Bodo news 16 September 2022 ~ Bodoinfo.com

हरखाब मोब्लिब बिल बारा जानाय आ साधारन सुबुंफोरखौ गोबां साननो गोनां खालामना होदों, गोबां सुबुंफोरा नो स्मार्त मितार लागायनायनि थाखाय बेबायदि बारा जादों होनना बुंनायखौ नुनो मोनदों, नाथाय बेखौ एपिदिसिएल आ नंखाय होनना बुंदों, स्मार्त मितार नि थाखाय मोब्लिब बिल आ बारा जायाखै, मोब्लिब सुनाय आव गोजाम मितार आरो गोदान मितार नि गेजेराव जेबो फारागथि गैया, बिथांमोना बुंनाय बादिब्ला जुलाइ आगष्त दान आव दुंथाय आ बारा जानायनि थाखाय मोब्लिब बाहाय़नाय आ बारा जायो जायनि थाखाय नो बिल आ बारा जादों होनना बुंदों। मखजाथावदि बे दान आव गासैबो नखरनि आ नो मोब्लिब बिल आ आगोलनि फैनायनिख्रुय गोबां बारा फैनाय नि अजद होदोंमोन। गुबुनफारसे आसामनि मन्थ्रि पियुश हाजरिका बिथाङा बिल बारा जानाय आ जेबो नङा होनना सो बुंदों, जेरैबायदि दानफ्रोमबो दरमाहा या बारा जायो बेबायदिनो मोब्लिब बिल बारा जानाय आव साननांगौ गैया होनना सो बुङो। दिनै गुवाहाति आव मोब्लिब बिल आ बारा जानायनि थाखाय धर्ना होनाय हाबाफारि लादोंमोन, बिजुलि भवन नि हाबनाय लामा याव थानाय गेत खौ खुलिनानै सिङाव हाबनानै एपिदिसिएल नि बेरेखा धर्ना होयो. जाय समाव दिल्लि सोरखार आ मोब्लिब फ्रि होदों बे समाव आसाम आव बिल खौ बारा सो खालामदों नि अजद।

रायजो नि सोलोंथाय बिफान नि गोनांथार बिथोन, फरायसालि नि जायखिजाया हाबाफारि आव नो आसामनि हारियारि संमेथाय खौ रोजाबनो बिथोन होदों सोलोंथाय बिफान आ, दानिया गासैबो फरायसालि नि हाबाफआरि आव नो अ मुर आपुनार देश खौ रोजाबनो नांसिगोन, सोलोंथाय मन्थ्रि नि बिथोन नि उनाव नो आसाम सर्बशिक्शा अभियान मिशन आ बेनि फोसावनाय खौ होदों।

रायजो सोरखार मिरु सोरखार आरो आदिबासि बिग्रायारि ग्रुप नि गेजेराव गोजोन गोरोबथा मैया जानानै थांबाय, बे गोजोन गोरोबथा नि सायाव बितिआर नि गाहाय प्रमद बर बिथाङा बुंदों, बिथाङा बे गोरोबथा खौ बरायनानै जाय सेंग्रा सिख्ला फोरा आफाद आव हाबनायनि उनाव दावहा दोनथनानै हाथियार जमा होनायनि उनाव बो जिउ खौ लानानै गोबां साननानै दंमोन बिसोर दायो समाज आव फैफिननो हागोन, आदिबासि सुक्ति आ बदलेन्द आव 100 जौखोन्दो शांति गायसननाय आव मदद खालामनायजों लोगोसे आसाम आव बो शांति नि थासारि लाबोनाय आव मदद खालामगोन होनना बुंदों, आलफा नि सोमोन्दै बो बुङो बिथाङा, आलफा या मा थांखि लानानै फैफिनाखै बेखौ मिथिया, नाथाय हाग्रा याव थानानै समाज नि मोजां खामानि मावनो हाया होनना बुंदों, दानि समाव हाग्रा याव थानानै माबा मोनसे मोननो लुबैयोब्ला बेयो बेसेबां गोजान सम्भब जों साननो नो हाया। गुबुनफारसे मोन 6 हारि नो एसति नि मोनथाय होयि नि सोमोन्दै सोंनाय आव बिथाङा बुंदों, एसति होनाय होयि आ संबिधान आरो आयोग आ सो खालामो, संबिधान नि नेम बादियै सो जागोन, नेम बादियै मोननो नांगौब्ला मोनगोन आरो नेम बादियै मोननो नाङाब्ला मोननाय नङा होनना बुंदों बिथाङा।

बे साननैसो हेकार फोरा रां लुथिनाय जाथाय नि खौरां मोनबाय नो थादों, दिनै फिन खनसेबाव रां लुथिजानायनि खौरां मोनदों, जाथाय आ रङिया नि, सासे आजिरा मोननाय फोरोंगिरि नि एकाउन्त निफ्राय हेकार आ लुथिना लांबाय रां, सान 3 नि गेजेराव स्तेत बेंक नि एकाउन्त निफ्राय लांबाय 6 लाख रां, सानजा कनिहा भैयरा गुदि फरायसालि नि आजिरा मोननाय फोरोंगिरि जाकिर हुसेइन आ बे रां खौ न बानायनो होनना लाखिना दोनदोंमोन। अजद नि बादिब्ला गासै 19 बार रां नि लेनदेन खालामदोंमोन हेकार फोरा, दायो बेंक नि बिबानगिरि आरो पुलिसफोरनो बेनि सायाव अजद होदों, मोजां नायबिजिरनो दाबि लांजानायनि।