आसामनि मोन 6
हारि नो एसति होआसै, बेनिनो गोबां जायगा याव बेनि बेरेखा जानायखौ नुनो मोनदों,
गुबुन गुबुन दोलो संगथन फोरा सोरखार नि बेरेखा जानायखौ दिन्थिदों। गुबुन गुबुन
जायगा नि बादि नो धेमाजि आव बो ताइ आहोम फरायसा आफाद आ आसामनि गिबि मन्थ्रि आरो भारत
नि गाहाय मन्थ्रि नि मुसुखा बानायना सावना होदों, आसामनि गिबि मन्थ्रि नि दैदेननाय
आव मोन 6 हारि नि एसति नि थाखाय मदेलिति कमिति दादोंमोन, नाथाय बेनि रिपर्त खौ
मिरु केबिनेत आव फोसावनि नि थाखाय नो एसति जायासै होनना बुंदों बिसोर, सोरखार नि
बेरेखा जानाय आरो गोसो गैयि नि फिननाय होनो थियारि होनना बो बिसोर बुंदों, गुबुन
फारसे आसामनि गिबि मन्थ्रि आ बुंदों आसाम आव एसति नि दाबि खालामनाय आरो दानि एसति
फोरनि गेजेराव सावरायलायनाय जादों होननानै, बेनि समाधान जायोब्ला सो एबा गोरोबलायोब्ला
सो जानायनि सोमोन्दै बुंदों। गुबुनफारसे माजुलि आव बो सुतिया फरायसा आफाद नि धर्ना
हाबाफारि सोरखार नि बेरेखा, थाबैनो एसति होआब्ला लोकशभा बिसायखथि आव बेरेखा जागोन
खौ फोरमायदों। कोश राजबंशि फरायसा आफाद आ बो बङायगांव आव सोरखार नि बेरेखा धर्ना
होदों। गासै आसामनाङै नो दुंहाव थासारि सोमजिगोन नामा।
रेल नि खिरखि जों मबाइल सिखाव खालामनो थांनानै सिखाव आ गावनो जेंना याव गोग्लैबाय। ससियेल मिदिया याव भाइरेल मोनसे भिदिअ, बिहार नि खगरिया रेल स्तेशन आव जादों होनना मिथिना मोनदों, सासे सुबुं खौ रेल सोलिबाय थानाय आव नो खिरखि नि बाहेर आव होस्रिखावनाय नुनो मोनदों, आखाय मोननै आ रेल नि सिङाव, नाथाय मोदोम आ रेल नि बाहेराव, सिखाव नि सान आ गाज्रि मोन, मबाइल खौ लांनो नागिरनाय आव नो हमो, आरो लोगो लोगो बे समाव नो रेल खौ बो सालायनाय जागायो, जायनि थाखाय नो सिखाव आ हमजानाय आव ओंखारनो हायि जायो, रेल निफ्राय गोग्लैजानो गिनानै होस्रिखावनो हमो आखाय खौ हगारनो नाङा आखायखौ हगारनो नाङा होनना, गुबुनफारसे जायनि मबाइल खौ सिखाव खालामनो नागिरदोंमोन बिनो बिखौ बासायो बो। ससियेल मिदिया याव गोबां भाइरेल जागासिनो बेयो, नेत बाहायग्रा फोरा गोजोननाय लागासिनो।
सा 4 बर सुबुंफोरा गोमानानै दं, थांनाय सम्बारखालि बांगालुरु आव खामानि मावनो होनना थांदोंमोन, नाथाय दायो आन्दायना दं होनना मिथिना मोनदों, बेखायनो सोरबाफोर नुदोंब्ला खोन्था हरनो खावलायदों, गोमानाय सुबुंफोरनि मुङा नासिराम बसुमतारि, बुरा बसुमतारि, नान्दुला दैमारि आरो खिरोद ब्रह्म। सिरां जिला नि गासैबो। त्रेईन नि गेजेरजों थांदोंमोन, सासे नि बिसि आ बुंनाय बादिब्ला मानो बेबायदि जाखो मिथियाखै होनना फोरमायो, बुलायलायनायनि सोमोन्दै बो बुंदों, बेखायनो नुबाय बायोब्ला हमनानै दोननो खावलायदों। सासे नि आव फन दंब्लाबो दायो अफ सो जाबाय होनना बो बुङो।
मिरु नखर मन्थ्रि अमित शाह आरो आसाम नि गिबि मन्थ्रि नि नुजाथिनाय आव गोदान दिल्लि आव मैया आसामनि गासै मोन 8 आदिबासि बिग्रायारि ग्रुप जों गोजोन गोरोबथा जायो, बुंनाय जादों आसामनि आदिबासि आरो साहा जनगोस्ति सुबुंफोरनि जेंना खौ सुस्रांनायनि थाखाय नो बे सान्ति सुक्ति खौ खालामदों होनना बुंदों। मोन 8 ग्रुप नि मुङा बिसिएफ, एसिएमए, ए एन एल ए, एपिए, एसतिएफ, ए एन एल ए(एफजि), बिसिएफ(बिति) आरो एसिएमए(एफजि)। बे सुक्ति नि हाबाफारि आव आसामनि गिबि मन्थ्रि, मिरु नखर मन्थ्रि अमित शाह बिथांजों लोगोसे मिरु मन्थ्रि रामेश्वर तेलि, राज्यसभा नि एमपि कामाख्या प्रसाद तासा, आसामनि मन्थ्रि सन्जय किषान आरो लोगोसे मिरु आरो आसाम सोरखार नि गोजौ थाखो नि अफिसार फोरा बाहागो लादोंमोन। बे हाबाफारि आव मन्थ्रि अमित शाह बिथाङा सा सानजा भारत खौ 2025 मायथाइ नि गेजेराव उदखारि उदां खालामनायनि थांखि। गाहाय मन्थ्रि आ सा सानजा भारत नि शांति आरो जौगानाय नि थाखाय गोबां नाजागासिनो होनना बुंदों, मखजाथावदि गासै सा 1182 केदार फोरा हाथियार जों लोगोसे गावखौ गथायो।
बाक्सा नि सालबारि आव आयेन बेरेखा मोजां मोननाय नि थाखाय जादों मोनसे गिथावना बुथारनाय जाथाय, हाबा जाखानाय मोजां मोनग्रा या मोजां मोनना. जों लोगो जानानै सासे सेंग्रा खौ बुथारनानै दैमा याव गारना हगारना होबाय, बुथारजादों गोबर्धना थाना नि सिंनि सुनबारि नि जामाल उददिन, दायो जामाल नि बिसि जयगन नेशा आरो जयगन नि मोजां मोननाय साहादत आलि खौ हमबाय होनना मिथिना मोनदों। सानैबो पुलिसफोरनि सोंनाय आव बेंकि दैमा याव गोथै देहा खौ गारनायखौ नागिरगासिनो पुलिस आरो एनदिआरएफ नि दोलो आ। जयगन आरो साहादत नि गेजेराव आयेन बेरेखा मोजां मोननाय नि सोमोन्दो दंमोन।
स्पेशियेल बिरखं नि गेजेरजों भारत आव लाबोगोन गोमालांनाय मोसा, भारत नि गाहाय मन्थ्रि नि जोनोम सान आ स्पेशियेल जागोन। 17 सेप्तेम्बर आव गाहाय मन्थ्रि नरेन्द्र मोदि नि जोनोम सान, बे सानखालि नो हादर आव लाबोनाय जागोन गोमालांनाय मोसा, 70 बोसोर नि उनाव नामिबिया निफ्राय मा 8 मोसा भारत आव फैगोन, स्पेसियेल बिरखं जों लाबोगोन, बेखौ लायनो थांनाय स्पेशियेल बिरखं आव बो मोसा नि सावगारि आखिदों होनना मिथिना मोनदों, मध्यप्रदेश नि कुनो पालपुर माहारियारि हाग्रामा याव लाबोनाय जागोन।
ईउक्रेइन खौ गाग्लोबना लानानै सुथुर आ बारा जादों रासिया नि हादरगिरि भ्लादिमिर पुतिन नि, गाग्लोबजागोन होनना साननाय समाव नो गाग्लोबजामारदों हादरगिरि आ। नाथाय बारगबाय। गाग्लोबनाय जों सोमोन्दो थानाय गोबां दायनिगिरिफोरखौ हमदों होनना मिथिना मोनदों, गोबां खौरां बिजोंनि फोसावजानाय खौरां नि गेजेरजों सोराङाव फैदों गाग्लोबजानाय आ। बेरेखा दोलो आ पुतिन खौ बिबान एंगारनो दाबि दैखांदोंमोन, दासिमबो सोर खालामदों मानो खालामदों बेनि सोमोन्दै जेबो खौरां मोनाखै।
फरायसालि आव फैनाय धोन खौ जाख्लनायनि दाय आव सासपेन्द खालामजादों सानै गाहाय फोरोंगिरि फोरा। धुबुरि नि सानै आ जाख्लनायनि दाय आव खालामजादों, भारत बांलादेश सिमना नि नबाब आलि मेमरियाल फरायसालि नि गाहाय फोरोंगिरि जो खौ सासपेन्द, मुङा सुलता बेगम आरो लोगोसे 946 नं गेजेर मधु शलमारि जे बि फरायसालि नि सामसुल हक खौ बो सासपेन्द खालामदों होनना मिथिना मोनदों, गासैबो फरायसालि नि रां खौ जाख्लदोंमोन।
फैगो 23 सेप्तेम्बर आव कभिद नि उनाव गिबि खेब नि थाखाय दावबायारिफोरनि थाखाय बेखेवना होगोन भारत भुतान सिमना नि गेत खौ, भुतान नि दैदेनगिरिफोरनि हानजा या मैया बितिसि नि बिबानगिरिफोरजों सावरायलायदोंमोन आरो बेनि उनाव नो 1-2 बोसोर सो नि उनाव बेखौ बेखेवना होफिननायनि सोमोन्दै फोसावो, कभिद नि गोसारनाय आ बारा जानायनि थाखाय नो बेखौ बन्द खालामना दोनदोंमोन, दायो खुलिफिननाय नि थिरांथा।
सिबसागर आव दुंहाव थासारि, एसति नि मोनथाय मोनि नि थाखाय गोबां दोलो संगथनफोरनि मुसुखा सावनाय नुनो मोनदों, सिबसागर नि दलमुख सारिआलि आव ताइ आहोम युव पऱिषद, मतक फरायसा आफाद नि खुद्रिसारनाय, लोकसभा बिसायखथि नि सिगाङाव नो एसति नि मोनथाय होनो दाबि खालामदों। फैगो समाव बिजेपि सोरखार आ बेनि फिथाय खौ मोनगोन होनना बो वार्निं होदों दोलो संगथन फोरा। आसामनि गिबि मन्थ्रि, भारत नि गाहाय मन्थ्रि बिथांमोननि मुसुखा बानायना सावदों होनना मिथिना मोनदों। मखजाथावदि मिरु सोरखार आ मैया मोन 5 रायजो नि 12 हारि पोरनो एसति नि मोनथाय होदोंमोन, नाथाय आसामनि मोनसेबो हारि नो होआखै जायनि थाखाय नो बे धर्ना खौ होदों।
बे साननैसो आसाम आव बेबायदि जाथाय नि खौरां खौ मोनबाय नो थानाय जादों, ब्रयलार फार्म नि थाखाय नो नखरसे खौ हारसिं खालामबाय। नगांव नि जाथाय बेयो, थांनाय 3 बोसोर हारसिं जानानै दं नखर से आ, नगांव नि तुलसिमुख देउरिगांव आव बेबायदि खालामदों होनना मिथिना मोनदों, ब्रयलार फिसिनानै नखर सालायनाय आ नो गोरोन्थि जाबाय समाज नि नोजोर आव, अपुर्ब दास मुंनि सुबुं नि नखर खौ हारसिं खालामो, बेल नङा बिनि बिदा, नखर नि सुबुं फोरखौ बो हारसिं खालामो जायनि थाखाय नो दुखु मोननाय खौ फोरमायदों बिमा या, मखजाथावदि लकदाउन नि समाव अपुर्ब दास आ गामि नि गोबां नखर फोरखौ मदद बो खालामदोंमोन, नाथाय बेनि उनाव बो मेगेन गेवासै रायजोफोरनि।
नयदा नि न गंसे नि बाहेर आव लाखिना दोननाय गंसे मार्शिदिज गारि आव हरखाब अर नाङो, ओनसोलनि खाथि आव थानाय सुबुं फोरा गारि नि मालिक खौ लिंनानै अर खौ खोमोरदोंमोब्लाबो 1 कौति रां नि गारि नि गोबां खहा जायो, उनाव अर नांनायनि जाहोन खौ नागिरनानै सिसि तिभि चेक खालामो, सिसि तिभि आव नुनानै सोमोनाङो, सासे मथर साइखेल आव फैनाय सुबुं आ गारि आव अर लागायना होयो, बे सुबुं आ बिनि न आव खामानि मावनाय राजमिस्त्रि मोन, उनाव राजमिस्त्रि खौ हमो होनना मिथिना मोनदों, उनाव सोंनाय आव मिथियो दि राजमिस्त्रि आ बे गारि नि मालिक नि आव ताइल्स लागायना होनायनि उनाव 2 लाख रां होनो दंमोन, बेखौ मोनि नि थाखाय नो खालामदों होनना बुंना लायो, 2019-20 मायथाइ निफ्राय बेखौ मोनाखैमोन, गारि आव पेत्रल सारनानै सावना होदों होनना मिथिना मोनदों। गुबुनफारसे मालिक आ बेखौ नंखाय होनना बुंदों,
दुखुनांथाव, 23 रोजा रां नि सालान मोननाय नि उनाव जिउ नि जोबथा थिरांथा लाबाय सासे अत सालायग्रा या। दानफ्रोमबो गारि नि किस्ति होनो नांगौ, नखर सालायनो नांगौ, बेनि गेजेरावनो गारि मोजां खालामनो बो गोनां जायो, बेफोरबायदि नि थाखाय नो उन्दुनो ओंखारि जायो केब सालायग्रा, अत सालायग्रा फोरा, जाथाय आ उत्तर प्रदेश नि, गामि आव थानाय बिफा नि सम्पति महरै थानाय हा खौ फाननानै गंसे अत लानाय सुनिल गुप्ता या खम रां आर्जिनानैब्लाबो गथ सानै आऱो बिसि खौ नायोमोन। बिसि आ बुंनाय बादिब्ला सुनिल आ मोननै सालान मोनदोंमोन 1 खावसे दान आव, गिबि मोनसे आ 10 रोजा रां नि मोन आरो बेखौ माबोरै होगोन सानबाय थानाय समाव नो 13 रोजा रां नि आरो मोनसे सालान बो मोनो, मोननैखौ लोगोसे यै 23 रोजा रां होनो थांनानै रांखान्थियारि जेंना जों मोगा मोगि जानाङो, जायनि थाखाय नो गावखौनो बुथारनायनि थिरांथा लायो। गुबुनफारसे जिल्ला नि एसपि बिथाङा बेनि नायबिजिरनाय आ सोलिबाय थानायनि सोमोन्दै बुंदों, नायबिजिरनायनि उनाव सो मिथिगोन गोरोन्थि आ सोरनि।
भारत आव गिबि खेब 17 बोसोर बैसो नि सिंनि फिफा आयजो वर्ल्द काप आ जागोन, बेखौ खुंनो थाखाय मिरु केबिनेत आ गनायथि होबाय, मैया भारत नि गाहाय मन्थ्रि नि दैदेननाय आव जानाय केबिनेत नि जथुम आव नो बे थिरांथा खौ लायो। केबिनेत नि सोरखारि प्रेस रिलिज नि गेजेरजों बेखौ मिथिहोदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon