मेक्सिको आव गिथावना बांग्रि, 7.6 मेगनितिउद नि गिथावना बांग्रि आ गिहोदों बयखौबो, सुनामि नि वार्निं होदों होनना खौरां मोनदों, खौरां मोननाय बादिब्ला मैया हर गेजेराव फैदोंमोन, सासे नि जिउ गोमादों होनना मिथिना मोनदों, गोसाथार फैदोंमोनब्लाबो सुबुंफोरनि जिउ गोमायि नि जाहोनखौ 1985 आरो 2017 आव फैनाय बांग्रि नि बोसोरारि सान खौ फालिनो थाखाय बाहेराव ओंखारनाय होनना मिथिना मोनदों, मैया नि बांग्रि आव गोबां खहा जानायनि खौरां मोनदों, गोबां नि न आ नो बायदों, सोनाब फारसे सुनामि नि वारनिं होदों होनना बो मिथिना मोनदों।
मेरापानि नि रतनपुर आव बिष गोनां मैखुन जानानै सासे उन्दै गथ जों लोगोसे सानै आयजो फोरनि देहा नि हालोद आ गाज्रि जादों होनना मिथिना मोनदों, नखरसे नि नो गासैबो, उन्दै गथ आ 2 बोसोर बैसो नि, सानै आयजो नि मुङा मिता दैमारि आरो बिनिता दैमारि, सा 3 नि बो मोजां फाहामथाय नि थाखाय गलाघात नि सोरखार देहाफाहामसालि आव लांनानै फाहामथाय होदों होनना मिथिना मोनदों।
म्यानमार आव प्रसासन नि गिथावना गाग्लोबनाय जाथाय, मिथिना मोननाय बादिब्ला सांगाइ ओनसोल नि ताबायिन आव आरमि फोरा हेलिकप्तार जों गाग्लोबदों, बे गाग्लोबनाय आव सा 13 नि जिउ गोमादों, बेनिनो सा 7 आ उन्दै गथ फोर होनना बुंदों, गंनै हेलिकप्तार जों आरमिफोरा गामि नि गंसे फरायसालि आव मेसिन गान जों गुलि गावग्लुंदोंमोन, सोमोनांथाव, रास्त्रसंघ आ बुंनाय बादिब्ला बोसोर 1 आव आरमि फोरनि अत्यासार आव 1 रोजा 500 नि बारा सुबुंफोर थैदों म्यानमार आव, आयेन बेरेखायै 11 रोजा नि बारा सुबुंफोरखौ बो एरेस्त खालामना दोनदों होनना मिथिना मोनदों। 2021 मायथाइ नि फेब्रुवारि दान निफ्राय नो थासारि आ गाज्रि जाना दं म्यानमार आव, आरमि फोरा हादोरखौ गावनि सिङाव लादों।
मोन 6 हारि फोरा एसति मोनासै, बेनि थाखाय नो सोरखार नि बेरेखा हाबाफारि, सोरखार आ सावरायलायनो लिंदोंमोन, नाथाय बेयाव बाहागो लाया होनना रोखा खालामना होदों 6 जनगोस्ति एक्य मन्स आ, 21 सेप्तेम्बर खालि सोरखार आ सावरायलायनो लिंदों होनना खौरां मोनदों, नाथाय बिसोर बेयाव बाहागो लाया, बेनि सोलाय 22 सेप्तेम्बर खालि जनता भवन घेराउ हाबाफारि सो फोसावना होदों, आतासु नि दैदेनगिरि मिलन बुरागहाइ बिथाङा बुंदों दि सोरखार नि सावरायलायनो लिंनाय आ गनतानत्रिक आन्दोलन खौ ल फोजोबनो नागिरना, सोरखार आ सावरायलायबायनो थायो नाथाय बेनि जेबो फिथाय सो गैया, सोरखार नो बेनि फिननाय खौ होगोन होनना बो बुंदों बिथाङा, लोगोसे मोन 3 थाखो नि सावरायलायनाय जायोब्ला सो बाहागो लागोन होनना बुंदों।
तेजपुर आव सासे आरमि जवान आ गावखौनो बुथारना लानाय जाथाय, गावनि सार्भिस पिस्तल जों नो बुथारना लादों होनना मिथिना मोनदों, थैनाय जवान नि मुङा अमृत सिंह, मा जाहोननि थाखाय बेबायदि खालामखो बेखौ मिथिनाय जायाखै।
आसाम सोरखार नि साख्रि थिसननाय आव केलेंकारि जानायनि अजद होनाय भिक्तर दास खौ साख्रि निफ्राय सासपेन्द खालामबाय, सोरखारि फोरोंगिरि जानानै कशिं खालामनायनि अजद आव सासपेन्द खालामो होनना मिथिना मोनदों, भिक्तर दास आ सानजा पानितेमा राधाकृष्ण युगल गुदि फरायसालि नि फोरोंगिरि मोन। भिक्तर आ स्करदेमि मुंनि मोनसे अनलाइन पर्तेल आव फोरोंगिरि महरै बो खामानि मावोमोन, मालिगाव आरो राजगर नि मोननै मिरु आव फोरोङोमोन, आनजाद होग्रा फोरनिफ्राय रां लानानै साख्रि होनाय नि गिदिर अजद होदोंमोन, नंखाय खौरां फोसावनायनि दाय आव हमजादोंमोन बियो।
ति 20 वरल्द काप आ दानसे सो नि उनाव नो जासिगोन, बेनि थाखाय गोबां दोलो फोरा नो गावनि जार्सि खौ बेखेवबाय, भारत नि कृकेत दोलो आ बो सानसे सिगाङाव बेखेवबाय, नाथाय दायो गोदान जार्सि बेखेवनायनि उनाव नो गोबां त्रल खालामजादों पाकिस्तान नि कृकेत दोवो आ, ससियेल मिदिया याव गोबां भाइरेल जादों, गाब आरो दिजाइन खौ लानानै, खौरां मोननाय बादिब्ला अफिसियेलि दासिमबो फोसावाखैब्लाबो नाथाय सानैसो गेलेगिरिखौ गाननाय नुनो मोनदों, नेतिजेन फोरा बुंनाय बादिब्ला गोदान जार्सि आ तरमुज नि बादि सो, गोबाङानो जार्सि नि स्ताइल खौ मिथिंगा निफ्राय लादों होनना बुंनायजों लोगोसे गोबाङानो बेनि थाखाय दुखु मोननाय बो फोरमायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon