिबानगिरिफोरा सन्देह जानाय आव सिसितिभि फुतेज खौ नायनाय आव जाथाय आ सोराङाव फैयो, दायो पुलिसफोरा हमनानै सोंगासिनो होनना खौरां मोनदों।

हादर आव फैगो 1 अक्तोबर निफ्राय जागायगोन 5 जि सारभिस आ, 5जि नि निलाम आ जोबनायनि उनाव नो सोरखार आ लादों थिरांथा, बे निलामा आव बाहागो लादोंमोन रिलायेन्स जिअ, एयारतेल, भदाफोन आयदिया, आदानि दाता ग्रुप आ, भारच नि रां हिसाब आव 1.5 त्रिलियन रां जों निलाम आव देरहादोंमोन रिलायेन्स जिअ आ, मन्थ्रि अश्विनि बैश्नब बिथाङा बुंनाय बादिब्ला 71 जौखोन्दो निलाम आव फाननाय जायो रिलायेन्स नो। खौरां मोननाय बादिब्ला 1 अक्तोबर आव भारत नि गाहाय मन्थ्रि नरेन्द्र मोदि आ बेखौ बेखेवगोन।

केरियार नि जोबथा गेलेनाय खौ गेलेबाय रजार फेदेरार आ, तेनिस निफ्राय बिदाय लाबाय बिथाङा मुंदांखा गेलेगिरि बिथाङा, 1995 मायथाइ निफ्राय नो गेलेनाय खौ जागायनाय बिथाङा गोबां सुबुंफोरजों नो मोजां मोनजादोंमोन, जोबथा गेलेनाय आव बिथाङा राफेल नादाल जों लोगो जानानै दाबल्स आव बाहागो लादोंमोन, 41 बोसोर बैसो नि गेलेगिरि नि बिदाय लानाय आव गोबां सुबुंफोरा नो दुखु मोननाय फोरमायदों, गावनि केरियार नि 1500 थि गेलेनाय आव बाहागो लानानै 20 ता ग्रेन्दस्लाम ताइतेल देरहानो हादोंमोन, जोबथा गेलेनाय आव लोगो जानानै गेलेनाय राफेल नादाल आ नो गेलेनाय आव बिथांनि गाहाय बेरेखामोन होनना बुंजायो, बिथांमोना गोबांबार फाइनेल आव गेलेलायदोंमोन, लोगोसे खालामब्ला 42 ता ग्रेन्दस्लाम जायो।