6 September bodo news 2022 ~ Bodoinfo.com

दिनै रायजो सोरखार नि केबिनेत नि जथुम आ जागोन बितिआऱ नि कक्राझार आव। सानसे नि हाबाफारि जों जानो गोनां जथुम खौ लानानै दायो बितिसि आरो कक्राझार जिला प्रसासन आ थियारि, केबिनेत नि जथुमखौ लानानै बितिसि सेक्रेतारियेत जों लोगोसे गासै कक्राझार सोहोर आव नो रैखाथि नि बेबस्था खौ गोरा खालामनाय जायो। मैया हर आव आसामनि गिबि मन्थ्रि जों लोगोसे पियुश हाजरिका, अजन्ता नेउग, जयन्त मल्ल बरुवा बिथांजों लोगोसे गोबांङानो कक्राझार आव मेनहैयो, मन्थ्रि पियुश हाजरिका बिथाङा बुंदों- दानफ्रोमबो गुवाहाति नि बाहेराव खनसे केबिनेत नि जथुमखौ लानो आगोलावनो थिरांथा लादोंमोन, बे हिसाबै नो कक्राझार आव बो जागोन, कक्राझार आव जानो गोनां केबिनेत नि जथुम आ कक्राझार नि थाखाय ल नङा, बेयो गासै आसामनिनो होनना बो बुङो।

रायजो नि गुबुन गुबुन ओनसोल जों लोगोसे बितिसि नि सोलोंथाय बिफान नि बान्जायनाय आव सिरां जिल्ला नि धालिगांव आव मिरुयै खुंनाय जायो 61 थि फोरोंगिरि सान खौ, मैया राज्यसभा नि एमपि रोनगोरा नार्जारि बिथाङा डां शर्बपल्लि राधाकृष्ण नि सावगारि आव बिबार बावो। मैया नि हाबाफारि आव गाहाय आलासि महरै बाहागो लानानै केबिनेत नि मन्थ्रि जयन्तमल्ल बरुवा बिथाङा बुंदों दानि समाव फोरोंगिरि फोरा सोलोंथाय बेबस्था जों लोगोसे समाज नि सोलायनाय लाबोनाय आव गाहायै बाहागो लानो हायो होनना, बे हाबाफारि आव बितिसि नि गाहाय प्रमद बर बिथाङा बो बाहागो लादोंमोन, बेयाव बिथाङा बितिआर आव सोलोंथायारि जौगानायनि सायाव लानाय बिथांखि फोरनि सोमोनदै फोसावना होयो। बे हाबाफारि आव नो बे बोसोर नि प्रमद चन्द्र ब्रह्म साहित्य बान्था खौ अमृत पातगिरि आरो नन्देश्वर दैमारि बिथांनो होनाय जायो। लोगोसे थांनाय मेत्रिक आरो हायार सेकन्दारि आनजाद आव मुं मोनना. फरायसालि आरो कलेज नो 3 निफ्राय 5 लाख रां नि बान्था बो होदों होनना मिथिना मोनदों।

आसामनि महरगिरि एबा आर्तिस नि दोलो निफ्राय मेघालय नि नंस्त्रेइन नि खाथि आव लुथिनाय जाथाय, नंस्त्रेइन निफ्राय शिलं थांनाय लामा याव जादों जाथाय आ, राम किषान नि मोनसे मेथाय नि शुतिं नि थाखाय महरगिरि फोरा थांदोंमोन, सा 3 नि दोलो आ बे रां खौ लाना थाङो, गोजा गाब नि एल्त आ लामा होबथेनानै दाबि हुमखि होनानै रां लाङो, सा 9 नि आर्तिस नि दोलो आ गंनै गारि जों थांबाय थादोंमोन, फावखुंग्रि प्रियंका शइकिया दंमोन दोलो आव, फाव खालामबाय थानाय समाव दंमोन बे लुथिग्रा फोरा, दायो थाना याव एजाहार होबाय होनना मिथिना मोनदों।

रायजो नि गुबुन गुबुन जायगा याव एमजि एनरेगा नि बिथांखि नि मुङाव गोबां जाख्लनाय जानायनि अजद खौ गोबां दैदेनगिरिफोरा होबोगासिनो दं, बे बार आव बाक्सा जिल्ला नि मुशलपुर आव जाख्लनायनि अजद, मैया इउपिपिएल बे अजद नि सायावनो मोनसे धर्ना होनाय खौ नुनो मोनदों, सासे जुनियर ईन्जिनियार खौ सासपेन्द खालामनो खावलायनानै बे धर्ना खौ होयो, मुशलपुर आव थानाय बाक्सा जोगांखां खोन्दो नि मावखुलि नि मोखाङाव होयो धर्ना खौ, एमजिएनरेगा नि बिथांखि नि सिङाव जानाय खामानि नि मुङाव धोन नि इउजार कमिति नि आफादगिरि आरो नेहाथारि लोगो नांनानै धोन खौ रानदों होनना अजद इउपिपिएल नि मुशलपुर ब्लक कमिति नि आफादगिरि बापन बसुमतारि नि, बेखायनो थाबैनो बोखारनो दाबि।

नोंथाङा बो अनलाइन सपिं खालामनानै मोजां मोनो नामा, गोसो जायोब्ला नो अनलाइन नि गुबुन गुबुन शपिं एप आव अर्दार होयो नामा, जुदि बेबायदि खालामो अब्ला सांग्रां जा, मानोना नोंबो थगायजानो हागौ, अजद नि बादिब्ला धेमाजि नि 5 नं वार्द नि सासे सुबुं आ अनलाइन नि गेजेरजों मोनसे अर्दार होदोंमोन एमाजन आव, थि समाव जायखौ अर्दार होदोंमोन बेनि सोलाय फैबाय लांदां पेकेत सो। दिलिभारि बय नि सिगाङावनो पेकेत खौ खुलिना नायनाय आव सो मिथियो, सिल बुनानै पेक खालामनाय पेकेत आव जेबोआनो गैयामोन, आगोलनिफ्राय नो बेबायदि जाथाय आ गोबांबार जादों, सोरनाबा मोजां फैयो, सोरनाबा गाज्रि फैयो, दायो होनाय रां खौ मोनफिनगोन ना मोनफिना बेखौ उनाव सो मिथिसिगोन।

फोरोंगिरि सानखालि नो गासै सा 174 फोरोंगिरि फोरा गाहाय फोरंगिरि नि बिबान खौ गारबाय। खोला सोलमारा मानकासार जिल्ला नि गुदि फरायसालि नो फोरोंगिरि फोरा बिबान एंगारदों होनना मिथिना मोनदों, खोला सालमारा सोलोंथाय खोन्दो नि गासै सा 55 गाहाय फोरोंगिरिफोरा सोलोंथाय अफिसार नि नो जमा होयो लाइजाम, मानकासार सोलोंथाय खोन्दो नि सिंनि 119 गाहाय फोरोंगिरि फोरा बो बिबान एंगारदों होनना मिथिना मोनदों। गाहाय फोरंगिरि नि बिबान खौ सो एंगारदों, दायो साधारन फोरोंगिरि जाना थासिगोन, बिथांमोना बुंनाय बादिब्ला गाहाय फोरोंगिरि फोरा फरायसालि नि दितेइल्स खौ सानफ्रोमबो आपदेत होनो थाखाय गुगल लिंक खालामनो नांगौ, बे लिंक खौ खालामनो थांनानै गोबां सम नि खहा जायो, जायनि थाखाय फरायसा फोरनो फोरोंथाय होनो हाया, बेनि थाखाय नो बेखौ खालामदों होनना बुङो।

ब्रितेइन नि गोदान गाहाय मन्थ्रि जाबाय लिज त्रास आ, कन्जारभेतिभ पार्ति नि दैदेनगिरि महरै सायखजायो, भारत नि सोमोन्दो नि रिशि सुनाक आ बे बिसायखथि आव जेनो, गिबि समाव रिसि खौ देरहागोन होनना गोबाङानो सानदोंमोन, नाथाय मैया जेनो, जुलाइ दान आव बरिश जन्शन आ बिबान एंगारननायनि उनाव नो बेयो जादोंमोन। भारत नि गाहाय मन्थ्रि आ बिथांनि देरहानाय आव साबायखर बावहरो आरो बिथांनि दैदेननाय आव भारत नि सोमोन्दो आ मोजां जागोन खौ आसा खालामो होनना फोरमायो।

सम्बारखालि आसाम नि हायलाकान्दि आव मोनसे दुखुनांथाव जाथाय जायो, जिला नि बिलाइपुर गामि आव मोब्लिब बोगथाबजानानै सा 4 सुबुंफोरनि जिउ गोमायो, खौरां मोननाय बादिब्ला राजिबुल हुसेइन मुंनि 4 बोसोर बैसो नि गथ आ तार खौ दांना लानाय नि उनाव नो बेयो जायो, बिनि बिमा आरो बिफा या गथ खौ नागिरनानै फैनाय आव बेखौ नुना बासायनो थांनानै बिसरनिबो जिउ गोमायो, लोगोसे खाथि नि सासे सुबुं नि बो जिउ गोमायो होनना मिथिना मोनदों, मोब्लिब बिफान नि गोसो गैयि खामानि नि थाखाय नो बेबायदि जादों होनना साननाय जादों।

हादोरनाङैनो मैया 5 सेप्तेम्बर ड० सर्वपल्ली राधाकृष्णननि जोनोम सानखौ फोरोंगिरि सान महरै फालिदों । बेबादिनो मिरु एबसुनि आफादगिरि मानावगेदेद मुस्रि दिपेन बर'आबो मैया गावनि उन्दै समाव फरायनानै बारग'लांनाय अदालगुरि जिल्लानि बेन्दोंङाव थानाय बर' बाजार गोजौ फरायसालिनि फोरोंगिरि सान फालिनाय हाबाफारियाव बाहागो लाहैनानै फोरोंगिरिफोरनो हामलाइथि बाउहैनायजों लोगोसे बर' बाजार गोजौ फरायसालिनि लांगोनानिफ्राइनो बड'लेण्डजों लोगोसे आसामनि साफ्रोमबो फोरोंगिरिफोरनो गाहाम हामलाइथि बाउहरो । बिथाङा फोरोंगिरि सानजों लोब्बा लाखिनानै लाखिनाय बिबुंथियाव 5 सेप्तेम्बराव फरायसाफोरा फोरोंगिरिफोरखौ जेरैबादि मान होयो बेबादिनो बोसोरनि मोनफ्रोमबो सानावनो फोरोंगिरिफोरखौ मान होनानै गावबा गावनि थांखिखौ होसोब्लानो जिउआव जाफुंसार जानो हायो होननानै फरायसा समानो आखल आखु दानायनिबो साबसिन सम होननानै बुंङो । समाज दानाय आरो सुबुं सम्पद सोरजिनायानो फोरोंगिरिफोरनि गुबै बिबान होननानै बर' समाजाव फोरोंगिरिफोरनि मान थाखोआ गोदोनिफ्राइ दासिम गिबि सिरियावनो दंबोयो आरो इयुनावबो थाबाय थागोन होननानै गावनि बिबुंथियाव दाजाबदेरनानै बुंबावो । लोगोसे बिथाङा गाव सिगां फोरोंगिरि मावबोनाय उदालगुरि गोजौसिन फरायसालियाव थांनानै फोरोंगिरि सानजों लोब्बा लाखिनानै बिफां/बिबार बारग्रा बिफां गायनायजों लोगोसे एबसुनि जानानै फोरोंगिरिफोरनो हामलाइथि बाउओ।

मैया चिन नि सिसुयान प्रदेश आव फैनाय गिथावना 6.8 मेगनितिउत नि बांग्रि आव खमावनो सा 46 सुबुंफोरनि जिउ गोमादों होनना मिथिना मोनदों, चिन नि आर्थकुवेक नेतवर्क चेन्तार आ बुंनाय बादिब्ला सानजौफु नि 12.25 याव फैदोंमो बांग्रि आ, बेखौ 2013 नि उनाव बे सोहोर नि गिदिरसिन बांग्रि होनना साननाय जादों, बे सोहोर आ तिब्बात नि खाथि आव दं।

दिनै 6 सेप्तेम्बर आव रायजो नि गासैबो साहा बागान आ बन्ध थागोन, दिनै मंगलबार करम फुजा नि थाखाय आसाम सोरखार निफ्राय गासैबो साहा बागान खौ बन्ध फोसावदों होनना मिथिना मोनदों, 6 सेप्तेम्बर नि सोलाय गुबुन मोनसे बन्ध नि दिन आ श्रमिक फोरखौ खामानि मावनाय नि बिथोन, बेनि सायाव बागान नि बिगोमा जों गोरोबलायनानै लानाय जगोन थिरांथा होनना मिथिना मोनदों।

मैया हादरनाङैनो फालिजानाय ड.सर्बपल्ली राधाकृष्णन नि जोनोम सान थामहिनबा "फोरोंगिरि सान" खौ क'क्राजार जिल्लानि सिङाव थानाय रामफलबिल दख'रा दुलाराय बर' फरायसा आफादनि बानजायनायाव दख'रा आफादनिनो आफादगिरि बिथांनि मासि सामलायनायाव नेहरु भकेसनेल गोजौ फरायसालि,गसाइनिचिनायाव फालिनाय जायो। बे मेलखौ बेखेवनानै होयो क'क्राजार जिल्ला गुदि बर' फोरोंगिरि आफादनि गाहाय नेहाथारि जयन्त दैमारि बिथाङा। हाबाफारियावनो गाहाय आलासि महरै बाहागो लानानै गेदेमा ड.सर्बपल्ली राधाकृष्णन नि जोनोम सान थामहिनबा "फोरोंगिरि सान" जों लोब्बा लाखिनानै गासैबो फोरोंगिरि बिथांमोननिसिम सिबिनाय आरो खुलुमनायखौ बाउहरग्रोनानै साफ्रोमबो फरायसाफोरानो गासैबो फोरोंगिरि आरो गेदेमा बिथांमोनखौ सिबिनांगौ आरो मान होनांगौ होननानै बुंथियो दुलाराय बर' फरायसा आफादनि लोगो आफादगिरि मानाव गेदेर खोरोमदाव वारी बिथाङा। मानोना फोरोंगिरि बिथांमोनानो गासै फरायसाफोरनि गियाननि दरजा बेखवगिरि। गुदि फरायसालिनिफ्राय लाजेननानै मुलुगसोलोंसालिसिम जोंनि फोरोंगिरि बिथांमोनानो फरायसाफोरो गुणगोनां सोलोंथाइखौ होनानै सासे गोरों-गोरा,राफोद सुबुं सम्पद जानो थाखाय लामा होयो, जायजों सासे फरायसाया इयुनाव गावखौ मोजां लामाजों लांनो हायो। दुलाराय बर' फरायसा आफादनि हाबाफारि "आदब आरो गुणगोनां सोलोंथाय" नि हाबाफारियावबो फोरोंगिरि बिथांमोना हेफाजाब होबोगासिनो दं होननानैबो बुंथिबावो मागोनां गाहाय आलासि बिथाङा।