मैया आसामनि बारग चिफ सेक्रेतारि
जिस्नु बरुवा बिथाङा आजिरा मोनबाय। दायो बिथांनि जायगा याव दायो चिफ सेक्रेतारि महरै
जाबाय आइ ए एस अफिसार पबन कुमार बरथाकुर बिथाङा। बिथाङा आगोलनिफ्राय नो गुबुन
गुबुन बिफान नि बिबान आव दंमोन, दायो चिफ सेक्रेतारि जाबाय। गुबुनफारसे आजिरा
मोननाय जिश्नु बरुवा बिथाङा बो एरैनो थानो मोननाय नङा, बिथांनो एपिदिसिएल नि बिबान
होनाय जादों। मैया सानैखौबो आसामनि गिबि मन्थ्रि बिथाङा लोगो हमना सावरायलायो।
दिनै 1 सेप्तेम्बर, बृहस्पतिबार,
बितिआर आव दिनै रेस्त्रिकतेत बन्ध फोसावनाय जादों। उरिया हारि नि नोवाखाइ फोरबो नि
थाखाय नो बे बन्ध खौ फोसावदों बितिआर प्रसासन आ। बितिआर नि जिलाफोर कक्राझार,
सिरां, उदालगुरि, बाक्सा आरो तामुलपुर आव ल जागोन बेयो।
मोनसे सोमोनांथाव जाथाय, गोरबो आव थानाय
आयजो नि उदै निफ्राय गथ खौ अपारेशन खालामनानै दिहुननानै फिन उदै सिङाव सोना
दोनफिनबाय। करिमगन्ज आव जादों गिथावना सोमोनांथाव जाथाय आ, प्रेगनेन्त आयजो नि
अपारेशन नि मुङाव देहाफाहामगिरि नि खामानि, प्रेगनेन्त आयजो आ 8 दान आव करिमगन्ज सिभिल
देहाफाहामसालि आव आनजाद नि थाखाय फैदोंमोन। नाथाय बे आयजो खौ अपारेशननि खथा याव
लांनानै खावसे अपारेशन खालामनानै गथ खौ जोनोम होआलासैनो उदे सिङाव नो फिन सिलाय
खालामनानै दोनफिनो, गथ नि महर आ फिसा जाना थानायनि थाखाय नो बेबायदि खालामो होनना
खौरां मोनदों, बेखौ खालामखांना आयजो खौ न आ थांनो होयो, बेनि उनाव नो आयजो आ अजद
होयो आरो बे अजद नि सायावनो थासारि आ दुंहाव जायो, दायो आयजो नि देहा नि हालोद आ
गाज्रिथार होनना मिथिना मोनदों।
बितिआर गोरोबथा नि गेजेरजों 1500 कौति
रां मोननो गोनांमोन, दिनैसिम 15 फैसो बो लाबोनो हायाखै, 2 बोसोर आ जोबनो थांगासिनो
दं, मोनसेबो खामानि जायाखै, मोनसेबो खामानि लाबोनो हायाखै, मोनसेबो मिरु सोरखार नि
खामानि लाबोनो हायाखै, बे अजद खौ होदों बिपिएफ दोलो नि एमएलए रबिराम नार्जारि
बिथाङा, जेबो गायसननो हायाखै, आगोलनि हाग्रामा दैदेननाय सोरखार आ गायसननाय फोरखौ
सो फिता हसदों होनना बुंनानै गावनि आमोल आव मोनसेबो खामानि खौ नो मावनो हायाखै
होनना बो अजद होदों बिथाङा। बेखौ आंल बुंनाय नङा, रायजोफोरा बो नुगासिनो आरो
लोगोसे बितिसि नि लेङाय गाहाय गोबिन्द बसुमतारि बिथाङा बो मावनो हायि खौ बुंना लाखादों
आं बेनि थाखाय साबायखर बावो, बिथाङा साहसि सुबुं, गावनि बाथ्रा खौ एरसोना लाखिनो
नागिराखै, थार बाथ्रा खौ नो बुंना लादों, मोननै मोन 3 दोलो लोगो जानायनि थाखाय गोसोबायदि
खामानि मावनो हायाखै होनना बुंदोंमोन।
मंगलदै आव एतिएम सोलाय सोल खालामनानै
लुथिबाय 1 लाख 70 रोजा रां, गाज्रि सुबुं फोरा गोदान गोदान लामा जों रां लुथिनाय
खामानि खौ मावबाय थानाय आव साधारन नोगोरारि फोरा गोबां दुखु सहायनांबोगासिनो,
थांनाय 27 आगष्त खालि मंगलदै सोहोर नि ईन्दास्ति सक नि थागिबि, जिला हान्थामेला
बिफान नि आजिरा मोननाय मावथि सोनेस्वर देका या मंगलदै नि नो भेबारघात आव थानाय एशबिआइ
नि एतिएम निफ्राय रां दिहुननो फैनाय आव नो सोरबा गाज्रि सुबुं आ एतिएम खौ
सोलायनानै लाङो, न आव थांनायनि सान 3 उनाव सो सोराङाव फैयो एतिएम सोलायनाय आ, बे
एतिएम खौ सोलायनानै गोबां रां लुथिना लांबाय, नाथाय सान 3 आव जेबो खौरां खौ नो
मोनासै, उनाव एतिएम सोलायनायखौ मिथिनानै मंगलदै थाना याव एजाहार होदोंब्लाबो बै सम
सिम 1 लाख 70 रोजा रां लुथिजाबायमोन। बेखायनो जोंनिफोरा बो सांग्रां जा, गुबुन नो
रां दिहुननो होनो नाङा,एबा रां दिहुननो होयोब्लाबो एतिएम आ नोंनि नंगौ ना नङा
नायखा, मुं थाखायो एतिएम कार्द आव।
आनजाद आव खम नम्बर मोननाय नि थाखाय नो
फोरोंगिरिखौ दंफां आव खानानै बुदों फरायसा फोरा, बेनि मोनसे भिदिअ भाइरेल जादों,
झारखआन्द नि सोलोंथाय समाज खौ लासिंसिं खालामनाय मोनसे जाथाय। प्रेकतिकेल आव खम
नम्बर मोननाय नि थाखाय नो बेबायदि खालामो। थाखो नि गासै सा 10 फरायसा फोरा फेइल
जादोंमोन, आरो फोरोंगरि आ बुदोंमोनबो नो, बेखौ लानानै रागा जोंनाय आव गासैबो
फरायसा फोरा लोगो जानानै फोरोंगिरि खौ फांसे दंफां आ खानानै गाज्रियै बुयो। फरायसा
फोरा बुंदों, फोरोंगिरि आ बिसोरनो खम नम्बर होनानै बिसोरनि जिउ खौ धंस खालामबाय।
बेखायनो फोरोंगिरिखौ सोलोंथाय होदों। ससियेल मिदिया याव भाइरेल जागासिनो, दायो
बेनि बेरेखा गोरा बेबस्था लागोन होनना खौरां मोनदों।
रेल नि तिकेत केनस्ल, होतेल नि खथा नि
रिजार्भेशन खौ बो केनसेल खालामब्ला दानिया होनो नांगोन जिएसति, रोलवे नो केनसेल
खालामनायनि मासुल होनायजों लोगोसे सोरखार नो बो केनसेल खालामनायनि तेक्स होनो
नांगोन, रांखान्थि बिफान नि तेक्स नायबिजिरनाय गोत आ हरनाय नतिस नि बादिब्ला बेयो
मोनसे रोकोमनि सुक्ति खौ सिफायनाय जायो केनसेल खालामनाय आ, सुक्ति खौ सिफायनायनि
बेसेन महरै रेलवे आ ग्राहक निफ्राय धोन लागोन, मिथिना मोननाय बादिब्ला गिबि थाखो
एबि एसिकस नि थाखाय केनसेल खालामोब्ला 5 जौखोन्दो जिएसति होनो नांगौ।
रायजो आव फिन जादों मोनसे गाज्रि
जाथाय। मानसि लांग्रा नि सन्देह आव सासे सुबुं खौ बुयै बुयै बुथारबाय गोबां
सुबुंफोरा, मैया जनाइ आव जादों जाथाय आ, मोनसे 15 सेकेन्द नि भिदिअ भाइरेल जादों जेराव
बेयाव फैनाय नि जाहोन खौ बुंदोंमोन, नाथाय गोबां सुबुंफोरा नो बुयै बुयै बुथारो,
बेल नङा, थैदों ना थैयाखै बेखौबो आनजाद नायबावदोंसो, बेनि सिगां बो आसाम आव गोबां
बेबायदि जाथाय जादों, गोबाङानो खोमसि फोथायनायनि बोलि जानांदों, बुथारनो थाखाय इसेबो
बोरैबा मोना, थैनाय सुबुं नि मुं खौ गोगामुख नि सेतिया गामि नि गोपाल बरुवा होनना
मिथिना मोनदों, जाथाय नि सायाव पुलिसफोरा नायबिजिरनाय खामानि खौ मावगासिनो।
दिल्लि आव हादर नि गिबि भार्सुवेल
फरायसालि बेखेवो दिल्लि नि गिबि मन्थ्रि अरबिन्द केजरिवाल आ। हादरनि जायखिजाया
जायगा निफ्राय नो मुं थिसननो हागोन, फरायसालि आव नुजाथिनो हायि फरायसा फोरनि थाखाय
बेखौ बेखेवना होयो गिबि मन्थ्रि आ। बिथाङा बेखौ बेखेवनानै बुंदोः जों हेपिनेश
क्लासेस, हादर अननना खामानि जों लोगोसे गोबां स्पेसियेल फरायसालि फोर गायसनदों,लोगोसे
जों त्रेफिक लाइत नि सिङाव बिबायनाय गथ फोरनि थाखाय बो फरायसालि गायसनदों, गेलेनाय
बुहुमफारसालि, आर्मि प्रिपेरेतरि फरायसालि बो जागायदों आरो दायो हादरनि गिबि भार्सुवेल
फरायसालि खौ बो जागायबाय। बिथाङा लोगोसे बुंदों दि गोबां गथ नि जोथोनलागिरि आ
हिनजावसा गथ खौ बाहेराव ओंखारहोनो लुबैया, गोबां गथ फोरा उदै नि थाखाय खामानि
मावनो गोनां जायो, बेफोर बायदि फोरा बे फरायसालि आव फरायनो हागोन, हादरनि गासैबो
जायगा नि 13 निफ्राय 18 बोसोर बैसो नि सिंनि फोरा एदमिशन खालामनो हागोन।
बिसि खौ गिनानै उनथिंनि दंफां आव थायो
सासे सुबुं आ। 50 फुत गोजौ दंफां आव 1 दान सो जाबाय थानाय आ। हादर आव हौवा नि आखाय
आव हिनजाव गाग्लोबजानायनि खौरां सो मोनबाय थानाय खौ बयबो मिथियो। नाथाय हिनजाव नि
आखाय आव बो हौवा या गाग्लोबजायो, बेबायदि जाथाय आ बो बारा जालांगासिनो नामा, मोनसे
जाथाय आ सोमोनांहोदों, उत्तर प्रदेश नि जाथाय बेयो। रायजो नि कोपागन्ज जौगाखां
खोन्दो नि बसारथपुर नि थागिबि रामप्रकास राम मुंनि 42 बोसोरबैसो नि सुबुं आ दंफां
सा याव थागासिनो, मानसिफोरा खावलायदोंब्लाबो नाथाय ओंखारा, दंफां सायाव अन्थाय बो
जमा खालामना लाहैदों, सोरबा ओंखारनो हुमखि होयोब्ला अन्थाय खुबैहरो, जेबो राहा गैयि
आव रसा जों खानानै जाग्रा आदार हरो बिनो, हर गेजेरावसो गाहाय आव फैनानै गोबां
घन्ता थायो नाथाय फिन दंफां सायाव थांफिनना थायो, गामि नि गावबुरा या बुंनाय
बादिब्ला बिसि जों नांलायनानै नो बेबायदि खालामदों, नांलायबाय थानाय आ खर गाज्रि खालामदों
होनना बो सन्देह खालामदों गोबाङानो।
दानि मिरु कंग्रेस मि आफादगिरि सोनिया
गान्धि नि बिमा पाउला मायनो नि जिउ गोमाबाय। नोंथाङा मिथियो ना सनिया गान्धि आ
इतालि नि सो थागिबि मोन, बिमा या ईतालि आव जिउ गोमायो। बिथांनि जिउ गोमानायनि
खौरां खौ होदों कंग्रेस नि नो बिबानगिरि जयराम रमेश आ। बिथांनि जिउ गोमानाय आव भारत
नि गाहाय मन्थ्रि नरेन्द्र मोदि आ दुखु मोननाय फोरमायदों।
भारत आ मैया एसिया काप नि गेलेनाय आव
हंकं खौ 40 रान आव फेजेनो, बेखौ देरहानानै भारतआ सुपार 4 नि थाखाय कुवालिफाय
खालामबाय। गिबि आव बेतिं खालामग्रोनानै भारत आ 20 अभार आव 192 रान बुयो सा 2 विकेत
जों, सुर्यकुमार आ बांसिन 68 रान बुयो 26 बल आव नो, कोहलि आ 59 रान बुयो।
गुबुनफारसे हंकं आ 20 अभार आव सा 5 विकेत जों 152 रान ल सो बुनो हायो। दायो भारत आ
ग्रुप ए नि 1 नं आव थानो हाबाय। गाबोन पाकिस्तान आरो हंकं जों गेलेनाय आ जागोन,
जायनो देरहायो भारतआ बिनि बेरेखा रबिबारखालि गेलेगोन, पाकिस्तान आ नो देरहानाय
सम्भावना दं, बे हिसाबै भारत आरो पाकिस्तान नि गेलेनायखौ नुफिननो हागौ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon