Bodo news 9 September 2022 ~ Bodoinfo.com

रायजो आव फिन घुस लानानै हमजालायबाय सानै सोरखारि साख्रि मावग्रा फोरा, सानैबो बर सो, हमजादों सानै फरेस्तार आरो गार्द, कक्राझार जिल्ला नि गसाइगांव नि फरेस्तार कामिनि नार्जारि आरो गार्द प्रबिन ब्रह्म खौ हमदों, बिसोर मोनसे हाग्रा बिफान नि गसर खौ समाधान खालामनायनि मुङाव रां दाबि खालामदोंमोन आरो बेखौ लानाय समाव नो हमो। आसामनि एसदिजिपि बिथाङा गावनो बेखौ मिथिहोदों। साननैसो सिगाङाव बो सासे सोलोंथाय बिफान नि साख्रि मावनाय बर सासे आ हमजादोंमोन घुस लानानै, दिनै आरो सानै आ हमजाबाय। रायजो सोरखार आ जाख्लनाय, घुस लानाय नि बेरेखा जानाय खौ नुनो मोनबोगासिनो, जाय साधारन सुबुंफोरनि थाखाय जोबोद मोजां जादों।

मोनसे त्वित आरो बेनि उनाव नो गोबां सावरायलायनाय, रायजो आव जालांनाय 26 रोजा मासि नि साख्रि आव रां नि लेनदेन जादोंनामा, जाय सुबुं आ बे त्वित खौ खालामदोंमोन बे सुबुं खौ दायो हमनानै सोंगासिनो पुलिसफोरा। मखजाथावदि भिक्तर दास मुंनि सुबुं आ आसाम नि गिबि मन्थ्रि, दिजिपि, एसदिजिपि बिथांमोनखौ तेग खालामनानै आसाम आव साख्रि नि मुङाव 3 निफ्राय 8 लाख सिम रां बिनाय सोलिगासिनो होनना बुंदोंमोन, दायो बेनिनो फोरमान नि थाखाय जेरा खालामगासिनो बे त्वित खालामग्रा खौ। दायो गासैबो जाथाय आ नायबिजिरनायनि उनाव सो सोराङाव फैगोन, गोरोन्थि या सोरनि बेखौ उनाव सो मिथिगोन।

रायजो नि गुदि आरो गेजेर सोलोंथाय बिफान आ लोगोसे जासिगोन, रायजो सोरखार आ लोगोसे खालामनो थिरांथा लादों होनना मिथिना मोनदों, दायो गुदि आरो गेजेर सोलोंथाय बिफान खौ लोगोसे खालामनानै फरायसालि सोलोंथाय बिफान मुं जों गोदान खालामनाय जाबाय। मोननैबो बिफान नि गासैबो सोरखारि अफिसार मावथि फोरा बे फरायसालि सोलोंखाय बिफान नि सिङाव थागोन, दानिया गासैबो जगाजग खौ फरायसालि सोलोंथाय बिफान नि मुङाव खालामनो बिथोन।

फरायसाफोरा सानफ्रोमबो बादायलायनाय गोसो जों फरायनो नांगौ, गोसो होना फरायनाय जों लोगोसे खष्त बो खालामनो नांगौ, बरमा नि एम्पायार एकादेमि फरायसालि नि फ्रेसार्स बरायनाय हाबाफारि आव बाहागो लानानै बुंदों बरमा कलेज नि बारग प्रफेसार डा. अन्जालि दैमारि बिथाङा, दानि समाव रावबो सुबुं आ एरैनो सम खौ नष्त खालामा, फरायनायजों लोगोसे सम दिहुननानै गुबुन खामानि मावनो थाखाय नाजानो नांगौ, अब्ला सो जिउ आव आवगायलांनायनि लामा नुजायो।

गल्देन बय निरज चोप्रा नि आरो मोनसे रेकर्द, दायमन्द लिग आव चेम्पियन जानो हादों बिथाङा, टकिय अलिम्पिक आव सना नि मेदेल, वर्ल्द एथेलेतिक्स आव रुफा आरो दायो दायमन्द लिग आव चेम्पियन, जोबोद मोजां खौरां, दायमन्द लिग त्रफि खौ मोननाय बिथाङा नो गिबि भारतनि गेलेगिरि, 88.44 मितार खुबैनानै देरहानो हायो. मखजाथावदि फिसा जोखोम जानायनि थाखाय बिथाङा कमनवेल्थ गेम्स आव बाहागो लानो हायाखैमोन, बेयाव बाहागो लानो हानायमोनब्ला भारत नि मेदेल आ आरो मोनसे बारा जाबावगौमोन दां। 24 बोसोर बैसो नि निरज नि देरहानाय आ भारतारिफोरनो गोजोननाय होदों।