थांनाय दान नि
मोब्लिब बिल आ गोबांनियानो खमावनो 2 गुन बारा फैदों, बेनि सायाव नो आसामनि गिबि
मन्थ्रि आ मैया बुंदों दि मोब्लिब बिल नि जेंना थानाय नखर आ एप्लिकेशन होनो नांगोन,
साफ्रमबो सुबुं आ नो गावनि ओनसोल आव थानाय मावखुलि आव बे गोरोन्थि नि खौरां खौ
होनो नांगोन, मोब्लिब बिफान नि मावथि आ न आव थांनानै मितार फोरखौ तेस्त खालामना
नायगोन आरो माबाफोर गोरोन्थि जानायखौ हमना मोनोब्ला उन नि समाव गोरोबहोगोन होनना
गिबि मन्थ्रि बिथाङा बुंदों, लोगोसे बिथाङा मैया एपिदिसिएल आ बेनि सायाव फोसावलाय
दिहुनना होगोन होनना बो बुंदोंमोन।
आसामनि गिबि
मन्थ्रि नि गोनांथार फोसावनाय, रेशन कार्द थानाय रायजो नि मोनफ्रोमबो नखर फोरा नो
बोसोर आव 5 लाख रां सिम फ्रि फाहामथाय सार्भिस मोनगोन, 53 लाख रेशन कार्द थानाय
नखर फोरनि फाहामथाय खरसा नि फारसे नोजोर होनानै नो थाबैनो मोनसे बिथांखि
बेखेवनायनि थियारि जादों रायजो सोरखार आ, फैगो 2-3 दान नि गेजेराव नो बे बिथांखि
खौ जागायगोन, गुबुनफारसे फिसाय थैजानाय 18 निफ्राय 45 बोसोर बैसो नि आयजोफोरनो 25
रोजा रां नि खनसेयारि मदद नि खामानि खौ बो सोरखार आ खालामदों होनना बुङो। बेल नङा,
अरुनुदय बिथांखि नि सिङाव गोदान 6 लाख खौ लाफानाय जागोन, 10 लाख गोदान नखर नो फ्रि
आव नो मायरं होनो थाखाय रेशन कार्द होगोन होनना बो खौरां मोनदों
रायजो आव फिन
गोदान फोरोंगिरि थिसननाय, फैगो 23 सेप्तेम्बरखालि सोलोंथाय बिफान आव सा 4717
फोरोंगिरिफोरनो साख्रि थिसनलाय लायजाम होगोन, फरायसालि नि सोलोंथाय नि सिङाव 3811,
गोजौ सोलोंथाय नि आव 803 आरो तेकनिकेल सोलोंथाय नि आव 103 खौ थिसनगोन होनना मिथिना
मोनदों, आगोलाव साख्रि थिसननाय आव गोबां फोरोंगिरिफोरखौ सायखनाय जादोंमोनब्लाबो
सोरखार आ साख्रि खौ होनो हायाखैमोन, तेत उथ्रिनाय फोरमान बिलाय आव ग्रेस मार्क खौ
लानानै सोंनाय फैदोंमोन, मन्थ्रि बिथाङा बुंनाय बादिब्ला 1298 ग्रेस मार्क मोननाय
फोरोंगिरिफोरखौ बो शर्त बादियै साख्रि खौ होनाय जागोन।
साननै सिगाङाव
मोनसे असमिया खौरां बिलाय दैनिक अग्रदुत आव लिरनाय नुनो मोनदोंमोन, बितिसि आव
ग्रेद 4 नि साख्रि थिसननो थाखाय रायजो सोरखार नि गनायथि लानो नांगोन होनना, मैया
मोनसे खौरां मोनदों, बितिसि नि सिंनि सा 4 आबाद बिफान नि 4 थि ग्रेद आव साख्रि
मावनाय सोरखारि मावथि फोरखौ बितिसि सोरखार आ दाननो गोनां जाबाय, बितिसि नि जइन्त
सेक्रेतारि बिथाङा बितिसि नि आबाद बिफान नो रेगुलार खालामनायखौ केनसेल खालामनो
बिथोन होदों, फिक्स पे नि मावफारिया बिथांमोना, सा 4 साख्रि मावनाय सुबुं फोरनि
मुङा सरजित बर्मन, महित नार्जारि, प्रबिन कुमार बसुमतारि आरो राज्जाकुल आजिम
पातगिरि।
गुवाहाति
सिलसाको आव होखारजानाय नखर फोरनो फिन थांना थानायनि राहा आरो खहा सुफुंनायनि दाबि
आव केबिनेत नि मन्थ्रि रनुज पेगु बिथांजों मैया जनता भवन नि बि ब्लक आव होखारजानाय
नखर फोरनि जथाय मन्स आरो कृसक मुक्ति संग्राम समिति नि दैदेनगिरिफोरा सावरायलायो,
बेयावनो गांसे गोसोखांलाय होयो होनना मिथिना मोनदों, हा नि पत्ता, खहा सुफुंनाय
आरो फिन थांना थानायनि राहा खालामनाय बायदि बायदि नि दाबि दैखाङो, सावरायलायनायनि
उनाव मन्थ्रि बिथाङआ दुर्गा फुजा नि उनाव शिलसाको बिल आव जरिप एबा सारभे
सालायनायनि सोमोन्दै बुंदों होनना फोरमायनायजों लोगोसे 100 मितार नि सिङाव थानाय
गासैबो होखारजागोन होनना बो बुङो होनना फोरमायदों।
फिन खनसेबाव
गुबुन रायजो आव आसामनि सासे सिख्ला नि जिउ गोमादों, नुमलिगर नि सिख्ला खौ
बुथारनायनि सन्देह खालामदों सिख्ला नि नखर आ, बगिजान थाना याव गसर होनो
थांदोंमोनब्लाबो लायासै होनना बुंदों, नुमलिगर नि मरङि मैजा नि मुरफुलनि नि
कर्दैगुरि नि सिख्ला या 8 दान नि सिगां गोमादोंमोन, बेनि उनाव नो बगिजान थाना याव
गोमानायनि एजाहार होदोंमोन, नाथाय दायो भानु दास मुंनि सिख्ला नि गोथै देहा खौ
चेन्नाई नि सेंगालपत्तु मेदिकेल कलेज हस्पितेल आव मोनदों होनना खौरां मोननानै
सन्देह जादों, बुथारनायनि सन्देह, बेनि सायावनो गोदान बुथारनायनि केस होनो
थांदोंमोन, नाथाय बेखौ लायासै, बिथांमोननि बादिब्ला चेन्नाई आव थैदोंब्ला चेन्नाई
आव सो अजद होनो नांगोन, दायो नखर नि सुबुंफोरा न्याय मोननो दाबि दैखांदों।
मैया साख्रि
थिसननाय आव बेलेबेजे जानायनि अजद होनाय तेत नि फोरोंगिरि भिक्तर दास खौ सासपेन्द
खालामबाय होनना फोसावदोंमोन रायजो सोरखार, मैया बेनि सायाव नो आसामनि सोलोंथाय
बिफान नि मन्थ्रि रनुज पेगु बिथाङा खौरांगिरिफोरनि सिगाङाव बुंदोः पुलिस नि जे आव
थानाय नि थाखाय सो बिखौ सासपेन्द खालामदों होननानै, 1994 आसाम सार्भिस दिसिप्लिन
एक्त नि सिङाव थानाय दफा नि बादिब्ला जायखिजाया सुबुं आ 48 घन्ता पुलिस नि जे आव
थायोब्ला सासपेन्द खालामनाय जायो, बेखायनो थांनाय 13 सेप्तेम्बर खालि नो बिनो नतिस
हरनाय जादोंमोन, बिखौ कसिं नङाब्ला तिउसन खालामनायनि थाखाय सासपेन्द खालामाखै
होनना मन्थ्रि बिथाङा रोखा खालामना होदों।
दिल्लि नि
गिबि मन्थ्रि अरबिन्द केजरिवाल नि बेरेखा गाज्रि आखु दिन्थिनायनि थाखाय भारतनि
हादरगिरि द्रोपदि मुर्मु बिथांनिसिम सा 30 बारग आइपिएस आ अजद होदों होनना बुंदों,
साधारन सुबुंफोरनि नोजोर आव पुलिस खौ खलनायक खालामनानै राजखान्थियारि लाभालाभ नि
थाखाय नाजादों होनना लाइजाम आव लिरना हरदों होनना खौरां मोनदों, मखजाथावदि 12
सेप्तेम्बरखालि गुजरात आव केजरिवाल बिथाङा सासे अत सालायग्रा नि न आव हर नि आदार
जानो थांनाय आव नो ईसे नांलायनाय बायदि जादोंमोन, बे जाथाय नि सायावनो मोन 3 पेज
नि गांसे लाइजाम लिरनानै अजद होदों बारग आइपिएस फोरा, रैखाथि नि बिबान आव थआनाय
पुलिस फोरखौ गाज्रि आखु दिन्थिनाय बायदि नि अजद, बे एखे आखु खौ नो पान्जाब
बिसायखथि आव बो दिन्थिदोंमोन होनना बो बुंदों। बेसेबां सैथो बेखौ नायबिजिरनायनि
उनाव सो मिथिगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon