रन्जन दैमारि
बिथांजों लोगोसे आरो गुबुन सा 6 नि केस आ जोबनानै फैबाय, आसाम आव बखनो हानायनि
लामा या नो गैला, दिनै बेखौ खौरांमेल नि गेजेरजों रन्जन दैमारि बिथांनि बिनानाव
अन्जालि दैमारि बिथाङा बुंदों, दिनैनि खौरांमेलखौ बिथांनि सायाव फास्त त्रेक
बिजिरसालि नि दाय जाबसिनना होनायनि थाखाय नो खालामदोंमोन, गोबां सुबुंफोरा
फास्तत्रेक बिजिरसालि सिम लांनाय खौ अन्जालि दैमारि आ नो खालामदों होनना अजद
होदोंमोन, बेखौ नंखाय होनना बुङो बिथाङा, फास्त त्रेक बिजिरसालि आव थाङोब्ला मा
जायो बेखौ मिथिखायो, आरो लोगोसे उकिल आ सम होनो हानाय नङा फास्त त्रेक आव थाङोब्ला,
मानो होनोब्ला बेनि बिजिरनाय आ सानफ्रोमबो जायो, बेनि थाखाय नो बे फास्त्रेक
बिजिरसालि निफ्राय बोखारनो थाखाय गोबां नाजानो गोनां जादोंमोन होनना सो फोरमायो
बिथाङा, गुबुनफारसे रन्जन दैमारि बिथाङा बेबायदि जाखायो सासे रिभलुसनारि नि जिउ आव
होनना बुंङो होनना फोरमायो बिथाङा, नाथाय थेवब्लाबो ईसे आबसुस दं होनना बुंदों,
मानोना गोरोबथा या जाना थांबाय, गोरोबथा या जायामोनब्ला, दाय साजायजानाय जों नो
गोरोबथा खालामामोनब्ला जेबो आबसुस थानाय नङामोनबो जानो हागौ होनना फोरमायो, लोगोसे
नो बिथाङा ससियेल मिदिया नि गेजेरजों जाय बाथ्रा खौ मिथिया, नंखाय खौरां फोसावनानै
रायजो राजा खौ थगायनो, गुबुन लामा थिं लांनो नाजानाङा होनना बो बुबावो, ससियेल
मिदिया याव नंखायै बुंनायखौ रिप्लाई होबाय थानो सम गैया होनना बो फोरमायो, गोबां
खामानि मावनो दं होनना बो बुङो।
तामुलपुर आव
एसिद जों गाग्लोबनाय जाथाय, सासे सुबुं खौ मैया हर नि समाव सा 4 गाज्रि सुबुंफोरा
एसिद जों गाग्लोबदों होनना मिथिना मोनदों, गोरेश्वर नि बकुलगुरि गामि नि मानिक
देवनाथ मुंनि सुबुं आ हर आव खामानि निफ्राय फैफिननाय समाव नो लामा याव
गाग्लोबजायो, मोखां आव नो एसिद सारना होदों होदों होनना मिथिना मोनदों, लोगो लोगो
खाथि नि देहाफाहामसालि आव लाना थांदोंमोनब्लाबो उनाव मोजां फाहामथाय नि थाखाय
जिएमसिएइस आव लाना थाङो, बे जाथाय जों सोमोन्दो थानाय दायनिगिरिफोरनि मुं खौ बो
गाग्लोबजानाय आ बुंना होदों होनना खौरां मोनदों, गासैखौबो सिनायोबो, सा 4 मोन
गासै, मानिक देबनाथ नि बिसि आ अजद होनाय बादिब्ला बिसोर नायनो बानानै नो बेखौ
खालामदों।
दाखाथि
खालामनो थांनानै सा 1 बर सुबुं आ बुथारजादों आरो सासे आ हमजादों होनना खौरां
मोनदों, मंगलबार नि हर आव नो जादोंमोन जाथाय आ, गरसिं बसुमतारि मुंनि सुबुं आ देहाफाहामसालि
आव थैयो, बिखौ कक्राझार नि होनना मिथिना मोनदों, बिनिफ्राय गंसे पिस्तल बो
मोननायनि खौरां, जाथाय आ बको आव जादोंमोन, पुलिसफोरा थांनाय आव दाखाथि
खालामनायफोरा बिसोरनि फारसे गुलि गावदोंमोन, जेराव सासे पुलिस जवान आ जोखोम जादों,
बेनि उनाव रायजोफोरा दरसिं खौ हमनानै बुनानै पुलिस नो होदोंमोन, दाखाथि नि जाथाय आ
जानायनि उनाव जायगा नि रायजो आरो बको पुलिस आ नायगिरनानै रमेन बरगयारि मुंनि सुबुं
खौ हमनो हादोंमोन होनना बो मिथिना मोनदों, बिनि न खौ चिरां आव होनना बुंना लायो,
लोगोसे नो आरो सानै आ दायो खारखुमाना दं होनना बो खौरां मोनदों।
जायगा नि
सुबुंखौ गाज्रि आखु दिन्थिनायनि थाखाय होजाइ जिल्ला नि जिला बेंगिरि आरो एदिशनेल
दिसि सानैखौ सासपेन्द खालामनायनि खौरां मोनदों, सासे स्कुति सालायग्रा या 4 लेन
लामा याव उल्था फारसे फैनाय नुनानै होसो होसो बुनाय नि अजद दिसि आरो एदिसि नि
बेरेखा, लंका नि 7 नं वार्द नि सिलबस्ति आव जादों, गासैबो जाथाय आ सिसितिभि आव
रेकर्द जाजोबदों, उननि समाव पुलिसफोरा थांनानै जोखोम जानाय सुबुं खौ देहाफाहामसालि
आव लाना थाङो, जाथाय नि उनाव नो गिबि मन्थ्रि आ सानैखौबो सासपेन्द खालामनो बिथोन
होयो होनना मिथिना मोनदों
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon