13 September bodo evening news 2022 ~ Bodoinfo.com

चिरां जिल्ला नि पानबारि आव पुलिस आ सा 4 नंखाय सना नि फालांगिरिफोरखौ हमदों, खौरां मोननाय बादिब्ला सम्बारखालि बेलासि समाव मोनसे खौरां नि सायाव पानबारि पुलिस आ नायबिजिरनाय आव सन्देहगोनांयै गिदिंथिंबाय थानाय मोनसे दोलो खौ हमो, उनाव पुलिसफोरा सोंनाय आव नंखाय सना फानग्रा होनना मिथियो। बेबायदिनो नागिरनाय आव बिसोरनिफ्राय 680 ग्राम लिरथाय नि नंखाय सना थुख्रा 2, गं 4 मबाइल फन, नोगोद 1500 रां जब्द खालामो, हमनाय सा 4 खौ धुबुरि जिल्ला नि गौरिपुर नि सातेरआलगा नि हाफिजुर मोल्ला, सुक्कर आलि, दालसिंगेल आलगार रफिकुल ईश्लाम आरो कामारुददिन सेइख होनना सिनायनाय जादों।, बे थगायग्रा फोरा गुबुन गुबुन रोखोमनि सोलो बाहायनानै ग्राहकफोरनो खम बेसेन आव नो फानो, नाथाय पुलिसफोरा आगोलावनो खौरां मोनखानाय आव नायबिजिरनानै हमनो हायो।

सम्बार नि हर आव उत्तर प्रदेश नि फारुखाबाद नि अख्रां आव नुबाय गुबुन रोकोम नि नुथाय, अख्रां आव नुनो मोनदों हाथरखिबादि खारनाय, जाय खनसे गोजौथिं थाङो आरो खनसे गाहायथिं फैयो, बेनि सावगारि आरो भिदिअ आ ससियेल मिदिया याव गोबां भाइरेल जादों, रेल नि दाबा बायदि थांदोंमोन, बेखौ गोबाङानो एलियेन बायदि बुंदों, नाथाय खौरां मोननाय बादिब्ला बेयो बुहुमनि धोनिसिन सुबुं एलन मास्क नि स्तारलिंक ग्रहसा सो, जाय सम्बारखालि भारत नि अख्रां नि गेजेरजों थांदोंमोन, एलन मास्क आ 2 दान फ्राम नि गेजेर गेजेर अख्रां आव हगारना होयो, बे रकेत नि मोननै थाखो दं। मखजाथावदि थांनाय बोसोर नि दिसेम्बर दान आव बो पान्जाब आव बेबायदिनो स्तारलिंक सेतेलाइत नुदोंमोन।

जोरहात आव सोरखारि साख्रि नि मुङाव थगायग्रा नि जे। आरमि आव साख्रि होनाय नि मुङाव जे सानाय सासे खौ हमदों पुलिसफोरा, हमजानाय दायनिगिरि नि मुङा रन्जन भुँया, बिनि न आ तेजपुर आव, सासे खौ हमनो हादोंब्लाबो नाथाय सा 4 आ खारखुमायो होनना मिथिना मोनदों। बिसोर मरियनि आव जानाय आरमि रेलि खौ तार्गेत खालामदोंमोन, बेनि थाखाय नो लोकनाथ बिबाह भवन मुंनि गंसे हतेल आव थाबाय थादोंमोन। रायजो आव बे साननैसो बेबायदि नि नो खौरां मोनबाय थानाय आ सोमोनांथाव।

चिरां नि काजलगांव आव गंसे थाव दिपु आव सोमोनांथाव बुथारनाय जाथाय जानायनि खौरां मोनदों, दिनै हर फुं नि 3 बाजि सो आव जादोंमोन, बे जाथाय आव सासे थाव दिपु आव खामानि मावग्रा नि जिउ गोमादों आरो लोगोसे सानै आ गाज्रियै जोखोम जादों होनना मिथिना मोनदों, थैनायनि मुं खौ सुभास खामति होनना सिनायदों आरो सानै जोखोम जानायखौ जितेन्द्र कुमार आरो तिंकु शिंह होनना सिनायनाय जादों। गोबां जौ लोंनानै बुलायनाय आव नो बे जाथाय आ जानायनि सन्देह खालामनाय जादोंब्लाबो दासिमबो रोखा जायाखै, सुभास आरो जितेन्द्र आ थाव दिपु आव खामानि मावोमोन आरो तिंकु आ द्राइभार, खौरां मोननाय लोगो लोगो पुलिसफोरा जाथायसालि आव थांनानै गोथै देहा खौ बोखाङो, उनाव एसपि एएसपि बिथांमोना बो जाथायसालि आव थांनानै खौरां लाहैदों होनना मिथिना मोनदों। बेनि नाय़बिजिरनायखौ सिआइदि नो होनाय जाबाय होनना मिथिना मोनदों।

दसे अखा हायोब्ला नो गुवाहाति आव दैबाना जायो, हर नि हानाय अखा या नो गुवाहाति नि गुबुन गुबुन ओनसोल नि गोबां सुबुंफोरखौ थांलाय फैलाय खालामनाय आव खष्त होदों, हातिगांव नि गाहाय लामा याव आन्थु से दै, बेबायदिनो रुक्मिनिगांव, रुक्मिनिनगर बायदि फोरा बो दै नि सिङाव होनना मिथिना मोनदों, फुङावनो फरायसालि कलेज आव थांनाय फरायसाफोरा दै नि थाखाय नो गोबां असुबिदा जानायखौ फोरमायदों, सोरखार प्रसासन खौ बेनिफ्राय थाबैनो उदां खालामनो खावलायो।