4 September bodo evening news ~ Bodoinfo.com

कक्राझार जिला नि बाङालदोबा नि गिबि खोन्दो आव फिसाय नि गाग्लोबनाय आव जिउ गोमाबाय बिसि नि, ओनसोलनाङैनो जाथाय आ सोमोनांहोदों बयखौबो, फिसाय नि बुनाय आव जिउ गोमानाय आयजो नि मुङा जया सुत्राधार, सा 4 गथ नि बिमा मोन, फिसाय नि मुङा बलेन सुत्रधार उरफे बियाल, आगोलनिफ्राय नो बिसि खौ बुबाय थायोमोन। मैया हर आव जया सुत्राधर आ ओंखाम सङि नि थाखाय नो फिसाय आ रागा जोंदोंमोन हर नि 8 बाजि सो आव आरो बल जोनायबायदि जोयो, बेबायदिनो गाग्लोबनाय आव नो गाज्रियै जोखोम जानानै जिउ गोमायो होनना मिथिना मोनदों, जाथाय आ दिनै फुङाव सो सोराङाव फैदोंमोन आरो जायगा नि रायजोफोरा हमनानै रसा जों खाना दोननानै पुलिस नो खौरां हरो, पुलिसफोरा हमनानै दायो लाना थांबाय, नायबिजिरनाय आ सोलिगासिनो दं, रायजोफोरा दायनिगिरिखौ गोख्रों साजा होनो खावलायदों।

दिनै भारत आरो पाकिस्तान नि गेजेराव एसिया काप क्रिकेत गेलेनाय आ जागोन। मोनाबिलि नि 7.30 आव गेलेनायखौ नुनो मोनगोन, बे बार नि गेलेनाय आ नैथि भारत आरो पाकिस्तान नि आ, गिबि गेलेनाय आव भारत आ पाकिस्तान खौ 5 विकेत जों फेजेनदोंमोन।

सोमोनांथाव, बिमा या नो फिसा खौ द्राग्स फालांगिजों सोमोन्दो थाहोदोंमोन, दायो सानैबो हमजाबाय, जाथाय आ बतद्रबा नि जाजरि आव जादों, बिमा फिसा खौ हमबाय जाजरि पुलिस आ। हमजानाय सानै नि मुङा जहिदुर रहमान आरो बिमा जोनमनि बेगम, न आ मरिगांव नि मिकिरभेता याव, नगांव निफ्राय जाजरि जानानै मिकिरभेता याव गंसे स्कुति जों थांबाय थानाय समावनो हमो, लोगोसे स्कुति सिंनिफ्राय 30 ता द्राग्स जों आबुं कन्तेइनार जब्द खालामदों, नायबिजिरनाय आ सोलिगासिनो दं।

गोबां सुबुंफोरा नो गावनि गथ नि मुं खौ सोरबा मुंदांखा सुबुं नि मुंङै लाखिनो लुबैनाय खौ नुनो मोनो, नाथाय ब्रितेइन नि बिसि फिसाय आ गावनि गथ नि मुं खौ भारत नि जानाय आदार नि मुं जों लाखिदों, साहा जों भारतारि फोरा बेखौ जानो मोजां मोनो। आयारलेन्द नि निउताउनबेबि आव थानाय बिमा बिफा या गावनि जोनोम जागोदान गथ नि मुं खौ पकोरा दोनदों, जायखौ पकरि बो बुङो हतेल फोराव जानाय आ, दा केप्तेइन तेबोल मुंनि रेस्तोरेन्त आ बेखौ ससियेल मिदिया याव सेयार खालामदों, बे रेस्तेरन्त आव नो जानो थांदोंमोन, मेनु कार्द आव भारत नि जानाय आदार बो दंमोन, बिसोर पकोरा अर्दार होयो आरो उनाव जानानै एरैबायदि मोजां मोनो दि गावनि गथ नि मुं खौ पकोरा दोनो।

दिब्रुगर नि बिसि फिसाय देहाफाहामगिरि आ 1 खावसे लाख रां लांजानाय जाथाय आ जोबना थाङिनि उनाव नो आरो मोनसे एखे जाथाय जानायनि खौरां मोनदोंस बरपेता रोद नि सासे फालांगिरि आ बो रां लांजाबाय, गावखौनो आरमि होनना बुंनानै रां लाना थांदों बेंक एकाउन्त निफ्राय, मिथिना मोननाय बादिब्ला साननै सिगाङाव सरभोग केम्प नि मुं लानानै साइबार दायनिगिरि आ बरपेतारोद नि फालांगिरि खौ फन खालामदोंमोन, फिल्तार दं नामा होनना सोंगासिनोमोन, गोबां बार फन खालामदोंमोन, ह्वात्सएप आव फिल्तार नि सावगारि बो बिदोंमोन। गावखौनो आरमि बुंनाय दायनिगिरि आ भिदिअकल नि गेजेरजोंबो रायलायदोंमोन, सावगारि खौ नुनानै फिल्तार खौ हरनो होयो आर्मिकेम्प आव, उनाव फन आव गुगलपे नि गेजेरजों पेइमेन्त खौ होनायनि उनाव फिल्तार खौ होनो होयो, लोगोसे गुगल पे एकाउन्त खौ थार नंगौ ना नङा नायनो थाखाय थाय 1 रां हरनो होयो, बियो थाय 1 रां हरो, उनाव आरमि आ मोननो गोनां रां खौ मोनबायना मोनाखै होनना सोंनाय आव मोनाखै होनना बुंनाय आव बिखौ गुगलपे एकाउन्त आव थांनानै रां नि बिबांखौ लिरनानै सेन्त खालामबा नो मोनगोन होनना बुङो, बेबायदिनो बिबो खालामना लायो आरो रां आ लांजायो।