न आव खामानि
मावग्रा लाखियो नामा, अब्ला सांग्रां जानायनि सम मानोना आसामनि गिबि मन्थ्रि आ मोनसे
नेम नि सोमोन्दै बुंदों। बे साननैसो उन्दै उन्दै गथ फोरखौ न आव खामानि मावनो लांनानै
गाज्रियै बाहायनाय एबा गाग्लोबनाय बायदि जाथाय आ गोबां जानाय खौ नुनो मोनदों,
सानैसो थैनाय नि बो खौरां मोनदोंमोन, जायनि थाखाय सोरखार आ गोरा जागोन फारसे
थांदों, मैया आसामनि गिबि मन्थ्रि आ सदन आव जायफोरा खामानि मावग्रा लाखिगोन बे नखर
फोरा पुलिस नि गेजेरजों सो लाखिनाय नेम खौ खालामनो नांगोन, समबारखालि गिबि मन्थ्रि
आ बिधानसभा याव बिजेपि सोरखार आ खामानि मावग्रा नो रैखाथि होनो थाखाय सो बेखौ
खालामदों, लोगोसे 14 बोसोर बैसो नि सिंनि गथ खौ बिमा बिफा निफ्राय आलादा खालामनाय
एबा खामानि मावनो लाबोनाय आ बो मोनसे रोखोमनि लांखुमानाय होनना सानो होनना बुङो,
दायो खामानि मावग्रा लायोब्ला सोलोंथाय आरो देहा नि बिबान खौ बो लानो नांगोन होनना
फोरमायो आयेन बादियै।
फैगो बोसोर
निफ्राय 4 बोसोर नि ईउजि एबा आन्दार ग्रेजुवेत कोर्श आ कलेज फोराव जागायगोन, बेखौ
बुंदों आसामनि गिबि मन्थ्रि आ, बिथाङा सरायदेउ जिल्ला नि सनारि कलेज नि गल्देन
जुबिलि नि हाबाफारि आव बाहागो लानानै बेखौ बुङो, सोरखार आ सोलोंथाय नि सिसतेम जों
गियान मोननो थाखाय गुबुन गुबुन थिरांथा फोर लादों, बिथाङा आसा खालामदों भारत आ
गोदान सोलोंथाय खान्थि नि गेजेरजों बुहुम आव मोजांसिन जानो हागोन।
देहाफाहामगिरि
खौ बुहुमनि ईसोर होनना बुंनाय जायो, जुदि देहाफाहामगिरि आ गावनि बिबान खौ मोजांयै
मावो, अब्ला बियो गावनि हासै बोलो खौ बाहायनानै बेरामि खौ बासायनो हायो, बांगालुरु
नि सासे देहाफाहामगिरि आ फिन फोरमान खालामना दिन्थिबाय बेरामि नि फारसे सासे
देहाफाहामगिरि नि बिबान आ माबायदि जानांगौ, बांलालुरु नि राजालामा याव त्रेफिक जाम
आव नांथाना थानाय देहाफाहामगिरि आ सम बादियै अपारेशन खालामनो थाखाय 3 किमि गोजान
लामा खारनानै देहाफाहामसालि आव मोनहैयो, बे खौरां आ नो दायो ससियेल मिदिया याव
गोबां भाइरेल जादों। डां गोबिन्द नन्दकुमार आ बिथांनि सासे बेरामि नि अपारेशन नि
थाखाय न निफ्राय देहाफाहामसालि आव राउना होदोंमोन, राजालामा याव बिथांनि गारि आ
त्रेफिक जाम आव नांथाना थायो, दसे सम त्रेफिक खुलिगोन होनना नेबाय थादोंमोनब्लाबो
नाथाय सम आ थांबाय नो थादों, सम बारनाय आव बेरामि नि फारसे साननो गोनां जादोंमोन,
बेखौ साननानै नो गारि खौ गारनानै त्रेफिक नि गेजेरजों नो खारनायखौ जागायो। बिथाङा
बेरामि नि थाखाय 45 मिनित सम खारनानै 3 किमि गोजान देहाफाहामसालि आव मोनहैयो,
मखजाथावदि बिथाङा गेस्त्रएन्तेरलजि सार्जन, 18 बोसोर मनिपाल देहाफाहामसालि आव
खामानि मावगासिनो। बिथांनि बे खामानि नि थाखाय रायजोफोरा गोबां मोजां मोननाय खौ फोरमायदों।
अनलाइन
फालांगि नि मुङाव ग्राहक खौ थगायनाय, अनलाइन अर्दार होदोंमोन आखाय नि घरि, बेनि
सोलाय फैबाय दरनै पियाज एबा सामब्राम गोजा सो, चिरां नि पानबारि आव अनलाइन नि
गेजेरजों बायनानै थगायजादों। खौरां मोननाय बादिब्ला पानबारि ओनसोल नि महिदुल
ईश्लाम मुंनि सासे सुबुं आ साननैसो सिगाङाव फ्लिपकार्त आव अर्दार होदों,
सम्बारखालि दिलिभारि बय आ महिदुल ईश्लाम नो पार्सेल खौ होनानै सिअदि नेम बादियै 1499
रां लायो, नाथाय दिलिभारि बय नि सिगाङाव नो पार्सेल खौ खुलिनाय आव बेखौ मोनो, बेनि
उनाव नो देलिभारि बय निफ्राय रां खौ बिफिनो ग्राहक आ, गिबि आव होनो नागिराखैमोन
नाथाय उनाव होनायनि खौरां मोनदों, फ्लिपकार्त बायदि अनलाइन फसंथान आव बेबायदि
जानाय आ थारैनो सोमोनांथाव।
रायजो बिजेपि
दोलो नि आफादगिरि आरो रङिया बियाब नि एमएलए भबेश कलिता बिथांनि बेरेखा सासे
हिनजावसा या जाख्लनाय नि अजद होनायनि थाखाय मैया रङिया थाना याव हिनजावसा नि बेरेखा
एजाहार होयो। जया कलिता मुंनि हिनजावसा या 2018 मायथाइ आव रङिया नि एमएवए साख्रि
नि मुङाव धोन बिनाय नि अजद खौ फेसबुक नि गेजेरजों पस्त खालामनानै होदोंमोन, दै जगाय
बिफान नि मन्थ्रि जाना थानाय समाव नो होनाय जादोंमोन, बारग मन्थ्रि आ फन नि
गेजेरजों रां बिनाय नि अजद होदोंमोन, बिजेपि नि आफादगिरि बिथाङा बेखौ नंखाय होनना
बुंनायजों लोगोसे जुदि फोरमान दंमोनब्ला एसेबां सान मानो नेना थाखो होनना बुङो,
जया कलिता या बिथांखौ तार्गेत खालामनानै पस्त होनाय आ गनायजाथाव नङा, ईमेज गाज्रि
खालामनो थाखाय सो बेबायदि नंखाय अजद खौ होदों, बिथाङा लोगोसे जया कलिता नि बेरेखा
बिजिरसालि आव बो थांगोन होनना बुंदों। मखजाथावदि मैया सा 7 साख्रि नि दालाल फोरखौ पुलिसफोरा
हमदोंमोन, बिसोरखौ 2020 नि दै जगायनाय बिफान आव साख्रि होनायनि खामानि मावनायनि
थाखाय नो हमदों होनना फोरमायदोंमोन, नाथाय आसामनि मन्थ्रि पियुश हाजरिका बिथाङा
बेखौ रोखा खालामना होदों दि 2020 आव दै जगायनाय बिफान आव साख्रि थिसननाय आ नो
जायाखैमोन, बेयो नंखायै फोसावजादों, गुबुनफारसे हमजानायफोरखौ दालाल नङा, थगायग्रा
सो होनना बुंदों।
अरुनाशल
प्रदेश निफ्राय किदनेप खालामजानाय सा 4 हिनजावसा फोरखौ आसाम आव मोननाय जादों,
अरुनाशल पुलिस आरो आसाम पुलिस नि लोगोसे खालामनाय अपारेशन आव रबिबारखालि गुवाहाति
नि मोनसे लज निफ्राय बासायनो हायो, पुलिसफोरा सासे मालिक खौबो हमदों होनना मिथिना
मोनदों, अरुनासल पुलिस आ थांनाय 8 सेप्तेम्बरखालि सांलां जिल्ला निफ्राय सा 4
हिनजावसा गोमानाय नि अजद मोनदोंमोन, बेनि उनाव नो पुलिसफोरा नायबिजिरनायखौ
जागायदोंमोन, दायो आसाम आव नागिरना मोनबाय।
कक्राझार
सोहोर नि सान्तिपुर आरो तेङापारा याव सम्बारखालि रेल बिफान आ होखारनाय हाबाफारि नि
सायाव कक्राझार त्रेदार्श एशसियेशन आ बुंदों, रेल बिफान नि हा खौ आयेन बेरेखा यै
दखल खालामनानै बे जायगा याव फालांगियारि फसंथान गायसननाय नि सायाव बुङो, कक्राझार
फालांगियारि आफाद नि लेङाय आफादगिरि भरत शर्मा बिथाङा आलिपुरदुलार रेलवे दिभिजन नि
बिफानखौ बेबायदि होखारनाय खामानि खौ बन्ध खालामथनो खावलायदों, फैगो दुर्गा फुजा
सिम फालांगियारिफोरखौ रेहाय होनो खावलायो। मखजाथावदि मैया 75 सो न फोरखौ रेलवे बिफान
आ सेफायस्रांदोंमोन, बेफोर गासैबो रेलवे बिफान नि हा याव बानायना लादोंमोन, 3 दान
सो सिगां नो नतिस हरखादोंमोन होनना रेलवे बिफान आ बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon