रायजो आव
सोरखारि साख्रि थिसननाय आव बेलेबेजे जानाय नि अजद होनाय भिक्तर दास खौ
पुलिसफोरा हमबाय, बिरथिंनाय खौरां खौ गोसारहोनाय नि अजद आव बिखौ हमनाय नि खौरां
मोनदों। मैया नि सान आव नायबिजिरनाय नि उनाव नो पुलिस फोरा हमो भिक्तर खौ, ससियेल
मिदिया याव मोनसे पस्त खालामनायनि उनाव नो गोबां सावरायलायनाय जादोंमोन, हमजानाय
भिक्तर आ स्करएकादेमि मुंनि अनलाइन पर्तेल नि फोरोंगिरि महरै खामानि मावोमोन,
मालिगांव आरो राजगर नि मोननै मिरु आव फोरोंथाय होयोमोन। साननैसो सिगाङाव 26 रोजा मासि
नि साख्रि नि आनजाद आ जादोंमोन। मैया गुवाहाति पुलिस आ मोनसे पस्त नि गेजेरजों
भिक्तर दास खौ हमनायनि सोमोन्दै फोसावो।
रायजो आव बारा
जालांनो हमगासिनो उन्दै गथ खौ लांखुमानाय जाथाय आ, जाथाय आ बारा जानायजों लोगोसे
नो पुलिस आरो प्रसासन आ बो गोरा सांग्रां जालांगासिनो, सुक्रबारखालि बिश्वनाथ
पुलिस आ अरुनाशल नि नाहरलगुन निफ्राय सानै उन्दै गथ लांखुमाग्राफोरखौ हमनायजों
लोगोसे बिसोरनिफ्राय सासे गथ खौ बासायनो बो हादों, सानै नि मुं खौ आबु ताहेर आरो
ललित केउत होनना पुलिसफोरा मिथिहोदों, न आव रावबो गैयि नि सुबिदा लानानै आइस्क्रिम
होगोन होनना बुंनानै थगायनानै अरुनाशल आव 1 खावसे लाख रां आव फाननो थियारि जादोंमोन
प्रार्थना बरुवा मुंनि 6 बोसोर बैसो नि गथ खौ, मखजाथावदि दायनिगिरि आबु ताहेर नि न
आ 4 नं कुमलिया याव आरो फलफलि नि साहिबुर रहमना मुंनि सुबुं नि न आव रुम भारा
थानानै मैगं थायगं नि फालांगि खालामोमोन, गुबुनफारसे ललित केउत नि न आ बरपुखुरि साहा
बागान नि बरो लाइन आव, बे उन्दै गथ नि नखर आ बो सासे नि न आव नो भारा थायोमोन, न आ
खाथि जानाय आव गथ खौ थगायना लांनो सुबिदा मोननानै लाना थांदोंमोन, दायो हमजाबाय।
बितिआर आव 3थि
आरो 4 थि ग्रेद नि साख्रि नि फोसावलाय खौ थाबैनो होगोन, बुंदों बितिआर नि गाहाय
प्रमद बर बिथाङा। मैया इउपिपिएल दोलो आव जयेन जाफैनाय नि हाबाफारि आव बाहागो
लानानै बिथाङा बेखौ खौरांगिरिफोरनि सिगाङाव फोरमायना होदों। मैया गुबुन दोलो नि
गोबां सुबुंफोरा नो इउपिपिएल आव हाबफैदों। खौरां मोननाय बादिब्ला बितिआर आव 1 लाख
नि बारा सुबुंफोरनो रेशन कार्द बो बानायना होगोन, जायफोरा न आव सोलिनो हायो बिथांमोनखौ
रेशन कार्द खौ दानना लानो बो खावलायदों बिथाङा जाहाथे गोरिब फोरा बेनि सुबिदा खौ
मोनो। लोगोसे नो बिथाङा बिपिएफ दोलो खौ हाबनाय सान जों रुजुदों, 17 बोसोर बिपिएफ आ
जा गोरोन्थि मावबाय बेनि उनाव बो जुदि माबाफोर आसा लाखिदों अब्ला बेनि जेबो फिथाय
मोननाय नङा, बिपिएफ नि फारसे फोथायनाय गैला, बिपिएफ नि समाव कमिशनराज सोलियोमोन
होनना बो अजद होनानै 17 बोसोर आव गोबां कौति कौति लुथिबाय होनना बो बुङो, बिपिएफ
नि दिन आव होनाय पिएमएवाइ न आ दाबो खावसे ल बानायजाना दं होनना बुंनानै बेफोरबायदि
न बानायनायनि मुङाव माबाफोर अजद मोनोब्ला गोरा बेबस्था लागोन होनना बुंदों। मैया
नि हाबाफारि आव 3000 सो बिपिएफ नि दैदेनगिरि मावथि फोरा हाबफैदों होनना मिथिना
मोनदों।
सिखाव
खालामनाय बाइक खौ लानानै आलासि जानो थांनानै पुलिस नि जे आव गोग्लैबाय सानै सुबुं
आ। बे सोमोनांथाव जाथाय आ जादों धेमाजि जिल्ला नि सिलापथार नि दिमौ आव, मिथिना
मोननाय बादिब्ला कोलामुवा नेपालि गामि नि निलमनि पेगु नि फिसा मिगम पेगु मुंनि बाइक
सिखाव आ गंसे सिखाव जानाय पालसार बाइक खौ लानानै तङानि बरमुरिया गामि नि युवराज
पेगु मुंनि लोगो खौ लानानै दिमौ नि सिमेनवालि गामि आव आलासि जानो थांदोंमोन, साबि
गैयि बाइक खौ लानानै पेत्रल पाम्प आव थाव सोनो थांनाय आव गोबां सुबुंफोरा सन्देह जानाय
आव सोंनाय आव गिनानै खारखुमायो बिसोर, बेनि उनाव जायगा न पुलिस नो खौरां हरनाय आव
होसो होसो हमो बिसोरखौ।
फरायसालि आव
स्ताइल खालामना फैयोब्ला नो जाया, फरायसा फोरखौ मोजाङै फोरों, आसामनि सासे एमएलए आ
अन केमेरा फोरोंगिरि फोरखौ वार्निं होदों। मरियनि नि गंसे फरायसालि आव थांनानै
फरायसालि नि मोजां नङि रिजाल्त नि थाखाय फिननाय नागिरनाय जों लोगोसे अन केमेरा बे
वार्निं खौ होयो। मरियनि नोगोर नि गेजेराव थानाय महादेब आगरवाला जौसिन फरायसालि आव
सुक्रबारखालि फुंनि समाव हरखाब एमएलए आ नुजाथिहैननानै कनफारेन्स हल आव हाबनानै
फोरोंगिरिफोरखौ खाथि आव जिरायहोनानै फरायसालि नि गाज्रि फिथाय नि सायाव सोंनाय
खालामदोंमोन, फरायसालि नि गाहाय निफ्राय गोजोनथाव फिथाय मोनि नि थाखाय नो गावनि
सुर खौ सोलायनानै मोजां मोजां गानै जोमै स्ताइल खालामना फरायसालि आव फैबानो जाया,
फरायसाफोरखौ मोजाङै फोरों होनना बुङो। बिथाङा लोगोसे नो गुबुन फरायसालि नि
बिदिन्थि होनानै एखे दरमाहा एखे फरायसालि नि बानायनाय, बिथांमोना मोजां रिजाल्त
खालामनो हायो नोंथांमोना मानो हायाखै होनना बो सोंबावो, बेबायदि नो सोलिबाय
थायोब्ला फरायसालि आव थाला लागायगोन होनना बो वार्निं होबावदों।
सोमोनांथाव
जाहोन नि थाखाय सासे मालिक निफ्राय दानबाय सालान, केरला याव जादों जाथाय, रायजो नि
त्रेफिक पुलिस आ भेलिद फलुशन सार्तिफिकेत गैयि नि थाखाय गंसे ईलेक्त्रिक स्कुतार
नि मालिक खौ जरिमाना होहोनाय आव ससियेल मिदिया याव गोबां भाइरेल जागासिनो, सालान
नि सावगारि आ भाइरेल जादों. मिथिना मोननाय बादिब्ला थांनाय 6 सेप्तेम्बर खालि
केरला नि मालाप्पुरम जिल्ला नि निलान्सेरि आव जादों, ससियेल मिदिया बाहायग्रा फोरा
बे सालान खौ दानग्रा पुलिस खौ जेबो रोङि बानायनायजों लोगोसे जाथायनि सोमोन्दै
मन्थ्रि नितिन गादकारि नो बो फोरमायहरदों होनना मिथिना मोनदों, ईलेकत्रिक स्कुतार
आव बो पलुसन चार्तिफिकेत, सोमोनांथाव।
फेसबुक आ
बासायबाय सासे फरायसुला खौ, गावखौनो बुथारनो थांनाय फरायसा नि जिउ रैखा, लक्ष्नौ
नि सासे नित आनजाद होनाय फरायसा या फेसबुक नि गेजेरजों गावनि जिउ फोजोबनायनि
सोमोनदै मोनसे पस्त होनाय नि उनाव नो जायगा पुलिस नि मदद आव फेसबुक एलार्त आ जिउ
रैखा खालामो, खौरां मोननाय बादिब्ला फेसबुक आ लक्ष्नौ नि दिजिपि नि गाहाय मावखुलि
नि ससियेल मिदिया सेन्तार आव एसअएस हरनानै नित नि फरायसा या बिष लोंनानै गावखौनो
बुथारनो नागिरनायनि सोमोन्दै खौरां हरो, खौरां मोननाय लोगो लोगो नो पुलिसफोरा
जायगा याव थाङो आरो जिउ रैखा खालामनो हायो, बेयो उत्तर प्रदेश पुलिस आरो फेसबुक नि
सुक्ति नि थाखाय सो सम्भव जादों, सुक्ति बादियै सोरबा ससियेल मिदिया यावपस्त
खालामोब्ला गाव गावनि साइत आ पुलिस कनत्रल रुम आव वार्निं होगोन जाहाथे थाबैनो मदद
मोनो, मखजाथावदि बे फरायसा या नित आनजाद आव फेइल जानायनि थाखाय गोबां दुखु आव
दंमोन, दायो पुलिस फोरनि सिगाङाव माब्लाबाबो बेबायदि खालामा होनना बुंना लायो।
बे बार आव
पुलिस नि जे आव होजाइ नि हम गार्दफोर, दायो होजाइ पुलिस आ हमबाय मइनुददिन आहमेद
आरो बिनि सानै लोगोफोरखौ, सानै लोगो नि मुहा सतिस कुमार सौबे आरो धनेश्वर सौरा,
अजद नि बादिब्ला होजाइ नि एस पि आ बन्ध खालामना लाखिनाय हम गार्द फोरनि बेंक
एकाउन्त नि धोन खौ गाज्रि सोलो जों दिहुनना जादोंमोन, बे अजद नि थाखाय नो हमो, 60
रोजा रां दिहुनना जादोंमोन, बेनि सायाव होजाइ एसपि मावखुलि निफ्राय मोनसे एजाहार
नि सायाव नायबिजिरनाय जादोंमोन, दायो सानै खौ हमबाय, गुबुन सासे धनेश्वर आ
आगोलावनो गुबुन गसर नि थाखाय जेल जाखाना दंमोन, दायो बे जेल निफ्राय गनायनि उनाव
नो एखे गसर नि थाखाय हमनाय जागोन होनना दिएसपि रजि तालुकदार बिथाङा मिथिहोदों,
लोगोसे नो होजाइ जिल्ला निफ्राय जाख्लनाय, दाय मावनायफोरखौ होबथानो अरायबो थियारि
होनना बो बुङो।
मैया आसाम
पुलिसनि साख्रि नि आव नंखाय कम्पिउतार फोरमान बिलाय होनाय नि थाखाय आसाम सोरखार आ
414 बिजाथि फोरनि रिजाल्त खौ बन्ध खालामना दोननाय नि थाखाय आनजाद होगिरि बिजाथि
फोरा खौरांमेल खुंदोंमोन, गुवाहाति आव खौरांमेल नि गेजेरजों 2018 नि नो साख्रि नि
आव लिरनाय आनजाद खौ होदोंमोन होनना फोरमायो थांनाय 12 मे आव फोसावदोंमोन रिजाल्त
खौ, बेनि गेजेराव 414 नि खौ कम्पिउतार पोरमान बिलाय आ नंखाय होननानै रिजाल्त खौ
बन्ध खालामना गोनथदोंमोन, सिआइदि नि मावखुलि आव लिंहरनानै कम्पिउतार भेरिफिकेशन बो
खालामदोंमोन होनना फोरमायो, भेरिफिकेशन नि 4 दान नि उनाव बो रिजाल्त फोसावाखै
होनना अजद। बे खौरांमेल नि गेजेरजों 414 नि गेजेराव सानैसो आ नंखाय फोरमान बिलाय
होनो हागौ, बिसोरखौ हमनो सोरखार खौ खावलायो, गुबुनफारसे 414 नि गेजेरावनो 60 आ
दायो त्रेइनिं लागासिनो होनना बो बुंदों बिसोर, गुबुनफारसे सिआइदि आ बो कम्पिउतार
सार्तिफिकेत खौ लाखिना दोननाय आव गुबुन मासि नि साख्रि खौ एप्लाइ खालामनो हायाखै
होनना बो बुङो, बेखायनो बिजाथि फोरा थाबैनो बेबायदि बेलेबेजे जानायखौ फोजोबना होनो
खावलायदों, साख्रि खौ मोनगोन ना मोना बेखौ रोखा खालामनो खावलायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon