26 सेप्तेम्बर
आव 24 घन्ता नि आसाम बन्ध फोसावदों मोन 6 हारि नि एक्य मन्स आ, मरान आव जानाय
सावरायलायनाय आव नो बे थिरांथा खौ लादों होनना मिथिना मोनदों, बेल नङा आसाम बन्ध
नि थिरांथा जों लोगोसे मोननैसो गुबुन थिरांथा फोरबो लादों होनना बुंदों, 22
सेप्तेम्बर खालि दिसपुर बिधान सभा घेराउ हाबाफारि, 9 अक्तोबर खालि गासै आसाम आव नो
रांखान्थियारि होबथानाय हाबाफारि, 15 अक्तोबर आव गोगामुख आव ज जानाय हाबाफारि आरो
लोगोसे 15 नबेम्बर आव दिल्लि आव मोन 6 हारि नि दुखु मोननाय हाबाफारि लानायजों
लोगोसे भारत नि गाहाय मन्थ्रि नि जोनोस सान आव गोसोम सान बो फालिगोन होनना बो
मिथिना मोनदों, मोन 6 हारि खौ एसति खालामि नि थाखाय नो बेफोरखौ खालामगोन होनना
मिथिना मोनदों।
बितिआर नि
सासे फोरोंगिरि खौ सासपेन्द खालामदों होनना मिथिना मोनदों, बितिआर नि गाहाय प्रमद
बर बिथांनि बिथोन आव नो सासपेन्द खालामो, मैया तामुलपुर जिल्ला नि दरंगाजुलि बियाब
नि मरियमपुर गामि नि गंसेल फरायसालि मरियमपुर गुदि फरायसालि आव नुजाथिहैदोंमोन
प्रमद बर बिथाङा, 11 बाजि 30 सिम फरायसालि आव फोरोंगिरि आ फरायसालि आव फैयाखैमोन,
जायनि थाखाय फरायसाफोरा न आव थांफिनदोंमोन, बे थांफिननायखौ प्रमद बर बिथाङा नुयो
आरो सोंनाय आव मिथिना मोनो फरायसालि आव फोरोंगिरि आ थाङि खौ। बेनि थाखाय नो बिफान
नो बे फोरोंगिरि नि सायाव गोरा बेबस्था लानो बिथोन होयो, मिथिना मोननाय बादिब्ला 1
घन्ता नि गेजेराव नो सासेल फोरोंगिरि अरुप शर्मा खौ सासपेन्द खालामो, लोगोसे
फरायसालि आव गुबुन सासे फोरोंगिरि खौ मैया नो थिसनो, बेबायदि लोगो लोगो लानाय गोरा
बेबस्था नि थाखाय बितिआर नि गाहाय बिथांखौ गोबाङानो मोजां मोननाय खौ फोरमायदों
मोब्लिब बिल
बारा जानायनि दावराव आसाम आव, आसाम आव मोब्लिब बिल खौ बारा खालामदों होनना गोबां
भाइरेल जानायखौ नुनो मोनदों, बेनि सायाव नो आसामनि गिबि मन्थ्रि आ बुंदों, आसाम आव
मोब्लिब बिल खौ बारा खालामाखै होनना रोखा खालामना होदों। बेल नङा मोब्लिब बिल नि
सायाव गोरोन्थि जानायखौ गनायना लादों, बिथाङा बुंदों गोदान स्मार्त मितार खौ
लगायनायनि उनाव सो बेबायदि जाथाय आ जादों, स्मार्त मितार नि गोरोन्थि रिदिं नि
थाखाय नो मोब्लिब बिल आ बारा जादों, गोदान स्मार्त मितार आव गोरोन्थि थानाय
खौ आनजाद नायनो एपिदिसिएल नो बिथोन होदों
गिबि मन्थ्रि आ, मखजाथावदि रायजोनाङैनो थांनाय दान नि रुजुनाय आव 2-3 गुन सो बारा
फैदों गोबांनिआवनो। गुबुनफारसे 2020 मायथआइ आव 29 रोजा कौति नि बारा खहा जादोंमोन
एपिदिसिएल नि, नाथाय बे बार आव एपिदिसिएल आ 33 रोजा नि बारा रां मुलाम्फा जादों
होनना खौरां मोनदों, आसाम आव सानफ्रोमबो बांसिन 2400 मेगावात मोब्लिब नि गोनांथि
जायो।
पुलिस नि
नायबिजिरनाय आव सुक्रबारखालि फुङाव बोकाखात नि कुरुवाबाहि आव बस्ता याव सोना
दोननाय हालोद आव 30 नि बारा फिसिनाय आरो लामा नि सैमा खौ बासायनो हादों, बे जाथाय
आ सैमा नि फालांगि खालामग्रा फोरा दासिमबो एकतिभ जाना थानाय आ सोराङाव फैदों। अजद
नि बादिब्ला जायगा नि सुबुंफोरनि मदद आव गुबुन रायजो आव लाना थाङो बे सैमा फोरखौ,
दिमापुर, कहिमा, आयजल, तुरा बायदि जायगा फोराव लाङो, मैया जाथायसालि आव पुलिस नि
दोलो आ मोनहैनायनि सिगां नो गारि खौ गारनानै थाङो दोलो आ, लोगोसे सैमा नि फालांगि
जों सोमोन्दो थानायनि सन्देह आव सानै गार आयजो फोरखौ रायजोफोरा पुलिस नो
होदोंमोनब्लाबो आयजोफोरा अमा बायनो सो फैदोंमोन होनना बुंना लायो, गुबुनफारसे
पुलिस फोरा सैमा नि सायाव नायबिजिरनायखौ खालामगासिनो आरो लोगोसे सैमा फोरखौ लानानै
दायो साननो गोनां जाना दं होनना मिथिना मोनदों।
दिल्लि नि
सासे एमएलए खौ जाख्लनायनि दाय आव हमदों, दिल्लि वाक्फ बर्द आव जाख्लनायनि अजद आव
आप नि एमएलए आमानतुल्ला खान खौ हमो होनना मिथिना मोनदों, एन्ति करापशन बिउरो आ
हमदों, नायबिजिरनाय आव बिनिफ्राय गंसे गुबुन हादोर नि पिस्तल जों लोगोसे 24 लाख
रां नोगोद मोनदों। बे मोननाय पिस्तल नि लाइसेन्स गैया होनना मिथिना मोनदों, एमएलए
नि बेरेखा वाक्फ बोर्द नि बेंक एकाउन्त आव रांखान्थियारि नेम बेरेखा जों लोगोसे
गोबां अजद होनायखौ नुनो मोनदोंमोन, बे एमएलए नि बेरेखा 23 ता दाय नि गसर होनाय
जादों होनना खौरां मोनदों।
साननैसो सिगां
दिल्लि आरो आसामनि सोलोंथाय मदेल खौ लानानै हादोरनाङैनो सावरायलायनाय जादोंमोन,
बेबायदि सोलिबाय थानाय समाव नो दिल्लि नि सोलोंथाय बेबस्था या मोनसे रेकर्द
खालामनो हायो। साननै सिगाङाव फोसावनाय JEE आरो NEET आनजाद
आव दिल्लि नि सोरखारि फरायसालि आव फरायनाय सा 1141 फरायसा फोरा मोजांयै उथ्रिसार
जानो हादों, मैया बेखौ मिथिहोयो गिबि मन्थ्रि आ। थ्यागराज स्तेदियाम आव आनजाद आव
उथ्रिसार जानाय फरायसाफोरखौ बरायनाय हाबाफारि आव बाहागो लानानै गावनि बिबुंथि नि
गेजेरजों दिल्लि सोरखार आ फरायसालि आव होनाय मोजां सोलोंथाय नि थाखाय नो बेखौ
मोननो हादों, बिथाङा बुंदों गासै भारत आव 18 ति फरायसाफोरा सोरखारि फरायसालि आव
फरायो, बेनिनो गोबाङानो गोरिब, जों दिल्लि आव जाबायदि खालामदों, बेबायदि नो
सोरखारि फरायसालिफोरखौ मोजां खालामनो हागोन, सोलोंथाय दान नि बाथ्रा नङा, बेयो
मोनथाय नि सो बाथ्रा, साफ्रोमबो गथ नो मोजां सोलोंथाय होयोब्ला हादर नि गोरिब
जानायखौ खम खालामनो हागोन होनना बो बुङो।
नोंथाङा गावनि गथ खौ सोरजों तिउसन आव
थिनहरो, सांग्रां जा, गुवाहाति आव किदनेप खालामनाय जाथाय। लांखुमानानै 7 लाख रां
दाबि न नि नो गारि सालायग्रा नि। तिउसन आव लांनाय सामाव 10 बोसोर बैसो नि उन्दै गथ
खौ किदनेप खालामनानै हगारना होनायनि मुङाव 7 लाख रां दाबि खालामदोंमोन सालायग्रा
नर हरि बर्मन आ, लोगो लोगो नखर नि सुबुंफोरा पुलिस नि खाथि आव थाङो, पुलिसफोरा
लोगो लोगो नायबिजिरनानै जोराबात नि गनेश मन्दिर नि खाथि निफ्राय गथ खौ मोजाङैनो
बासायनो हायो, लोगोसे दायनिगिरि खौ बो हमदों होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon