20 September bodo news 2022 ~ Bodoinfo.com

आखाय आव मा 5 लोकेल दाव थैनाय फोरखौ लानानै थाना याव थांबाय सासे आय़जो आ, थैनाय दाव फोरखौ लानानै बुथारग्रा नि मुंजों मोनसे एजाहार होयो, जाथाय आ हाजो नि, एजाहार आव सा 3 बुथारग्रा फोर सरिफुल, हासिना आरो ईक्राम नि मुं खौ लिरना होदों, आयजो आ हाजो नि खोला बर्नि नि होनना मिथिना मोनदों, मुङा तशलिमा बेगम, जाथायनि सोमोन्दै बुंनाय बादिब्ला तशलिमा या फिसिनाय दाव हांसो आ सरिफुल नि आबाद फोथार आव थांनानै नष्त खालामना होनायनि थाखाय ननै नि गेजेराव नांलायनाय जाबायनो थायोमोन, बेबायदि नि गेजेरावनो रबिबारखालि तशलिमा नि दाव फोरखौ सा 3 सुबुं आ बिष होनानै बुथारनायनि गिदिर अजद होयो, दायो थाना याव थांनानै तशलिमा नि दाबि, न्याय नांगौ होनना, बे जाथाय आ हाजु आव गोबां सावरायजादों, जाथाय आ गुबुन रोखोमनिब्लाबो नाथाय तशलिमा या आयेन बादियै थांनाय आ गोबां जों नो मोजां मोनजादोंबो।

बितिआर नि सदर सहर कक्राझार आव मैया सम्बारखालि बदलेन्द जनजाति सुरक्सा मन्स आ 3 घन्ता नि धर्ना हाबाफारि लानाय जादोंमोन, आफादगिरि जनकलाल बसुमतारि, लोगोसे दावराव देख्रेब नार्जारि बिथांमोननि दैदेननाय आव नो जायो बे हाबाफारि आ, बितिआर जों लोगोसे गासै आसाम आव नो जनजाति फोरनि हा खौ दखल खालामना लानायफोरनिफ्राय उदां खालामनो दाबि दैखाङो।, बे हा दखल खालामना लाग्राफोरखौ होखारनो दाबि दैखांदों, खौरां बिजोंनि गेजेरजों दावराव देख्रेब नार्जारि बिथाङा गौहाति जौसिन बिजिरसालि खौ आसाम लेन्द रेभिनिउ एक्त नि 10 नं दफा बादियै बितिआर जों लोगोसे गासै आसाम नि नो आयेन बेरेखा यै दखल खालामना लाग्रा फोर निफ्राय उदां खालाम होनना खावलायो, बितिआर आव 3 लाख 79 रोजा 505 बिघा जनजाति फोरनि हा या गुबुन नि दखल आव दं होनना बो बुङो बिथाङा, मैया नि धर्ना हाबाफारि आव बारग एमपि सानसुमा खुंगुर बैसुमुथियारि बिथाङा बो दंमोन, बिथाङा बिजिरसालि नि बिथोन बादियै प्रमद बर बिथाङा हा दखल खालामना लाग्रा फोरखौ होखारनो नांगौ होनना बुङो, आयेन बादियै, धर्ना हाबाफारि जोबनायनि उनाव जिल्ला बेंगिरि नि गेजेरजों रायजो नि गिबि मन्थ्रि नि सिम गोसोखांलाय गथायदों होनना मिथिना मोनदों।

मैया बिधानसभा नि सदन आव 30 नं ककक्राझार सानजा बिधानसभा बियाब नि एमएलए लरेन्स ईश्लारि बिथाङा बर बिजों नि फराफारि खौ जौसिन फरायसालि सिम लांनायनि थाखाय सोरखार नि सिम साबायखर बावहरो, 1963 मायथाइ निफ्राय आसाम आव बर बिजों आ फैनायनि उनाव गुबुन गुबुन जेंना जेंसि नि गेजेरजों बे थासारि सिम मोनफैदों होनना बुङो, बिथाङा लोगोसे बितिआर सुक्ति नि 6.3 नं दफा बादियै फरायसालि खौ सोरखारि खालामनो लानाय थिरांथा खौ बो बरायो आरो लोगोसे थाखो 3 निफ्राय सानखान्थि आरो बिगियान आयदा खौ ईंराजि आव फरायहोनो लानायखौ लानानै गोरोन्थि बुजिलायनाय खौ फोजोबनो साहित्य सभा आरो फरायसा आफादफोरजों सावरायलायनानै फोजोबनो खावलायो।

साखनद्रा नि नंखाय खौरां फोसावना लानानै हमजालायबाय आयजो जों लोगोसे सासे हौवा, लंका नि काकि आव साखनद्रा नि नंखाय खौरां फोसावदोंमोन, हमजानाय हौवा नि मुङा खाइरुल ईश्लाम आरो आयजो नि मुङा ममता बेगम, सानैनिबो न आ काकि नि 2 नं तङिया याव, साखनद्रा खौ लानानै खाइरुल आ ससियेल मिदिया याव खन्थाय मोनसे लिरदोंमोन, बे खन्थाय खौ नो सेयार खालामदोंमोन ममता बेगम मुंनि आय़जो आ, सानैखौबो हमनानै पुलिस फोरा नायबिजिरनायखौ जागायबाय।

बिश्वनाथ सारियालि नि सोहोर नि गेजेराव थानाय गंसे संख्रि नि गुदाम आव मोननै बन्दुक मोनदों हाग्रा बिफान नि नायबिजिरनाय दोलो आ, बे जाथायजों सोमोन्दो थानाय नि सन्देह आव सानै खौ हमदों होनना बो मिथिना मोनदों, बिष्णु पान्दिया मुंनि फालामगिरि नि संख्रि नि गुदाम निफ्राय मोननाय नि थाखाय बिखौ हमनायजों लोगोसे पिंकु मन्दल मुंनि फलान नो हाथियार जगायनाय सासे सुबुं खौ हमदों, बे हाथियारफोरखौ गान्दा बुथारनाय आव बाहायनायनि सन्देह, मिथिना मोननाय बादिब्ला बिसोर सानै आ बिहार निफ्राय लाबोनानै बेखौ सिकारि फोरनो जगायना होयो, मोननाय हाथियार गंनै नि गंसे आ मदिफाइद रायफल आरो गंसे आ मदिफाइद पिस्तल, गंनैबो आव नो थ्रि नत थ्रि रायफल नि गुलि बाहायनाय जायो।

फिसाज्ला फिसाजो जों लोगोसे बिजेपि दोलो आव हाबबाय पान्जाब नि बारग गिबि मन्थ्रि अमरिन्दर सिं आ, पान्जाब नि बारग गिबि मन्थ्रि आरो लोक कंग्रेस नि गाहाय केप्तेइन अमरिन्दर आ दिल्लि नि दोलो नि मावखुलि आव बिजेपि नि दैदेनगिरि बिथंमोननि नुजाथिनाय आव जइन जायो, खौरां मोननाय बादिब्ला बिथाङा गोदान दानाय गावनि दोलो आ बो बिजेपि जों लोगो जागोन, मखजाथावदि थांनाय बोसोर आव कंग्रेस दोलो खौ बिथाङा गारदोंमोन।

तिनसुकिया नि खैला खनि आव सा 3 श्रमिक नि जिउ गोमादों, लोगोसे गोबा श्रमिक फोरा जोखोम जादों होनना मिथिना मोनदों, गेस ओंखारनायनि थाखाय नो बेयो जादों होनना मिथिना मोनदों, लिदु नि कंग्रेस फिल्द नि खाथि नि खैला खनि आव बे जाथाय आ जादों, थैनायफोरनि मुङा शहिदुल ईश्लाम, हुसेइन आलि आरो आशमत आलि, हर आव बिसोर नि गोथै देहा खौ फबना दोननायनि अजद नखर नि, बे जाथायखौ खोमोरना दोननो नागिरदोंमोन खैला खनि नि मालिक आ होनना बो अजद होदों, दायो नायबिजिरनाय आ जागायबाय।

एशियान बक्सिं स्कुवाद आव अंकुशिता बर, लाभलिना बरगोहाइ आरो शिव थापा या जायगा मोननो हादों, 30 अक्तोबर निफ्राय 12 नबेम्बर सिम जर्दान आव जानो गोनां गेलेनाय बादायलायनाय आव गेलेनो थाखाय जायगा मोनदों, अंकुशिता या 66 केजि आव, लाभलिना या 75 आरो शिब आ 63.5 केजि नि आव गेलेगोन होनना मिथिना मोनदों।