Bodo news 28 September 2022

मैया गोजौ बिजिरसालि आ एनदिएफबि नि गायसनगिबि आफादगिरि रन्जन दैमारि बिथाङा जेल आव नो थाफिननो नांगोन नि राय होबाय, बेखौ लानानै गोबां बर फोरा नो दुखु मोननाय फोरमायदों, बारग एनदिएफबि बिथांमोना बो दुखु मोननाय खौ फोरमायदों, मैया खौरांमेल नि गेजेरजों बारग एनदिएफबि नि सोद्रोमा दि हारिमु बिथाङा दुखु मोननाय खौ फोरमायनानै बेनि बेरेखा दिनै 28 सेप्तेम्बर नि फुंनि 5 बाजि निफ्राय गाबोन 29 सेप्तेम्बर नि फुंनि 5 बाजि सिम आसाम बन्ध फोसावो होनना बुंदों, दिनैनि बन्ध आव सोलोंथायारि फसंथान फोरा बन्ध थाया, फालांगियारि फसंथान फोरखौ बन्ध लाखिनो आरो अफिसफोरखौ बो बन्ध लाखिनो खावलायदों बिथाङा। बे बन्ध खौ बनसु, बर अमेन जास्तिस फराम, एसआइपिआर आरो लोगोसे बिपिसिपिआइ आ बो मदद होदों होनना बो फोरमायो। मैया नि खौरांमेल नि गेजेरजों नो बिकेदाब्लिउएसि नि गाहाय मिहिनिस्वर बसुमतारि बिथाङा सागानगिरिफोरखौ ज जानानै मिरु नि मन्थ्रि अमित शाह बिथांखौ लोगो हमोब्ला बेनि फिथाय खौ मोननो हागौ होनना बुंदोंमोन होनना बो बुंदोंमोन होनना फोरमायो। गुबुनफारसे जिउ जोबजासिम जेल नि साजा होनाय राय खौ लानानै गोजोननाय मोनि खौ फोरमायदों बिनानाव अन्जालि दैमारि बिथाङा, मोनसे असमिया खौरां बिजों नि खौरांगिरिजों तेलिफन नि गेजेरजों रायलायनाय आव राय होनायनि उनाव नो सोमोनांनाय खौ फोरमायो होनना मिथिना मोनदों, खौरां बिजों नि बादिब्ला बिथाङा बुंदों रन्जन दैमारि बिथांनि उकिल मानस सरनिया बिथाङा बम होनायनि जेबो फोरमान गैया होनना बुंदों, बितिआर सुक्ति नि सागानगिरि हिसाबै बिथांखौ रेहाय होनाय आ जाथाव मोन, गुबुन सागानगिरि फोरा जाबायदि बिबान लानो नांगौमोन बेखौ नुवासै, सागानगिरि खौ रेहाय होयि सुक्ति आ माबोरै सान्ति सुक्ति जानो हागोन, जुदि रन्जन दैमारि आ आयेन बेरेखा मोन अब्ला माबोरै जेल निफ्राय दिहुननानै बितिआर सुक्ति आव सागान होखो होनना बो सोंनायनि खौरां मोनदों। मैया बिथांनि उकिल मानस सरनिया बिथांङा खौरांगिरिफोरनि सिगाङाव जौसिन बिजिरसालि नि खाथि आव थांहोनायनि ईंगित होदों, लोगोसे नो 14 बोसोर जेल जानायनि उनाव हादरगिरि नि खाथि आव निमाहा नि थाखाय खावलायनो हानायनि मोनथाय थायो होनना बो बुंदों, साननैसो उनाव नो 14 बोसोर आ जागोन खौ बो फोरमायदों बिथाङा। मैया कंग्रेस नि दैदेनगिरि गर्जन मसाहारि बिथाङा बो बेनि सायाव बुंदों, रन्जिन दैमारि खौ बे समाव नो दिहुननो हाखायोमोन जेब्ला बिथांनि सिगनेसार खौ लानानै बर नि 3थि गोरोबथा खौ खालामदोंमोन, आसाम सोरखार आरो ईउपिपिएल सोरखार आ हगारनो गिनानै सो हगाराखै होनना बो अजद होदों, रन्जन दैमारि बिथाङा फैनाय लोगो लोगो बबे बबे खना निफ्राय मा मा संगथन आ फैनानै मदद होफैगोन, दोलो दागोन बेफोरखौ गिदों, दानि सोरखार आ रन्जन दैमारि बिथांखौ गियो होनना बो अजद होदों, रायजोफोरा खुद्रिसारनो बिथांनि जानानै आन्दोलन खालामनो हागोन, नाथाय बेनिख्रुय साबसिन प्रमद बर बिथाङा नो हायो होनना बो बुंदों, ईउपिपिएल सोरखार आ नो हायो, बिथांमोननि सुक्ति खालामनाय लोगो खौ हगाराब्ला जों रिजाइन होबाय, जोंनो नाङा बे गोरोबथा खौ होनना बुंब्ला गाबोननो रन्जन नाब्ला खौ हगारना होगोन होनना बो गर्जन मसाहारि बिथाङा बुंदों। बर हारि नो सुबुं अनजिमा या खम होनना बो बुंदों, खमावनो सा 5 गथ खांनायनि सोमोन्दै बो बुंदों, आगोलाव बेबायदि नो सोलिनो हादोंमोन, दायो मानो हायो, मबाइल बायदिफोरखौ बो दाय होदों बिथाङा, बर सुबुंफोरखौ खमावनो सा 5 गथ खांनो होदों।

मखजाथावदि दानि राय नि बादिब्ला जिउ जोबजासिम नि जेल आ नो थाफिनबाय, आगोलाव जाय राय खौ होदोंमोन बे राय आ नो थाफिनबाय। दिनै गौहाति गोजौ बिजिरसालि आ बे राय खौ होयो, 2008 मायथाइ नि 30 अक्तोबर नि बेरफ्रुहोनाय जाथाय नि गुबै दायनिगिरि साजायदोंमोन, मिथिना मोननाय बादिब्ला दिनैनि राय आव सा 4 खौ दाय निफ्राय उदां खालामबाय, रन्जन दैमारि बिथांजों लोगोसे गासै सा 10 नि खौ आगोलाव होनाय राय, जिउ जोबजासिम साजा खौ नो दोनफिनबाय। मखजाथावदि जिउ जोबजासिम जेल नि साजा खौ सिबिआई बिजिरसालि आ होदोंमोन, बेनि बेरेखा नो दायनिगिरि खालामजानाय बिथांमोना गोजौ बिजिरसालि नि खाथि आव थांदोंमोन, मिथिना मोननाय बादिब्ला उदां जानाय फोरनि मुं खौ अनसाइ बर, लखरा बसुमतारि, ईन्द्र ब्रह्म आरो जयन्ति ब्रह्म होनना मिथिना मोनदों, गुबुनफारसे रन्जन दैमारि, अजय बसुमतारि, राजु सरकार, खर्गेश्वर बसुमतारि, जर्ज बर, राजेन गयारि आरो बैसागि बसुमतारि बिथांमोननि साजा या एखे आ नो थाफिननाय नि खौरां मोनदों।

             सिरां आव एबसु नि समाज बेरेखा नायथावजायै गाज्रि थासारि सोमजिहोनायनि बेरेखा खुद्रिसारनानै हान्जा सुरनाय हाबाफारि लानाय जादोंमोन मैया, बितिसि नि बारग गाहाय हाग्रामा महिलारि नि बिसि सिउलि महिलारि बिथांनि बाथौ खेराय फेमिलि रिजर्त नि बेरेखा गोरा बेबस्था लानो दाबि दैखांदों, साननैसो सिगाङाव राजालामा नि खाथि आव थानाय रिजर्त आव हर नि पार्ति आव सानै बर हिनजावसा नि मोसानाय आरो लोगोसे नो बिसोरखौ गाज्रि आखु दिन्थिनाय नि भिदिअ ससियेल मिदिया याव भाइरेल जादोंमोन, बेनि उनाव नो रिजर्त नि बेरेखा जादों गोबाङानो। बे हाबाफारियाव गाहाय बुंथिगिरि आलासि महरै बाहागो लानो हादोंमोन मिरु दुलाराय बर' फरायसा आफादनि लोगो गाहाइ नेहाथारि मानगोनां- दिनेस ब्रह्मआ। बिथाङा थांनाय 17 सेप्तेम्बर खालारखालि Bathou Kherai Resort निफ्राय माखासे लायमोनफोरा जौ लोंनानै, ड्राग्स जानानै समाजाव नायथावजायै मोसानाय मोसानानै गाज्रि बारहावा सोमजिहोनायखौ गोख्रों रावजों सोंखारियो। आथिखालनि फरायफुनाय माखासे लायमोनफोरखौ गोजौ सोलोंथाइ लाहोनानै गोग्गो समाज सोरजिहोनायनि सोलायै बेफोर Resort फोरा गिथाव-बाथाव गाज्रि खोमसि हाखरथिंसो बोलांगासिनो दं होननानै बुंथियो,मानोना गावबागाव मुलाम्पानि थाखाय रेस्टुरेन्ट,धाबा,रिजर्ट बायदि खुलिनानै बिथांमोना बेफोरखौ मोजां दैदेनालासे निसा बेसाद,जौ,फेग्रा मुवा बायदि बायदिखौ बाहायहोनायखौसो नुदों,बेनिखायनो बेफोरबादि समाज बेरेखा हाबाफारि सोरजिग्रा आरो लायमोनफोरनि खहा खालामग्रा Bathou Kherai Resort नि बिगोमानि सायाव नायबिजिरनो आरो बे थावनिखौ बन्द' खालामनो थाखायबो आसामनि गिबि मन्थ्रिनिसिम दाबि दैखाङो।

           मैया बितिसि आयेन आफाद नि बुंथिगिरि कातिराम बर बिथांनि मासि सामलायनाय आव एसेमब्लि जथुम आ खुंफुं जायो, बेयाव बितिसि नि गाहाय प्रमद बर, लेङाय गाहाय गोबिन्द चन्द्र बसुमतारि, ईएम, ईउपिपिएल जिएसपि बिजेपि, बेरेखा दोलो नि एमसिएलए बिथांमोना बाहागो लादोंमोन, नाथाय बारग गाहाय हाग्रामा महिलारि बिथाङा नुजाथियासै होनना मिथिना मोनदों, मैया सोरखार सालायनाय आरो बेरेखा दोलो नि गेजेराव दान्थे बिदान्थे जानायखौ नुनो मोनदों, खौरां मोननाय बादिब्ला 2022-23 रांखान्थि बोसोर नि थाखाय बितिआर आव गुबुन गुबुन जौगानाय खामानि मावनाय नि थांखि जों एदिशनेल बाजेत महरै 29814.34 लाख रां पास खालामनाय जायो।

              मैया एनदिएफबि आरो सोरखार नि गेजेराव सावरायलायनाय आव गेजेरारि जानाय पृथ्विराज नारान देब मेस खौ ईदि आ जेरा खालामदोंमोन एबा सोंदोंमोन, 12.30 सो आव ईदि नि बिथोन होनाय आव गुवाहाति नि मावखुलि आव हाजिर जायो बिथाङा, मा जाहोन नि थाखाय बिथांखौ सोंखो बेनि सोमोन्दै दासिम मोजांयै मिथिनाय जायाखै।

            मास्क गाननानै फरायसालि आव फैनायनि थाखाय नो सासे फरायसा खौ तालिबानि साजा होदों सकिदार आ, सकिदार आ गाज्रियै बुनाय  जाथाय आ सोमोनांहोदों, जाथाय आ आसाम नि नो, गुवाहाति नि खाथि नि सोनापुर नि, सोनापुर दिगारु माजकुसि बुरिगोसानि गेजेर फरायसालि आव सकिदार आ नो बुदों सासे 13 बोसोर बैसो नि फरायसा खौ, सकिदार नि मुङा अजित तांति, मास्क गानना थांनायनि थाखाय नो बुनाय नि अजद, फरायसा नि बिमा बिफा या थाना याव एजाहार होबाय होनना मिथिना मोनदों, बेनि उनाव नो लोगो लोगो बेबस्था लायो सोनापुर पुलिस आ, हमबाय सकिदार खौ, हमनानै सोंगासिनो होनना खौरां मोनदों।

             फोरबो नि बोथोर आ जागायबाय, ई कमार्स वेबसाइत आव फाननाय फोरा बो जागायबाय, गोबां ग्राहक फोरा नो खम बेसेन नि मुवा बेसादफोर बायगासिनो, बे सम आव फ्लिपकार्त एमाजन फोराव खम रां आव नो होयो, नाथाय बे खम रां नि खौ बायनो थांनानै नो थगायजाबाय सासे ग्राहक आ, फ्लिपकार्त आव सासे सुबुं आ अनलाइन आव लेपतप अर्दार होदोंमोन, नाथाय बिनि अनलाइन अर्दार आव लेपतप नि सोलाय घरि साबोन नि पेकेत सो फैदों होनना मिथिना मोनदों, बिजनेस तुदे नि मोनसे रिपर्त नि बादिब्ला, आईआईएम आहमेदाबाद नि फरायसा य़शश्वि शर्मा या फ्लिपकार्त आव सोलिबाय थानाय बिग बिलियन देयस सेल नि समाव नो गंसे लेपतप अर्दार होदोंमोन, बिफा नि थाखाय, नाथाय जेब्ला दिलिङार खालामदोंमोन, लेपतप नि सोलाय साबोन सो मोनो, जेब्ला फ्लिपकार्त आव खौरां लाहरो अब्ला बेखौ कम्पानि आ गनायना लायाखै होनना सो बुङो, बिफा या मोनसे गोरोन्थि जानायनि सोमोन्दै बो बुंदों, अपेन बक्स नि सुबिदा थानायखौ मिथियाखैमोन होनना, बे सुबिदा खौ लानो हायि नि थाखाय नो बेयो जादों होनना बो फोरमायो। बेबायदि जाथाय जानाय आ बेनो गिबि नङा, आगोलावबो जादों, सासे सुबुं आ आइफन 12 अर्दार होदोंमोन, बेनि सोलाय निर्मा साबोन फैनाय जाथाय बो जादों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post