17 September bodo evening news 2022 ~ Bodoinfo.com

रायजो आव फिन खनसे बाव घुस लानाय जाथाय, बे बार आव फार्मासि नि गनायथि बिलाय होनाय नि मुङाव घुस लाना लानानै हमजाबाय फार्मासि नि ईन्सपेक्तर आ, हमजानाय नि मुङा जोरहात नि जाह्रुबि कलिता होनना मिथिना मोनदों, बिखौ भिजिलेन्स नि नायबिजिरनाय दोलो आ हमो, आसाम सोरखार नि द्राग्स नि सिनियर ईन्सपेक्तर नि मावखुलि आव नायबिजिरदोंमोन दोलो आ, बेयावनो रां लानाय समाव नो हमो बिखौ, दायो हमनानै सोंगासिनो होनना मिथिना मोनदों।

नोंथांमोना जिउ आव गुबुन गुबुन रोखोमनि बाइक नुदों जानो हागौ, नाथाय माब्लाबा अख्रां आव बिरनाय बाइक खोनादों ना, लामा याव सोलिया बाइक आ, बेखेवबाय बुहुमनि गिबि बिरनाय बाइक खौ, आमेरिका याव जापान नि मोनसे फसंथान आ बानायना दिहुनदों, बेनि खारथाय आ घन्ता से आव 62 माइलस, 40 मिनित अख्रां आव बिरनो हायो, बाइक नि मुं खौ XTOURISMO दोनदों, बाइक नि बेसन आ बेसेबां जानो हागौ बायदि, मिथिना मोननाय बादिब्ला 7 लाख 77 रोजा दलार, जाय भारत नि रां आव 6 कौति रां नि बारा। बेखौ बेखेवदोंब्लाबो नाथाय 2023 मायथाइ आव सो बाजार आव लाबोगोन, दायो गोबाङानो 2023 मायथाइ खौ नेगासिनो।

दिनै भारत नि गाहाय मन्थ्रि नि नरेन्द्र मोदि नि 72 थि जोनोम सान, बिथांनि जोनोम सान खौ रायजोनाङैनो 15 सान फालिनाय जागोन, थै दान होनायनिफ्राय लानानै बिफां गायनाय हाबाफारिफोर लादों, आसाम आव बो 15 सान फालिनाय जागोन होनना खौरां मोनदों, बिथांनि जोनोम सान आव बिथाङा मोननाय बान्था फोरखौ बो निलाम खालामगोन होनना मिथिना मोनदों, भारत नि आरो लोगोसे गुबुन हादरनि सुबुंफोर, सोरखार, संगथन बायदिफोरा होनाय 1200 नि बारा दान-बान्था फोऱखौ निलाम खालामगोन, दिनै बिथां नि जोनोम सान आव आफ्रिका निफ्राय लाना फैनाय मा 8 मोसा फोरखौ बो बेखेवना होयो, मोनाबिलि सम आव नेशनेल लजिस्तिक पलिसि बो बेखेवगोन होनना मिथिना मोनदों।

बिश्वनाथ आव सा 17 बांलादेशिफोरखौ हमदों, सोनाब बंग नि कोसबिहार नि गेजेरजों भारत आव हाबदोंमोन, जिनजिया पुलिस आ हमदों, बिसोर दिल्लि, आजमेर शरिफ बायदि धोरोमारि जायगा याव थांदोंमोन बांलादेशि दोलो आ, जायगा जायगा धोरोमारि आफाद खुंनाय नि अजद बिसोर नि बेरेखा, तुरिस्त भिसा याव धोरोम फोसावनायनि गनायथि गैया, दायो बिसोरखौ हमनानै सोंगासिनो दं, खौरां मोननाय बादिब्ला बिसोर 13 सेप्तेम्बरखालि बिश्वनाथ आव फैदोंमोन, दायो हमजाबाय।

हस्तेल नि खथा याव फासि लानाय हालोद आव मोनदों सासे IIT नि फरायसा खौ, शुर्य नारायन प्रेमकिशोर होनना सिनायनाय जादों, बियो आईआईति गुवाहाकि नि बि तेक नि दिजाइनिं नि फरायसा मोन, उमियाम हस्तेल आव थायोमोन फरायसा या, मा जाहोन नि थाखाय बेखौ खालामखो मिथिनाय जायाखै, मिथिना मोननाय बादिब्ला केरला नि थागिबि मोन सेंग्रा या, सुइसाइद नोत बो मोनाखै होनना मिथिना मोनदों।

7 सान नि उनाव पानबाजार पुलिस नि जे आव थानायनि उनाव दिनै उदां जाबाय भिक्तर दास आ, रायजो नि 3थि आरो 4थि ग्रेद नि साख्रि थिसननाय आव रां नि लेनदेन नि अजद होना लानानै हमजानाय भिक्तर आ मोनबाय जामिन। थांनाय साननैसो सिगां होनाय अजद खौ आसाम पुलिस आ नायबिजिरनायनि उनाव नंखाय होनना बुंदोंमोन आरो एरेस्त खालामदोंमोन, बेनि उनाव नो रायजोनाङैनो गोबां सावरायलायनाय जादोंमोन।